Fréttablaðið - 06.05.2006, Blaðsíða 4

4 6. maí 2006 LAUGARDAGUR
LONDON, AP Fyrsta eintakið af nýju
vikublaði sem ætlað er börnum á
aldrinum níu til tólf ára kom út á
Bretlandi í gær.
Blaðið heitir First News, eða
Fyrstu fréttir, og verður til að
byrja með prentað í 350 þúsund
eintökum. Ritstjórar eru Piers
Morgan og Nicky Cox, báðir þekkt-
ir fjölmiðlamenn í Bretlandi.
Adrian Monck, fjölmiðlafræð-
ingur í London, segir hins vegar
að markhópur blaðsins sé ekki
börnin, heldur foreldrar þeirra
sem hafi áhyggjur af því að börnin
horfi of mikið á sjónvarp. - gb
Nýjung í Bretlandi:
Nýtt fréttablað
ætlað börnum
143 kauptilboð Rúmlega 140 kaup-
tilboð bárust í byggingarétt fyrir tíu
einbýlishúsalóðir í Úlfarsdal. Tilboðin
bárust frá sautján bjóðendum.
LÓÐAÚTBOÐ
Kynjaborgin
Reykjavík
Fundur um
kynjajafnrétti
og kvenfrelsi
Guðrún Ágústsdóttir lítur yfir farinn veg
með kynjagleraugum og segir frá því
helsta sem er að gerast í nágranna-
löndum okkar í kynjajafnréttismálum.
Hermann Valsson fjallar um áherslur
VG í kvenfrelsismálum.
Kosningamiðstöðin
Suðurgötu 3
í dag laugardag kl. 14:00
Guðrún Ágústsdóttir
skipar heiðurssæti lista VG
BARNAVERND Strákar í framhalds-
skólum hér á landi eru „á kafi“ í
klámefni á internetinu. Þetta kom
fram í máli Braga Guðbrandsson-
ar, forstjóra Barnaverndarstofu,
þegar kynntar voru í gær fyrstu
niðurstöður viðamikillar könnun-
ar á kynlífshegðun ungmenna og
líkamlegu og kynferðislegu
ofbeldi gegn börnum. Könnunin
var gerð meðal nemenda allra
framhaldsskóla á landinu og er
samstarfsverkefni Barnavernd-
arstofu og Rannsókna og grein-
ingar.
Bragi telur mikilvægustu
þætti könnunarinnar frá sjónar-
hóli Barnaverndarstofu í fyrsta
lagi umfang kynferðisbrota gagn-
vart börnum. Samkvæmt niður-
stöðum megi leiða líkur að því að
um tíu prósent barna á fram-
haldsskólaaldri hér á landi hafi
orðið fyrir kynferðis-
legri misnotkun. Þá séu
einnig teknir með inn í
dæmið þeir jafnaldrar
sem voru utan fram-
haldsskóla af einhverj-
um ástæðum þegar könn-
unin var gerð. Í
umræðunni undanfarin ár hafi
þessi tala verið umtalsvert hærri,
allt að sautján prósent barna að
meðaltali.
„Mín tilgáta er að inni í hærri
tölunni sé ekki einungis kynferð-
isleg misnotkun heldur einnig
kynferðisleg áreitni af einhverju
tagi,“ segir hann en leggur
áherslu á að þessar nýju tölur séu
grafalvarlegt mál þótt þær sýni
lægri tíðni en áður hafi verið
talað um.
Varðandi kynferðislegan lög-
aldur kveðst Bragi þeirrar skoð-
unar nú að hækka eigi þau aldurs-
mörk. Það telji hann rétt
í ljósi niðurstaða könn-
unarinnar þar sem fram
komi að meirihluti
stúlkna vilji hærri ald-
ursmörk og sé þar með
að biðja um aukna
vernd.
Þriðja atriðið sem Bragi nefnir
er neysla á klámi. Meira en helm-
ingur drengja noti klámefni einu
sinni í viku eða oftar.
„Ég held að það sé klárt töl-
fræðilegt samhengi á milli þeirr-
ar klámnotkunar sem þarna
mælist annars vegar og hins
vegar viðhorfs drengja til kyn-
lífs, að það sé í lagi að vera með
mörgum sama kvöldið, að hafa
kynmök án þess að tilfinningar
spili inn í og í lagi sé að veita kyn-
ferðislega þjónustu til að komast
inn í partí og svo framvegis.“
Bragi leggur á það þunga
áherslu að þarna þurfi foreldrar
að grípa inn í, ekki með boðum og
bönnum heldur með samtölum og
upplýsingum. Margrannsakað sé
að mikil neysla klámefnis leiði til
mjög greinilegra hugmynda um
samskipti kynjanna og standi að
auki í beinu samhengi við kyn-
ferðisbrot. Sé klámvæðingin látin
afskiptalaus náist ekki árangur í
baráttunni við kynferðisbrot
gegn börnum.
jss@frettabladid.is
Strákar sækja meira í klám
Meira en helmingur stráka á framhaldsskólaaldri horfir á klámefni einu sinni í viku eða oftar. Þetta kem-
ur fram í niðurstöðum viðamikillar könnunar sem gerð var meðal nemenda í öllum framhaldsskólum
landsins. Tölur um tíðni kynferðislegrar misnotkunar eru hins vegar lægri en áður hafði verið talið.
