Fréttablaðið - 16.08.2007, Síða 56

16. ÁGÚST 2007 FIMMTUDAGUR14 fréttablaðið menningarnótt
Efnafræðingar lofa reyk,
sprengingum og ýmsu óvæntu
á efnafræðisýningum sem fara
fram í fyrirlestrarsal Íslenskrar
erfðagreiningar í dag.
„Þetta verða það sem við köllum
efnafræðibrellur,“ segir Sigurður
Smárason, efnafræðingur við Há-
skóla Íslands, sem ætlar að halda
þrjár efnafræðisýningar í dag
ásamt nokkrum nemenda sinna.
Hann segir ýmsa óvanalega hluti
gerast í efnafræðinni og sumt
kannist fólk við úr bíómyndum.
„Til dæmis þegar hlutir eru fryst-
ir með fljótandi köfnunarefni og
verða þá brothættir,“ segir Sig-
urður og tekur rós sem dæmi. „Við
sýnum líka þessa klassísku vökva
sem breyta um lit og síðan verða
ljós og læti í bland,“ segir Sigurð-
ur og lofar skemmtilegum og líf-
legum sýningum.
Þrjár sýningar verða yfir dag-
inn. Fyrri tvær eru ætlaðar allri
fjölskyldunni en sú síðasta, klukk-
an 18.00, verður frekar stíluð inn á
fullorðna. „Þá verða aðeins meiri
læti,“ segir Sigurður kankvís.
Sigurður hefur staðið fyrir
efnafræðisýningum frá árinu
2005 hér heima en hann kynntist
slíkum þegar hann var í doktors-
námi í Bandaríkjunum. „Þetta er
mjög vinsælt þar, en þetta er ekki
síður skemmtilegt fyrir okkur
efnafræðingana en þá sem eru að
horfa á,“ segir Sigurður og telur
að brellurnar séu líklega það sem
kveiki helst í þeim sem ákveði að
fara að læra efnafræði. „Nem-
endur hafa mjög gaman af að
spreyta sig á þessu,“ segir Sigurð-
ur en nokkrir nemenda hans taka
þátt í sýningunni og hefur hópur-
inn æft sig á brellunum í sumar.
„Við þurfum auðvitað að tryggja
öryggi þeirra sem horfa á. Svo
þarf líka að athuga hvort þetta
virki enda hægt að fá alls konar
uppskriftir á netinu sem virka
ekki eins og skyldi þegar á reyn-
ir,“ segir Sigurður glettinn. Hann
segir að ýmislegt muni koma á
óvart og fólk muni sjá margt sem
það hafi ekki séð áður. „Hvorki í
bíómyndum né í hinum raunveru-
lega heimi.“
Hver sýning stendur í um fjöru-
tíu mínútur og fer fram í fyrir-
lestrarsal Íslenskrar erfðagrein-
ingar. Fyrsta sýningin er klukkan
13, næsta klukkan 15 og sú síðasta
klukkan 18. Að sýningunni standa
ásamt Sigurði og nemendum hans
Efnagreiningarsetur HÍ og Ís-
lensk erfðagreining.
solveig@frettabladid.is
Ljós,reykur og læti í bland
Sigurður Smárason, forstöðumaður Efnagreiningarseturs HÍ, stendur keikur á milli nemenda sinna og samstarfsmanna, þeirra Arnars Þórs Stefánssonar og Henriks Cornelisson van de Ven sem mundar sleggju.
FRÉTTABLAÐIÐ/HÖRÐUR
WARHOL Í INGÓLFSSTRÆTI
Sýning verður á myndum eftir Andy Warhol í Ingólfsstræti 8 í
Reykjavík á menningarnótt. Verkin eru frá árunum 1968 til 1984
og eru silkiþrykk, langflest úr stórri myndaröð sem helguð var
morðinu á John F. Kennedy, Flash 22. November 1963 sem
Warhol gerði fimm árum síðar, færri úr smærri myndröðum frá
upphafi níunda áratugs síðustu aldar.
Verkin sýna bæði breidd og þróun í tækni og viðfangsefnum
Warhols. Þetta er í þriðja sinn sem hér er haldin sýning á verk-
um hans: hinar fyrri voru sýning á printum af íþróttahetjum og
myndaröð með Ingrid Bergman. Allar myndirnar á sýningunni í
Ingólfsstræti eru til sölu en sýningaropnun er á föstudagskvöld
fyrir boðsgesti en á laugardag er sýningin opin frá 13 til 21 og
allir velkomnir.
LÍFRÆNN ÚTIMARKAÐUR
Verslunin Yggdrasill er með útimarkað á
menningarnótt.
Heilsuvöruverslunin Yggdrasill fagn-
ar í ár tuttugu ára starfsafmæli. Verlunin
verður með lífrænan útimarkað næst-
komandi laugardag þar sem bændur
mæta með afurðir beint af akrinum.
Ávextir og grænmeti eru meðal
þess sem verður í boði ásamt lokkandi
magadansmeyjum sem hrista upp í
stemningunni á Skólavörðustígnum.
Útimarkaðurinn hefst kl.13 og
stendur til kl.18
Yggdrasill er til húsa að Skóla-
vörðustíg 16.