Fréttablaðið - 23.09.2006, Blaðsíða 2

2 23. september 2006 LAUGARDAGUR
SPURNING DAGSINS
Er tími kókópuffskynslóðarinn-
ar kominn?
„Ég er hræddur um það.“
Sígilda Kókópuffsbragðið sneri nýlega
aftur á íslenskan markað með tilheyrandi
auglýsingaherferð í kjölfar fjölda kvartana
frá viðskiptavinum yfir nýja bragðinu. Ari
Fenger er markaðsstjóri Nathan & Olsen,
innflytjanda Kókópuffsins.
BÚÐARDALUR Ekið hefur verið á
sextán kindur á þjóðveginum við
Búðardal síðustu daga. Lögregl-
an á staðnum telur féð hafa verið
að flækjast á veginum vegna
þess að vegakantar séu iðagræn-
ir af fallegu grasi um þessar
mundir.
Eðli málsins samkvæmt sækir
féð í þá af miklum móð. Vega-
gerðin slær kantana á sumrin en
leyfir þeim að vaxa á öðrum
árstíðum og því eru þeir
eftirsóknarvert beitiland eins og
er. Engin slys hafa orðið á fólki
en jeppi skemmdist töluvert
þegar hann ók á kind á Laxár-
brú. - þsj
Sauðfé sækir í gras í vegkanti:
Ekið á 16 kindur
við Búðardal
ÞÝSKALAND, AP Á þriðja tug fórust
þegar tilraunahraðlest ók á um
það bil 200 kílómetra hraða beint
á kyrrstæðan viðgerðarvagn í
Þýskalandi í gærmorgun, skammt
frá landamærum Hollands.
Rúmlega þrjátíu manns lentu í
slysinu, þar af um 25 manns um
borð í lestinni, sem hefur verið
starfrækt í tilraunaskyni frá
árinu 1984. Lestin er keyrð án
lestarstjóra á háum segulteinum
og hélst hún á brautinni þótt hún
hefði kastast til þegar árekstur-
inn varð og stór brot kastast úr
henni. Tíu manns komust lífs af
úr slysinu, allir alvarlega
slasaðir. - gb
Lestarslys í Þýskalandi:
Segulhraðlest
ók á lestarvagn
RÚSTIR AF VAGNI HÍFÐAR UPP Árekstur-
inn varð á 200 km hraða. FRÉTTABLAÐIÐ/AP
VIÐSKIPTI Hópur norskra fagfjár-
festa veðjar á olíu- og gasleit við
Ísland og Færeyjar og hefur fjár-
fest í Geysi Petroleum sem stofn-
að var hér á landi árið 2004.
Geysir Petroleum er metið á um
sex milljarða króna, en gangi eftir
ýtrustu ráðagerðir félagsins segir
Finansavisen að það gæti orðið yfir
400 milljarða króna virði.
Geysir er meðal fyrirtækja
sem sýnt hafa olíuleit hér við land
áhuga, en einn aðaleigandi
félagsins er Sagex Petroleum AS,
norskt fyrirtæki í orkuiðnaði.
Félagið er sagt hyggja á skrán-
ingu á markað í Noregi, þar sem
það er með aðalskrifstofu, á
næsta ári. - óká
Olíu- og gasleit við Ísland:
Norskir fjárfest-
ar veðja á Geysi
VIÐSKIPTI Yfirdráttarlán hafa
aukist um fjörutíu milljarða
króna síðustu tólf mánuði, eða um
24 prósent, að því er greiningar-
deild KB banka segir. Í lok síðasta
mánaðar námu yfirdráttarlán 191
milljarði króna.
Bendir bankinn á að á sama
tíma hafi verðlag hækkað um
rúm átta prósent. „Ef yfirdráttar-
lán eru brotin niður á lántakendur
kemur í ljós að fyrirtæki eiga um
helmingshlutdeild og heimilin um
þriðjung. Ef litið er á þróun
verðtryggðra útlána innlánsstofn-
ana kemur í ljós að þau hafa
vaxið um 38 prósent á síðastliðn-
um tólf mánuðum en stóðu nær í
stað milli júlí og ágúst og
lækkuðu því að raunvirði,“ segir
bankinn. - óká
Yfirdráttur heimila og fyrirtækja:
Fjórðungsaukn-
ing á einu ári
STJÓRNMÁL Al Gore, fyrrverandi
varaforseti Bandaríkjanna, hefur
þegið boð Ólafs Ragnars Gríms-
sonar, forseta Íslands, um að heim-
sækja Ísland. Mun Gore kynna sér
árangur Íslendinga á sviði endur-
nýjanlegrar orku og tilraunaverk-
efni um eyðingu koltvísýrings úr
andrúmsloftinu, auk þess sem hann
mun ræða breytingar í hafinu
umhverfis Ísland. Þá mun hann
halda hér opinberan fyrirlestur.