FÓRNARLÖMB
Kynferðisleg misnotkun fyrir 18 ára aldur
Stelpur Strákar
13 ÁRA EÐA YNGRI 7,4%* 2,0%
14-17 ÁRA 6,2% 0,8%
SAMTALS 13,6%* 2,8%
GREIÐSLA FYRIR
KYNMÖK
16-19 ÁRA
STELPUR 1,7%
STRÁKAR 3,7%
GENGIÐ
GENGI GJALDMIÐLA 05.05.2006
Gengisvísitala krónunnar
Bandaríkjadalur 71,70 72,04
Sterlingspund 132,61 133,25
Evra 90,92 91,42
Dönsk króna 12,19 12,262
Norsk króna 11,687 11,755
Sænsk króna 9,744 9,80
Svissneskur franki 58,21 58,53
SDR 106,1 106,74
HEIMILD: Seðlabanki Íslands
KAUP SALA
126,0492
NIÐURSTÖÐUR KYNNTAR Bragi Guðbrandsson, forstjóri Barnaverndarstofu, Jón Sigfússon,
framkvæmdastjóri Rannsókna og greiningar, og Bryndís Björk Ásgeirsdóttir félagsfræðingur
kynntu frumniðurstöður könnunarinnar á fundi með fréttamönnum.
EFNAHAGSMÁL Seðlabankinn telur
óvíst að geta heimilanna til að
standa af sér áföll í efnahagslífinu
hafi versnað eins mikið og skulda-
aukning heimilanna í fyrra gæti
gefið til kynna. Greiðslubyrðin virð-
ist ekki hafa aukist á heildina litið.
Rekstrarskilyrði heimilanna voru
afar góð á síðasta ári. Kaupmáttur
launa jókst um 2,5 prósent og kaup-
máttur ráðstöfunartekna um átta
prósent, atvinna jókst, atvinnuleysi
minnkaði og vextir voru minni en
þeir hafa lengi verið. Heimilin höfðu
greiðan aðgang að lánsfé.
Skuldir heimilanna hafa aukist
verulega. Þær nema nú tvöföldum
ráðstöfunartekjum heimilanna og
hafa aldrei vaxið meira en árið
2005. Greiðslubyrði heimilanna
hefur ekki vaxið þó að skuldirnar
hafi aukist verulega en lánstíminn
hefur lengst og vextir lækkað.
Í skýrslu Seðlabankans, Fjár-
málastöðugleiki 2006, segir að eign-
ir heimilanna hafi aukist umfram
skuldir á síðasta ári og þar með
hrein eign þeirra. Þetta sé meðal
annars vegna hærra fasteignaverðs
og umtalsverðrar fjárfestingar.- ghs
Seðlabankinn telur heimilin geta staðið af sér efnahagsleg áföll:
Greiðslubyrðin jókst ekki
NEYSLA KLÁMEFNIS
16-19 ára
89%
8%
2% 1%
22% 22%
20%
37%
Nokkrum
sinnum
á ári eða
sjaldnar
Nokkrum
sinnum í
mánuði
1-2 í viku 3 sinnum
í viku eða
oftar
DRENGUR SKOÐAR KLÁM Ný könnun leiðir
í ljós að ríflega helmingur stráka á fram-
haldsskólaaldri horfir á klámefni minnst
vikulega.
DAVÍÐ ODDSSON SEÐLABANKASTJÓRI
Í skýrslu bankans segir að eignir heimil-
anna hafi aukist umfram skuldir á síðasta
ári og þar með hrein eign þeirra.
BANDARÍKIN, AP Porter Goss, yfir-
maður bandarísku leyniþjónust-
unnar CIA, sagði af sér í gær.
George W.
Bush skipaði Goss
í þetta embætti í
ágúst árið 2004,
en þá var skammt
í forsetakosningar
í Bandaríkjunum.
Goss fékk það
verkefni að gera
viðamiklar endur-
bætur á leyniþjónustunni.
Leyniþjónustan hafði sætt mik-
illi gagnrýni, bæði vegna þess að
henni tókst ekki að koma í veg
fyrir árásir hryðjuverkamanna
11. september árið 2001, og vegna
þess að upplýsingar frá henni,
sem notaðar voru til að réttlæta
innrásina í Írak, þóttu engan veg-
inn áreiðanlegar. - gb
Uppstokkun heldur áfram:
Yfirmaður CIA
segir af sér
PORTER GOSS
JAFNRÉTTISMÁL Blað sem er helgað
jafnréttisbaráttu karla kom í
fyrsta sinn út á Íslandi í gær. Blað-
ið ber nafnið „Ábyrgir feður“ og
er gefið út af Félagi ábyrgra
feðra.
Félagið var stofnað árið 1997
og formaður þess er Gísli Gísla-
son. „Okkar starfsemi hefur verið
ráðgjöf í gegnum síma og á net-
inu. Við gáfum út bók í fyrra sem
vakti mjög mikla athygli og blað-
ið núna er hugsað sem framhald
af því starfi.“ Gísli segir að karl-
menn séu í mörgum tilfellum
félagslega einangraðri en konur
og því leiti þeir oft til félagsins.
- shá
Félag ábyrgra feðra:
Karlar gefa út
jafnréttisblað
Stelpur
Strákar