Fréttablaðið - 27.02.2007, Blaðsíða 38

Það er sennilega ekki á neinn
hallað þótt því sé haldið fram
að hin fimmtán ára gamla
Helga Margrét Þorsteinsdóttir
sé efnilegasta frjálsíþrótta-
kona landsins. Helga Margrét
hlaut silfur á Norðurlanda-
móti átján ára og yngri í
sjöþraut í fyrra og nú í vetur
hefur hún slegið hvert meyja-
og stúlknametið á fætur öðru.
EFTIR ÓSKAR HRAFN ÞOR-
VALDSSON
vel gengur,“ segir Helga Margrét,
sem hefur notið leiðsagnar Guð-
mundar Hólmars Jónssonar við
æfingar á Laugarbakka en einnig
hefur hinn margreyndi Stefán
Jóhannsson, frjálsíþróttaþjálfari
hjá Ármanni, leiðbeint henni þegar
hún hefur verið í Reykjavík.
Þessi efnilega íþróttakona er
hógværðin uppmáluð þegar hún er
spurð að því hver markmið hennar
séu. „Ég stefni þangað sem ég get.
Ég á mín markmið en í bili er það
bara að bæta mig og komast sem
lengst. Núna ætla ég að einbeita
mér að því að ná lágmörkunum
fyrir heimsmeistaramót og Norður-
landamót unglinga í sumar og það
verður alveg nógu strembið.”
Aðspurð um ráð fyrir unga
krakka sem eru að byrja í íþróttum
segir Helga Margrét það mikilvæg-
asta að gefast ekki upp ef eitthvað
bjátar á. „Það er nauðsynlegt að
keyra sig í gegnum erfiðleika sem
koma alltaf upp. Ef það tekst eru
manni allir vegir færir.“
Helga Margrét er
fædd og uppalin á
bóndabæ í Hrútafirði
og kemur því úr öðru-
vísi umhverfi en flest
frjálsíþróttafólk. Hún segist hafa
æft frjálsar íþróttir síðan hún man
eftir sér, allt frá því að hún fylgdi
eldri systkinum sínum á æfingar á
Laugabakka. Hún segir það ekki
mikið frábrugðið að hafa alist upp
á bóndabæ í sveitasælunni.
„Það er ekki eins mikill munur
og allir halda. Ég var frjálsari og
sveitalífinu fylgir mikil hreyfing
og útivera. Maður verður kannski
svolítið agaðri í þessu umhverfi
en í Reykjavík,“ segir Helga Mar-
grét en bætir þó við að smekkur
hennar á mat beri kannski tölu-
verðan keim af því hvaðan hún
kemur.
„Ég veit fátt betra en slátur og
svið og tek það fram yfir pizzu
hvenær sem er. Núorðið fæ ég
oftar pizzu en það jafnast ekkert
á við slátur og svið,“ segir Helga
Margrét og talar ekki beint eins
og venjulegur fimmtán ára ungl-
ingur.
Foreldrar hennar eru með sauð-
fjárbúskap og Helga Margrét seg-
ist hafa gert flest sem viðkemur
búskapnum. „Ég hef nú reyndar
ekki mikinn tíma núorðið til að
sinna fénu en mamma og pabbi
hafa skilning á því. Ég æfi sex til
sjö sinnum í viku og þá er ekki
mikill tími aflögu fyrir búverkin,”
segir Helga Margrét.
Það getur verið einmanalegt að
æfa ein í sveitinni en slíkt ástand
er ekki viðvarandi hjá Helgu Mar-
gréti. Hún er á leiðinni suður í
Menntaskólann við Hamrhlíð
næsta haust og ætlar að ganga til
liðs við annað hvort ÍR eða Ármann.
„Ég veit ekki hvort félagið ég vel.
Það verður bara að koma í ljós.“
Helga Margrét er fjölhæfur
íþróttamaður og var ein efnileg-
asta körfuboltakona landsins, allt
þar til hún lagði skóna á hilluna
síðasta sumar. „Ég varð að velja
og þótt mér finnist körfubolti
skemmtilegur eru það frjálsu
íþróttirnar sem eiga hug minn
allan,“ segir Helga Margrét.
