Fréttablaðið - 04.05.2007, Side 74
Mikið er rætt um „kven-frelsi“ þessa dagana. Hvað
er kvenfrelsi? Á ég að hafa meira
frelsi að því að ég er kona? Hef
ég minna frelsi í dag af því að ég
er kona? Eiga einstaklingar ekki
að hafa sitt frelsi – óháð kyni?
Einhverjir þingmenn vilja
lagasetningar sem eiga að vera
konum sérstaklega í hag og tala
um að setja lög um jafnt/aukið
hlutfall kvenna í stjórnum einka-
fyrirtækja.
Betra væri að alþingismenn
allra flokka litu sér nær. Inni á
heimasíðu
Alþingis
er að finna
æviávarp
alþingis-
manna. Þar
er fjallað
um Stein-
grím J.
Sigfússon.
Foreldrar
hans eru
Sigfús A.
Jóhanns-
son og k.h. Sigríður Jóhannes-
dóttir. Já, það er fjallað um Sig-
ríði sem „konu“ Sigfúsar. Og
svona er þetta með alla þing-
mennina. Faðirinn er alltaf til-
greindur fyrstur, móðirin kemur
þar á eftir og er nefnd „kona föð-
urins“. Það er ekki mikið „kven-
frelsi“ þar eða hvað?
Það er þessum hugsunarhætti
sem þarf að breyta og alþingis-
menn ættu frekar að líta í eig-
inn barm. Skoða hvað þeir geti
gert inni á sínum vinnustöðum
sem stuðlar að fullkomnu frelsi
og réttlæti einstaklinga – óháð
kyni. Í stað þess að fara að segja
einkaaðilum hvernig þeir eigi að
haga sínum rekstri. Það er ekki
mikið frelsi fólgið í slíkri laga-
setningu, hvorki „kvenfrelsi“ né
„karlfrelsi“.
Höfundur er lögfræðingur.
Eiga alþingismenn ekki mæður?
ÍÓlafs sögu helga segir frá því er Ólafur konungur hinn digri
biður Alþingi um að gefa sér
Grímsey sem vináttuvott. Flest-
ir þingmanna vildu verða við
bón hans enda væri hann frændi
þeirra og vinur. En þá tók til
máls Einar Þveræingur og sagði
að fengi kóngur eynna þá yrði
þess ekki langt að bíða að lang-
skip hans sigldu inn norðlenska
firði (les: jöfur mun nota eyjuna
sem stökkpall fyrir innrás). Eftir
að hafa hlýtt á mál Einars sner-
ist þingmönnum hugur, þeir höfn-
uðu málaleitan konungs.
En nú er öldin önnur, ríkis-
stjórn Geirs Haarde hefur gert
samninga við Norðmenn um að
norsk langskip... ég meina her-
þotur skuli
staðsettar
á Kefla-
víkurflug-
velli. Fyrir
utan allt
annað vont
sýnir þetta
að Geir,
flokkur
hans og litli
flokkurinn
eru fastir
í hugarfari
kalda stríðsins. Eftir að Kaninn
fór fékk stjórnin panikk af verri
gerðinni, haldandi líklega að
Rússarnir væru á leiðinni. Hún
knékraup öllum nágrannaþjóðun-
um og grátbað um allrameinabót-
ina herþotur. En Geir og félagar
skilja ekki að ekkert ríki ógnar
öryggi Íslands, alla vega ekki
svo lengi sem við erum í NATÓ.
Menn mega svo minnast þess að
hið varnarlausa land Kosta Ríka
fær að vera í friði þótt endalaus
vígaferli séu í nágrannaríkjun-
um. Aftur á móti gætu hryðja-
verkamenn ógnað þjóðinni, ekki
síst ef þeir uppgötva að hún var
sett nauðug viljug á lista vígfúsra
þjóða af Davíð Oddssyni og félög-
um (þeirra á meðal Geir).
Til eru hryðjuverkamenn
sem vilja Norðmönnum illt út
af skopmyndamálinu. Kannski
þeir noti tækifærið og sprengi
nokkrar norskar þotur í loft
upp á Keflavíkurflugvelli. Ef til
vill fer flugstöðin með og nokk-
ur hundruð manns. Hvað sem
því líður þá er aðeins til eitt ríki
sem gæti ógnað öryggi Íslands –
NOREGUR! Sjálfur hef ég búið
í Noregi í fjölda ára og þekki
land og þjóð. Þó að flestir Norð-
menn séu ágætis fólk og okkur
velviljað þá eru enn til Nojar-
ar sem telja að Ísland ætti helst
að vera fylki í Noregi. Þeir hafi
verið rændir sínu íslenska skatt-
landi árið 1814, eins og norskur
sagnfræðingur orðaði það svo
skemmtilega: „Það er lítil von til
að við fáum skattlöndin OKKAR
tilbaka“ (undirskilið: litlar líkur
á að réttmætum eigum okkar
verði skilað aftur). Altént eru
vissir hópar manna hér í Noregi
teknir að heimta að varnarsam-
starfið verði bundið því skilyrði
að Íslendingar viðurkenni Sval-
barðasvæðið.
