Fréttablaðið - 17.02.2006, Page 40

Ferðin var farin í þeim tilgangi að
slá hraðametið á leiðinni frá Patriot
Hills til Suðurpólsins. Fyrra metið
var tuttugu og fjórir sólarhringar
en Gunnar og breskir félagar hans
slógu metið svo um munaði og fóru
leiðina á 69 klukkutímum og 30
mínútum.
„Hugmyndin varð til hjá Bretun-
um. Þeir voru á pólnum einhvern
tíma og þegar þeir voru að leggja af
stað heim sáu þeir Land Rover keyra
um borð í flugvél. Þeir ákváðu þá
að þeir einu sem gætu slegið metið
og keyrt þessa tólfhundruð kíló-
metra á stuttum tíma væru Íslend-
ingar,“ segir Gunnar. Þeir höfðu
svo samband við Gunnar og hann
smíðaði bílinn sem notaður var. Til
fyrirmyndar notaði hann bíl sem
hann smíðaði fyrir sjö árum, sex
hjóla Econoline sem gengur undir
nafninu Icecool og er í eigu hans
sjálfs.
„Ég klónaði gamla bílinn algjör-
lega enda hefur hann reynst vel.
Bíllinn stóð sig líka mjög vel í ferð-
inni. Það bilaði einn reimastrekkj-
ari en allt annað var í stakasta lagi
allan tímann. Lykillinn var að vinna
heimavinnuna hér á Íslandi, það
skipti höfuðmáli og allar ákvarð-
anir og breytingar voru skoðaðar
frá A til Ö áður en þær voru fram-
kvæmdar. Enda prufaði ég ekki
bílinn nema í klukkustund áður en
hann var sendur út. Rétt skaust upp
á Mýrdalsjökul, niður í fjöru og svo
beina leið í skip,“ segir Gunnar.
Erfiðasta áskorunin reyndist líka
ekki vera að koma bílnum á leiðar-
enda, heldur að halda sér vakandi
allan tímann. „Það var rosalega
erfitt,“ segir Gunnar. „Þetta er svo
hrikalega óslétt svæði á köflum.
Og ólíkt því sem við þekkjum hér.
Þarna er alltaf frost þannig að
snjórinn hlýnar aldrei og stirðn-
ar aldrei. Hann skefur í skafskafla
sem eru grjótharðir. Það er aldrei
snjóbráð þarna svo þetta var allt
grjóthart. Að vita að kannski næstu
þrjúhundruð kílómetrar sem voru
framundan væru í svona færi var
oft erfið tilhugsun. Í samanburði við þetta er barnaleikur að keyra
yfir hálendi Íslands,“ segir Gunnar.
Það er þó ljóst að samspil manns
og vélar hefur gengið vel því í tæp-
lega þrjá sólarhringa stóðu bæði
Gunnar og bíllinn í ströngu og slógu
hvorugur feilpúst. Því til sönnunar
er heimsmet sem verður vart sleg-
ið í bráð, enda bætingin rúmlega
áttföld frá síðasta meti.
Hápunktur ferðarinnar var svo
auðvitað koman á Suðurpólinn.
„Það var stórkostlegt að ná loksins
þessu langþráða markmiði. Ég var
orðinn mjög þreyttur en gat trapp-
að mig niður. Ég gat ekki sofið fyrst
nema í klukkutíma og klukkutíma
en að lokum náði ég að hvílast,“
segir Gunnar.
Dvölin á pólnum stóð í fjóra
daga og það kom Gunnari mikið
á óvart hversu mannmargt var
þar. „Það er mikil byggð þarna. Á
pólnum sjálfum eru 250 manns við
vinnu og ég var hissa að sjá hvað
voru mikil umsvif þarna og mikið
um að vera. Ég vissi að það væri
eitthvað þarna en ekkert í líkingu
við þetta. Okkur var mjög vel tekið,
ekki síst af því að við komum keyr-
andi en það gerist ekki á hverjum
degi. Við fengum að fara um allt og
skoða allt og var hvergi bannað að
vera. Það voru allir mjög vinalegir
og engin vandamál. Við þurftum
náttúrlega að vera sjálfbjarga með
mat og þess háttar, enda von á
þessum stað, en móttökurnar voru
mjög góðar,“ segir Gunnar.
Það krefst umtalsverðrar kunn-
áttu, færni og reynslu að takast á
við verkefni eins og það að smíða
bíl og slá á honum heimsmet við
svo erfiðar aðstæður. Þar að auki
var tíminn til verksins knappur því
haft var samband við Gunnar í apríl
á síðasta ári, aðeins átta mánuðum
áður en pólnum var náð.
