Fréttablaðið - 20.09.2006, Qupperneq 77

H A U S
MARKAÐURINN
það segir sig sjálft að orkuverðið
virðist samkeppnishæft, ekki síst
í því ljósi að orkuverð hefur farið
mjög hækkandi í heiminum á
undanförnum misserum og mán-
uðum. Þar af leiðandi skapast enn
aukinn áhugi á starfsemi okkar
hér.“ Að auki segir hann að hér
sé um að ræða svokallaða græna
orku, en mikill akkur sé í því
fyrir mörg fyrirtæki, markaðs-
setningar þeirra vegna, að geta
nýtt sér græna orku í framleiðslu
sinni, í stað kola eða olíu.
Í samkeppni um fjárfesting-
ar útlendinga hafa mörg lönd,
svo sem Írland og Kanada, auk
einhverra ríkja Austur-Evrópu,
gripið til sértækra aðgerða á
borð við skattaívilnanir og niður-
fellingu margvíslegra aðstöðu-
gjalda. „Almennt er slíku ekki til
að dreifa hér á landi. Undanfarin
10 til 12 ár hefur ríkisstjórn-
in lagt áherslu á að skapa sam-
keppnishæft umhverfi og að
gera skattaumhverfið eins hag-
fellt og einfalt og mögulegt er.
Sveitarfélögin sjálf geta svo að
sjálfsögðu tekið um það ákvörð-
un, vilji fyrirtæki staðsetja sig
hjá þeim, hvort þau vilja gefa
eftir einhver gjöld.“ Þá bætir
Þórður við að ívilnanir einar og
sér séu sjaldan úrslitaatriði þótt
vissulega geti þær hjálpað til.
„Oft á tíðum nota ríki, borgir og
lönd ívilnanir til að bæta fyrir
aðra ágalla, svo sem lélega inn-
viði, illa menntað vinnuafl, eða
fleiri slíka þætti. Á móti kemur
svo líka oft að þessi ríki gera
kröfur um tiltekið atvinnustig,
svo sem um ákveðinn fjölda sem
ráða þurfi inn í fyrirtækin og
þetta þekkist til dæmis í Austur-
Evrópu.
„Almennt má segja að fjár-
festingarumhverfið hér á landi
sé orðið tiltölulega hagstætt fyrir
erlenda fjárfesta bæði lagalega
og viðskiptalega. Ef horft er á
sóknarfærin sem ég hef nefnt
er t.d. ljóst að litlar sem engar
takmarkanir eru á erlendri fjár-
festingu á þeim sviðum.“ Þá
segir hann ljóst að ávinningur af
beinum fjárfestingum útlendinga
hér á landi sé fjölþættur. „Þær
auka fjölbreytni atvinnulífsins,
skapa auknar skatttekjur og auka
möguleika ungs vel menntaðs
fólks á því að fá vellaunuð störf.
Beinar erlendar fjárfestingar
eru oft fljótvirkasta og auðveld-
asta leiðin til að skapa betri og
hærra launuð störf í annars til-
tölulega fábreyttri atvinnuflóru
og styrkja stoðir fyrirtækja sem
þegar eru fyrir í landinu.“
SAMLEIÐ MEÐ FYRIRTÆKJUM
Það sem hæst ber í starfi
Fjárfestingarstofunnar um þess-
ar mundir segir Þórður að séu
áform um kynningu á þeim svið-
um þar sem samkeppnisstyrkur
landsins er hvað mestur, „svo
sem í þekkingariðnaði, líftækni
og skyldum greinum“. Þá er
verið að vinna úr fyrirspurnum
um staðsetningu hér á landi, bæði
úr þekkingar- og líftæknigeira og
eins frá fyrirtækjum í orkufrek-
um iðnaði sem tengjast þá öðrum
sviðum en áli. Slík fyrirtæki geta
verið af ýmsum toga, svo sem í
trefja-, eða kísilflöguiðnaði. „Það
eru iðngreinar sem vaxa mjög
hratt í heiminum,“ segir Þórður
og bætir við að í þennan flokk
falli líka svokölluð netþjóna-
bú, en Fjárfestingarstofan kom
nýlega að því að aðstoða fyrir-
tækið Data Íslandia í að kynna
samkeppnishæfni íslenskrar
upplýsingatækni á alþjóðlegum
markaði á stærstu ráðstefnunni
um upplýsingatækni og gagna-
hýsingu, Storage Network World,
í Frankfurt í Þýskalandi.
Þórður segir að auk fyrir-
spurna sem berist erlend-
is frá og kynningarstarfs
Fjárfestingarstofunnar þar, felist
hluti starfseminnar í aðstoð hér
innanlands. Þar ber einna helst
verkefnið um möguleika flug-
vallarsvæðisins í Keflavík þar
sem sveitarfélögin á svæðinu leit-
uðu til Fjárfestingarstofunnar.
„Og við leiðum þá vinnu,“ segir
hann og kveður íslensk fyrirtæki
geta leitað til stofunnar ef leita
þurfi að erlendum fjárfestum í
tengslum við uppbyggingu nýrrar
starfsemi, en oft á tíðum geti
verið mikið hagræði í því að sam-
eina kraftana. „Við erum búin að
taka saman mikið af upplýsing-
um um Ísland og það umhverfi
sem mætir fjárfestum hér og sú
vinna getur vissulega gagnast
margvíslegum fyrirtækjum sem
kynna þurfa, ekki bara sjálf sig,
heldur það umhverfi sem þau
starfa í.“
Þórður segir að nú sé lag að
kynna Ísland sem fjárfestingar-
kost vegna þess hve samkeppn-
isstaða landsins hafi batnað á
undanförnum árum. „Í okkar
starfsemi leggjum við mikla
áherslu á samstarf við ýmsa aðila
í þjóðfélaginu um kynningu. Við
erum til dæmis að vinna með
íslenskum einkafyrirtækjum
þ.e. banka, Kauphöll Íslands og
nokkrum endurskoðunarfyrir-
tækjum í kynningu á möguleik-
um fjármálatengdrar starfsemi
hér á landi. Við vinnum með
sveitarfélögunum að kynningu í
sambandi við Keflavíkurflugvöll
og tökum áfram að okkur slík
verkefni. Okkar aðferðafræði er
sú að fá í lið með okkur alla þá
sem raunverulega hafa áhuga og
hag af því að eitthvað gerist í
erlendri fjárfestingu hér heima.“
15MIÐVIKUDAGUR 20. SEPTEMBER 2006
F Y R I R TÆ K I
CLINT EASTWOOD Verkefnið Film in Iceland hefur dregið hingað fjölda erlendra stór-
stjarna á borð við Clint Eastwood, sem hér sést að ofan með föruneyti. MARKAÐURINN/E.ÓL.
� � � � � � � � � � � � � � � � � � � � � � � � � � � � � � � � � � � � �