Með þessum samningum hefur
Geir gefið Norðmönnum hreðja-
tak á Íslendingum sem þeir
munu nota eftir bestu getu í deil-
um þjóðanna um fisk og fleira.
Finnst Geir ekki nóg að hafa
gefið Bandaríkjumönnum rétt til
að taka loftrýmið íslenska yfir
ef hættuástand skapist í heimin-
um? Hver á að skilgreina „hættu-
ástand“? Finnst honum ekki nóg
að hafa látið Kanana fara með sig
eins og hund er þeir lögðu her-
stöðina niður? Geir hafði ekki
einu sinni manndóm í sér til að
segja varnarsamningum upp.
Taki Geir pokann sinn og hverfi
úr stjórnarráðinu að kosningum
afstöðnum!
Höfundur er prófessor
í heimspeki.
Að semja af sér við Norðmenn
Fyrirtæki sem vilja vera í fremstu
röð á tímum örrar tækniþróunar
og breytinga í stjórnun þurfa sí-
fellt að vera vakandi fyrir tæki-
færum sem gefast til aukinnar
þekkingarsköpunar. Þekking og
nýsköpun eru undirstaða fram-
þróunar á öllum sviðum atvinnu-
lífsins, hvort sem um er að ræða
tæknifyrirtæki, menntun, þjón-
ustu eða framleiðslu. Háskólinn
í Reykjavík hefur umsjón með
nýjum samstarfssamningi ís-
lensks atvinnulífs við MIT-há-
skólann (Massachusetts Institute
of Technology) í Boston í umboði
Viðskiptaráðs og Samtaka iðnað-
arins og býðst íslenskum fyrir-
tækjum, stórum sem smáum, að
taka þátt í samstarfinu. Samn-
ingurinn felur í sér aðgang að
víðtæku samstarfi, þekkingu og
færni MIT samkvæmt þörfum,
markmiðum og óskum þeirra
fyrirtækja sem taka þátt í sam-
starfinu. Auk þess fá samstarfsað-
ilar allar upplýsingar um nýjung-
ar, rannsóknir og þróunarverk-
efni sem verið er að vinna að og
tengjast þörfum íslenskra fyrir-
tækja. Samstarfinu verður hleypt
formlega af stokkunum 7.-8. maí
nk. þar sem fulltrúar MIT munu
kynna samstarfið nánar.
MIT-háskólinn er einn af fram-
sæknustu háskólum í heiminum
og er t.d. í fyrsta sæti yfir bestu
háskóla í Bandaríkjunum á sviði
tækni og verkfræði og í því þriðja
á sviði viðskipta og stjórnunar, auk
þess sem hann hefur verið álitinn
besti kosturinn hvað varðar fram-
haldsnám á háskólastigi almennt.
Hvorki fleiri né færri en 63 Nóbels-
verðlaunahafar hafa farið í gegn-
um fræðasamfélag MIT. Skólinn
leggur mikla áherslu á virk tengsl
við atvinnulífið og raunveruleg
verkefni fyrir fyrirtæki og hefur
nú opnast tækifæri fyrir íslensk
fyrirtæki til að njóta góðs af því.
Samstarfið fer fram á vettvangi
svokallaðs ILP samstarfs (Indu-
strial Liaison Programme) innan
MIT en Stjórnendaskóli Háskól-
ans í Reykjavík er tengiliður sam-
starfsins hér á landi. Fulltrúar ís-
lenskra fyrirtækja sem eiga aðild
að samstarfinu við HR fá aðgang
að ráðstefnum, málþingum og
öðrum viðburðum sem skipulagð-
ir eru innan ramma samstarfsins
um allan heim. Hægt verður að fá
hingað til lands fulltrúa frá skólan-
um til að halda fyrirlestur eða til
að vinna sértækt með fyrirtækj-
um og einnig að senda fulltrúa
til Boston til skrafs og ráðagerða
með sérfræðingum fagsviðanna.
