Fréttablaðið - 04.05.2007, Blaðsíða 33
Sigríður Gunnarsdóttir hefur búið í Frakk-
landi um árabil. Hún hefur nú gefið út bókina
Sælkeraferð um Frakkland, þar sem farið er í
matarhefðir hvers svæðis Frakklands fyrir sig.
Þegar Sigríður kom fyrst til Frakklands, tvítug að
aldri, varð hún strax hrifin af því hversu auðvelt
var að finna sér sæti á veitingastað, fá góðan mat og
njóta um leið fegurðar bæði mannlífsins og landsins.
„Það er æðislegt að njóta fegurðar við matarborðið,“
segir Sigríður. „Það er náttúrlega hámark lífsgæð-
anna fyrir sælkerann. Öll skilningarvitin eru mettuð
í einu.“
Sigríður er heimavinnandi húsmóðir og segist hún
alltaf hafa haft mikinn tíma til að elda. „Mig lang-
aði að vinna skemmtilegt verkefni heima, ég kann að
elda og því fannst mér tilvalið að búa til matreiðslu-
bók,“ segir Sigríður. „Svo er franskur matur svo
góður. Áherslan er lögð á gott hráefni og sósur eru
sjaldgæfar svo hann er ekki mjög fitandi.“
Sælkeraferð um Frakkland inniheldur 135 upp-
skriftir sem skipt er niður eftir uppruna sínum innan
Frakklands. Vinnsla bókarinnar hófst síðasta sumar
og var efni hennar tilbúið að mestu í janúarlok. „Við
vorum ekki lengi en við elduðum rétti fyrir bók-
ina hvern einasta dag, stundum marga á dag,“ segir
Sigríður. „Dóttir mín var með mér en hún tók allar
myndirnar í bókina. Reyndar vorum við stundum að
flýta okkur svo mikið að sumir réttirnir hefðu alveg
mátt vera aðeins lengur inni í ofninum,“ bætir hún
við hlæjandi.
Skilningarvitin mettuð
Mörkinni 6, Símí 588-5518
Opið virka daga frá kl. 10-18 og laugardaga frá kl. 10-16
Ekkert blað?
550 5600
Fyrst þú ert að lesa þetta þá hefurðu
fengið Fréttablaðið. En til vonar
og vara skaltu klippa þetta símanúmer
út og hringja ef blaðið berst ekki.
- mest lesið
Tilvalið í bústaðinn