Fréttablaðið - 16.08.2006, Qupperneq 65

MIÐVIKUDAGUR 16. ágúst 2006 29
HVAÐ? HVENÆR? HVAR?
ÁGÚST
13 14 15 16 17 18 19
Miðvikudagur
■ ■ LEIKLIST
 22.00 Sviðslistahátíðin ArtFart
í húsi Ó. Jónsson & Kaaber.
Leikhópurinn B8 sýnir grátbroslega
söguleikinn Íslenzk fyndni LOL
djók. Höfundur og leikstjóri er
Árni Kristjánsson.
■ ■ ÚTIVIST
 19.30 Sögusigling um Eyjafjörð
á eikarbátnum Húna II. Lagt verð-
ur af stað frá Torfunefsbryggju
og siglt í um eina og hálfa klukku-
stund. Leiðsögumaður um borð
verður Hörður Geirsson, safnvörð-
ur á Minjasafninu á Akureyri.
Skoðaðar verða byggingar og
önnur kennileiti í landi, auk þess
sem rennt verður fyrir fisk í leið-
inni. Siglingin er ókeypis og veiði-
stangir um borð.
■ ■ DANSLIST
 18.00 Sviðslistahátíðin ArtFart
í húsi Ó. Jónsson & Kaaber.
Listhópurinn Sarent sýnir RE:RE:
RE:RE:RE:RE:RE:RE:No Subject.
 20.00 Listahátíðin Art Fart í húsi
Ó. Jónsson & Kaaber. Íslenska
hreyfiþróunarsamsteypan sýnir
dansverkið Meyjarheftið.
■ ■ SÝNINGAR
 10.00 Helena Hansdóttir sýnir í
Sögusetrinu Hvolsvelli. Sýningin
ber heitið Éta og samanstendur
af vídeógjörningi, ljósmyndum og
innsetningu. Sýningin stendur til
3. september. Sögusetrið er opið
alla daga frá 10 til 18.
 11.00 Sumarsýning Listasafns
Íslands, Landslagið og þjóð-
sagan er opin frá kl. 11-17.
Fríkirkjuvegur 7.
Upplýsingar um viðburði og sýningar
sendist á hvar@frettabladid.is
ekki síðar en sólarhring fyrir birt-
ingu.
E
N
N
E
M
M
/
S
ÍA
/
N
M
2
2
8
8
8
DAGAR
Í FYRSTA LEIK
3
Í Gallerí Tukt sýna mennta-
skólanemarnir Sölvi Snæ-
björnsson og Viktor P.
Hannesson eigin verk undir
yfirskriftinni Ekki borða
gulan snjó!
Litríkar og skemmtilegar myndir
prýða veggi Gallerí Tuktar fram
til 25. ágúst. Menntaskólanemarn-
ir og vinirnir Sölvi Snæbjörnsson
og Viktor P. Hannesson settu þar
um sýningu um síðstu helgi sem
hefur fengið góðar viðtökur.
Verk ungu listamannanna
tveggja hanga í bland á vegjunum
þótt þau séu í rauninni ekkert
skyld innbyrðis. „Það er samt
mjög skemmtilegt hvað þetta
passar vel saman þegar maður
setur þetta upp, eins ólík og þessi
verk í rauninni eru,“ segir Viktor
sem vinnur verkin sín alfarið í
tölvu. Grunnur þeirra eru ljós-
myndir sem hann leikur sér með.
Sölvi vinnur aftur á móti mikið
með blek, klippir út og stenslar.
„Vinnslan hjá mér hefur dreifst
yfir lengri tíma svo vinnan hefur
meira jafnast út, þótt ég hafi nú
gert held ég þrjár af þessum
myndum í sumar,“ segir Viktor
aðspurður um hvernig undirbún-
ingi að sýningunni hafi verið hátt-
að. Sölvi vinnur hlutina þó með
öðrum hætti og segist varla hafa
sofið dúr í tveggja vikna aðdrag-
anda sýningarinnar, þar sem hann
hafi verið upptekinn við að klára
myndirnar sínar. „Þetta er í fyrsta
sinn sem ég geri eitthvað svona
stórt,“ segir Sölvi og bætir við
þeirri ólánssögu af undirbúningn-
um að kötturinn hans hafi étið
tvær af myndunum sem áttu að
fara á sýninguna.
Aðspurðir segjast þeir fátt hafa
lært í listunum, ef frá eru taldir
myndlistartímarnir í Menntaskól-
anum við Hamrahlíð þar sem þeir
eru báðir að ljúka námi. Sölvi seg-
ist þó hafa kynnt sér myndasögu-
gerð í Myndlistarskólanum og
Viktor minnist á að hafa unnið í
ljósmyndaverslun og lært þar
nokkur trikk í ljósmyndavinnslu.
Þeir stefna þó báðir á listnám eftir
að menntaskólanum lýkur, jafnvel
erlendis.
Ljóst er að viðtökur við sýn-
ingu félaganna eru góðar, því
margar myndanna eru merktar
með rauðum depli. Aðspurðir um
hvort þeir séu búnir að selja mikið
segjast þeir svo vera. „Aðallega
hann samt, ég er bara búinn að
selja eina,“ segir Sölvi svo, hlær
og bætir við að Viktor hafi verið
að selja eina mynd rétt í þann
mund sem blaðamaður steig í sýn-
ingarsalinn. „Mamma á svo þessa,“
segir Viktor og bendir á eina mynd
sem enn á eftir að merkja með
rauðum depli.
Sýning Sölva og Viktors er opin
alla virka daga milli klukkan níu
og sautján í Gallerí Tukt, Póst-
hússtræti 3-5, en gengið er inn í
gegn um skrifstofu Hins hússins.
Síðasti sýningardagur er 25.
ágúst. annatfrettabladid.is
Kötturinn át tvær myndir
UNGIR LISTAMENN Í GALLERÍ TUKT Félagarnir Sölvi Snæbjörnsson og Viktor P. Hannesson
eru með samsýningu í Gallerí Tukt en félagarnir eru menntaskólanemar og sjálflærðir
listamenn. FRÉTTABLAÐIÐ/HRÖNN
ÓLÍK VERK SEM ÞÓ PASSA VEL SAMAN Sölvi
og Viktor segja að þeim hafi komið á óvart
hversu vel verkin þeirra pössuðu saman.