Fréttablaðið - 08.06.2006, Blaðsíða 66

8. júní 2006 FIMMTUDAGUR34
Þegar tekið er tillit til fánalaga,
sem samþykkt voru á Alþingi
Íslendinga árið 1991, þá blöskrar
við mér oft notkun fánans okkar.
Lög þessi eru á vef forsætisráðu-
neytisins og eru hagnýt lesning
fyrir þá sem eru í vafa um upp-
setningu og röðun fána. Einnig
var gefin út bók um þetta efni á
sama tíma. Það er svo annað mál,
að til eru fleiri tegundir íslenskra
fána. Tjúgufáninn er fyrir ríkis-
stofnanir og síðan á forsetinn sinn
einkafána og svo tollgæslufáninn.
Það sem vekur athygli mína er
að í hátíðarsalnum að Bessastöð-
um virðist mér vera flaggað rangt,
miðað við lögin og er það fráleitt
að ekki skuli finnast plattastórt
pláss til að fánareglunum sé fram-
fylgt. Svona uppröðun hefur verið
þar í mörg ár og vona ég að ekki
sé komin hefð á að fara ekki eftir
lögum þar. Hægt væri að setja
mynd af fánanun eða skjöld milli
dyrana og málverksins og nota
forsetafánann á stöng í stað þess
sem verið hefur þar. Oft sjást við-
töl í sjónvarpi t.d. um áramót, við
mikilmenni annara þjóða og er þá
passað upp á að þjóðfánarnir séu
rétt staðsettir í mynd.
Erindi forsætisráðherra okkar
á gamlársdag var með sérkenni-
legri umgerð. Umhverfið var
frekar þröngt, en litli almenni
borðfáninn var hvorki passandi,
né á réttum stað. Er það von að
RUV hafi notað þessa uppstillingu
vikulega í Kastljósi á föstudögum,
því þeir vita líklega ekki betur.
Mér fannst það ávallt virðulegt
hjá fyrrverandi forsætisráðherra
að nota skjaldarmerkið (land-
vættina) við sambærilegar athafn-
ir.
Þegar farið er að taka eftir
þessum smáatriðum og þau lag-
færð, þá verður það ekki til eftir-
breytni fyrir aðra, um að lög séu
ekki virt hjá þessum embættum.
Þessar athugasemdir eiga líka við
um fyrirtæki, félög, kirkjuþing og
fleiri. Undantekning er salur
Hæstaréttar, þar eru táknin til
sóma, svo dæmi sé tekið.
Ég er þess fullviss að þeir sem
stóðu að undirbúningi fyrir lögin
meintu vel og vönduðu af kost-
gæfni verk sín enda hæfir mjög.
Ég veit einnig að Þorsteinn Ein-
arsson íþróttafulltrúi ríkisins var
mikil hvatamaður til aukinar virð-
ingar og réttrar meðferðar á þjóð-
fánanum. Hann myndi vera mér
sammála um þessar athugasemd-
ir nú, ef hann lifði.
Í sal háttvirts Alþingis okkar
eru engin sjáanleg tákn lands
okkar (nema á ráðherrastólunum)
og þegar setið er í þeim hverfa
þau sjónum.
Það væri hægt að stað setja
skjaldarmerkið ofan við háborð
forseta, saumað eða á annan hátt
og einnig mætti hafa fánann til
hægri við háborðið (séð frá for-
seta).
Ég er þess fullviss að háttvirt-
um alþingismönnum myndi líða
betur við meðferð mála og
atkvæðagreiðslur, með þjóðarták-
in í sjónmáli. Þá mætti alveg
hugsa sér að fáninn verði á ráð-
herafundum, ríkisráðsfundum, í
ráðherrabústaðnum og á fleirum
fundarstöðum ríkissins.
Þar sem nú fara fram ýmiskon-
ar hátíðarhöld á næstu vikum, svo
sem Sjómannadagur, Þjóðhátíðar-
dagur 17.júní, 220 ára afmæli
Reykjavíkurborgar og margir
viðburðir aðrir, þar sem fáninn er
notaður, er tilefni til að kynna
notnun þjóðartáknana rækilega,
svo allir séu vissir um tilgang lag-
anna. Eins þarf að kynna röðun
fánans með öðrum þjóðfánum og
fara þar eftir íslenska stafrófinu
við þá erlendu.
