Fréttablaðið - 16.08.2006, Qupperneq 11

MIÐVIKUDAGUR 16. ágúst 2006 11
FLUGSAMGÖNGUR Flugfélag Íslands
tók nýverið í notkun tvær nýjar
flugvélar að gerðinni DASH 8,
sem keyptar voru frá kanadíska
flugvélaframleiðandanum Bomb-
ardier.
Vélarnar eru 37 sæta og munu
á meðal annarra verkefna sinna
flugi til Grænlands, en Flugfélag
Íslands samdi á dögunum við
grænlensku heimastjórnina um
flug á austurströnd Grænlands
næstu fimm árin.
Samkvæmt fréttatilkynningu
frá flugfélaginu búa nýju vélarn-
ar yfir ýmsum eiginleikum sem
ekki hafa áður verið í boði á
íslenskum flugmarkaði, þær
þurfa til að mynda stutta flug-
braut og þola meiri krossvind en
sambærilegar vélar.
Kostnaður við kaup félagsins á
vélunum er í kringum tíu milljón-
ir bandaríkjadala eða tæplega
átta hundruð milljónir íslenskra
króna.
Flugfélagið hefur nú yfir að
ráða tíu flugvélum, sex Fokker
50, tveimur DASH 8 og tveimur
Twin Otter flugvélum. Heildar-
farþegafjöldi félagsins var um
350 þúsund á síðasta ári. - æþe
Flugfélag Íslands tók tvær nýjar flugvélar í notkun í fyrradag sem þurfa styttri flugbraut en Fokker-vélarnar.:
Vélarnar sinna flugi til Grænlands
DASH 8 FLUGVÉL Önnur af tveimur
nýjum flugvélum sem bættust í flota
Flugfélags Íslands í gær.
DANMÖRK, AP Danska dómsmála-
ráðuneytið hefur farið fram á
framsal fyrrverandi SS-foringja
frá Þýskalandi til Danmerkur.
Søren Kam, sem fæddist í Dan-
mörku en hefur nú þýskan ríkis-
borgararétt, er sakaður um að
hafa, ásamt tveimur öðrum dönsk-
um SS-mönnum, skotið danska
blaðamanninn Carl Henrik Clem-
ensen til bana í Kaupmannahöfn í
ágúst 1943.
Kam, sem er 84 ára, hefur við-
urkennt að hafa skotið á Clemen-
sen, en segist hafa hleypt af eftir
að hinir höfðu banað honum.
Krufningarskýrsla sem gerð var
opinber árið 1997 sýnir þó að skot-
unum átta hafi verið hleypt af á
sama tíma.
Annar félaga Kams var tekinn
af lífi í Kaupmannahöfn árið 1946,
en hinn hvarf eftir stríð. - smk
63 ára gamalt morðmál:
Danskur SS-
maður í sigtinu
GARÐAR Þjóðfánum Íslands og
Kanada var stolið eftir hátíðahöld
við hús Stephans G. Stephansson-
ar í Görðum, Norður-Dakóta, fyrr
í mánuðinum.
Hátíðahöldin eru þáttur í
árlegri uppákomu Íslendinga í
bænum Mountain og sáust tveir
karlmenn draga fánana niður að
henni lokinni og leggja á flótta.
Stephan bjó í Görðum á níunda
áratug 19. aldar og er fyrrverandi
heimili hans þar enn varðveitt, en
í Dakóta gaf Stephan meðal ann-
ars út blaðið Fjalla-Eyvind.
Dagblaðið Grand Forks Herald
greinir frá þessu á heimasíðu
sinni. - kóþ
Heimili Stephans G. í Dakóta:
Íslenskum
fánum stolið
Ómeiddur eftir óhapp Ökumaður
ók bíl sínum út af veginum í Hvalvík
í fyrrakvöld. Að sögn lögreglunnar á
Húsavík var maðurinn einn í bílnum og
sakaði ekki. Hann mun hafa misst stjórn
á bílnum. Bíllinn er ekki talinn mikið
skemmdur en var þó sóttur af kranabíl.
LÖGREGLUFRÉTTIR
FR
ÉTTA
B
LA
Ð
IÐ
/G
VA
NÝJA-SJÁLAND, AP Te Arikinui Dame
Te Atairangikaahu, drottning
Maóra-frumbyggja á Nýja-Sjá-
landi, lést í gær. Hún var 75 ára að
aldri.
Te Ata var sjöundi þjóðhöfðingi
Maóra, sem brugðust við valda-
töku Breta á Nýja-Sjálandi árið
1858 með því að kjósa sér þjóð-
höfðingja. Engin völd fylgja emb-
ættinu, en sá sem gegnir því er
afar virtur meðal Maóranna.
Te Ata tók við sem drottning
árið 1966, en enginn hefur gegnt
embættinu lengur en hún. Faðir
hennar, Koroki Te Rata Mahuta
Tawhiao konungur, gegndi því á
undan henni.
Ekki hefur verið ákveðið hver
mun taka við embættinu, en hún
skilur eftir sig eiginmann, tvo
sonu og fimm dætur.
Frumbyggjar á Nýja-Sjálandi:
Drottning
Maóra látin
DROTTNING LÁTIN Te Ata, drottning Maóra
á Nýja-Sjálandi, lést á þriðjudag.
FRÉTTABLAÐIÐ/AP