Fréttablaðið - 17.02.2006, Blaðsíða 10

10 17. febrúar 2006 FÖSTUDAGUR
Sævarhöfða 2 Sími 525 8000 www.ih.is Opið: Mánudaga – föstudaga kl. 9.00-18.00 og laugardaga kl. 12.00-16.00
Micra
Verð 1.390.000 kr.
Með nagladekkjum, sjálfskiptur, 6 diska
geislaspilari, lyklalaus, sjálfvirkar rúðuþurrkur.
MICRA
NISSAN
RISASTÓR!
... með fría sjálfskiptingu
100.000kr. verðlækkun
SKIPT_um væntingar
Álfelgur á mynd eru aukahlutur
í febrúar og öryggisins vegna fylgja
vetrardekk á felgum með!
SKÓLAMÁL Stefán Jón Hafstein,
formaður menntaráðs Reykjavík-
ur, segir eðlilegt að ríkið hafi tón-
listarnám fólks á framhaldsskóla-
og háskólaaldri
á sinni könnu.
Stefán segir
þessar umdeildu
reglur hugsað-
ar sem lausn á
millibilsástandi
sem mennta-
málaráðuneytið
eigi sök á þar
sem ekki hafi
enn borist frum-
varp um rekst-
ur tónlistarskóla sem þó hafi átt
að koma vorið 2005. Hann bendir
jafnframt á að Reykjavík sé með
meiri tilslakanir í nýjum reglum
um tónlistarskóla heldur en hin
nágrannasveitarfélögin. - sdg
Formaður menntaráðs:
Tónlistarnám
á könnu ríkis
STEFÁN JÓN
HAFSTEIN
SKÓLAMÁL Guðný Birna Ármanns-
dóttir söngnemi segir sveitarfélög
á villigötum í nýjum reglum um
tónlistarskóla og að ekki sé hægt
að bera saman sérhæft tónlistar-
nám við nám á grunnskóla-, fram-
haldsskóla-, og háskólastigi.
Fólk hefji nám á öllum aldri en
með þessum reglum sé gert ráð
fyrir að tónlistarnám eigi að hefj-
ast á grunnskólaaldri.
Guðný tekur dæmi um söngv-
ara sem hefur söngrödd en ekki
endilega náð nægum þroska á
grunnskólaaldri. Hún segir afar
mikilvægt að losna við þessa teng-
ingu.
- sdg
Tónlistarnemum mismunað:
Vill jafnrétti til
tónlistarnáms
SKÓLAMÁL ,,Deilur sveitarfélaga og
ríkis eiga ekki að koma niður á tón-
listarnemum,“ segir Böðvar Reyn-
isson, formaður Félags tónlist-
arnema. Félagið hefur lagt fram
stjórnsýslukæru gegn Reykjavík-
urborg og Sambandi sveitarfélaga
á höfuðborgarsvæðinu.
Í tilkynningu frá félaginu
segir að nýjar reglur mennta-
ráðs Reykjavíkur og sveitarfé-
laganna um að hætta að greiða
með nemum sem hafa náð 25 ára
aldri brjóti gegn lögum um fjár-
hagslegan stuðning við tónlistar-
skólana, jafnræðisreglu stjórn-
arskrárinnar og meðalhófsreglu
stjórnsýslulaganna. Samkvæmt
lögum um fjárhagslegan stuðning
við tónlistarskóla eiga sveitarfé-
lög að greiða launakostnað kenn-
ara og sérstaklega er kveðið á um
að skólagjöld eigi að standa undir
öðrum kostnaði en launakostnaði
kennara og skólastjóra.
Sveitarfélögin hafa síðan 2003
átt í viðræðum við ríkið um að
það taki á sig fjárhagslegan þátt
tónlistarskólanna en lítið komið
út úr þeim viðræðum. Á opnum
fundi sem Félag tónlistarnema
hélt í lok janúar kom skýrt fram
í svörum fulltrúa borgarinnar að
verið væri að nota tónlistarnema
sem vopn gegn ríkinu, að sögn
Böðvars. - sdg
Félag tónlistarnema leggur fram stjórnsýslukæru gegn sveitarfélögum:
Notaðir sem vopn gegn ríkinu
BÖÐVAR REYNISSON Formaður Félags
tónlistarnema er ósáttur við það hvernig
komið er fram við tónlistarnema.
STJÓRNARSKRÁ Sameinaðar kvenna-
hreyfingar lögðu fram tillögur
um breytingar á stjórnarskrá í
vikunni. Birna Þórarinsdóttir,
framkvæmdastýra UNIFEM á
Íslandi, sagði þrjár megintillögur
hafa staðið upp úr við vinnuna:
Að tryggja jafna þátttöku kynja
við stjórnun landsins, skýr skylda
s t jór nva ld a
að tryggja
jafnrétti og
afnema mis-
munun og að
einstaklingar
njóti mann-
helgi og njóti
verndar gegn
ofbeldi, á
o p i n b e r u m
vettvangi sem
í einkalífinu.
Hreyfing-
arnar tóku sig saman þegar ljóst
var að endurskoðun stjórnar-
skrárinnar yrði opið ferli. Boðað
var til kvennaþings þar sem hug-
myndir voru mótaðar og hafa
mjög margir komið að vinnunni.
Kvennasáttmáli Sameinuðu þjóð-
anna liggur til grundvallar öllum
tillögunum.
