Fréttablaðið - 26.10.2006, Side 20

26. október 2006 FIMMTUDAGUR20
nær og fjær
„ORÐRÉTT“
„Maður veit
náttúrulega
ekkert nema það
sem maður les
í blöðunum, en
mín tilfinning er
sú að fortíðin
sé Paul meira í
hag en Heather,“
segir Jón „góði“
Ólafsson, sem
gerði sé ferð niður
á Café Romance um árið til að
hitta Paul McCartney og fá hjá
honum eiginhandaráritun. „Maður
sem hefur ættleitt höfrung í
Bandaríkjunum – eins og mér skilst
að Paul hafi gert – það er erfitt
að sjá hann geta verið vondan
við nokkurn mann. Það hafa ótal
bækur verið skrifaðar um Paul og
aldrei hefur maður lesið að hann
bregði svo mikið sem skapi. Þegar
ég hitti hann var að minnsta kosti
allt í lukkunar velstandi. Heather
var þarna með honum og hvorki
með sprungna vör né glóðarauga.
Þetta lyktar allt af peningum og
ég held að Heather sé bara að
beina athyglinni frá eigin fortíð
sem starfsmaður Ford Escort-
verksmiðjunnar. En hvað veit maður
svo sem? Hver veit hvað leynist á
bak við þessi sakleysislegu brúnu
augu? Kannski býr þar fól.“
SJÓNARHÓLL
SKILNAÐUR PAULS OG HEATHER
Fortíðin
Paul í hag
JÓN ÓLAFSSON
Tónlistarmaður
Börn fái að vera börn
„Mér finnst þetta fyrir
neðan allar hellur og bið
um að leyfa börnunum að
vera börn og vernda þeirra
bernsku.“
HERRA KARL SIGURBJÖRNSSON
BISKUP ÍSLANDS UM SPURNINGAR
UM HÓFDRUKKNAR MÝS Í SAM-
RÆMDU PRÓFUNUM Í 4. BEKK.
Fréttablaðið 25. október.
Pappírspukur
„Það er óhollt fyrir sam-
félagið að vera að pukrast
með þessa pappíra.“
KJARTAN ÓLAFSSON, FYRRVER-
ANDI RITSTJÓRI ÞJÓÐVILJANS, UM
GÖGN UM PÓLITÍSKAR HLERANIR
Á TÍMUM KALDA STRÍÐSINS.
Blaðið 25. október.
■ Kristnum Bandaríkjamönnum
er í nöp við Hrekkjavöku, djöful-
ganginn sem þá ríkir og guðlaust
sælgætisátið. Því er komið á
markaðinn „kristilegt“ sælgæti til
að róa þá trúuðu. Til dæmis má
kaupa brjóstsykur og karamellur
sem er pakkað inn í pappír með
áprentuðum ritningargreinum,
sleikjó sem er í laginu eins og
Davíðsstjarna og gúmmídýr úr
örkinni hans Nóa. Þá
þykir „biblíu-
stöngin“
hressandi,
en hún er
unnin úr
sömu hráefnum og koma fyrir í
Fimmtu Mósebók 8:7-8 í Gamla
testamentinu.
AMERÍKA:
KRISTILEGT NAMMI
„Ég segi nú allt ágætt,“ segir
Elías Mar, rithöfundur. „Nú
er ég að bíða eftir því að
mér verði sendur matur. Í
dag fæ ég steiktan fisk með
remúlaðisósu og salati og
sveskjusúpu á eftir með
tvíbökum. Þetta er afskap-
lega góður matur. Það eru
mest gamlingjar sem fá
sendan svona mat og veikt
fólk. Annars hef ég verið
að hugsa um afstöðu mína
til Evrópusambandsins og
er alfarið á móti því að við
tengjumst því. Ég get nefnt
sem dæmi að Spánverjar
myndu fá hér ítök til að
veiða fisk eins og þeir vildu.
Við höfum ekkert hugsað um
að þeir myndu kannski tæma
miðin af þorski og væri síðan
skítsama um okkur. Þegar þeir
væru búnir að fá sinn saltfisk,
þá myndu þeir vera ánægðir.“
Aðspurður um ritstörfin segist
Elías grípa í penna af og til. „Ég
er nú ekki að skrifa að staðaldri.
Ég yrki annað slagið en ég er
ekki eins duglegur og ég ætti
að vera. Það er bara af kæru-
leysi; mér finnst ég hafi nægan
tíma. Ég er orðinn 82 ára og
get dáið hvenær sem er. En
ég hugsa aldrei svoleiðis! Mér
finnst ég vera eitthvað um tví-
tugt og eigi alla framtíðina fyrir
mér. Svona er maður vitlaus.“
HVAÐ ER AÐ FRÉTTA? ELÍAS MAR RITHÖFUNDUR
Græðum ekkert á ESB
Ný gerð af ruslatunnum var tekin
í notkun við Ísafjarðarhöfn í fyrra-
dag og er hún sú fyrsta sinnar teg-
undar í heiminum. Vonast er til að
nýja tunnan stemmi stigu við við-
varandi ruslvandamáli við höfn-
ina.