Al Gore er áhrifamikill tals-
maður um brýna nauðsyn þess að
bregðast við hættunni af loftslags-
breytingum. Nýleg kvikmynd
hans hefur vakið athygli og var
sýnd á nýliðinni kvikmyndahátíð á
Íslandi.
Ólafur Ragnar og Al Gore
ræddust við í New York á fimmtu-
dag um fjölmörg verkefni á sviði
orkunýtingar og vísindarann-
sókna. Ólafur Ragnar fjallaði um
samvinnuverkefni Íslendinga og
annarra þjóða um nýtingu jarðhita
og Gore lýsti áhyggjum sínum af
breytingum sem kunna að vera að
gerast í heimshöfunum, einkum á
norðlægum hafsvæðum.
Ekki er frágengið hvenær Al
Gore kemur til Íslands en í til-
kynningu frá forsetaembættinu
segir að heimsóknin verði bráð-
lega. - bþs
Ólafur Ragnar Grímsson og Al Gore ræddust við um aðgerðir gegn loftslagsbreytingum:
Al Gore flytur erindi á Íslandi
HANDTAK Al Gore og Ólafur Ragnar
Grímsson takast í hendur í New York.
GAZA, AP Þúsundir stuðnings-
manna Fatah-hreyfingarinnar,
þeirra á meðal hundruð vopnaðra
manna, gengu í mótmælagöngu
gegn Hamas-
samtökunum
í Gaza-borg í
gær. Andófið
kemur í
kjölfarið á
bakslagi sem
varð á
stjórnar-
myndunar-
þreifingum
Hamas og
Fatah, eftir
að Mahmoud
Abbas, æðsti
yfirmaður Fatah og forseti
Palestínu, lýsti því yfir á fundi
allsherjarþings SÞ að væntanleg
stjórn Palestínu myndi viður-
kenna Ísrael sem ríki meðal ríkja.
Stuttu síðar barst yfirlýsing
frá Ismail Haniyeh, yfirmanni
Hamas og forsætisráðherra
Palestínu, um að hann vildi ekki
stýra ríkisstjórn sem viðurkenndi
Ísraelsríki. - kóþ
Stjórnarmyndun í Palestínu:
Leiðtogarnir
deila um Ísrael
ISMAIL HANIYEH
BANDARÍKIN George W. Bush Bandaríkjaforseti
náði í gær samkomulagi við hóp repúblikana í
öldungadeild Bandaríkjaþings um frumvarp
að lögum um sérstaka herdómstóla, sem eiga
að fjalla um mál fanga bandaríska hersins við
Guantanamo á Kúbu.
Samkomulagið felur meðal annars í sér að
Bandaríkjaforseti fær lagalega heimild til
þess að túlka ákvæði Genfarsáttmálanna eins
og honum sjálfum þykir réttast. Á hinn bóginn
eru í frumvarpinu skýr ákvæði um það hvað
teljist „alvarleg brot“ gegn Genfarsáttmálun-
um, sem ekki eru heimil, og er þar á meðal að
finna skilgreiningu á pyntingum og býsna
þrönga skilgreiningu á því hvað teljist vera
„alvarlegur andlegur sársauki og þjáning“.
Bush lýsti í gær ánægju sinni með sam-
komulagið, sem hann sagði tryggja það að
leyniþjónustan CIA gæti áfram „yfirheyrt
hættulegustu hryðjuverkamenn heims og náð
í leyndarmál þeirra.“
Öldungadeildarþingmaðurinn John McCain
sagðist á hinn bóginn ánægður með að hafa
náð fram því markmiði að verja Genfarsátt-
málana. „Það verða engar frekari pyntingar,“
sagði hann.
Verði frumvarpið samþykkt í þinginu í
næstu viku geta repúblikanar verið samstíga í
kosningabaráttunni eftir að hafa deilt hart
undanfarnar vikur. - gb
JOHN MCCAIN ÖLDUNGADEILDARÞINGMAÐUR
Leiðtogi andófshóps innan Repúblikanaflokksins segist
hafa fengið því framgengt að pyntingar verði ekki fram-
ar stundaðar á vegum bandarískra stjórnvalda.
