Fréttablaðið - 29.04.2006, Blaðsíða 8

8 29. apríl 2006 LAUGARDAGUR
KOSNINGAR Fjórir framboðslistar
eru komnir fram í Árborg: B-listi
Framsóknarflokks, D-listi Sjálf-
stæðisflokks, S-listi Samfylkingar
og V-listi Vinstri grænna. Bæjar-
stjórn er skipuð níu fulltrúum.
Gífurleg fólksfjölgun hefur átt
sér stað í Árborg á kjörtímabilinu
og var hún 6,7 prósent árið 2005.
Leiðtogar listanna eru sammála
um að helstu vandamál Árborgar
séu afleiðingar vaxtarverkja íbúa-
fjölgunarinnar. Framsóknarflokk-
ur og Samfylking hafa setið saman
í bæjarstjórnarmeirihluta á kjör-
tímabilinu og hafa meðal annars
flýtt áætlunum í skólamálum til að
bregðast við fjölguninni. Sjálf-
stæðisflokkur hefur setið einn í
minnihluta á kjörtímabilinu og
gagnrýnir meirihlutann fyrir að
hafa ekki brugðist nógu skjótt við
fjölguninni. Einnig segja sjálfstæð-
ismenn ekki nóg að kenna ríkis-
valdinu um og sveitarfélagið verði
að taka ábyrgð á vextinum.
Aðspurðir um ágreining milli
flokka segja allir hinir leiðtogarnir
að lítið sé um ágreining en allir
gagnrýna þeir D-lista. Jón segir
sjálfstæðismenn vera með óábyrga
stefnu um skattalækkanir. Þor-
valdur segir þá hafa skammast yfir
jarðakaupum bæjarstjórnar sem
miði að því að tryggja byggingar-
land og Ragnheiður segir gagnrýni
sjálfstæðismanna á nýtt skipulag
vera málatilbúnað.
Miklar breytingar eru á efstu
sætum lista Sjálfstæðisflokks og
Vinstri grænna. Hjá D-lista eru
nýir menn í öllum efstu fimm
sætum og hjá V-lista eru nýir menn
í öllum sætum nema öðru sæti. Hjá
Samfylkingunni kemur einn maður
nýr inn á lista sem skipar fjórða
sætið og oddviti listans dregur sig
í hlé. Hjá Framsóknarflokknum
kemur einnig nýr maður inn í
fjórða sætið og sú sem þar sat
seinast færist upp í þriðja sæti.
sdg@frettabladid.is
SELFOSS Á BÖKKUM ÖLFUSÁR Selfoss er stærsti byggðarkjarninn í Árborg og fjölgaði íbúum
þar um 7,9 prósent árið 2005.
Fjórir flokkar hafa boðað framboð í Árborg:
Íbúum hefur fjölgað
mikið síðustu ár
ÁRBORG
Árborg varð til árið 1998 með sameiningu
Eyrarbakkahrepps, Stokkseyrarhrepps, Sand-
víkurhrepps og Selfoss. Íbúafjöldi sveitarfé-
lagsins var 7.002 12. janúar.
Sveitarstjórnarkosningar 2002
4.277 á kjörskrá vorið 2002. 3.564 greidd
atkvæði, 83,3 % þátttaka.
100 auð eða ógild atkvæði.
Listi Framsóknarflokksins (B)
963 atkv., 3 fulltr.
Listi Sjálfstæðisflokksins (D)
869 atkv., 2 fulltr.
Listi Samfylkingarinnar (S)
1.412 atkv., 4 fulltr.
Listi Vinstri hreyfing.- græns framb. (U)
220 atkv., 0 fulltr
B-listi Framsóknarflokks og S-listi
Samfylkingarinnar mynda meirihluta
í bæjarstjórn Árborgar.
Fjöldi fulltrúa í sveitarstjórn: 9
Bæjarfulltrúar Framsóknarflokks
Þorvaldur Guðmundsson
Einar Pálsson
Margrét K. Erlingsdóttir
Bæjarfulltrúar Samfylkingar
Ásmundur S. Pálsson
Torfi Áskelsson
Ragnheiður Hergeirsdóttir
Gylfi Þorkelsson
Bæjarfulltrúar Sjálfstæðisflokks
Páll Leó Jónsson
Halldór Valur Pálsson
Bæjarfulltrúar vinstri grænna
Enginn, náðu ekki inn manni
KOSNINGAR 2006
Efstu menn B-lista
1. Þorvaldur Guðmundsson b.fulltrúi, kennari
2. Margrét K.Erlingsd. b.fulltrúi, atvinnurek.
3. Björn Bjarndal Jónsson framkvæmdastjóri
4. Kristín Eiríksdóttir leikskólastjóri
5. Helgi Haraldsson svæðisstjóri
Efstu menn S-lista
1. Ragnheiður Hergeirsd., b.fulltrúi, framkv.stj.
2. Gylfi Þorkelsson, b.fulltrúi, kennari
3. Þórunn Elva Bjarkad. stjórnmálafr., kennari
4. Böðvar Bjarki Þorsteinsson aðst.skólastj.
5. Torfi Áskelsson b.fulltrúi,
framkvæmdastjóri
Efstu menn D-lista
1. Eyþór Arnalds framkvæmdastjóri
2. Þórunn Jóna Hauksdóttir framhaldsskólak.