Fánar Íslands
UMRÆÐAN
PÉTUR KRISTJÁNSSON RAFEINDAVIRKI
SKRIFAR UM FÁNALÖG
Undanfarið hefur talsverð umræða
verið um verðtryggingu langtíma-
lána á Íslandi og um ástæður þess
að verðtryggingin er nauðsynleg á
okkar óstöðugu krónu. Í hvert sinn
þegar verðbólgan tekur smástökk
má búast við fréttum í fjölmiðlum
um það hve mikið verðtryggð lán
heimilanna í landinu til 25 eða 40
ára hafa hækkað og oft eru nefnd-
ar hækkanir um milljónir eða millj-
arða en ekkert minnst á það að
hækkanirnar séu oftast á einu ári
ekki nema um kr. 2.000 eða 3.000 á
hverri mánaðarlegri greiðslu hvers
heimilis. Það kalla sumir ekki
mikið samanborið við launahækk-
anir.
Þessar litlu hækkanir eru síðan
blásnar upp í fréttum með því að
margfalda þær með mánaðafjöld-
anum sem eftir er af lánstímanum
mínus hækkanir á vaxtahlutanum
og fá þannig út risatölur sem jafn-
gilda auðvitað hækkunum eftir-
stöðvanna af lánunum sem dreifast
á nokkur hundruð mánaðargreiðsl-
ur áratugi fram í tímann. Fréttir af
hækkunum lána eru oftast næstum
því réttar þótt þessar stóru tölur
blekki fólk. En þegar vísitalan
lækkar og lán heimilanna lækka
um milljónir króna er slíkt sjaldan
eða aldrei fréttaefni. Af hverju
ekki?
Gallinn er sá að stór hluti
almennings misskilur fréttirnar
um hækkanir lánanna og heldur
ranglega að hækkanirnar séu að
sliga heimilin með gífurlega auk-
inni greiðslubyrði. Slíkur áróður
glymur í eyrum okkar nærri dag-
lega. Til dæmis eru margir framá-
menn í þjóðfélaginu, þar með tald-
ir alþingismenn og lögfræðingar
sem hægt er að nafngreina, sem
viðhalda þessum áróðri gegn verð-
tryggingunni þótt þeir viti ekkert
hvernig verðtryggð lán eru reikn-
uð! Þeir fullyrða t.d. að verðtryggð
lán heimilanna séu hærri vegna
verðsamráðs olíufélaganna þótt
sannleikurinn sé auðvitað sá að
lánin eru lægri vegna verðsam-
ráðsins sem var. Þeir bara þekkja
ekki reikningsaðferð verðtryggðra
lána og fjandskapast út í það sem
þeir þekkja ekki og sem þeir nenna
ekki að kynna sér. Svo skrökva þeir
því líka að verðtryggð lán séu ekki
til í nágrannalöndum okkar.
Til að sýna hvernig fréttir um
hækkun verðtryggðra langtíma-
lána blekkja fólk langar mig að
leggja til að fréttamenn birti fram-
vegis fréttir svipaðs eðlis í hvert
sinn þegar hópar launþega fá
launahækkanir. Tökum dæmi: 15
þúsund manna hópur launþega,
hver með 125 þús. á mánuði fær 4
prósenta launahækkun á einu ári
sem er kr. 5.000 hækkun mánaðar-
launa. Þetta lætur lítið yfir sér ef
fréttin segir ekkert meira. En hve
mikil hækkun er þetta á næstu 300
eða 480 mánuðum sem er sami tími
og langtímalán? Það eru hvorki
meira né minna en 22,5 milljarðar
króna á 25 árum og 36 milljarðar á
40 árum! Þá gæti fréttin t.d. verið
svona:
„Laun hafa hækkað verulega á
aðeins einu ári: HÆKKUN LAUNA
UM TUGI MILLJARÐA – 15 þús-
und launþegar, hver með kr. 125
þús. á mánuði hafa á örskömmum
tíma fengið verulega launahækk-
un, jafnvel svo nemur tugum millj-
arða króna á 25 árum. Þessi eina
hækkun nemur kr. 22,5 milljörðum
á framangreindu tímabili. Hver
launþegi fær hækkun um eina og
hálfa milljón króna.“
Svona er hægt að blekkja með
sannleik.
Fréttamenn: Vinsamlegast
hættið að þjóna skuldakóngunum
sem þrá ekkert heitar en lög sem
banna verðtryggingar og lög sem
banna háa vexti til að þeir geti
rakað inn gróða með óverðtryggð-
um lánum á lágum vöxtum í bull-
andi verðbólgu.
Að blekkja með sannleik
UMRÆÐAN
VERÐTRYGGING
CARL J. EIRÍKSSON
RAFMAGNSVERKFRÆÐINGUR
Til dæmis eru margir framá-
menn í þjóðfélaginu, þar
með taldir alþingismenn og
lögfræðingar sem hægt er
að nafngreina, sem viðhalda
þessum áróðri gegn verðtrygg-
ingunni þótt þeir viti ekkert
hvernig verðtryggð lán eru
reiknuð!
550 5000
AUGLÝSINGASÍMI