Næst á dagskrá er að fá fund
með stjórnarskrárnefnd þar sem
fulltrúar hópsins munu kynna
skýrsluna. Birna segir að ákveð-
innar tregðu hafi gætt hjá nefnd-
inni við að yfirfara mannrétt-
indakaflann. Því er borið við að
hann hafi verið uppfærður fyrir
tíu árum og breytingar því ótíma-
bærar. Svona tímatakmarkanir
eru óeðlilegar við endurskoðun að
mati Birnu. Skýrslan er aðgengi-
leg á heimasíðu UNIFEM www.
unifem.is - sdg
BIRNA ÞÓRARINS-
DÓTTIR Vonast eftir
góðum stuðningi við
tillögurnar.
Jafnréttissinnar með tillögur um stjórnarskrá:
Krefjast breytinga
STJÓRNMÁL Björn Bjarnason dóms-
málaráðherra segir að skýrsla
starfshóps þingmanna og fleiri,
sem fjallað hefur um vændi, verði
framlag til umræðna um frum-
varpsdrögin um kynferðisbrot og
vændi. „Nefndin hefur tekið sér
þann tíma, sem hún hefur kosið
til að vinna sitt starf og vonandi
skilar hún skýrslu sinni, áður en
ég tek afstöðu til þess frumvarps,
sem Ragnheiður Bragadóttir próf-
essor vann.“
Stjórnarandstæðingar hafa
gagnrýnt harðlega að dómsmála-
ráðherra hafi lagt frumvarps-
drögin fram á undan skýrslu
starfshópsins sem skilar tillög-
um sínum á næstu dögum. Bæði
Kolbrún Halldórsdóttir og Ágúst
Ólafur Ágústsson lýstu þeirri
skoðun í Fréttablaðinu í gær að
það hefði lítinn tilgang að vinna
með dómsmálaráðherra.
Í starfshópnum hefur verið
meirihluti fyrir því að fara sænsku
leiðina svonefndu og gera kaup á
vændi refsivert. Sjálfstæðismenn
hafa ekki viljað fara þá leið.
Björn segir með öllu tilhæfu-
laust að hann hafi á nokkurn hátt
tafið störf starfshópsins. „Vegna
þessara ummæla þingmannanna
mun ég óska eftir sérstakri
skýrslu um það, hvers vegna
nefndin var svona lengi að ljúka
starfi sínu og hvenær þessir þing-
menn lögðu síðasta efni til skýrsl-
unnar. Yfirlýsingar þeirra Kol-
brúnar Halldórsdóttur og Ágústs
Ólafs Ágústssonar staðfesta þá
skoðun, að tvíbent sé að skipa
stjórnarandstæðinga í nefndir
á vegum ráðuneyta, því að slíkt
leiði því miður gjarnan til þess, að
hætt sé að ræða efni máls og tekið
til við umræður um aukaatriði,
sem engu skipta.“
Björn segir að þegar rætt sé
um úrræði vegna vændis sjái
hann ekki að lífsnauðsynlegt sé
að taka upp þá reglu sem tekin
hafi verið upp í Svíþjóð til þess
að sporna gegn götuvændi og
mansali. „Er glímt við mansal og
götuvændi hér á landi? Ég veit
ekki til þess; hvers vegna þurfum
við þá innfluttar lagareglur, sem
eru sérsniðnar til slíkrar glímu?
Mér virðist sem þau Kolbrún og
Ágúst Ólafur séu föst í þessari
sænsku leið,“ segir dómsmála-
ráðherra.
johannh@frettabladid.is
Ósáttur við
tafir nefndar
Dómsmálaráðherra bregst hart við gagnrýni stjórn-
arandstæðinga á frumvarpsdrög um vændi og
kynferðisofbeldi. Hann óskar eftir skýrslu um tafir
á störfum starfshóps sem fjallað hefur um málið.
BJÖRN BJARNASON DÓMSMÁLARÁÐHERRA Að mati ráðherra er ekki lífsnauðsynlegt að
taka upp þá reglu sem Svíar hafa tekið upp til að sporna gegn götuvændi og mansali.
FRÉTTABLAÐIÐ/VILHELM
STJÓRNMÁL Ágúst Ólafur Ágústs-
son, Samfylkingunni, segir það
valda vonbrigðum að ekki sé farin
leiðin til enda í frumvarpsdrög-
um dómsmálaráðherra og fyrn-
ing kynferðisbrota gegn börnum
afnumin.
„Í rauninni er aðeins verið að
lengja fyrningarfrestinn um fjög-
ur ár. Það býður heim þeirri hættu
að menn verði áfram sýknaðir á
grundvelli þess að brot sé fyrnt
þótt sekt sé sönnuð. Um 16 þúsund
nöfn eru nú á undirskriftalista
þeirra sem vilja afnema fyrning-
una,“ segir Ágúst.
Ágúst Ólafur hefur sjálfur lagt
fram frumvarp um afnám fyrn-
ingar kynferðisglæpa gegn börn-
um. - jh
Þingmaður Samfylkingar ósáttur við fyrningarákvæði:
Hefði átt að fara alla leið
PRJÓNUÐ HÁTÍSKA Sýningarstúlka skartar
prjónuðu háls- og höfuðskarti eftir fata-
hönnuðina Antoni & Alison á tískuvikunni í
Lundúnum. FRÉTTABLAÐIÐ/AP