3. Snorri Finnlaugsson svæðisstjóri
4. Elfa Dögg Þórðardóttir garðyrkjufræðingur
5. Grímur Arnarson framkvæmda-
stjóri
Efstu menn V-lista
1. Jón Hjartarson, fyrrverandi framkvæmdastj.
2. Hilmar Björgvinsson, aðstoðarskólastjóri
3. Sigrún Þorsteinsdóttir, grunnskólakennari
4. Alma Lísa Jóhannsdóttir, deildarstjóri
5. Andrés Rúnar Ingason, húsvörður
Ragnheiður Hergeirsdóttir S-lista:
Viðhalda aðdráttaraflinu
Ragnheiður Hergeirsdóttir framkvæmda-
stjóri skipar efsta sæti lista Samfylkingar og
hefur setið í bæjarstjórnarmeirihluta ásamt
Framsóknarflokknum. Fjölskyldumálin eru
efst á baugi hjá S-lista. „Við viljum setja
aðgerðaáætlun í málefnum aldraðra,“ segir
Ragnheiður og bætir við að S-listinn vilji
að málefni aldraðra færist til sveitarfélaga
því ekki fari vel á að þjónustan sé á hendi
tveggja stjórnsýslustiga. „Það er alvarlegt
ástand í málefnum aldraðra í dag.“
S-listinn vill að sögn Ragnheiðar fara í framtíðaruppbygg-
ingu á frístundasvæðum ásamt viðhaldi á þeim sem fyrir eru.
„Í skipulagsmálum þarf að taka mið af því að byggð geti
þróast í öllu sveitarfélaginu svo það hafi áfram það aðdráttar-
afl sem það hefur haft.“ Ragnheiður segir S-lista vilja efla nám
á öllum stigum og háskólamálin séu þar ofarlega á baugi.
Núna velti það á samkomulagi við ríkið að íbúar Árborgar geti
stundað háskólanám í heimabyggð.
Jón Hjartarson fyrrverandi framkvæmda-
stjóri er efstur á lista Vinstri grænna.
Helstu stefnumál V-lista eru umhverfis- og
skipulagsmál, menntamál og fjölskyldumál
og telur Jón mikið verk að vinna í þessum
málaflokkum. Jón segir þörf á heildstæðri
stefnumótun í umhverfismálum og segist
sjá fyrir sér að Árborg geti orðið leiðandi
sveitarfélag í umhverfismálum. „Við viljum
gera úttekt á stöðu umhverfismála í
Árborg til að sjá hver staðan er.“ V-listi vill
stofna háskólasetur Suðurlands í Árborg sem verði sjálfseign-
arstofnun.
„Setrið gæti orðið nokkurs konar regnhlíf fyrir allar vísinda-
stofnanir á Suðurlandi.“ Jón segir mikið af úrlausnarefnum
fylgja þeirri bylgju fólksfjölgunar sem hefur verið í Árborg
og mikilvægt sé að auka atvinnustarfsemi á svæðinu. „Við
leggjum áherslu á eflingu matvælaframleiðslunnar á grundvelli
þess að við erum í miðju öflugasta landbúnaðarhéraðs Íslands.
Jón Hjartarson V-lista:
Stofnun háskólaseturs
Eyþór Arnalds D-lista:
Vilja lágmarka álögur
Eyþór Arnalds framkvæmdastjóri, sem leiðir
lista sjálfstæðismanna í Árborg, segir að
markmið Sjálfstæðisflokksins sé að fara úr
því að vera minnsti flokkurinn í bæjarstjórn
yfir í að verða sá stærsti en Eyþór hefur
setið einn í minnihluta á kjörtímabilinu.
Þau þrjú mál sem D-listi setur á
oddinn í kosningabaráttunni snúa að
því að taka á fólksfjölguninni og lækkun
álagna á heimili og fyrirtæki og taka
aðalskipulagið til endurskoðunar. Eyþór segir bæjarstjórnar-
meirihlutann hafa stórlega vanmetið íbúafjölgunina. Þörf sé á
endurskoðun aðalskipulags til að mæta þessari fólksfjölgun.
„Við viljum taka á móti þeim straumi sem er að koma til
Árborgar og bjóða upp á viðeigandi þjónustu.“ Einnig vilja
sjálfstæðismenn lágmarka álögur á heimili og fyrirtæki svo
þau verði samkeppnisfær við vaxtarsvæðin í Reykjanesbæ og
á Akranesi.
