Fréttablaðið - 29.04.2006, Blaðsíða 88

56 29. apríl 2006 LAUGARDAGUR
sport@frettabladid.is
HANDBOLTI Þegar Guðmundur Guð-
mundsson, núverandi þjálfari
Fram, þjálfaði íslenska landsliðið
fyrir nokkrum árum var Gunnar
Magnússon, þjálfari Víkings/
Fjölnis, hans hægri hönd. Kald-
hæðni örlaganna hefur nú hagað
því þannig að eina liðið sem getur
komið í veg fyrir að Framarar
hampi Íslandsmeistarabikarnum í
dag er einmitt Víkingur/Fjölnir.
Þannig væri Gunnar að gera
félaga sínum Guðmundi, þeim
sem hann kallar einn sinn helsta
læriföður, stóran grikk með sigri í
Safamýrinni í dag.
„Guðmundur er gríðarlega fær
þjálfari og ég lærði mikið af honum.
Margt af því sem ég er að nota í dag
lærði ég af honum. En þótt við séum
góðir vinir breytir það því ekki að
við í Víkingi/Fjölni viljum enda
mótið með sæmd,“ sagði Gunnar
við Fréttablaðið í gær.
Einhverjir handboltaáhuga-
menn hafa haft það á orði að
spennan fyrir lokaumferðina sé í
raun afskaplega lítil - vinátta
Gunnars og Guðmundar verði til
þess að sá fyrrnefndi færi læri-
föður sínum Íslandsmeistararitil-
inn á silfurfati. Gunnar segir það
af og frá og hlær að þeim samsær-
iskenningum. „Það er nú bara
þannig á litla Íslandi að allir
þekkja alla. Annar hver þjálfari í
deildinni er góður félagi minn og
það er fráleitt að halda að ég
standi í einhverri greiðastarf-
semi. Við munum að sjálfsögðu
gera okkar besta og reyna að
vinna leikinn.“
Flestir búast við því að Víking-
ur/Fjölnir verði lítil fyrirstaða
fyrir Framara en heilum 28 stig-
um munar á liðunum á stigatöfl-
unni. Framarar eru í efsta sæti
með 41 stig en Víkingur/Fjölnir í
því næstneðsta með 13 stig. Guð-
mundur segir þó að ekkert vanmat
verði hjá sínum mönnum.
„Staðan í deildinni skiptir engu
máli og við vitum það að við þurf-
um að spila vel til að vinna. Það er
svo einfalt,“ segir Guðmundur,
sem haga mun undirbúningi fyrir
leikinn í dag eins og fyrir alla aðra
leiki í vetur.
„Við breytum ekkert út af van-
anum þó að eftirvæntingin og til-
hlökkunin sé mikil,“ sagði Guð-
mundur, sem telur að hans ungu
lærisveinar geti vel höndlað press-
una í leiknum á morgun. „Það
hefur verið pressa á okkur fyrr í
vetur og við höfum ráðið við hana
hingað til.“
Spurður um vináttuna við
Gunnar og hvort hann þekkti ekki
öll hans brögð svaraði Guðmund-
ur að bragði: „Hann er mjög hæfur
þjálfari og þekkir minn stíl, en ég
þekki hans handbragð sömuleiðis.
Allir þjálfarar í þessari deild stúd-
era hver annan.“
vignir@frettabladid.is
Stend ekki í neinni greiðastarfsemi
Fram mun tryggja sér Íslandsmeistaratitilinn í handbolta með sigri á Víkingi/Fjölni í lokaumferð mótsins í
dag. Gunnar Magnússon þjálfar lið Víkings/Fjölnis en Guðmundur Guðmundsson, þjálfari Fram, er góður
vinur hans og einn helsti lærifaðir. Gunnar ætlar að gera sitt besta til að sigra Guðmund.
FYRRUM FÉLAGAR Flestir telja að Guðmundur Guðmundsson muni lyfta Íslandsmeistara-
bikarnum ásamt lærisveinum sínum í Fram í dag en Gunnar Magnússon ætlar ekki að gera
læriföður sínum neina greiða í leiknum. FRÉTTABLAÐIÐ/ANTON BRINK
STAÐAN Í DHL-DEILDINNI:
1. FRAM 25 19 3 3 754-658 39
2. HAUKAR 25 20 1 4 765-676 39
3. VALUR 25 17 2 6 750-687 34
4. FYLKIR 25 15 3 7 710-634 32
5. STJARNAN 25 13 4 8 716-691 30
6. KA 25 11 3 11 694-696 24
7. HK 25 11 2 12 718-713 23
8. FH 25 10 3 12 695-700 23
9. ÍR 25 9 5 11 784-784 22
10. AFTURELD. 25 8 4 13 639-661 20
11. ÍBV 25 9 2 14 720-767 18
12. ÞÓR AK. 25 4 5 15 699-768 13
13. VÍK/FJÖ 25 6 1 18 678-767 11
14. SELFOSS 25 3 2 20 668-788 8
HANDBOLTI Það ríkir ekki aðeins
mikil spenna á toppi DHL-deildar-
innar fyrir leiki dagsins því enn er
ekki ljóst hvaða lið þarf að sætta
sig við að hafna í 9. og síðasta sæt-
inu sem gefur ekki sæti í efstu
deild að ári. KA, HK, FH og ÍR
eiga öll á hættu að falla í 1. deild
og eiga þau miserfiða leiki fyrir
höndum í dag.