„Höfnin er endapunkturinn á
rúntinum hjá unglingunum,“ segir
Guðmundur „Mugi“ Kristjánsson,
hafnarstjóri. „Hingað koma þeir
og eru á lóðaríi auk þess að borða
hamborgara og nammi og drekka
kók. Það eru tvær tunnur við höfn-
ina en unglingarnir hentu samt
öllu út um bílgluggana. Við höfum
mikið langlundargeð en vorum
samt alveg búin að fá leið á drasl-
inu. Það er hörkuvinna að tína
þetta upp og ekki það sem við
höfum hugsað okkur að starfa við
hérna á höfninni. Magni Guð-
mundsson hjá Fjarðarneti hf. tók
sig því til og hannaði þessa nýju
ruslatunnu. Fólk getur keyrt upp
að henni, skrúfað niður gluggann
og fleygt ruslinu án þess að þurfa
að hreyfa sig úr bílnum.“
Ekki er enn komin reynsla á
nýju tunnuna. Guðmundur segir að
það hafi verið vont veður í fyrstu
nóttina og fáir á rúntinum. „Við
vonum bara að þetta virki,“ segir
hann.
Bylting í ruslatunnugerð:
Fyrir unglinga á lóðaríi
HIN BYLTINGARKENNDA RUSLATUNNA Vonandi setja unglingarnir ruslið ofan í hana.
FRÉTTABLAÐIÐ/HALLDÓR SVEINBJÖRNSSON
SPRON hefur hlotið jafn-
réttisviðurkenningu jafn-
réttisráðs fyrir árið 2006.
Meginástæðan er sögð
áhersla fyrirtækisins á
skýra jafnlaunastefnu og
árleg könnun á afstöðu
starfsmanna til jafnréttis í
fyrirtækinu.
Hildur Petersen, formaður stjórn-
ar SPRON, segir þessa viðurkenn-
ingu hafa mikla þýðingu fyrir fyr-
irtækið. „Þetta er mikill heiður og
það skiptir okkur miklu máli að
vera fyrsta fjármálafyrirtækið
sem hlýtur þessa viðurkenningu
hér á landi.“
Frá árinu 1997 hefur verið
unnið eftir virkri jafnréttisáætlun
í SPRON og sérstök jafnréttis-
nefnd hefur haft það verkefni að
fylgja henni eftir. Virk jafnlauna-
stefna fyrirtækisins felur í sér að
árlega eru laun kynjanna skoðuð
til að gæta jafnréttis og koma í
veg fyrir mismunun.
Aðspurð um ánægju starfsfólks
með stefnu fyrirtækisins vísar
Hildur í kannanir sem sýna að
starfsmenn SPRON eru ánægð-
ustu starfsmenn fjármálafyrir-
tækja. „Og samkvæmt öðrum
könnunum eru viðskiptavinir
SPRON þeir ánægðustu í fjár-
málageiranum þannig að þetta er
keðjuverkandi líklega.“
Hildur telur að flest stærri fyr-
irtæki á Íslandi séu komin með
jafnréttisáætlun. „En að fylgja
henni eftir er nokkuð nýnæmi og
ég gæti trúað að við værum í far-
arbroddi þar. Við leggjum mikla
áherslu á að jafnréttis sé gætt í
ráðningum sem kemur fram í því
að af 40 stjórnendum hjá fyrir-
tækinu er 21 kona.“
SPRON hefur lagt mikla
áherslu á að gefa starfsfólki kost á
endurmenntun að sögn Hildar og
þykir þátttakan óvenju góð.
„Konur hafa kannski stundum
minnimáttarkennd því þeim finnst
þær ekki hafa sömu undirstöðu í
störfin og er ýtt undir það hér að
þær geta sótt sér þessa undir-
stöðu.“
Aðspurð um hvað hún vilji helst
sjá breytast varðandi stöðu kvenna
á vinnumarkaði segist Hildur
gjarnan vilja sjá fleiri konur í
stjórnum fyrirtækja. „Það er erf-
itt að segja til um af hverju það
gengur svona hægt. Kannski að
einhverju leyti að konur þurfa að
vera tilbúnar til þess. Þær hafa
auðvitað menntunina en þurfa líka
að hafa sjálfstraustið. Svo þurfa
karlmenn líka að muna eftir því að
konur eru valkostur í þessi störf.“
Hildur segir mikla og upp-
byggilega umræðu um jafnrétti
hafa átt sér stað síðustu ár. „Ég
held það séu ýmis jákvæð teikn á
lofti um að þessum málum fari að
þokast áleiðis. Konur eru í aukn-
um mæli að koma sér á framfæri
og vilja takast á við málin.“
sdg@frettabladid.is
Jafnréttisáætlunum sé fylgt eftir
Sigþóra Gunnarsdóttir
Sölumaður í verslun RV
R
V
62
17
Höldum óhreinindum á mottunni
Úti- og innimottur fyrir íslenskar aðstæður
Á til
boð
i
í ok
tóbe
r 20
06
Úti-
og in
nimo
ttur
af ým
sum
ger
ðum

og s
tærð
um
…fjarlægir óhreinindi og vætu af skóm
…hindrar að gólfið innandyra verði hált
…heldur anddyrinu hreinu og snyrtilegu
gólfmottukerfið
HILDUR PETERSEN FORMAÐUR STJÓRNAR SPRON Hildur segir jafnréttisviðurkenninguna vera mikla hvatningu og að áfram verði
haldið á sömu braut innan fyrirtækisins. FRÉTTABLAÐIÐ/HÖRÐUR