Fréttablaðið - 10.11.2007, Blaðsíða 88

Verkfall handritshöfunda í Hollywood
setur strik í reikninginn hjá mörgum. Þó
hafa margar stjörnur sýnt stuðning sinn
við höfundana í verki.
Verkfallið hefur sett mark sitt á helstu vígstöðv-
ar kvikmynda- og sjónvarpsiðnaðarins í Banda-
ríkjunum frá því á mánudag, þegar höfundar
lögðu pennana frá sér. Lausn á deilu þeirra við
fulltrúa kvikmyndaiðnaðarins er ekki í sjónmáli
og klukkan tifar jafnt fyrir spjallþætti og
leiknar þáttaraðir. Framleiðsla á þáttum
Jays Leno og Davids Letterman liggur
niðri. Ekki er búið að semja fleiri handrit
að Aðþrengdum eiginkonum og telur
framleiðandinn að sjónvarpsstöðin ABC
muni verða uppiskroppa með þætti fyrir
jól. Ugly Betty, einn vinsælasti þátturinn
vestra, á í svipuðum vanda, en handrits-
höfundar hans breyta handritunum
gjarnan með mjög skömmum fyrirvara.
Þó að verkfallið setji strik í reikning-
inn hjá mörgum hafa ófáar stjörnur
sýnt stuðning sinn við handritshöf-
unda í verki. Jay Leno slóst í hóp
mótmælanda í Los Angeles, eins og
allur leikhópur Ugly Betty, og bauð
mótmælendum upp á kleinuhringi.
„Ég hef unnið með þessu fólki í
tuttugu ár. Án þess er ég ekki
fyndinn,“ sagði hann. Hinn sívinsæli
Ray Romano, sem bauð mótmælend-
um fyrir utan Paramount Studios upp
á beyglur, ávexti og appelsínusafa,
segir Arnold Schwarzenegger, ríkisstjóra
Kaliforníu, eiga að beita sér fyrir því að leysa
deiluna í ljósi eigin reynslu af kvikmyndaiðnað-
inum. „„I’ll be back“ – það skrifaði einhver. Hann
bjó það ekki til sjálfur,“ sagði Romano.
Robin Williams og Julianne Moore slógust í
hóp mótmælenda í New York, eins og Holly
Hunter, David Hyde Pierce og Christopher
Meloni úr Law and Order: Special Victims Unit.
Þar var David Duchovny einnig að finna, en
hann er einn af mörgum leikurum sem tilheyra
einnig samtökum handritshöfunda. Tina Fey, úr
Saturday Night Live og 30 Rock, er í sömu
sporum, og hún lét sig ekki heldur vanta í
stuðningsliðið. „Ég er fyrst og fremst handrits-
höfundur. Ég hefði aldrei fengið að leika ef ég
hefði ekki skrifað fyrst,“ sagði Fey.
Verkfall handritshöfunda er það fyrsta í nítján
ár. Síðast stóð það yfir í 22 vikur og kostaði
iðnaðinn þá um 500 milljónir dala.
Þorgrímur Þráinsson stendur í ströngu
við að fræða landsmenn um samskipti
kynjanna á skemmtikvöldum um
land allt í kjölfarið á útgáfu bókar
hans, Hvernig gerirðu konuna þína
hamingjusama? Hann hefur komið
fram á kvennakvöldum og karlakvöld-
um og heimsótt blandaða hópa og
kveðst hafa orðið var við mikinn mun á
kynjunum í umræðum um samlíf og
kynlíf.
„Ég held að konur hafi mun meiri
húmor fyrir þessari bók en karlmenn.
Ég les ekki það sama fyrir karla- og
kvennahópa, ég er búinn að finna út
hvað virkar á hvorn hóp fyrir sig,“ segir
Þorgrímur, og tínir til dæmi. „Konur
hlæja til dæmis alltaf rosalega mikið
þegar ég spyr hver munurinn sé á g-
bletti og golfkúlu. Svarið er að karl-
menn geta varið klukkutíma í að leita
að golfkúlunni. Karlarnir hlæja ekki
jafn mikið og finnst þetta kannski
feimnismál,“ segir Þorgrímur, sem
kveðst þó skilja þá afstöðu. „Konur eru
náttúrulega flóknar, rétt eins og við,“
segir hann.
Eins og Fréttablaðið hefur greint frá
er Þorgrímur þéttbókaður fram að
jólum. „Það er eitthvað að gerast á
kvöldin hjá mér svona þrisvar, fjórum
sinnum í viku,“ segir Þorgrímur.
Aðspurður hvort hann óttist þá ekki að
sofna ofan í jólamatinn hlær hann við.
„Ég æfi alltaf í hádeginu, þá hef ég
endalaust þrek, en kannski meira sam-
viskubit yfir því að vera alltaf að hlaupa
út frá fjölskyldunni á kvöldin. Þetta er
samt bara ákveðin vertíð og ég sinni
henni,“ segir Þorgrímur.
Konur hafa meiri húmor en karlar
Vöðvabúntið
Arnold Schwarz-
enegger,
ríkisstjóri
Kaliforníu, vill
gera allt sem í
sínu valdi
stendur til að
binda endi á
verkfall hand-
ritshöfunda í
Hollywood.
„Það er mjög
mikilvægt að komast að sam-
komulagi sem fyrst vegna þess að
þetta hefur gríðarlega mikil
efnahagsleg áhrif á ríkið okkar,“
sagði leikarinn fyrrverandi.
Verkfallið, sem hófst síðastliðinn
mánudag, er fyrsta verkfall
handritshöfunda í Hollywood
síðan 1988. Hefur tökum á þáttum
á borð við Aðþrengdar eiginkonur
og 24 verið frestað þess vegna.
Vill stöðva
verkfallið
Hasarmyndin
The Bourne
Ultimatum
hefur verið
tilnefnd til
þrennra
People´s
Choice-
verðlauna, sem verða afhent í 34.
sinn í Los Angeles 8. janúar. Er
hún tilnefnd sem besta myndin og
besta hasarmyndin auk þess sem
Bourne-serían er tilnefnd sem
besti þríleikurinn.
Johnny Depp var tilnefndur
sem besti leikarinn og besta
hasarmyndahetjan fyrir hlutverk
sitt í Pirates of the Caribbean.
Vann hann í báðum þessum
flokkum á síðasta ári. Í ár keppir
hann um hasarverðlaunin við
Matt Damon sem lék í The
Bourne Ultimatum og Bruce
Willis sem lék í fjórðu Die Hard-
myndinni.
Fékk þrjár
tilnefningar
komin í verslanir
og leigur á DVD
TAKTU ÞÁTT Í JÓLALEIK HARRY POTTER
Límmiðinn á myndinni gæti fært þér 42 TOMMU PHILIPS PLASMA
SJÓNVARP, Ipod, árskort í Sambíóin og margt fleira.
Nánari upplýsingar á www.fm957.is