KA stendur klárlega best að
vígi og mun með sigri á botnliði
Selfoss tryggja sér úrvalsdeildar-
sæti. HK þarf helst á sigri að halda
gegn Fylki í Árbænum en gæti
einnig haldið sér fyrir ofan 8. sæti
ef annaðhvort FH eða ÍR nær ekki
að vinna sinn leik. FH mætir
Haukum og mun með sigri tryggja
veru sínu í efstu deild en ÍR mætir
Val og þarf að sigra ásamt því að
treysta á að annaðhvort FH eða
HK misstígi sig. - vig
Lokaumferðin í handboltanum:
Óvíst hvaða lið
fellur í 1. deild
LOKAUMFERÐIN Í DAG:
Fram-Vík/Fjö Safamýri
Fylkir-HK Fylkishöllin
Valur-ÍR Laugardalshöll
FH-Haukar Kaplakriki
KA-Selfoss KA-heimilið
Afturelding-Selfoss Varmá
ÍBV-Þór Ak. Vestmannaeyjar
Sölvi Geir Ottesen er allur að koma til eftir
að hafa slitið fremra krossband og rifið
liðþófa í nóvember á síðasta ári. Þessi feiki-
sterki miðvörður leikur með Djurgården en
verður lánaður í sænsku 1. deildina í sumar
á meðan frí er í Allsvenskan-deildinni
vegna HM í Þýskalandi.
„Það hefur gengið eins og í sögu hjá
mér, ég er á undan áætlun og hef ekki lent
í neinum vandræðum. Vissulega hefur þetta
tekið vel á mig. Ég er búinn að hugsa lítið
um fótbolta og hef bara einbeitt mér að því
að koma mér í form,“ sagði Sölvi, sem stadd-
ur er á Íslandi í stuttu stoppi til að slappa af
eftir stífar æfingar undanfarið.
„Ég verð svo lánaður í um tvo mánuði
í sumar til að koma mér í leikform.
Það er bara af hinu góða og ég stefni
á að þrýsta aftur á byrjunarliðssæti
eftir HM. Ég er ekkert að flýta mér um of, ég
reyni að taka því rólega og vera skynsamur,“
sagði Sölvi, sem kvað það ekki koma til
greina að vera lánaður til Íslands þar sem
forráðamenn Djurgården vilja hafa hann úti
hjá sér á æfingum.
Sölvi var ekki síður pirraður vegna
meiðslanna þar sem þau stangast á við
framtíðaráform hans, en þessi gamli Víkingur
stefnir á að komast langt. „Maður gerir sér
alltaf áætlun en þessi meiðsli tefja mig
eitthvað, ég ætlaði að vera kominn frá
Svíþjóð á þessum tímapunkti. Tíminn er
dýrmætur í boltanum. Maður stefnir alltaf á
toppinn, sem hlýtur að vera feitur samningur
hjá Liverpool, mínum mönnum í Englandi,“
sagði hinn geðþekki Sölvi Geir Ottesen
glaðbeittur að lokum.
SÖLVI GEIR OTTESEN LEIKMAÐUR DJURGÅRDEN: ALLUR AÐ KOMA TIL EFTIR AÐ HAFA SLITIÐ KROSSBAND
Verður lánaður yfir sumartímann
Birgir og Ólöf úr leik
Birgir Leifur Hafþórsson og Ólöf María
Jónsdóttir eru bæði úr leik á mótunum
sem þau kepptu á í vikunni. Birgir lék 36
holur á þremur höggum yfir pari á Ítalíu
en Ólöf María var á Spáni þar sem hún
lauk keppni á sextán höggum yfir pari.
> Njarðvík í Evrópukeppni
Íslandsmeistarar Njarðvíkur í körfu-
bolta hafa ákveðið að taka þátt í
Evrópukeppni á næstu leiktíð. „Það
eru stórir tímar framundan og mikil
vinna. Þetta er ekki síst gert í geysilega
góðs árangurs og frábærra undirtekta
þegar heim var komið, og mjög góðra
styrkja sem við munum þiggja,“ sagði
Valþór Jónsson, formaður körfuknatt-
leiksdeildar Njarðvíkur við Fréttablaðið í
gær. Valþór tilkynnti um þetta
á lokahófi Njarðvíkur
í gærkvöldi.
Þá hafa allir
leikmenn
liðsins gefið
velyrði fyrir
því að vera
áfram hjá Njarð-
vík, fyrir utan Örvar
Kristjánsson sem verður
að hætta. Þá mun Einar
Árni Jóhannsson þjálfa
liðið áfram.