Fréttablaðið - 31.05.2007, Qupperneq 31

Goth-tískan á upptök sín í nýbylgju níunda
áratugarins, en útgáfumógúllinn Tony Wilson
sagði eitt sinn að hljómsveitin Joy Division væri
gotnesk miðað við það sem væri að gerast í
samtímanum og þaðan er líkingin sprottin.
Undanfarið hefur goth-tískan átt vaxandi fylgi að
fagna en sem dæmi um það má nefna mætingu á
Wave Gothic-tónlistarhátíðina í Leipzig í Þýskalandi.
Fyrsta hátíðin, sem haldin var árið 1992, státaði af tíu
hljómsveitum á einu kvöldi en nú stendur hátíðin í
fjóra daga og er dreifð um alla borgina.
Goth-stíllinn svokallaði er misjafn þótt undirstað-
an sé alltaf svarti liturinn, drungi og mikið drama.
„Gotharinn“ getur þannig klæðst öllu frá svörtum
jakkafötum og bol með áprentaðri hljómsveitarmynd
yfir í korselett eða púffermaskyrtu, haft hring á
hverjum fingri og fimm þung silfurhálsmen.
Goth-stefnan er líklega sú eina í dag sem leyfir
strákum að mála sig.
Í henni má stundum vart milli sjá af hvoru kyninu
„gotharinn“ er og þannig myndi enginn gera athuga-
semd þó að „gotharinn“ Hreggviður mætti í afmælis-
boð íklæddur korseletti með langar rauðar neglur.
Goth-fjölskyldan er nefnilega opin fyrir öllu, svo
lengi sem það er ekki „normal“ eða hresst.
Spretta eins og goth-kúlur
Mörkinni 6, Símí 588-5518
Opið virka daga frá kl. 10-18 og laugardaga frá kl. 10-16