Fréttablaðið - 04.05.2007, Side 94

Valsarinn Markús Máni
Michaelsson og Fylkismaðurinn
Guðlaugur Arnarsson höfnuðu á
dögunum tilboði frá spænska félag-
inu Torrevieja en báðir segja þeir
að um freistandi tilboð hafi verið
að ræða.
„Það þarf mikið til að fá mig aftur
út og margir hlutir sem spila þar
inn í. Tilboðið var fínt en eins og
staðan er núna reikna ég fastlega
með því að spila áfram hér á landi,“
sagði Markús Máni en danska fé-
lagið Aarhus hefur einnig borið ví-
urnar í hann sem og þýsk félög.
Húsvíkingurinn Guðlaugur Arn-
arsson hafnaði einnig tilboði frá
Torrevieja og hann hefur ákveðið
að leika á Íslandi næsta vetur þrátt
fyrir áhuga erlendra liða.
„Ég hef fengið fjöldann allan af
fyrirspurnum en í rauninni bara
eitt freistandi tilboð og það kom
frá spænska félaginu Torrevieja,“
sagði Guðlaugur en hornamaður-
inn Einar Örn Jónsson lék með fé-
laginu á sínum tíma. „Tilboðið var
gott en ekki nógu gott til að toga
mig til Spánar. Ég er í góðri vinnu
hér heima og ætlaði aldrei að fara
út bara til að fara út. Eftir nokkra
umhugsun höfum við ákveðið að
vera áfram hér á Íslandi.“
Félög á borð við hið danska GOG
voru á meðal þeirra sem báru ví-
urnar í Guðlaug sem lék með Gum-
mersbach fyrri hluta tímabilsins
og stóð sig með sóma. Þýsk félög
voru einnig með Guðlaug í sigtinu
en þau mál komust aldrei á alvar-
legt stig.
Guðlaugur sagði aðspurður að
hann yrði ekki áfram í herbúð-
um Fylkis en vildi ekkert um það
segja hvert leiðin lægi næst. Hann
er sterklega orðaður við Stjörn-
una líkt og félagar hans úr Fylki,
Heimir Örn Árnason og Hlynur
Morthens, en Fréttablaðið greindi
frá því í gær.
Markús og Guðlaugur höfnuðu
góðum tilboðum frá Torrevieja
Safamýrarlið Fram er
á byrjunarreit í leit sinni að arf-
taka Guðmundar Guðmundsson-
ar eftir að Ágúst Þór Jóhanns-
son, þjálfari kvennaliðs Fram,
hafnaði tilboði félagsins seinni-
partinn í gær.
„Þetta var fínt tilboð og spenn-
andi tækifæri en ég sé mér ein-
faldlega ekki fært að sinna starf-
inu af þeim krafti og metnaði
sem ég vil gera. Á þeim forsend-
um hafnaði ég tilboðinu,“ sagði
Ágúst Þór en kona hans hyggur
á meistaranám næsta vetur og
álagið heimafyrir eyksti í kjöl-
farið en Ágúst er tveggja barna
faðir.
„Ég er það metnaðarfullur að
ég hefði verið á mörgum leikj-
um, skoðað andstæðingana í
þaula og gert allt til að undirbúa
liðið sem best. Ég hefði þurft að
leggja mikið á mig til þess að
komast almennilega inn í bolt-
ann á ný og svo er búið að fjölga
leikjum í deildinni mikið. Ég hef
einfaldlega ekki þennan tíma því
miður,“ sagði Ágúst Þór.
Hann hefur ekki enn ákveð-
ið hvort hann haldi áfram þjálf-
un kvennaliðs Vals en hann mun
væntanlega gefa Valsmönnum
svar um helgina.
Ágúst hafnaði Fram
HK hefur tekið for-
ystuna í úrslitaeinvíginu um deild-
arbikarinn eftir þriggja marka
sigur, 29-26, á Stjörnunni í Digra-
nesi í gær. Leikurinn var lítt
spennandi og í rauninni hrútleið-
inlegur enda virtust margir leik-
menn hafa ákaflega lítinn áhuga á
leiknum. Það lofar aldrei góðu.
Fyrri hálfleikur var ævintýra-
lega slakur af beggja hálfu. Í
raun voru aðeins tveir leikmenn
með einhverri meðvitund á vellin-
um og það voru Stjörnumennirn-
ir Patrekur Jóhannesson og Björn
Óli Guðmundsson.
Patrekur skoraði nánast að vild
og Björn Óli var drjúgur. Lunkinn
handboltamaður þar á ferðinni
sem skilar sínu þó svo að hann sé
ekki í besta forminu á vellinum.
