Fréttablaðið - 23.09.2006, Blaðsíða 74

23. september 2006 LAUGARDAGUR38
Ray Winstone er þekktur fyrir að leika hrotta eða miskunnarlausa glæpa-
menn. Hann skaust upp á stjörnu-
himininn í Bretlandi fyrir leik
sinn í Scum, mynd sem kynslóðir
eftir kynslóðir horfa á í Englandi
og vitna til. Síðan þá hefur Win-
stone verið einn vinsælasti leik-
ari Breta þótt þær vinsældir hafi
ekki ratað út fyrir landsteinana
fyrr en nú. Hann leikur höfuðs-
manninn Stanley í kvikmyndinni
The Proposition sem frumsýnd
var hér á landi fyrir skömmu og
hefur mikið álit á Nick Cave, enda
hefur hann boðist til að leika í
næstu kvikmynd eftir handriti
tónlistarmannsins, Death of a
Ladies’ Man.
Kerlingarlegt að vera leikari
Winstone er kominn af verkafólki
í London. Hann hóf snemma að
æfa hnefaleika og þótti nokkuð
góður, hafði sigur í 80 bardögum
af 88. Hann var ungur að árum
þegar áhuginn á kvikmyndum og
leiklist kviknaði, tók þátt í upp-
færslum á vegum skólans síns -
sem þótti ekki nógu karlmannlegt
í hverfi Winstone. „Þetta var
hommalegt á sínum tíma og vafa-
lítið eru leikarar hommar upp til
hópa,“ segir hann af sinni alkunnu
kaldhæðni. „Pabbi minn sótti mig
oft eftir skóla á miðvikudögum og
við fórum saman í bíó til að sjá
allar þær stórmyndir sem þá voru
gerðar fyrir hvíta tjaldið. Þaðan
er eflaust þessi áhugi kominn,“
útskýrir Winstone. „Foreldrar
mínir töldu jafnframt að rétt eins
og hnefaleikar héldu mér frá
vandræðum myndi leiklistin gera
slíkt hið sama,“ bætir hann við og
segir að miklu hafi skipt að hann
fékk styrk til náms í skóla.
„Mamma og pabbi áttu ekki mikla
peninga og þess vegna var þetta
kjörið tækifæri fyrir strák úr
mínu hverfi,“ segir Winstone. „Að
vera boxari og leikari er líka mjög
líkt. Þú ert laminn niður ef þú ert
lélegur í hringnum og það er baul-
að á þig ef þú ert lélegur í kvik-
mynd,“ útskýrir hann. „Svo ég
valdi frekar að vera leikari því
það er miklu betra að vera baul-
aður niður en rotaður.“
Fangelsi eiga að vera uppbyggileg
Winstone talar hratt, stundum
hálf óskiljanlega með blóti og
slangri sem á ættir sínar að rekja
til verkamannaupprunans. Talið
berst að kvikmyndinni Scum sem
er hálfgerð goðsögn í Bretlandi.
Talað er um manndómsvígslur
þegar ungt fólk hefur afrekað að
sjá hana, slíkt er ofbeldið og
mannfyrirlitningin. Fáir íhuga að
gerast glæpamenn þegar þeir
hafa séð myndina.
Hún var upphaflega gerð fyrir
BBC en þótti of ofbeldisfull fyrir
ríkissjónvarpið. Kvikmyndaleik-
stjórarnir brugðu því á það ráð að
endurgera hana fyrir hvíta tjald-
ið með Winstone í aðalhlutverki.
„Ég er miklu hrifnari af upphaf-
legu útgáfunni. Myndin fjallar
um unga afbrotamenn og við
vorum einfaldlega orðnir aðeins
eldri þegar kvikmyndin var
gerð,“ segir Winstone og kveikir
sér í sígarettu. „Vissulega er ég
enn stoppaður og spurður út í
þessa mynd vegna þess að hún
tekur á mjög alvarlegum hlut,
öllu þessu ofbeldi sem viðgengst í
fangelsum landsins,“ bætir hann
við og pantar vodka og pepsi.
Ekki einfaldan, ekki tvöfaldan
heldur þrefaldan með miklum ís.
„Fangelsi eiga að vera betrunar-
vist þótt sumir glæpamenn eigi
það vissulega skilið að hanga í
snörunni,“ lýsir Winstone yfir og
talar tæpitungulaust um kynferðis-
afbrotamenn og barnaníðinga,
sem hann hefur ekki mikið álit á.
„En „heiðarlegir“ þjófar eiga rétt
á öðru tækifæri og fangelsin eiga
að kenna þeim en ekki brjóta þá
niður,“ segir Winstone.
