Fréttablaðið - 16.08.2006, Síða 31

Yfir væntingum | Hagnaður FL
Group var 5.721 milljón króna
eftir skatta á fyrri hluta ársins
miðað við 1.933 milljóna króna
hagnað á sama tímabili í fyrra.
Eignir aukast | Hreinar eignir
lífeyrissjóðanna voru komnar í
1.358 milljarða króna í lok júní og
jukust um tæp tvö prósent milli
mánaða.
Tapaði þremur | Norska fjár-
málafyrirtækið Aktiv Kapital,
sem FL Group á yfir tíu prósenta
hlut í, tapaði þremur milljörðum
króna á öðrum ársfjórðungi.
Bæta við | Exista hefur aukið við
hlut sinn í Bakkavör um 4,1 pró-
sent og fer nú með 30,8 prósenta
hlut. Heildarvirði kaupanna nam
tæpum 4,5 milljörðum króna.
Eyrir stærst | Eyrir Invest hefur
aukið við hlut sinn í Marel og er nú
stærsti hluthafinn. Landsbankinn
seldi hlut til Eyris og er eftir það
næststærsti hluthafinn.
Undir spám | Vísitala neyslu-
verðs hækkaði um 0,34 prósent í
júlí sem var undir spám greining-
araðila. Verðbólga á ársgrundvelli
mælist nú 8,6 prósent.
Sjóðurinn græðir | Hagnaður
Íbúðalánasjóðs nam rúmum 2,5
milljörðum króna á fyrri helmingi
árs og jókst um tæpa tvo milljarða
króna miðað við sama tímabil í
fyrra.
Mikil aukning | Hreinn hagn-
aður Actavis á öðrum ársfjórð-
ungi þessa árs nam sem jafngildir
rúmum 2,7 milljörðum sem var
umfram væntingar.
Bóksala stúdenta
Ekkert bítur
á Bóksölunni
14-15
Marel
Tekur forystuna
í samkeppninni
8
Sögurnar... tölurnar... fólkið...
Miðvikudagur 16. ágúst 2006 – 31. tölublað – 2. árgangur Veffang: visir.is – Sími: 550 5000
F R É T T I R V I K U N N A R
CFC-löggjöf
Beint gegn
skúffufyrirtækjum
10-11
Óli Kristján Ármannsson
skrifar
Í New York í Bandaríkjunum er hafin tilraunafram-
leiðsla á skyri unnu eftir íslenskum framleiðslu-
aðferðum en úr mjólk amerískra kúa. Sigurður
Kjartan Hilmarsson heitir þrítugur Íslendingur
sem að framleiðslunni stendur, en verkefnið er
óháð Bændasamtökum Íslands sem unnið hafa að
markaðssetningu landbúnaðarafurða héðan vestra.
„Það er mjög gaman að sjá hversu mikill árangur
hefur náðst í markaðssetningu á íslenska skyrinu og
ég myndi fagna samstarfi við Mjólkursamsöluna,“
segir Sigurður og kveðst ekki svo langt kominn
með verkefnið að hann sé farinn að huga að mark-
aðssetningu að ráði. Líkt og MS stefnir hann þó á
að kynna vöru sína sem hágæðavarning. „Já, ég
hef starfað með bónda í New York-fylki sem fram-
leiðir mjólk með svokölluðum lífrænum hætti, það
er ekki verksmiðjuframleiðslu. Kýrnar hans fá að
fara út, er gefið gras og svo framvegis.“ Sigurður
vill því enn ekki slá föstum tímasetningum um hve-
nær framleiðsla hefst í alvöru, en það verður ekki
fyrr en eftir að lagst hefur verið yfir umbúðagerð
og annað slíkt. Hann hefur þó tryggt sér vefinn
www.skyr.com, þar sem hægt verður að fylgjast
með þróuninni.
Sigurður fór upphaflega út í nám en einbeitir
sér nú að skyrverkefninu og nýtur við það aðstoðar
tveggja annarra Íslendinga. „Fyrst var skyrið nú
eins og tómstundagaman,“ segir hann, en honum
datt fyrst í hug að búa til skyr þegar hann rak sig
á að jógúrt í Bandaríkjunum var honum ekki að
skapi. Hann vissi að langamma hans hafði sjálf
búið til skyr í sveitinni í gamla daga og datt í hug
að gera eins. „Þá fór ég að prófa mig áfram upp úr
uppskriftum úr eintaki af Kvennablaðinu frá 1969
sem mamma sendi mér um jólaleytið 2004,“ segir
hann. Tilraunastarfsemin vatt svo upp á sig og var
orðin heldur fyrirferðamikil fyrir eldhúsið þannig
að hann leitaði á náðir nokkurs konar iðntækniskóla
í nágrenninu og fékk að nota hjá þeim mjólkurbúið.
Þar komst hann svo í kynni við bændur sem höfðu
áhuga og boltinn tók að rúlla.
Baldvin Jónsson, verkefnisstjóri átaksverkefnis
um framleiðslu og markaðssetningu vistvænna og
lífrænna afurða hjá Bændasamtökunum, er dálítið
vantrúaður þegar kemur að framleiðslu í öðrum
löndum. „Stóra hættan er auðvitað að búa til eitt-
hvað sem ekki er vottað og upprunalega frá Íslandi.