FRÉTTABLAÐIÐ/AP
Repúblikanar ná sátt við Bush um herdómstóla í Guantanamo:
Heimild til að túlka Genfarsáttmálann
STJÓRNMÁL Varnarsamningur
Íslands og Bandaríkjanna verður
kynntur á fundi utanríkismála-
nefndar Alþingis á þriðjudag.
Verður fundurinn í Þjóðmenning-
arhúsinu við Hverfisgötu og hefst
klukkan 14:30.
Áður en til hans kemur verður
forystumönnum stjórnarand-
stöðuflokkanna á Alþingi kynntur
samningurinn.
Liðlega hálft ár er liðið síðan
bandarísk stjórnvöld tilkynntu
um brottför varnarliðsins á
Keflavíkurflugvelli. Viðræður um
varnir Íslands og viðskilnað
varnarliðsins hófust 31. mars. - bþs
Utanríkismálanefnd Alþingis:
Samningur um
varnir kynntur
FJÖLMIÐLAR Útsendingum frétta-
stöðvarinnar NFS var hætt í gær.
Um tuttugu manns hefur verið sagt
upp störfum, þar af sjö frétta- og
dagskrárgerðarmönnum. Mark-
miðið með breytingunum er að
lækka tilkostnað og leggja meiri
áherslu á fréttavefinn Vísi.
Ari Edwald, forstjóri 365 miðla,
hélt fund með starfsmönnum í gær
þar sem ákvarðanir stjórnar Dags-
brúnar, móðurfélags 365 miðla,
voru kynntar.
Fréttir verða áfram fluttar á
hefðbundnum tímum á Bylgjunni
og Stöð 2. Þættirnir Ísland í dag og
Ísland í bítið verða einnig áfram á
dagskrá. Eftir breytingarnar verða
stöðugildi á NFS um 55, en auk
þeirra koma lausráðnir starfsmenn
og verktakar að starfseminni.
„Það er afskaplega sárt að sjá
á eftir góðum vinum og góðu starfs-
fólki en við erum að breyta um
áherslur og ætlum að efla frétta-
þjónustu á þeim sviðum sem við
erum hvað sterkust, í hádegis- og
kvöldfréttum og á vefnum,“ segir
Sigmundur Ernir Rúnarsson,
fréttastjóri NFS.
„Við erum einfaldlega í því
umhverfi að það er erfitt að reka
einkarekinn fjölmiðil við þær
aðstæður sem honum hafa verið
skapaðar.“ Sigmundur segir Ísland
fulllítið fyrir fréttaþjónustu af því
tagi sem NFS bauð upp á en telur
að takast muni eftir nokkur ár að
halda úti slíkri þjónustu.
„Þær tekjur sem við náðum að
hafa af sjónvarpsútsendingunum
yfir daginn voru einfaldlega lægri
en þurft hefði til að halda úti svona
vandaðri og metnaðarfullri frétta-
dagskrá allan daginn,“ segir Ari
Edwald. „Við erum einkafyrirtæki
sem starfar í óvinveittu umhverfi.
Stefna stjórnvalda er mjög fjand-
samleg frjálsu framtaki og einka-
rekstri á þessu sviði atvinnulífs-
ins.“
Róberti Marshall, forstöðu-
manni NFS, var fyrstum sagt upp í
gær. Sigmundur Ernir Rúnarsson
verður áfram fréttastjóri NFS. Þór
Jónsson, sem mun einbeita sér að
sjónvarpsfréttum Stöðvar 2, og
Þórir Guðmundsson, sem mun
stýra Vísi og fréttum á Bylgjunni,
verða aðstoðarfréttastjórar. Elín
Sveinsdóttir verður framleiðslu-
stjóri NFS.
salvar@frettabladid.is
Tuttugu sagt upp og
útsendingum hætt
Miklar breytingar voru gerðar á rekstri fréttastöðvarinnar NFS í gær. Útsending-
um á sérstakri sjónvarpsrás hefur verið hætt og tuttugu sagt upp störfum. Frétta-
stjóri segir Ísland fulllítið fyrir fréttaþjónustu af því tagi sem NFS bauð upp á.
LOKAÚTSENDINGIN
Útsendingum NFS á
sérstakri sjónvarpsrás
lauk klukkan átta í gær-
kvöldi. Sigmundur Ernir
og Edda Andrésdóttir
stýrðu seinasta frétta-
tímanum og kvöddu
áhorfendur í lok hans.
FR
ÉT
TA
B
LA
Ð
IÐ
/H
EI
Ð
A