Hún segist ekki geta gert upp á
milli greina í sjöþrautinni, segir
það eiginlega fara eftir hvernig
gangi hverju sinni. „Ef ég á að
velja einhverjar greinar þá eru
stökkgreinarnar, langstökk og
hástökk, skemmtilegastar þegar
28. FEBRÚAR OG 16. MARS
HANDBOLTI Gummersbach gegn
Flensburg og Kiel „Þessir leikir
skipta okkur öllu máli og munu í raun
og veru skera úr um hvort við náum
meistaradeildarsæti eða ekki. Við
verðum að vinna báða leikina, sem eru
klárlega fjögurra stiga leikir hvor um
sig. Ég myndi segja að bæði Flensburg
og Kiel séu með betri mannskap og
meiri breidd en við en það ætti að
hjálpa okkur að við erum
á heimavelli og spilum í
troðfullri 19.500 manna
höllinni í Köln,” segir
Alfreð Gíslason, þjálfari
Gummersbach.
4. MARS
GOLF Honda Classic á PGA-móta-
röðinni „Þetta er nú ekki allra sterk-
asta mótið á PGA-mótaröðinni þetta
árið því aðeins fjórir af tuttugu efstu á
heimslistanum eru meðal þátttakenda.
Það verður gaman ða sjá hvort enski
kylfingurinn Luke Donald nái að verja
titil sinn frá því í fyrra en þeir sem
munu veita honum harðasta keppni
eru Padraig Harrington (sigurvegari
2005), Davis Love III, David Toms, Mark
Calcavecchia og Justin Leonard. Því
miður hefur Tiger Woods ekki boðað
þátttöku að þessu sinni
en þetta verður engu
að síður hörkumót,”
segir Þorsteinn Hall-
grímsson.
10. MARS
BOX Wladimir Klitschko gegn Ray
Austin „Ef Wladimir Klitschko nær að
halda hausnum frá hægri höndinni á
Ray Austin þá spái ég því að hann roti
Austin einhvers staðar á milli sjöundu
og níundu lotu. Svo einfalt er það.
Klitschko þolir hins vegar illa högg og
ef hann fær á sig þungt högg þá gæti
hann verið rotaður í fyrstu
lotu. Klitschko er hins
vegar mun betri boxari,
með skaðræðis vinstri
stungu, og ég spái því
að hann vinni á rot-
höggi,” segir Bubbi
Morthens.
16 sport
HÁPUNKTARÁ AGINN KEMUR ÚR
SVEITAUPPELDINU
STEFÁN UM HELGU MARGRÉTI
„Það sem ég hef kynnst af þessari stelpu og hennar íþróttaferli segir mér að
hún sé stórefnileg, ekki bara líkamlega heldur líka andlega. Ég er búinn að
þjálfa í 40 ár og í heildina er þetta stelpa sem við ættum að reyna að hjálpa
til að ná toppárangri. Hún er ein af örfáum íþróttamönnum sem maður
getur gert sér vonir um að stígi á verðlaunapall á stórmótum í framtíðinni.
Ég minni á að hún er með jafngóðan ef ekki betri árangur en hin sænska
Caroline Kluft var með á hennar aldri.”
Stefán Jóhannsson frjálsíþróttaþjálfari í Ármanni, hefur aðstoðað
Helgu Margréti við æfingar.
GUÐMUNDUR UM HELGU MARGRÉTI
„Hún er mjög dugleg, samviskusöm og með mikið keppnisskap. Hún tekur mjög vel leiðsögn varðandi tækni og er líka
mjög léttlynd og skemmtileg týpa. Hún mætti samt læra að hvíldin skiptir eins miklu máli og að æfa. Það er eiginlega
hennar akkilesarhæll ef hægt er að kalla það því nafni. Það er í stuttu máli sagt draumur að þjálfa hana.”
Guðmundur Hólmar Jónsson, þjálfari Helgu Margrétar
Helga Margrét lét sig ekki muna um að stilla sér upp fyrir ljósmyndara okkar í fjárhúsi foreldra sinna í Hrútafirði. Hún er táknræn
fyrir þessa efnilegu íþróttakonu sem er alltaf á tánum. SPORTMYND/ANTON BRINK
Nafn: Helga Margrét Þor-
steinsdóttir
Fædd: 15. nóvember 1991
Foreldrar: Þorsteinn
Sigurjónsson og
Aðalheiður Böðvarsdóttir
Uppáhaldsgreinar:
Langstökk og hástökk
Uppáhaldsíþróttamaður:
Tugþrautarkonan Eunice
Barber frá Frakklandi
Met: 21 Íslandsmet í
stelpna-, telpna-, meyja-
og stúlknaflokki.