Fréttablaðið - 27.02.2007, Qupperneq 26

BRYNJAR KEYPTI Í BLOKK
Íslenskir knattspyrnumenn í atvinnu-
mennskunni erlendis hafa margir
hverjir fjárfest í framtíðarhúsnæði í
Reykjavík. Þannig hefur til að mynda
Eiður Smári Guðjohnsen keypt
einbýlishús í Fossvoginum, Hermann
Hreiðarsson í Árbænum og Rúnar
Kristinsson, sem flytur heim nú í
sumar, keypti fallegt hús í Frostaskjól-
inu, í næsta nágrenni við KR-völlinn.
Einn er þó maðurinn sem breytti út af
venjunni því Brynjar Björn Gunn-
arsson, leikmaður Reading í ensku
úrvalsdeildinni, fjárfesti í látlausri
blokkaríbúð á Meistaravöllum.
GJÖRBREYTT ÞÝSKALAND
Umfjöllun um handbolta hefur
gjörbreyst í Þýskalandi eftir að vel-
heppnuðu heimsmeistaramóti lauk
þar í byrjun þessa mánaðar. Alfreð
Gíslason, landsliðsþjálfari Íslands
og þjálfari Gummersbach, segir það
vera mikinn mun hvernig fjölmiðlar
fjalli um deildina, bæði í sjónvarpi og
dagblöðum. „Það var til að mynda
sýnt tíu mínútna brot úr leik okkar
gegn Magdeburg á dögunum á ARD,
stærstu sjónvarpsstöðinni. Það hefði
aldrei gerst fyrir HM,” segir Alfreð,
ánægður með að tekist hafi að koma
handboltanum á kortið svo um munar
í Þýskalandi.
EINAR AÐ KOMA TIL
Stórskyttan Einar Hólmgeirsson hjá
Grosswallstadt, sem missti af heims-
meistaramótinu í Þýskalandi vegna
slitins liðbands
í þumalfingri, er
allur að koma til.
Búist var við að
Einar yrði frá í þrjá
mánuði en batinn
hefur verið framar
vonum og bindur Einar vonir við að
vera kominn inn á völlinn eftir tvær til
þrjár vikur. Hann nær því lokaspretti
þýsku deildarinnar áður en hann
gengur í raðir Flensburg í sumar.
4 sport
ÚRBÚNINGS-
KLEFANUM
PÉTUR GUÐMUNDSSON
Körfuboltakappinn Pétur Guðmundsson, sem er 48 ára gamall, er hávaxnasti
leikmaður sem íslenskur körfubolti hefur alið af sér. Hann er 2,18 metrar á hæð
og er eini Íslendingurinn sem hefur gert sig gildandi í NBA-deildinni banda-
rísku sem er sterkasta körfuboltadeild í heimi. Pétur fór út árið 1975 og eyddi
tveimur árum í bandarískum menntaskóla. Síðan fékk hann skólastyk til að
læra og spila körfubolta í Háskólanum í Washington. Hann var valinn af Port-
land Trailblazers í NBA-deildinni í nýliðavalinu árið 1981 og spilaði með liðinu
í eitt ár. Eftir nokkura ára flakk á milli Íslands, Englands og Bandaríkjanna, hóf
hann að spila hinu fornfræga Los Angeles Lakers-liði
árið 1986 og ári síðar var hann seldur til San Antonio
Spurs. Þar lék hann í tvö ár áður en hann kom heim
aftur, fyrst sem leikmaður og síðar sem þjálfari.
Í dag býr hann hins vegar í Seattle í Bandaríkjunum.
Þangað flutti hann árið 2004 og starfar sem þjónustu-
fulltrúi hjá Precor, sem framleiðir alls kyns æfingatæki
svo sem hlaupabretti og þrekhjól. Auk þess þjálfar
hann úrvalslið 14-15 ára drengja. Hann segist kunna
vel við sig í Seattle og er ekki á leiðinni heim.
HVAR ER HANN NÚ?
Þ egar leikmenn spila tvo leiki á viku samfleytt mánuð eftir mánuð verða þeir þreyttir.
Og við erum ekki að tala um ein-
hverja létta æfingaleiki heldur leiki
í hæsta gæðaflokki þar sem allt er
undir í hverjum leik. Leikmenn Ars-
enal hafa fengið að kynnast þessu á
yfirstandandi tímabili. Gott gengi
hefur þýtt að þeirra dagskrá hefur
verið þéttskipuð leikjum. Af þeim
liðum sem nú eru eftir í meistara-
deildinni hefur Arsenal spilað flesta,
alls 45 talsins, og því má spyrja
hvort leikmenn liðsins séu ekki
komnir að fótum fram, andlega eða
líkamlega. Liðið hefur ekki unnið í
síðustu þremur leikjum og tapaði
úrslitaleik deildarbikarsins gegn
Chelsea á sunnudaginn.
Guðjón Þórðarson, þjálfari
Skagamanna, sem þekkir álagið á
knattspyrnumönnum í Englandi
hvað best eftir að hafa stýrt Stoke,
Barnsley og Notts County, segir
hættu á því að menn gangi frá sér
líkamlega og andlega undir svona
álagi.
„Það er rosalega erfitt, bæði
fyrir sál og líkama, að spila svona
marga leiki. Það er hætt við því að
ungir leikmenn eins og Cesc
Fabregas og Kolo Toure, leikmenn
sem bera mikla ábyrgð, haldi ekki
út. Það er auðvitað skemmtilegt að
spila svona marga leiki og gaman
þegar vel gengur en létt er það
ekki,“ segir Guðjón.
Hann treystir Arsene Wenger,
knattspyrnustjóra Arsenal, þó full-
komlega fyrir því að sjá til þess að
álaginu á leikmenn sé dreift.
„Wenger veit hvað hann er að gera
og reynir að dreifa álaginu eins og
hægt er. Það eru hins vegar nokkr-
ir leikmenn sem erfitt er að hvíla
og er vandamál. Þetta er krítískur
tími fyrir ungan leikmannahóp,“
segir Guðjón.
Álagið á leikmönnum Arsenal
mun heldur ekki minnka á næstu
vikum. Liðið hefur leikið tveimur
leikjum færra í ensku úrvalsdeild-
inni heldur en flest önnur lið
þannig að lítil hvíld er fram undan.
Hvort Arsene Wenger tekst að
halda leikmönnum ferskum á sál
og líkama verður að koma í ljós en
það mun reyna mikið á þennan
snjalla franska knattspyrnustjóra
það sem eftir lifir vetrar.
Það er ekkert grín að ná árangri og keppa á öllum
vígstöðvum. Leikmenn Arsenal geta sennilega
kvittað undir það því liðið hefur spilað 45 leiki á
þessu tímabili, í úrvalsdeildinni, meistaradeildinni, deildar-
bikarnum og bikarnum. Slíkt tekur á bæði líkamlega og
andlega. EFTIR ÓSKAR HRAFN ÞORVALDSSON
» LEIKIR Á TÍMABILINU
Arsenal 45 leikir
Chelsea 44 leikir
Liverpool 42 leikir
Barcelona 40 leikir
Celtic 40 leikir
Manchester United 40 leikir
AC Milan 39 leikir
Internazionale 37 leikir
Roma 37 leikir
Valencia 37 leikir
PSV 36 leikir
Lille 35 leikir
Real Madrid 35 leikir
Bayern München 33 leikir
Lyon 33 leikir
Porto 26 leikir
ERU LEIKMENN ARSENAL
SPRUNGNIR?
OFURMENNIÐ
Varnarmaðurinn frábæri Kolo Toure
hefur leikið 42 af 45 leikjum Arsenal
á tímabilinu. Hann spilaði ekki tvo
fyrstu leiki Arsenal í deildarbikarnum,
gegn West Brom og Everton, og
missti síðan af deildarleik gegn Chel-
sea í desember.
Leikmenn Arsenal hafa spilað 45
leiki á þeim sjö mánuðum sem
liðnir eru af keppnistímabilinu.
Ef allt gengur upp og liðið kemst
í úrslit meistaradeildarinnar sem
og ensku bikarkeppninnar fara
leikirnir örugglega yfir 60.