Fréttablaðið - 16.08.2007, Side 51

FIMMTUDAGUR 16. ÁGÚST 2007 9menningarnótt fréttablaðið
MÓTORHJÓL ÚR TRÉ
Félagar í útskurðarfélaginu Einstakir hafa skorið út í tré mótorhjól í fullri
stærð sem verður til sýnis á menningarnótt í JCI húsinu að Hellusundi 3
í Reykjavík.
Hjólið, sem er skorið út í 17 mismunandi harðviðartegundir, er eftirlík-
ing af þýska hermannamótorhjólinu Ural sem Þjóðverjar notuðu í seinni
heimsstyrjöldinni.
Ófáum stundum var varið í gerð hjólsins en hver og einn félagi fékk
með sér smáhluti í heimavinnu og síðan var komið saman á vinnustofu
hópsins þar sem samsetningin fór fram.
Á síðasta ári sýndu Einstakir risagítar af gerðinni Fender í Hrafnagili
en Jón Ólafsson tónlistarmaður keypti gripinn og gaf til Rokksafnsins í
Reykjanesbæ á Ljósanótt í fyrra.
Mótorhjólið er einnig til sölu og ekki amalegt að hafa eitt slíkt inni í
stofu.
HÖNNUNARKEPPNI
FYRIR BÖRN
Vinningshafi teiknisamkeppni
á menningarnótt fær skartgrip
eftir eigin hönnun.
Börnin geta teiknað mynd í
skartgripaversluninni Hún og
Hún á menningarnótt. Það barn
sem fer með sigur af hólmi
fær síðan skartgrip eftir eigin
hönnun.
Gullsmiðurinn Sif Ægisdóttir
mun smíða gripinn en þetta er
fjórða árið í röð sem Sif smíðar
grip eftir hugmynd þess barns
sem vinnur í teiknisamkeppn-
inni.
Barnafataverslunin Liggalá
stendur fyrir barnafatabasar og
ágóði af sölunni rennur til barna-
spítala Hringsins og barna- og
unglingageðdeildar Landspítal-
ans, BUGL.
Sápukúlur og andlitsmál-
un verður í boði fyrir krakkana.
Basarinn hefst kl. 13 og stendur
til kl. 17 í Liggalá, sem er til húsa
að Laugavegi 67.
Barnafatabasar
í Liggalá
SÁLMAFOSS
Í HALLGRÍMSKIRKJU
Kynntir verða fjórir glænýir
sálmar eftir fjögur skáld og
fjögur tónskáld klukkan 15.10
í Hallgrímskirkju. Hörður
Áskelsson organisti og kórstjóri
leiðir sönghóp úr Mótettukór
Hallgrímskirkju og kirkjugesti
en allir mega syngja með.
Sálmahátíðin stendur til klukkan
22.00.
Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska
Umbo›s- og sölua›ili
Birkiaska ehf.
sími: 551 9239
www.birkiaska.is
Vali› fæ›ubótarefni ársins 2002 í Finnlandi
Minnistöflur