Fréttablaðið - 16.08.2006, Side 24

[ ]
Jónas Þorsteinsson stendur
fyrir skipulögðum ferðum um
Reykjavík undir yfirskriftinni
„Haunted walks“. Á leiðinni
eru álfar, huldufólk og aftur-
göngur sóttar heim.
„Það er mikill draugagangur í
Reykjavík,“ byrjar Jónas á að
fullvissa blaðamann um, senni-
legast vegna þess að hann er
vanur því að fólk sé fullt efa-
semda um andaheiminn og dular-
fulla íbúa hans.
„Ferðirnar voru skipulagðar
út frá upplifun fjögurra miðla,
hvaðanæva að úr heiminum, frá
svæðum þar sem reimleika hafði
orðið vart en þeir ekki haft hug-
mynd um,“ heldur hann áfram.
„Við fórum síðan með vitnisburð
miðlanna til sagnfræðinga svo
hægt væri að skera úr um hverjir
hinir framliðnu væru. Ferðirnar
byggjum við síðan á þeim niður-
stöðum, það er frásögnum miðl-
anna í bland við sagnfræðilegan
fróðleik,“ útskýrir hann.
Að sögn Jónasar fer leiðsögu-
maður íklæddur íslenskri lopa-
peysu fyrir hópnum, sem hefur
meðal annars viðkomu í Tryggva-
garði við Alþingishúsið til að
skoða lágmynd með áletruninni
„griðastaður dýranna“, sem er
talin sýna að garðurinn sé fullur
af álfum og huldufólki. „Við Ráð-
húsið er síðan sagt frá þeim
öfgum sem þjóðtrúin getur farið
út í, en til marks um það eru til
hvorki meira né minna en 61
íslenskt heiti yfir djöfulinn,“
bætir hann við.
Með göngunni er ætlunin
meðal annars að kanna dekkri
hliðar Reykjavíkur, en þar ber
sjálfsagt hæst frásögn af Sigvart
Bruun, yfirmanni fangelsis, sem
er talinn bera ábyrgð á dauða yfir
60 manns eins og fram kemur í
Sögustað við Sund. „Steinunn frá
Sjöundá á að vera meðal fórnar-
lamba hans, en um hana er fjall-
að í bókinni Svartfugl eftir Gunn-
ar Gunnarsson,“ segir Jónas og
tekur undir þau orð blaðamanns
að Sigvart hljóti samkvæmt þessu
að vera í hópi fárra raðmorðingja
Íslandssögunnar.
En hefur drauga og annarra
vætta orðið vart á þessum ferð-
um? Jónas segir ferðamenn telja
sig sjá hurð á steini í Grjótaþorp-
inu sem liggi að öðrum heimi.
„Aðrir eru þess fullvissir að
íbúar kirkjugarðsins við Suður-
götu láti á sér kræla á meðan á
heimsókn stendur og svona mætti
halda áfram,“ bætir hann við.
Í raun skiptir það kannski ekki
máli hvort menn trúa á drauga og
aðra vætti eða ekki. Göngurnar
hafa sagnfræðilegt gildi og svo
hafa tímaritadómar um þær verið
lofsamlegir. Nú er bara um að
gera að slást með í för um undir-
heima Reykjavíkur, þar sem það
eru jafnvel líkur á því að rekast á
álfa, huldufólk eða afturgengna
morðingja. Allar nánari upplýs-
ingar eru á www.hauntediceland.
com. roald@frettabladid.is
Margt býr í myrkrinu
Jónas rak áður sérhæfða ferðaþjónustu í Danmörku, Norður-Ameríku og Kanada, sem tengdist indjánum og víkingum. Honum finnst
tilhugsunin spennandi að takast á við íslenska kynjaverur. FRÉTTABLAÐIÐ/GVA
Leiðsögumaður íklæddur lopapeysu stiklar á ýmsum sögulegum staðreyndum sem ljá
ferðinni skemmtilegan blæ. MYND/ÓLAFUR TH. ÓLAFSSON
Það er rómantískt að fara í litla ferð með elskunni og fá sér humar
í kvöldsólinni. Það er gott úrval af humarstöðum fyrir austan fjall, til að
mynda á Stokkseyri, Eyrarbakka og við ósa Ölfusár.
Tímaritið Útivera hefur hleypt
af stokkunum ferðasögusam-
keppni og heitir veglegum
verðlaunum fyrir bestu sögurn-
ar og myndirnar.
Að sögn Jóns Gauta Jóns-
sonar, ritstjóra Útiveru
hefur það ávallt verið mark-
mið ritstjórnarinnar að birta
áhugaverðar og fróðlegar
sögur af ferðum fólks, enda
reki alltaf eitthvað forvitni-
legt á fjörur ferðalanga. Því
efnir hann nú til samkeppni
um sögur og dregur ekki dul
á að aðalmarkmiðið sé að fá
vandað og skemmtilegt efni
til birtingar, að höfðu sam-
ráði við höfundana. Góð
verðlaun eru líka í boði fyrir
þrjár bestu sögurnar og þeim þurfa
að fylgja skemmtilegar myndir.
Auk þess fá allir höfundar og ljós-
myndarar sem birt verður eftir,
áskrift að Útiveru.
Sögurnar í samkeppninni mega
gerast hvar sem er í heim-
inum en síðasti skila-
dagur þeirra er 1. okt-
óber. Þær þurfa að
vera á tölvutæku formi
og mega vera allt að
18.000 slög að lengd.
Í dómnefndinni eru
meðal annarra Kristín
Helga Gunnarsdóttir
og Andri Snær Magna-
son en bæði hafa þau
skrifað greinar í Úti-
veru.
Ferðasagan þín
Nýi Íslandsatlasinn er meðal verðlauna-
gripa.
Náttúra og
sagnir
FEGURÐ MANNLÍFS OG NÁTTÚRU
VERÐUR VIÐFANGSEFNI GÖNGU
UM DJÚPADAL Í EYJAFIRÐI NÆSTA
LAUGARDAG.
Þjóðsögur um reimleika munu
rifjast upp þegar gengið verður að
Saurbæjarseli í Djúpadal í Eyjafirði
næsta laugardag en dalurinn er í
um 25 kílómetra fjarlægð frá Akur-
eyri. Fleiri sögur og sagnir ölast þar
eflaust líf í sínu rétta umhverfi því
í dalnum eru mörg sel og eyðibýli.
Meðal annars verða býlin Kambfell
og Strúgsá skoðuð. Þór Sigurðsson
frá Minjasafninu á Akureyri mun
leiða gönguna sem er nánast öll
á jafnsléttu og tekur um fjórar
klukkustundir. Lagt verður af stað
kl. 13 frá Litladal en þangað kemur
fólk á eigin vegum. Þátttaka er
ókeypis og þarf að tilkynna fyrir
kl.15 á föstudag í síma 462 4162.
18. - 20.8. Snæfellsjökull
Snæfellsjökull hefur löngum verið sveipaður dulúð og dregur að sér
áhugafólk um náttúruna og þá krafta sem í henni búa. Gott tækifæri
fyrir þá sem vilja upplifa hæfilega jöklagöngu og njóta útsýnis af
þessum einstaka tindi. Gisting 2 nætur í Arnarstapa, 2ja manna
herbergi í svefnpokaplássi. Farið á eigin bílum. Verð 7200/8400 kr.
EKKERT GERVIGRAS!
NÝTT OG BETRA GRAS!
WWW.GRAS.IS
Allar nýjustu upplýsingar
og fréttir á ensku á
vefnum reykjavik.com
og í blaðinu Reykjavikmag
Nýjar upplýsingaveitur á ensku: