Fréttablaðið - 23.09.2006, Blaðsíða 12

23. september 2006 LAUGARDAGUR12
vaxtaauki!
10%
Alþjóðlega olíuleitarfélagið Tang-
anyika vinnur hörðum höndum að
þvi að færa skráningu sína af First
North, hliðarmarkaði OMX, yfir
á O-listann, aðallistann í Stokk-
hólmi. Straumur-Burðaráss er einn
stærsti hluthafinn með tíu prósenta
hlutafjár.
Félagið greindi nýverið frá því
að boranir með nýrri aðferð við
olíulindir í Tishrine í Sýrlandi gengu
vel og eykst framleiðsla frá mánuði
til mánaðar.
Tanganyika hefur hækkað um
fimmtung í verði á rúmum einum
mánuði. - eþa
Tanganyika stefnir
á sænska aðallistann
MARKAÐSPUNKTAR
Greiningardeild KB banka spáir því
að vísitala neysluverðs hækki um 0,6
prósent í október og muni 12 mánaða
verðbólga standa í stað í 7,6 prósentum.
Heimsmarkaðsverð á hráolíu hækkaði
annan daginn í röð á helstu fjármála-
mörkuðum í gær. Verð á Norðursjávar-
olíu fór niður í 60,31 Bandaríkjadal á
miðvikudag og hafði verðið ekki verið
lægra síðan í byrjun mars. Sérfræðingar
telja lækkanaferlinu lokið í bili.
Launavísitala í ágúst 2006 er 297,4 stig
og hækkaði um 0,7 prósent frá júlímán-
uði, samkvæmt upplýsingum Hagstofu
Íslands. Síðastliðna 12 mánuði hefur
launavísitalan hækkað um 10,6 prósent.
Avion Group birtir á mánudaginn
uppgjör fyrir þriðja fjórðung
reikningsársins sem lauk í júlí.
Rekstur Avion er árstíðabundinn
og myndast hagnaður á seinni
hluta rekstrarársins.
Bæði KB banki og Landsbank-
inn reikna með að félagið skili yfir
fimm milljarða hagnaði á fjórð-
ungnum en hafa ber í huga áform
Avion um sölu á eignarhlut í Avion
Aircraft Trading hafa ekki enn
gengið eftir. Stjórnendur Avion
höfðu búist við salan gengi í gegn
á þriðja ársfjórðungi. KB banki
spáir félaginu 5.926 milljónum í
hagnað en Landsbankinn 5.578
milljónum króna.
Markaðsvirði Avion er um 58
milljarðar króna en gengi félags-
ins hefur lækkað um fimmtán pró-
sent frá því það fór á markað í
byrjun árs. - eþa
Avion birtir uppgjör
MAGNÚS ÞORSTEINSSON, AVION GROUP
Félagið birtir uppgjör strax eftir helgi.
Lesendur japanska tímaritsins
AB-ROAD hafa útnefnt Finnair
sem eftirlætis vestræna flug-
félagið sitt. Við valið var horft til
þátta eins og þjónustu flug-
félaganna og veitinga um borð.
Japanskir flugfarþegar eru sér-
staklega ánægðir með þær
veitingar sem Finnair býður upp
á.
Finnair greindi frá því í ágúst
að farþegafjöldi í Asíuflugi hefði
aukist um fjörutíu prósent milli
ára. Félagið er að stórum hluta í
eigu íslenskra fjárfesta.
- eþa
Finnair nýtur vinsælda í Japan
VÉL FINNAIR Í JAPAN Í sumar flugu vélar Finnair milli Japans og Finnlands skreyttar
myndum af múmínálfunum, en þeir eiga uppruna sinn í Finnlandi en njóta mikilla
vinsælda í Japan.
Nýsköpunarsjóður hefur
keypt fimmtungshlut í
hátæknifyrirtækinu Mar-
orku. Fjárfesting sjóðsins
er sögð styrkja stoðir
fyrirtækisins og opna nýja
möguleika. Með samn-
ingnum hefur fjármögn-
un Marorku verið tryggð
fram til ársins 2010.
Nýsköpunarsjóður hefur fjárfesta
í hátæknifyrirtækinu Marorku ehf
sem starfar á sviði orkustjórnunar
og orkusparnaðar í sjávarútvegi
og flutningum.
Í gær var gengið frá kaupum
sjóðsins á 20 prósenta hlut í fyrir-
tækinu. Kaupverðið er sagt trún-
aðarmál, en dr. Jón Ágúst Þor-
steinsson, framkvæmdastjóri
Marorku, segir að með samningn-
um sé búið að tryggja fyrirtækinu
fjármögnun fram til ársins 2010.
„Það eru ekki uppi áform um að
auka hlutafé frekar nema að komi
til sérstök verkefni eða samruna
sem mönnum gæti sýnst vænlegur
kostur,“ segir hann.