Slíkar málstofur eru sérsniðn-
ar að þörfum íslensku fulltrú-
anna og nýtast t.d. til að styrkja
stefnumót-
un, kynn-
ast því sem
er að ger-
ast í rann-
sóknum og
tækni, eða
til að skoða
nýjar að-
ferðir við
stjórnun
fyrirtækja.
Aðgang-
ur opnast
að nýjungum í tækni eða stjórnun,
svo og rannsóknum og greiningum
sem verið er að vinna og verður
þannig hægt að fylgjast með því
allra nýjasta auk þess sem mögu-
leiki er á að leita ákveðinna lausna.
Fyrirtæki munu einnig geta feng-
ið sendar rannsóknarniðurstöður
og skýrslur eftir þörfum.
Íslensk fyrirtæki sem eru í sam-
starfi við HR hafa möguleika á að
koma á tengslum við nema í MIT,
ráða þá til starfa eða nýta sérþekk-
ingu þeirra til rannsókna. Sam-
starfið getur falist í að nemum sé
falið að gera ákveðna rannsókn,
nemar séu ráðnir í sumarvinnu
eða teknir í starfsþjálfun innan ís-
lenskra fyrirtækja hér á landi eða
annars staðar.
Sérstakur þekkingargrunnur
samstarfsins inniheldur upplýs-
ingar um sér-
fræðiþekkingu
og rannsókna-
svið innan MIT
auk samantekta
og tengla á vef-
síður sem rekn-
ar eru af deild-
um skólans. Þar
fá samstarfsað-
ilar HR tæki-
færi til að leita
uppi og skoða
rannsóknir sem
áhugi er fyrir,
tengjast rann-
sóknaraðil-
um og kynnast
nýjustu tækni
og rannsókn-
um á viðkom-
andi sviði. Upp-
lýsingum um
þróunarverkefni og niðurstöður
rannsókna verður dreift eftir efni
og þörfum hvers og eins fyrirtæk-
is og prentað efni sem gefið er út
af MIT gert aðgengilegt fyrir ís-
lenska samstarfsaðila.
Með því að bjóða íslenskum
fyrirtækjum aðgang að sam-
starfi við MIT stuðlar Háskólinn
í Reykjavík að virkara samstarfi
atvinnulífs og skóla og færir
sérfræðiþekkingu á fagsviðum
inn í fyrirtæki í öllum geirum
samfélagsins.
Höfundur er verkefnastjóri Stjórn-
endaskóla Háskólans í Reykjavík.
Nýsköpun fyrir
íslensk fyrirtæki
Til eru hryðjuverkamenn sem
vilja Norðmönnum illt út af
skopmyndamálinu. Kannski
þeir noti tækifærið og sprengi
nokkrar norskar þotur í loft
upp á Keflavíkurflugvelli.
Þekking og
nýsköpun eru
undirstaða
framþróunar á
öllum sviðum
atvinnulífsins,
hvort sem um
er að ræða
tæknifyrir-
tæki, mennt-
un, þjónustu
eða fram-
leiðslu.
KLIPPIÐ HÉR!
- Ekkert hlé á góðum myndum
Engin truflun3Minna af auglýsingum2Ekkert hlé1
2 fyrir 1 allar frumsýningarhelgar gegn framvísun þessarar úrklippu.
„Fullkomin kvikmynd; margbrotin,
tvíræð, spennandi og afar skemmtileg!“
-Dana Stevens, Slate
„Donnersmarck kryddar spennusöguna
með lymskulegum húmor.
Útkoman er hrein snilld.“
-A.O. Scott, The New York Times
the
lives
of
others
A Film By Florian H
enckel Von Donne
rsmarck
EVRÓPSKU KVIKMYNDAVERÐLAUNIN
BESTA MYND ÁRSINS
EVRÓPSKU KVIKMYNDAVERÐLAUNIN
BESTI LEIKARI
& BESTA HANDRIT
ÞÝSKU KVIKMYNDAVERÐLAUNIN
7 VERÐLAUN -
M.A. BESTA MYNDIN
ÓSKARSVERÐLAUNIN 2007
BESTA MYND ÁRSINS
Í F L O K K I M Y N D A Á E R L E N D U T U N G U M Á L I
DAS LEBEN DER ANDEREN LÍF ANNARRA
FRUMSÝND 4. MAÍ SÝND Í HÁSKÓLABÍÓI
www.graenaljosid.is - Skráðu þig í Bíóklúbbinn og þú færð sendan boðsmiðakóða á Miða.is alla frumsýningardaga