Fréttablaðið - 29.04.2006, Blaðsíða 30

29. apríl 2006 LAUGARDAGUR30
timamot@frettabladid.is
Tilkynningar um merkisatburði,
stórafmæli, andlát og jarðar-
farir í smáletursdálkinn hér
að ofan má senda á netfangið
timamot@frettabladid.is.
Dansarar landsins draga fram betri
skóna í dag á alþjóðlega dansdeginum.
Mikið verður um dýrðir í Iðnó þar sem
nemar í byrjunarsporunum jafnt sem
lengra komnir listdansarar leika listir
sínar.
„Í tilefni dagsins minnum við á list-
dansinn og að við erum til. Við ætlum að
hafa það gaman,“ segir Irma Gunnars-
dóttir, formaður Félags íslenskra list-
dansara. Félagið stendur fyrir dansgleði
í Iðnó frá kl.16 en fjölbreytt opin dags-
skrá verður í boði fyrir almenning milli
kl.16 og 17. „Það verður bryddað upp á
ýmsum dansatriðum í tilefni dagsins,
ungar dansdísir á aldrinum þriggja til
fimm ára ætla að taka nokkur spor. Svo
verða atvinnudansarar líka með uppák-
omur, meðal annars verður flutt sýnis-
horn úr nýju dansverki úr danshöfunda-
smiðju Íd.“ Allir eru velkomnir og
aðgangur ókeypis en félagar í FÍLD og
velunnarar listgreinarinnar eru boðnir
sérstaklega velkomnir. Að dansdagsskrá
lokinni verður vorfagnaður FÍLD hald-
inn á efri hæðum hússins „Þetta verður
bara á léttu nótunum og við ætlum að
skemmta okkur á þessum degi.“
Dagurinn hefur verið haldinn hátíð-
legur frá árinu 1982 þegar leikhúsmála-
stofnun UNESCO ákvað að gera 29. apríl
að alþjóðlegum degi dansins, en dagur-
inn er tileinkaður fæðingarafmæli dans-
frumkvöðulsins Jean-George Noverre
sem fæddist árið 1727. „Þetta er líka
góður tími til að fagna eftir veturinn því
margir listdansskólanna eru að ljúka
vetrarstarfi sínu. Dagurinn verður því
eins konar uppskeruhátíð í leiðinni því
danssýningum er flestum að ljúka um
þetta leytið, bæði hjá Íslenska dans-
flokknum,skólum og sjálfstætt starfandi
dansflokkum. Þetta eru því góð tímamót
til að fagna í víðu samhengi.“ Mikið er
að gerast í dansinum um þessar mundir
og hafa skólamálin verið sérstaklega
mikið í umræðunni. „Nú í fyrsta sinn er
boðið upp á listdansnám á háskólastigi á
Íslandi og útskrifast listdansnemar frá
Listaháskóla Íslands nú í vor af diplóma-
braut sem er auðvitað sögulegt. Verið er
að leggja Listdansskóla Íslands niður í
þeirri mynd sem hann hefur verið en
verið er að vinna í listdansmálum og
koma með nýjar og vonandi betri náms-
leiðir.“ Irma er því bjartsýn á framhald
listdansins hér á landi. „Mér finnst fram-
tíð íslenskra listdansara líta ágætlega út
en það á náttúrulega margt eftir að þró-
ast og gerjast.“
ALÞJÓÐLEGI DANSDAGURINN: HALDINN HÁTÍÐLEGUR Í DAG
Dansdísir og atvinnulistdansar
IRMA GUNNARSDÓTTIR FORMAÐUR FÍLD Mikið verður um dýrðir í Iðnó í dag þegar Félag íslenskra listdansara stendur fyrir hátíð til að fagna alþjóðlegum
dansdegi. FRÉTTABLAÐIÐ/
JARÐARFARIR
14.00 Frú Þórhalla Gísladóttir,
ljósmóðir frá Skógargerði,
Bergþórugötu 27, Reykjavík,
verður jarðsungin frá Val-
þjófsstaðarkirkju.
MERKISATBURÐIR
1106 Jón Ögmundsson er vígður
fyrsti Hólabiskup.
1429 Franska hetjan Jóhanna af
Örk kemur inn í borgina
Orléans á dögum hundrað
ára stríðsins.
1945 Adolf Hitler giftist Evu
Braun.
1945 Bandarísk herlið frelsa
fólk úr útrýmingarbúðum
Þjóðverja í Dachau.
1967 Breski landhelgisbrjóturinn
Brandur strýkur úr Reykja-
víkurhöfn með tvo íslenska
lögregluþjóna um borð.
1994 Halldór Ásgrímsson
tekur við formennsku í
Framsóknarflokknum af
Steingrími Hermannssyni.
1998 Varðskip kemur með stóra
flotkví til Hafnarfjarðar.
Flutningur hennar frá Bret-
landi tók einn mánuð.
SIR ALFRED JOSEPH HITCHCOCK
(1899-1980) LÉST ÞENNAN DAG.
„Ég hef ekkert á móti
lögreglunni, ég er bara
hræddur við hana.“
Kvikmyndaleikstjórinn Alfred
Hitchcock leikstýrði yfir sextíu
myndum á ferli sínum.
Einkaleyfi fékkst á eina
handhægustu uppfinningu
heims í Bandaríkjunum
þennan dag árið 1913. Upp-
finningin var hönnuð með
það að markmiði að festa
saman brúnir á flík eða poka
svo hægt væri að opna og
loka aftur á einfaldan hátt.