Þórður Magnússon, stjórnar-
formaður Marorku, bauð Nýsköp-
unarsjóð velkominn í lið með einu
af framsæknustu fyrirtækjum
landsins þegar hann kynnti kaupin
og kvað mikils virði að fá jafnöfl-
ugan fjárfesti til liðs við Marorku.
„Á sama tíma vil ég líka starfs-
fólki Marorku þann árangur sem
við höfum verið að ná,“ sagði hann.
Gert er ráð fyrir að Nýsköpunar-
sjóður verði virkur þátttakandi í
að þróa Marorku næstu þrú til
fimm árin, en fyrir hönd sjóðsins
tekur Finnur Árnason sæti í stjórn
Marorku.
Finnbogi Jónsson, sem fyrir um
viku tók við starfi framkvæmda-
stjóra Nýsköpunarsjóðs, lýsti yfir
mikilli ánægju með aðkomu sjóðs-
ins að fyrirtækinu og kvað sjóðinn
hafa mikla trú á starfsemi Mar-
orku. Hann segir fyrirtækið hafa
alla burði til að vaxa mjög og vís-
aði til fyrri dæma þar sem tækni
sem þróuð hefði verið hér heima
hefði náð fótfestu í alþjóðlegri
samkeppni, svo sem vaxtar
Sæplasts, sem nú sé hluti af alþjóð-
lega risafyrirtækinu Promens,
með 1.300 starfsmenn víða um
heim og veltu upp á 18 milljarða
króna. „Við teljum Marorku hafa á
að skipa mjög öflugri liðsheild
sem hafi alla burði til að byggja
upp félag sem verði leiðandi í sölu
á háþróuðum búnaði,“ segir hann.
„Við höfum verið að klára vöru-
þróun og byggja upp sölustarfsemi
á mörkuðum okkar. Okkur hefur
gengið mjög vel að kynna fyrir-
tækjum þann ávinning sem felst í
kerfi okkar og markaðurinn að
taka við sér,“ segir dr. Jón Ágúst
og bætir við að fyrir dyrum sé að
efla enn frekar starfsemi Marorku
og bæta við fólki. „Og mjög mikil-
vægt er að hafa fjármagnið sem
þarf til að fylgja eftir því starfi
sem unnið hefur verið.“
Marorka er orðið alþjóðlegt
fyrirtæki með starfsemi í fimm
löndum. Fyrirtækið hefur skil-
greint Norður-Atlantshaf sem
heimamarkað sinn en skipafloti á
því svæði telur yfir 5.000 skip.
Orkustjórnunarkerfi Marorku
er hið eina sinnar tegundar í heim-
inum. Það er ætlað fyrir fiskiskip
og flutningaskip, en sérstaða þess
felst í aðferðum sem notaðar eru
til að lágmarka orkunotkun skipa.
Meðal viðskiptavina Marorku eru
mörg af helstu fyrirtækjum í
skipaútgerð, bæði hér heima og
erlendis. olikr@frettabladid.is
SKRIFAÐ UNDIR SAMNING UM KAUP OG SAMSTARF Finnbogi Jónsson, framkvæmda-
stjóri Nýsköpunarsjóðs, og dr. Jón Ágúst Þorsteinsson, framkvæmdastjóri Marorku,
skrifa undir samkomulag um kaup Nýsköpunarsjóðs á fimmtungshlut í Marorku.
FRÉTTABLAÐIÐ/GVA
Nýsköpunarsjóður í
útrás með Marorku
Í nýrri skýrslu um íslensku bank-
ana segja sérfræðingar greiningar-
deildar alþjóðabankans Merrill
Lynch að horfur þeirra hafi batn-
að þótt enn fylgi þeim meiri
áhætta en bönkum af sambæri-
legri stærð í Evrópu. Er því spáð
að tryggingarálag á
skuldabréf bank-
anna (CDS) gæti átt
eftir að lækka um 5
til 10 punkta til við-
bótar, þótt enn sé
nokkuð í land að jafn-
vægi sé þar náð.
Skýrsla Merrill
Lynch í mars
markaði upphaf
erfiðrar umræðu
um íslenskt
bankakerfi
og efna-
hagslíf og hafa bankarnir bent á
að nokkurs mislesturs á íslensk-
um aðstæðum hafi gætt í þeirri
umræðu, en sami aðalhöfundur,
Richard Thomas, er af öllum
skýrslum bankans. Í vor og sumar
hafa svo bankarnir og stjórnvöld
unnið töluvert í að kynna efna-
hagsmál hér og aðstæður, meðal
annars með riti sem hagfræð-
ingarnir Frederic Mishkin
og Tryggvi Þór Her-
bertsson unnu í
sumar. Í júlí birti
bankinn svo
skýrslu númer
tvö, þar sem
tekið var til
greina að bank-
arnir græddu
jafnvel á verð-
bólgunni, sem og
gengislækkun krónunnar þannig
að þróunin í hagkerfinu hér væri
þeim um margt hagfelld.