Sjónvarp betra en hvíta tjaldið
Leikarinn hefur stundum verið
gagnrýndur fyrir að velja sér of
einhæf hlutverk, oftar en ekki er
Winstone harður nagli í myndum
sínum sem lætur sér fátt fyrir
brjósti brenna. Hann gefur hins
vegar sjálfur lítið fyrir þessa
umræðu. „Ég vel mér bara hlut-
verk við hæfi, ekki vildi ég sjá
mig í söngleik til dæmis,“ segir
hann og hlær. „Ef handritið fær
mig til að hlæja, gráta eða eitt-
hvað í þá veru reyni ég að fá það.
Ef heppnin er með mér fæ ég
hlutverkið,“ bætir hann við.
Írska ungstirnið Jonathan
Rhys-Meyers lýsti því nýlega yfir
að hann myndi aldrei vilja leika í
sjónvarpi, taldi það fyrir neðan
sína virðingu. Winstone segist
ekki hlusta á slíkt snobb. „Ég fæ
helling af handritum bæði fyrir
sjónvarp og kvikmyndir. Persónu-
lega finnst mér sjónvarpshand-
ritin oftast miklu betri,“ útskýrir
hann. „Fólk er komið með risa-
stór sjónvörp og það er hellingur
af góðum hlutum sem eru gerðir
fyrir sjónvarp,“ heldur hann
áfram og er greinilega mikið niðri
fyrir. „Ég hef til að mynda fengið
tækifæri til að leika Henry VIII
og verið kóngurinn yfir Eng-
landi,“ segir hann og skellir
upp úr. „Bretar eru með besta
sjónvarp í heimi ef undanskildir
eru allir þessir raunveruleika-
þættir, sem ég vildi gjarnan
sprengja í loft upp,“ bætir hann
við.
Er ekki hættulegur
Winstone viðurkennir að yfirleitt
sé fólk hrætt við hann í fyrstu
vegna þeirra persóna sem hann
leikur yfirleitt. „Þegar fólk kynn-
ist mér betur hættir því að líða
þannig,“ segir hann en glottir
síðan við tönn. „Ef mér hefur hins
vegar tekist að fá fólk til að vera
ógnað af mér þá hefur mér vænt-
anlega tekist vel upp í myndum
mínum, ekki satt?,“ Spyr hann og
brosir. „Eftir að ég lék Ray í Nil
by Mouth eftir Gary Oldman
spurðu margir hvort ég væri
kókaínsjúkur alkóhólisti sem
lemdi konuna mína eins og harð-
fisk,“ heldur Winstone áfram og
fær sér aðra sígarettu. „Ég spurði
einfaldlega á móti hvort þeir
héldu að ég hefði verið giftur
sömu konunni í 26 ár ef svo hefði
verið,“ segir hann og hlær.
Talið berst í kjölfarið að fjöl-
skyldunni en Ray á þrjár dætur,
tvær þeirra eru komnar yfir tví-
tugsaldurinn. Aðspurður hvort
það hefði ekki verið erfitt fyrir
dæturnar að koma heim með
stráka þar sem pabbi þeirra væri
Ray Winstone segir hann að svo
hafi nú ekki verið eða jú, kannski.
„Þegar þeir voru táningar þá voru
þeir svolítið hræddir. Ég tók hins
vegar snemma þá ákvörðun að
halda mig til hlés enda hefði það
bara þjappað þeim betur saman
ef ég hefði farið að hóta þeim ein-
hverjum líkamsmeiðingum,“
segir hann og hlær. „Ég ákvað
þess í stað að klóra mér bara
aðeins í hnakkann og leyfa þeim
að kljást við ástina upp á eigin
spýtur,“ bætir hann við og er
greinilega skemmt.
Snillingurinn Scorsese
Winstone leikur eitt aðalhlut-
verkanna í nýjustu kvikmynd
Martin Scorsese, The Departed.
MJÚKUR INNI
VIÐ BEINIÐ
RAY WINSTONE Er alveg sama þótt fólk haldi að hann sé einhver hrotti eins og persónurnar sem hann leikur. FRÉTTABLAÐIÐ / ANTON
Ray Winstone er ekki stór í þeim skilningi að hann
sé hávaxinn og þrekinn líkt og þær persónur sem
hann leikur oftast heldur er hann lítill saman-
rekinn náungi, komin af verkafólki í London.
Freyr Gígja Gunnarsson ræddi við Ray um sjón-
varpið, Scorsese og knattspyrnuna.
WINSTONE-FJÖLSKYLDAN Ray Winstone hefur verið giftur sömu konunni í vel á
þriðja áratug og á með henni þrjár stelpur.
„Að leika undir stjórn
Martin Scorsese er eins
og spila bikarúrslitaleik í
knattspyrnu.“