Á íslensku er gengur þetta
fyrirbrigði undir nafninu
rennilás og fæstir geta verið
án hans.
Rennilásinn er gerður
úr tveimur lengjum af efni
með tönnum úr plasti eða
málmi. Ofan á tönnunum
liggur lítill lás sem ýtir tönn-
unum í sundur eða saman
þegar hann er dreginn eftir
röndunum. Vísir að búnaði
þessum var fyrst sýndur á
sýningu í Chicago árið 1893
af vísindamanninum Whit-
comb L. Judson. Rennilásinn
hans var aftur á móti með
krókum í stað tanna. Það
var svo Gideon Sundback,
sænskur verkfræðingur sem
starfaði í Bandaríkjunum,
sem breytti rennilásnum
í það sem hann er í dag.
Sundback var sá sem fékk
einkaleyfið í Bandaríkjunum
þennan dag en um svipað
leyti fékk Catharina Kuhn-
Moos einkaleyfi fyrir svipuð-
um búnaði í Evrópu.
ÞETTA GERÐIST: 29. APRÍL 1913
Einkaleyfi fæst á rennilásinn
RENNILÁSINN ER 93 ÁRA
Okkar ástkæra
Guðrún Sigþrúður Agnarsdóttir
lést á Landspítala - Háskólasjúkrahúsi í Fossvogi hinn
24. apríl. Jarðsungið verður frá Keflavíkurkirkju
þriðjudaginn 2. maí kl. 14.00. Þeir sem vilja minnast
hennar láti Landspítalann njóta þess.
Gunnhildur Gunnarsdóttir Guðmundur Sigurbergsson
Sara Lind Guðmundsdóttir
Hildigunnur Guðmundsdóttir
Sunna Sigríður Guðmundsdóttir
Daníel Diego og Emma Thorlacius
Svava, Agnes, Hjaltlína, Erna, Margrét, Sigmundur og
Eyjólfur Agnarsbörn
og fjölskyldur.
Elskuleg móðir okkar, tengdamóðir, amma
og langamma,
Helga Hannesdóttir
Hæðargarði 33, Reykjavík,
lést 19. apríl sl. á öldrunarlækningadeild Landspítalans
á Landakoti. Jarðarförin hefur farið fram í kyrrþey
samkvæmt ósk hennar. Þeim sem vildu minnast hennar
er vinsamlega bent á að láta líknarstofnanir njóta þess.
Hrund Jóhannsdóttir Gunnar Jónsson
Hanna Birna Jóhannsdóttir Árni Óli Ólafsson
Rannveig Auður Jóhannsdóttir
Sigurður Rafn Jóhannsson Margrét Runólfsdóttir
Barnabörn og barnabarnabörn.
Hjartans þakkir færum við þeim fjölmörgu
sem sýndu okkur samúð og hlýhug við and-
lát og útför ástkærs eiginmanns míns,
föður okkar, tengdaföður, afa og langafa,
Hreggviðs Hermannssonar
læknis, Nónvörðu 14, Keflavík.
Lilja Jóhannsdóttir
Margrét Hreggviðsdóttir Bjarni Guðjónsson
Hermann Hreggviðsson Ágústa Hildur Gizurardóttir
Elín Kristín Hreggviðsdóttir Júlíus Sigurðsson
Guðmundur Páll Hreggviðsson Sólveig Silfá Karlsdóttir
Björn Blöndal
Gísli Blöndal Sólveig Leifsdóttir
James William Sandridge
Jóhann Dalberg Kristín Ruth Helgadóttir
barnabörn og barnabarnabörn.
Innilegar þakkir til allra er sýndu okkur
vináttu, samúð og hlýhug við andlát og
útför elskulegrar eiginkonu, móður,
tengdamóður og ömmu,
Jóhönnu Þorgeirsdóttur
kennara, Hlunnavogi 3.
Sérstakar þakkir sendum við starfsfólki á deild 12-G
á Landspítalanum við Hringbraut.
Hjalti Jónasson, Þorgeir Hjaltason, Svanfríður Hjaltadóttir,
Elín Hanna Pétursdóttir, Hjalti Geir Pétursson,
Jónína Klara Pétursdóttir, Þórgunnur Hjaltadóttir,
Sigurjón Ragnar Grétarsson, Kristbjörg Sigurjónsdóttir,
Ragnhildur Sigurjónsdóttir, Ellisif Sigurjónsdóttir,
Jóhanna Sigurjónsdóttir, Guðmundur Hjaltason,
Bogey Ragnheiður Sigfúsdóttir, Daníel Bergmann
Guðmundsson, Dagný Valgerður Guðmundsdóttir,
Þorsteinn Hjaltason, Berglind Jóhannsdóttir,
Jóhann Árnason, Karitas Þorsteinsdóttir.
Ástkær og yndislegur sonur okkar, bróðir,
mágur, barnabarn og frændi,
Svanberg Ingi Ragnarsson
Skólavegi 9, Keflavík,
lést þriðjudaginn 25. apríl. Jarðarförin auglýst síðar.
Sigrún Ögmundsdóttir Ragnar Ólafur Sigurðsson
Erla Ragnarsdóttir Gunnar Daníel Sveinbjörnsson
Þóra Lilja Ragnarsdóttir
Sigurður Bjarni Gunnarsson
Kristín Erla Valdimarsdóttir Ögmundur Pétursson
Þóra T. Ragnarsdóttir
Karen Sigurðardóttir Svanberg Ingi Ragnarsson