Lagði sig allan í verkefnið og það
hefðu fleiri mátt gera.
Heil 20 mörk voru skoruð í fyrri
hálfleik en Stjarnan leiddi með
tveim mörkum, 9-11. Markakóng-
urinn Valdimar Þórsson skoraði
tvö fyrstu mörk HK í síðari hálf-
leik en lauk síðan keppni. Marka-
kóngurinn var ákaflega dapur
í leiknum og virtist vera álíka
spenntur fyrir honum og páfinn.
Leikur liðanna var lengst-
um tilviljanakenndur, klaufaleg-
ur og minnti í raun á æfingaleik
að hausti. Blessunarlega fyrir
HK voru atvinnumennirnir Aug-
ustas Strazdas og Tomas Eitutis
fagmennskan uppmáluð og þeir
unnu leikinn upp á eigin spýt-
ur. Þunglamalegt Stjörnulið náði
ekki að hanga í HK þegar atvinnu-
mennirnir settu kraft í leikinn.
Það verður að segjast eins og er
að þessi deildarbikarkeppni er eitt
mesta fíaskó síðari tíma í hand-
boltanum. Áhuginn og stemning-
in fyrir keppninni er lítil sem eng-
inn og þegar leikmennirnir sjálfir
virðast lítinn áhuga hafa á verk-
efninu er allt eins hægt að sleppa
því að spila.
Leikmenn HK og Stjörnunnar buðu ekki beint upp á flugeldasýningu í fyrsta leik sínum í úrslitum deildar-
bikarsins. Leikurinn var illa leikinn, óspennandi og ekkert fyrir augað. Áhorfendur fengu lítið fyrir sinn
snúð. HK vann með þrem mörkum, 29-26, þrátt fyrir að hafa lítið lagt í leikinn.
Deildarbikar karla:
Spænsku liðin Sevilla og
Espanyol tryggðu sér í gærkvöld
þátttökurétt í úrslitaleik UEFA-
bikarsins er síðari leikir undan-
úrslitanna voru leiknir.
Espanyol lagði Werder Brem-
en á útivelli, 1-2, og samanlagt 5-
1. Bremen átti ágætis möguleika
eftir að hafa skorað snemma í
leiknum en þeir möguleikar fuku
út um gluggann strax á 19. mín-
útu þegar framherjinn Miroslav
Klose lét reka sig af velli með
sitt annað gula spjald.
Sevilla lagði Osasuna 2-0 á
heimavelli og samtals 2-1. Sevilla
vann keppnina í fyrra.
Spænskur
úrslitaleikur
Fréttablaðið heldur áfram að telja niður að
Íslandsmótinu og íþróttafréttamenn blaðs-
ins spá Blikum sjöunda sætinu.
Annað árið hefur verið Blikum erfitt und-
anfarin tuttugu ár. Í síðustu fjögur skipti
hefur árangurinn á fyrsta árinu verið ofar
öllum væntingum en síðan hefur sigið
á ógæfuhliðina. Það eru liðin 26 ár síðan
Breiðabliksliðið náði að bæta árangur sinn
á öðru ári. Blikar hafa alla burði til þess að
forðast fallbaráttuna en það verður erfitt
að jafna árangur síðasta sumar þar sem
þeir hækkuðu sig um þrjú sæti í lokaum-
ferðinni. Blikar hafa verið á uppleið und-
anfarin sumur og hafa hækkað sig þrjú
tímabil í röð eða frá því að þeir voru fall-
baráttu 1. deildarinnar sumarið 2003.
Þeir urðu fyrsta liðið til þess að vinna
alla sjö leiki sína í riðlakeppni Lengjubik-
arsins og það má búast við að væntingarn-
ar í Smáranum séu að liðið sanni sig í efri
hluta deildarinnar. Það hefur hins vegar oft
reynst Blikum erfitt að standast pressu sem
sást kannski best á tapinu gegn Víkingum í
átta liða úrslitunum
Blikar töpuðu aðeins tveimur leikjum
eftir að Ólafur H. Kristjánsson tók við um
mitt mót í fyrra. Þar munaði mestu að liðið
fór að fá stig á útivelli og varnarleikur liðs-
ins tók stakkaskiptum. Útivöllurinn og varn-
arleikurinn hafa verið Blikum til trafala
undanfarin ár. Takist Ólafi að byggja ofan
á gengi liðsins í fyrra er hann ekki aðeins
búinn að gera Blika að stöðugu úrvalsdeild-
arliði heldur einnig búinn að sanna sig sem
einn af betri þjálfurum deildarinnar.
Annað árið er alltaf erfitt