Þorvaldur Guðmundsson B-lista:
Öflug uppbygging áfram
Þorvaldur Guðmundsson framhaldsskóla-
kennari leiðir lista Framsóknarflokks í
Árborg.
Þorvaldur hefur setið í meirihluta bæjar-
stjórnar á kjörtímabilinu ásamt Samfylking-
unni og segir stefnu B-lista að halda áfram
þeirri uppbyggingu sem verið hafi á nánast
öllum sviðum. „Okkur hefur tekist að gera
þetta sveitarfélag mjög eftirsótt og hröð
uppbygging hefur til dæmis átt sér stað
í skólamálum.“ Þorvaldur segir að biðlistar
á leikskóla séu horfnir og með nýjum leikskóla sem er í bygg-
ingu verði leikskólarými tryggt til nokkurra ára. Auk mennta-
mála leggur B-listi áherslu á fjölskyldumál, öldrunarmál og
skipulags- og umhverfismál. „Við höfum nýlokið við nýtt
aðalskipulag sem er framsækið og áhugavert. Aðalnýungin er
svonefnd búgarðabyggð sem er alveg nýr valkostur í búsetu.“
Þorvaldur segir mikla samvinnu hafa verið við ríkið og nefnir
sérstaklega hjúkrunarmál og samgöngumál.
Árborg
SVEITARSTJÓRNAR-
KOSNINGAR
2006
UMHVERFISMÁL Niðurstöður
umfangs mikilla rannsókna á loft-
dreifingu og umhverfisáhrifum
frá álverinu sem nú er verið að
byggja á Reyðarfirði sýna að áhrif
útblásturs frá álverinu séu innan
allra viðmiðunarmarka og staðla
sem miðað er við.
Þetta kemur fram í frummats-
skýrslu sem var kynnt í gær á
blaðamannafundi.
Niðurstöðurnar sýna að áhrif
útblásturs á heilsufar fólks séu
hverfandi. Vistfræðileg áhætta
fyrir fugla og spendýr er einnig
hverfandi en hætta er á lítilshátt-
ar breytingum á gróðri í næsta
nágrenni við álverið. - sdg
Áhrif útblásturs álvers Alcoa:
Innan viðmið-
unarmarka
BANDARÍKIN, AP Al-Kaída leiðtogar
misstu einhverja stjórn á hryðju-
verkanetinu á síðasta ári vegna
handtöku og dauða nokkurra
helstu skipuleggjenda þess, en
netið er samt eftir sem áður helsta
hryðjuverkaógnunin sem steðjar
að Bandaríkjunum og bandamönn-
um þess, kom fram í skýrslu sem
utanríkisráðuneyti Bandaríkjanna
gaf út í gær.
Ráðuneytið stendur að útgáfu
þessarar skýrslu árlega, en hún
tiltekur hryðjuverk um allan heim
og hættuna sem Bandaríkjamenn
telja af þeim stafa. Í nýju skýrsl-
unni eru sex lönd skilgreind sem
stuðningsaðilar hryðjuverka:
Kúba, Íran, Líbía, Norður-Kórea,
Súdan og Sýrland. Af þeim er Íran
sagt vera virkast í stuðningi við
hryðjuverkamenn og er fullyrt að
Byltingarvörðurinn og innanríkis-
og varnarmálaráðuneyti Írana
hafi beinlínis staðið að skipulagn-
ingu og stuðningi við hryðjuverk.
Í skýrslunni kom fram að um
11.000 hryðjuverk hafi verið fram-
in um heim allan í fyrra og í þeim
hafi 14.600 manns farist. Þó töl-
urnar hafi nær fjórfaldast frá
árinu 2004 segja höfundar aukn-
inguna liggja í nýrri aðferð við að
telja harmleikina.
Höfundar skýrslunnar vara
jafnframt við því að stríð Banda-
ríkjanna gegn hryðjuverkum
muni líklega standa í fjölmörg ár,
því ungir róttæklingar noti netið
við skipulagninguna og „óvinur-
inn“ sé fljótur að laga sig að nýjum
aðstæðum. - smk
Ný skýrsla Bandaríkjastjórnar um hryðjuverk:
Spá löngu stríði
HRYÐJUVERK Árásirnar á Bandaríkin í sept-
ember 2001 hafa haft víðtæk áhrif.
VEISTU SVARIÐ
1 Af hvaða tilefni eru íslensku forseta-hjónin í Svíþjóð?
2 Hvað hagnaðist Landsbankinn um marga milljarða vegna sölu á hlut
sínum í Carnegie?
3 Hvaða lið leika til úrslita í Evrópu-keppni félagsliða í fótbolta?
SVÖRIN ERU Á BLS. 62