Fréttablaðið - 27.02.2007, Blaðsíða 24

2 sport
Ég er bara kasólétt hérna í Banda-ríkjunum og tek því frekar rólega,“ segir atvinnukylfingur-
inn Ólöf María Jónsdóttir þegar hún
er spurð að því hvernig undirbún-
ingur og æfingar gangi fyrir evr-
ópsku mótaröðina sem hófst nú í
byrjun árs.
„Ég hef verið þokkalega dugleg að
æfa, hjólað á þrekhjóli hérna heima,
æft pútt og vippur og stundað hugar-
þjálfun. Ég hafði hins vegar ekki spil-
að nokkuð lengi þar til ég dreif mig út
á golfvöll fyrir nokkrum dögum. Ég
spilaði níu holur og fór þær á pari. Ég
var ansi ánægð með það og ekki síður
að geta gengið holurnar níu. Það er
ekki laust við að það hafi verið horft á
mig á golfvellinum með bumbuna út í
loftið. Það er farið að sjást ágætlega á
mér þótt ég sé nú frekar pen,“ segir Ólöf
María hlæjandi.
Hún stefnir á að taka þátt í sínu fyrsta
móti á evrópsku mótaröðinni þetta árið á
Norður-Írlandi í byrjun júní og færa sig
síðan yfir til Hollands. Hún hræðist ekkert
að taka með nýfætt barn á ferðalag. „Ég er
löngu búin að ákveða þetta og hef haft góðan
tíma til að undirbúa mig fyrir það. Það eru
margar stelpur með börn á mótaröðinni og
fyrst það gengur hjá þeim þá getur það geng-
ið hjá mér,“ segir Ólöf María sem fær hjálp
frá eiginmanni sínum fyrsta mánuðinn í
Evrópu en síðan móður sinni.
Ólöf María segist lengi hafa verið undir
þá sök seld að hugsa um golf 24 tíma á sólar-
hring og það er ekki laust við að hún hlakki
til að takast á við annað krefjandi verkefni
samhliða golfinu. „Ég mun ekki æfa jafn
mikið og ég gerði en vonandi verða æfing-
arnar markvissari. Síðan mun ég ekki hafa
tíma til að velta mér upp úr spilamennsk-
unni þegar heim er komið. Það mun örugg-
lega hjálpa mér og það er spennandi hjá
hvernig mömmunni Ólöfu Maríu gengur á
evrópsku mótaröðinni. Hvort hún er betri
spilari verður tíminn að leiða í ljós,“ segir
Ólöf María.
Stefna hennar þetta árið er að halda kort-
inu á mótaröðina þannig að hún verði einnig
með á næsta ári. „Ég mun keppa á átta til tíu
mótum og þarf að vera á meðal 90 efstu á
peningalistanum. Það þarf ekki nema eitt
gott mót til að það náist.“
Frjálsíþróttaunnendur hljóta að brosa hringinn
þessa dagana. Eftir erfið ár þar sem hetjur á borð
við Guðrúnu Arnardóttur, Völu Flosadóttur, Jón
Arnar Magnússon og Magnús Aron Hallgrímsson
hafa hætt keppni er að koma upp kynslóð af
frjálsíþróttafólki sem hefur alla burði til að verða
í hópi fremstu íþróttamanna heims í sinni grein.
Hin fimmtán ára gamla Helga Margrét Þorsteins-
dóttir er með betri árangur en besta sjöþrautar-
kona heims, hin sænska Caroline Kluft, var með á
hennar aldri og það er líka mál manna að við
eigum ekki færri en þrjá unga herramenn sem
hafa allir burði til að komast í fremstu röð í
tugþraut. Þessir ungu drengir, Þorsteinn Ingvars-
son, Sveinn Elías Elíasson og Einar Daði Lárus-
son, þykja afburðaefni og í raun komnir langt
fram úr Jóni Arnari Magnússyni þegar hann var á
þeirra aldri. Það er vonandi að íþróttahreyfingin
og stórfyrirtæki landsins sjái sóma sinn í því að
styðja þannig við bakið á þessu efnilega fólki að
það geti sinnt íþróttinni og uppfyllt þær vonir og
væntingar sem við það er bundið.
Eggert Magnússon sannaði sig sem rekstar-
maður þegar hann var formaður KSÍ. Á þeim
átján árum sem hann stýrði sambandinu jókst
veltan gífurlega, hagnaðurinn í takt við það og
hann gerði sambandið að stórfyrirtæki með veltu
upp á hálfan milljarð á ári. Hann sannaði sig hins
vegar ekki sem knattspyrnustjórnandi á þessum
átján árum. A-landslið karla náði aldrei neinum
sérstökum árangri á meðan Eggert var við
stjórnvölinn hjá KSÍ. Það var einungis undir
stjórn Guðjóns Þórðarsonar sem almennilegur
árangur náðist en fyrir og eftir hans tíma er ekki
hægt að segja að ráðningar Eggerts í stöðu
landsliðsþjálfara hafi heppnast vel. Logi Ólafsson,
Atli Eðvaldsson, Logi aftur með Ásgeiri Sigur-
vinssyni og nú síðast Eyjólfur Sverrisson. Það vita
allir að Eggert er mikill áhugamaður um fótbolta
en áhuginn er ekki nóg. Þekkingin þarf að fylgja
með þegar tekið er við stjórn liðs í ensku úrvals-
deildinni.
