Fréttablaðið - 08.06.2006, Blaðsíða 51

7■■■■■■■■■■■■■■■■■■■■■■■■■■■■■■■■■■■■■■■■■■■■■■■■ { Stangaveiði } ■■■■
Benedikt Ragnarsson, verslunarstjóri
hjá Útivist og veiði og leiðsögu-
maður segir það afar mikilvægt við
val á flugulínu að hafa í huga við
hvaða aðstæður eigi að nota hana.
„Aðstæðurnar skipta miklu máli, og
hvaða veiði á að stunda, hvort sem
það er vatnaveiði eða straumveiði.
Einnig þarf að hugsa fyrir því hvort
þurfi að sökkva línunni og þá hversu
djúpt og hversu hratt.“
Hann segir að gæta þurfi jafnræð-
is milli stangar og línu og einnig
milli rennslislínu belgsins og taums
flugulínunnar.
„Við gefum okkur það að belgur
línunnar sé fyrir framan stöngina og
það sé búið að draga rennslislínuna
út af hjólinu sem ákvarðar lengd
kastsins og hún liggur á jörðinni. Þá
segir eðlisfræðin að þyngd rennsl-
islínunnar, sem kasta á út, þurfi að
vera sem jöfnust þyngd taumsins og
flugunnar sem er framan á flugulín-
unni. Ef það gengur saman þá þarf
ekki að falskasta línunni, það er
hægt að kasta línunni hægar, hún
gengur betur í vindinn þar sem línu-
bugur er minni og línan leggst betur
á vatnið,“ segir Bendikt.
Hann segir Göran Andersson,
aðal línuhönnuð Loop, hafa komið
fram með þessi fræði og hafi í kjöl-
farið búið til línur sem geri þetta
kleyft. „Þetta er skotlínan sem mikið
er talað um, þar sem running-línan
er grönn og belgurinn er sniðinn að
þörfum hvers og eins.“
Göran segir að menn eigi að nota
kóníska tilbúna tauma til þess að ná
þessum jafnvægi og lengja síðan
tauminn ef menn vilja ná lengri
köstum.
„Lámarkslengd á kónískum taum-
um fyrir silung er 2,7 metrar, fyrir
lax 3,95 metrar og tvíhendutaumar
4,5 metrar.“
Hvað þá með sökkenda sem eru
settir framan á flugulínuna ?
„Þeir hafa gert fluguköstin erfið,
flugan flækist í línunni, og menn
eru að fá línuna í bakið og missa
fluguna í jörðina á bak við sig.
Þetta er vegna þess að jöfnuð-
urinn er kominn úr takt við eðlis-
mismuninn sem ég minntist á fyrr,
taumurinn er orðin of þungur miðað
við running-línuna,“ segir Benedikt.
Hann segir að hægt sé að laga köst-
in með því að hafa styttri sökkenda,
sem eru 5-7 fet á einhendu og setja
stuttan taum framan á. Þá eru menn
komnir með sömu þyngd og ef þeir
væru að nota kónískan taum.
„Útivist og veiði hefur um árabil
sérhæft sig í að skera skothausa fyrir
veiðimenn á mismunandi stangir
með mjög góðum árangri, það er
alveg sama hvaða stöng er komið
með, alltaf er reynt að skera línuna
þannig að fullkominn jöfnuður sé
á milli línu og stangar og með því
móti geta menn kastað lengra og
aukið þannig möguleika á að ná í
fleiri fiska,“ segir Bendikt að lokum.
Eðlisfræðin á bakvið
flugusköstin
Jafnvægi á milli stangar á línu skiptir miklu máli ef ná á góðu kasti.
Benedikt segir að við val á flugulínu sé mikilvægt að hafa í huga við hvaða aðstæður eigi
að nota hana. FRÉTTABLAÐIÐ/GVA
Íslensk útrás hefur mikið verið í
umræðunni síðastliðin ár og svo
virðist sem Íslendingar séu að gera
það nokkuð gott í erlendu við-
skiptalífi. Sigurður Þór Þórsson,
annar eigenda Nielsen Group, hefur
nú bæst í þeirra hóp, þar sem hann
stendur á bak við hönnun Nielsen-
veiðistanga sem fengið hafa góða
dóma erlendis.
Spurður af hverju hann hafi farið
út í þetta ævintýri, segir hann áhug-
ann hafa rekið sig út í að að þróa
og hanna veiðivörur fyrir þremur
árum. „Síðan kom Birgir Nielsen,
bróðir minn, inn í fyrirtækið og
höfum við einblínt á uppbyggingu
vörumerkisins,“ segir hann. „Stang-
irnar eru framleiddar af traustu fyr-
irtæki í Kína með fimmtán ára sögu
að baki. Í ár munu síðan ýmsar
nýjungar líta dagsins ljós, svo sem
fatnaður, kast- og fluguhjól.“
Að sögn Sigurður hafa viðtök-
urnar hérlendis verið alveg frábær-
ar. „Stangirnar hafa staðið undir
væntingum, enda eru þær sérhann-
aðar fyrir íslenskar aðstæður. Þær
ráða til dæmis betur við sterkan
vind. Framparturinn er síðan hafður
frekar stífur til að ná öflugra kasti.
Því stífari sem stöngin er því betur
gengur að ráða við línuna og hlaða
hana,“ bætir Sigurður við.
Nielsen-stangirnar hafa jafn-
framt hlotið góða athygli erlendis.
„Um þessar mundir erum við að
herja á breskan markað og mark-
aðssetja vörumerkið þar,“ útskýrir
Sigurður. „Við erum til að mynda
að selja stangirnar okkar í Glasgow
Angling Center í Glasgow, sem er
stærsta veiðivöruverslun Evrópu.
Viðtökurnar létu ekki standa á
sér og við fengum viðurkenningu
í febrúarhefti Fly Fishing & Fly
Tying, mjög virtu veiðitímariti. Í
því var mælt með Nielsen Power
Flex 9-stönginni okkar vegna
gæða og góðs verðs, ásamt stöng-
um frá Scott og Guideline sem eru
hvor um sig heimsþekktir veiði-
vöruframleiðendur,“ segir hann að
lokum.
Í fremsta flokki
Nielsen-veiðistangir vekja athygli á erlendum vettvangi.
Hér sést Sigurður með ýmsar gerðir Nielsen Power Flex-veiðistanga sem slegið hafa í gegn.
Sem dæmi um verð, má nefna að Nielsen Power Flex 9 ft-LW 6 kostar 21.900 kr.
FRÉTTABLAÐIÐ/JÓN HJÖRTUR