Í nýju skýrslunni, sem kemur í
kjölfar heimsóknar Thomas
og Tolu Alamutu hingað til
lands í síðustu viku og kom
út á miðvikudag, er mælt
með því að fjárfestar taki
stöðu með
íslensku bönkun-
um og mælt með
kaupum í hluta
bréfa þeirra. Er það sagt gert í
ljósi þess að stóru bankarnir þrír
hafi að mestu lokið við fjármögn-
un næsta árs. Í skýrslunni er þó
eftir sem áður haldið fast við þá
skoðun að sérstaða íslensku bank-
anna og ójafnvægi í hagkerfi
íslands kalli á að skuldabréf
bankanna beri hærra tryggingar-
álag en bankar á meginlandi Evr-
ópu.
Skýrsluhöfundar funduðu í
heimsókn sinni með fulltrúum við-
skiptabankanna þriggja, með
Straumi-Burðarási fjárfest-
ingarbanka og með Fjármála-
eftirliti og Seðlabanka.
Merrill Lynch fjallar í fyrsta
sinn um Straum-Burða-
rás og telur hann
eiga nokkuð í
land með að
verða fjárfestingarbanki að
fullu. Merrill Lynch segir fjóra
valkosti líklegasta varðandi bank-
ann, að honum verði skipt upp, að
FL Group hverfi úr eigendahópn-
um, að Landsbankinn/Samson
hverfi úr bankanum eða að bank-
inn verði sameinaður Landsbank-
anum. - óká
Merrill Lynch spáir minnkandi álagi
Í þriðju skýrslu Merrill Lynch um íslenska banka og efnahagslíf kveður við heldur jákvæðari tón en áður. Eftir
fyrstu skýrslu bankans í mars féll gengi krónunnar og í hönd fór erfið umræða um bankana.
Vaxtaónæmi Íslendinga
Yfirdráttur jókst milli mánaða samkvæmt tölum
Seðlabankans. Heimilin eiga kannski ekki stóran
hlut af aukningunni, en yfirdráttur heimila jókst um
2,5 milljarða í águst eftir að hafa dregist saman um
þrjá milljarða í júlí. Yfirdráttarvextir eru svimandi
háir á Íslandi, en sú staðreyndi virðist ekki nægjan-
lega letjandi fyrir eyðslu landans. Það er ekki nóg
með að stærstur hluti skulda heimilanna sé utan
valdsviðs Seðlabankans heldur virðist þjóðinni
standa slétt á sama um þá vexti sem Seðlabankinn
býður upp á. Eftir því sem næst verður komist þarf
að leita til neðanjarðarstarfsemi til að finna viðlíka
vexti. Þar er líka beitt harkalegum inn-
heimtuaðgerðum og spurning
hvort síðast hálmstráið til
að ná niður einkaneysl-
unni væri að ráða röska
handrukkara í Seðla-
bankann.
Hitamælar Landsbankans
Landsbankinn mun á mánudag leitast við að svara
hvert stefni í efnahagsmálum hér á landi. Búast má
við mikilli mætingu á fundinn enda sú raunin á fyrri
fundum bankans, auk þess sem áhugi á fram-
vindu efnhagsmála er mikill. Nokkra athygli vakti á
einum slíkum fundi bankans þegar bankastjórinn
og vélaverkfræðingurinn Sigurjón Þ. Árnason las af
hitamælum hagkerfisins. Hugmyndin mun sænsk
og gott dæmi um það að skýringarmyndir
segja oft meira en mörg orð. Nú
er að sjá hversu mikið yfir
suðumarki helstu mælar
eru.
Leitað verður svara við
hvert nokkur ólíkindatól
samfélagsins stefna, en
þau eru: Efnahagslífið,
krónan, fasteignamarkað-
urinn og Seðlabankinn.
Peningaskápurinn...
Umsjón: nánar á visir.is
KAUPHÖLL ÍSLANDS [Hlutabréf]
ICEX-15 6.252 -0,15% Fjöldi viðskipta: 554
Velta: 5.394 milljónir
HLUTABRÉF Í ÚRVALSVÍSITÖLU: Actavis 67,30 +1,20% ... Alfesca
5,03 +1,00% ... Atlantic Petroleum 570,00 -0,87% ... Atorka 6,35
-0,78% ... Avion 32,30 +0,00% ... Bakkavör 58,40 -1,02% ...
Dagsbrún 4,31 +0,70% ... FL Group 22,70 +0,44% ... Glitnir 20,20
-0,49% ... KB banki 849,00 -0,12% ... Landsbankinn 26,00 -0,38%
... Marel 79,00 +0,64% ... Mosaic Fashions 17,60 -1,12% ... Straum-
ur-Burðarás 17,20 -0,58% ... Össur 126,50 +0,80%
MESTA HÆKKUN
Actavis +1,20%
Alfesca +1,00
Össur +0,80%
MESTA LÆKKUN
Mosaic -1,12%
Bakkavör -1,02%
Atlantic Petroleum -0,87%