Gunnar hefur helgað hluta lífs
síns jeppamennsku. 1980 eignaðist
hann sinn fyrsta jeppa, Ford Bronco
árgerð 1973. „Maður var aðeins með
puttann í þessu áður. Ég átti svo
Willy‘s og síðar LandCruiser sem ég
smíðaði báða. 1999 smíðaði ég svo
Icecool og hef verið á honum síðan.
Frá 1991 var ég í torfærunni, fyrst
á Willy‘s og svo á torfærugrind sem
ég smíðaði,“ segir Gunnar og bætir
við að uppáhaldsferðirnar hans séu
vetrarferðir með félögum hans úr
Jöklarannsóknarfélaginu. „Þeir eru
uppáhaldsferðafélagar mínir. Þetta
er um sex bíla hópur sem hefur
ferðast svolítið saman og við þekkj-
um hvern annan.“
Að loknu ævintýrinu á Suð-
urpólnum er bíllinn á leiðinni til
Íslands í yfirferð og viðhald. Því
næst fer hann aftur til Bretlands þar
sem hann verður til sýnis í háskól-
um og söfnum í tengslum við Suð-
urpólinn. Að því loknu verður hann
settur á safn. Spurður hvort honum
finnist ekki sárt að sjá svo fullkom-
inn og góðan ferðabíl fara strax
á safn segist Gunnar þvert á móti
vera ákaflega stoltur af honum.
„Íslenska leiðin væri sú að útjaska
honum á fjöllum og láta hann svo
standa undir húsvegg í tuttugu eða
þrjátíu ár, gera hann þá upp og setja
loks á safn. Mér líst mjög vel á að
hann fari strax á safn í sínu besta
formi,“ segir Gunnar.
Áform um næstu áskorun eru ekki
alveg ljós. „Mig langar rosalega að
fara þvert yfir Suðurskautið á alveg
eins bíl, með viðkomu á pólnum. Ég
veit svosem ekki hvort það verður úr.
Tíminn verður að leiða það í ljós,“
segir íslenski jeppasmiðurinn sem lét
sig ekki muna um að slá heimsmet
hinum megin á hnettinum.
6
Húðum felgur og dráttarbeisli
Felguhúðun á 4.500kr stk
S: 544 5700 * www.polyhudun.is
Smiðjuvegi 1 * 200 Kópavogur
E igum á l ager 350 R A L l i t i
Pólýhúðun ehf
Gunnar Egilsson jeppasmiður setti í vetur heimsmet þegar hann ók frá Patriot Hills að Suðurpólnum á 69 klukkutímum og 30 mínútum.
Bílinn smíðaði hann sjálfur fyrir Breta sem voru með honum í ferðinni. Sem fyrirmynd hafði hann bíl sem hann smíðaði fyrir sjö árum og
gengur undir nafninu Icecool. LJÓSMYNDIR: GUNNAR EGILSSON
Erfiðast að halda sér vakandi í 69 klukkutíma
Gunnar Egilsson þarf vart að kynna. Hann gat sér gott orð í torfæruíþróttinni fyrir nokkrum árum, hefur verið viðloðandi jeppamennsku enn
lengur og hefur breytt og smíðað bíla undir merkjum Icecool, þar á meðal sex hjóla bíla sem snúa hausum hvert sem þeir fara. Nýjasta afrek
Gunnars, og líklega það sem hann er hvað frægastur fyrir, er ferð hans á Suðurpólinn.
Gunnar á Suðurpólnum. Aðeins liðu átta
mánuðir frá því að haft var samband
við hann þar til hann stóð á pólnum. Í
bakgrunni er bíllinn sem hann smíðaði
sérstaklega fyrir ferðina.
Í Chile var bíllinn settur í flugvél sem flaug með hann til Patriot Hills.
Þegar Gunnar kom heim til Íslands aftur biðu félagar úr Ferðaklúbbnum 4x4 eftir honum
við Rauðavatn þar sem þeir mynduðu heiðursvörð. LJÓSMYND: ÓSKAR ANDRI
Brak af DC6-flugvél sem
brotlenti á Suðurskaut-
inu 1991. Áhöfnin komst
öll lífs af, en misslösuð.
Hreyfill vélarinnar klippti
fætur og höfuðleður af
einum í áhöfninni.
Töluvert þarf af
útbúnaði til að ferð-
ast 1.200 kílómetra.
■■■■ { á fjöllum } ■■■■■■■■■■■■■■■■■■■■■■■■■■■■■■■■■■■■■■■■■■■■■■■■■