Íslenska mjólkin er öðruvísi og með annað prótein-
innihald,“ segir hann og telur margt líkt með ostum
og skyri, til sé einn upprunalegur mozzarella ostur
þótt víða séu framleiddar af honum aðrar útgáfur.
Hann bendir líka á að vörumerkið skyr sé eign
Mjólkursamsölunnar. „Okkur tókst að fá það skráð
sem trademark í Bandaríkjunum og víðar, þannig
að önnur framleiðsla verður þar með aldrei seld
sem skyr.“
Íslendingur framleiðir
skyr í Bandaríkjunum
Tilraunaframleiðsla er hafin á skyri úr amerískri mjólk
í Bandaríkjunum. Bændasamtökin segja ólíku saman
að jafna, íslenskri mjólk og útlendri.
Félög skráð á Ermarsundseynni
Guernsey áttu hér eign-
ir fyrir rúmlega 41,6 millj-
arða króna í árslok 2005 sam-
kvæmt tölum Seðlabankans.
Heildarfjármunaeign erlendis
frá nam á sama tíma rúmum
252 milljörðum króna. Einungis
kemur meiri fjárfesting frá
tveimur löndum; níutíu milljarðar
frá Lúxemborg og 60,3 milljarðar
frá Hollandi.
Skattaumhverfi á Guernsey er
hagstætt og auðvelt fyrir erlenda
aðila að fá undanþágu frá greiðslu
tekjuskatts á fyrirtæki. Eigna-
menn hafa því gjarnan stofnað
þar svokölluð skúffufyrirtæki og
freistað þess að komast kring-
um skattalöggjöf heimafyrir.
Skattaumhverfi er líka hagstætt í
Lúxemborg og í Hollandi.
Indriði H. Þorláksson, rík-
isskattstjóri, segir Íslendinga
í auknum mæli skrá félög sín
á lágskattasvæðum til þess að
komast hjá skatti eða lágmarka
greiðslur. Félögin greiða ekki
skatta á viðkomandi stað heldur
bara stofn- og árgjöld. „Það hvíla
engar kvaðir á þessum aðilum;
engin hlutafjárlöggjöf, engin upp-
lýsingaskylda eða skylda til að
birta ársreikninga. Þetta eru í
flestum tilvikum hrein gervifé-
lög,“ segir hann.
Landsbankinn keypti á dögun-
um Cheshire-banka á Guernsey.
Halldór J. Kristjánsson banka-
stjóri sagði þá nauðsynlegt
að bjóða viðskiptavinum upp á
þann kost að eiga bankaviðskipti
á Ermarsundseyjum. Rúmlega
helming tekna Guernsey má rekja
til fjármálastarfsemi. -jsk
Gervifélög skráð á Guernsey
Ríkisskattstjóri segir ólöglegt að fela tekjur og eignir í erlendum skattaparadísum.
Búist er við að stýrivextir
Seðlabankans hækki um 0,50 til
0,75 prósentustig í dag, að mati
greiningardeilda bankanna. Í
síðasta mánuði hækkaði bankinn
vextina í 13 prósent.
„Í stýrivaxtaspá okkar gerum
við ráð fyrir 50 punkta hækk-
un núna og annarri 50 punkta
hækkun í september. Þar með
teljum við að ljúki vaxtahækk-
unarferli Seðlabankans og svo
taki vextir að færast niður á við
á fyrsta ársfjórðungi 2007,“ segir
Þóra Helgadóttir, sérfræðingur
á greiningardeild Kaupþings
banka.
Spár bankanna eru í samræmi
við ný álit bæði OECD og Alþjóða-
gjaldeyrissjóðsins um að hér sé
enn þörf aðhaldssamrar peninga-
stefnu.
Ákvörðunin í dag er utan
hefðbundinna vaxtaákvörðunar-
daga bankans. Næst verða vextir
ákveðnir 14. september. - óká
Stýrivextir
ákveðnir í dag
Heildarafli íslenskra skipa var
88 þúsund tonn í júlí síðastliðn-
um samkvæmt bráðabirgðatöl-
um frá Fiskistofu. Það er sama
magn af afla og í júlí í fyrra.
Heildarafli íslenskra skipa nam
876 þúsund tonnum í janúar til
júlí í ár en hann var 1.255 þús-
und tonn í fyrra. Jafngildir það
þrjátíu prósenta samdrætti sem
skýrist að mestu af því að loðnu-
vertíðin var mun styttri en áður.
Á móti kemur að mun hærra hlut-
fall af loðnuaflanum í ár fór til
manneldisvinnslu auk þess sem
afurðaverð var hátt og hærra en
í fyrra.
Í Morgunkorni Glitnis segir að
almennt séu ytri skilyrði fyrir
sjávarútvegsfyrirtækin hagstæð-
ari nú en í fyrra þar sem gengi
krónunnar hafi lækkað frá fyrra
ári og afurðaverð á erlendum
mörkuðum sé nálægt sögulegu
hámarki. - hhs
Óbreyttur afli