Það er ekki hægt annað en að vorkenna þeim
manni sem tekur við af Alfreð Gíslasyni sem lands-
liðsþjálfari í handbolta. Því miður virðist ekki vera
hægt að fá Alfreð til að halda áfram en eftirmað-
ur hans glímir við það verkefni að taka við af
einum allra besta handboltaþjálfara heims. Ekki
verður efast um það hér að bæði Geir Sveinsson
og Dagur Sigurðsson eru afskaplega hæfir menn
en þeir eru ekki Alfreð Gíslason. Svo mikið er víst.
FRÁ RITSTJÓRA
Óskar Hrafn
Þorvaldsson
FRJÁLSAR
KASÓLETT Á PARI
Lítið hefur farið
fyrir atvinnu-
kylfingnum
Ólöfu Maríu Jónsdóttur
undanfarna mánuði.
Ástæðan er einföld. Hún
er ólétt og á að eiga eftir
tæpan mánuð. Hún stefnir
þó á að spila á evrópsku
mótaröðinni strax í júní og
fer þá með mann sinn og
barn á ferðalag.
EFTIR ÓSKAR HRAFN
ÞORVALDSSON
Það vita
allir að Egg-
ert er mikill
áhuga-
maður um
fótbolta en
áhuginn er
ekki nóg.
988 ÞÚSUND Er upphæðin sem Ólöf María Jónsdóttir hefur unnið sér í verðlaunafé á þeim tveimur árum sem hún hefur keppt á evrópsku mótaröðinni. Hún hefur tekið þátt í 20 mótum og besti árangur henn-ar er 35. sæti á Nykredit Masters í Danmörku í september 2005.
DRAUMALIÐIÐ
» ATLI EÐVALDSSON er einhver
farsælasti knattspyrnumaður sem
Ísland hefur alið af sér. Hann lék 70
landsleiki fyrir Íslands hönd og átti
tíu ára atvinnumannaferil í Þýskalandi
og Tyrklandi þar sem hann lék með
þýsku liðunum Borussia Dortmund,
Fortuna Düsseldorf og Bayer
Uerdingen sem og Genclerbirligi frá
Tyrklandi. Atli var til að mynda annar
markahæsti leikmaður þýsku 1. deild-
arinnar veturinn 1984 til 1985 með 21
mark og fékk skó frá Puma nefnda í höfuð sér, Atli Goal. Við
fengum Atla til að stilla upp draumaliði þeirra leikmanna sem
hann lék með á löngum og gifturíkum ferli.
„Þetta er alveg frábært lið sem mundi án nokkurs vafa ná
mjög langt í hvaða deild sem er í Evrópu. Ég sæi okkur nú
jafnvel bara taka meistaradeildina í nefið,“ segir Atli og hlær.
» GOTT AÐ EIGA GÓÐA AÐ
Mikill kostnaður fylgir því að keppa á
evrópsku mótaröðinni og því er gott
fyrir Ólöfu Maríu að hafa góða styrktar-
aðila. „Ég gæti þetta aldrei án hjálpar frá
Kaupþing. Goldsmith og Golfklúbbnum
Keili,” segir Ólöf María. Auk þess fær hún
fatnað frá Sportís, skó frá Ecco og golf-
kylfur frá Ping. Allt þetta gerir það að verk-
um að Ólöf María getur tekið þátt í keppni
þeirra bestu án þess að hafa áhyggjur af því
að láta enda ná saman.
Eike Immel
Borussia Dortmund
Wolfgang
Funkel
Bayer Uerd-
ingen
Meinolf Koch
Borussia
Dortmund
Rolf Rüssmann
Borussia Dort-
mund
Jóhannes
Eðvaldsson
Val
Rudi Bommer
Fort. Düsseldorf
Arnór Guðjohnsen,
ísl. landsl.
Ásgeir Sigurvins-
son, ísl. landsl.
Mirko Votava
Borussia Dortmund
Manfred
Burgsmüller,
Borussia
Dortmund
Atli Eðvaldsson
Atvinnukylfingurinn Ólöf María Jónsdóttir ætlar að mæta galvösk á evrópsku mótaröðina með barn sitt þrátt fyrir að það verði
aðeins tveggja og hálfs mánaða gamalt. SPORTMYND/ÚR EINKASAFNI
Forsíðumyndina tók Valgarð
Gíslason af sundkonunni Ragn-
heiði Ragnarsdóttir í Listasafni
Reykjavíkur, Hafnarhúsinu. Sjá
viðtal á blaðsíðu 10-11.
OG FÚL
Útgefandi: 365, Ritstjóri: Óskar Hrafn
Þorvaldsson oskar@frettabladid.is,
Útlitshönnun: Kristín Agnarsdóttir
kristina@frettabladid.is
sport
ER ARSENAL
SPRUNGIÐ?
HELGA MARGRÉT
VILL MIKLU FREKAR
SLÁTUR EN PIZZUR
EIÐUR SMÁRI
SANNFÆRÐI
TODD Á EINNI
ÆFINGU
LÍFIÐ VÍKUR
FYRIR LAUGINNI
SUNDDROTTNINGIN RAGNHEIÐUR RAGNARSDÓTTIR STEFNIR Á TOPPINN
Á ÓLYMPÍULEIKUNUM Í PEKING EFTIR EITT OG HÁLFT ÁR. TIL AÐ NÁ SETTU MARKI
ÞARF HÚN AÐ FÓRNA ÖLLU ÞVÍ SEM FLESTIR TELJA SJÁLFSAGÐA HLUTI.
» ÍÞRÓTTABLAÐ FRÉTTABLAÐSINS 1.TBL 2007
ÓLÖF MARÍA
KASÓLÉTT
EN SAMT Á PARI
Umbo›s- og sölua›ili
Birkiaska ehf.
sími: 551 9239
www.birkiaska.is
Vali› fæ›ubótarefni ársins 2002 í Finnlandi
Minnistöflur
Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska