Fréttablaðið - 23.11.2007, Síða 10

23. nóvember 2007 FÖSTUDAGUR
EVRÓPUMÁL Ingibjörg Sólrún Gísla-
dóttir utanríkisráðherra vill láta
breyta stjórnarskránni af því að í
EES-samningnum felist framsal á
fullveldi og hann megi ekki stang-
ast á við stjórnarskrána. Þetta
þurfi að gera fyrir næstu
kosningar.
„Breytt umhverfi í alþjóða-
málum kallar á breytingu á stjórnar-
skrá þannig að við getum deilt full-
veldi okkar með öðrum þjóðum
eins og almennt gerist. Þess vegna
tel ég nauðsynlegt að við gerum
breytingar á stjórnarskránni þó að
það geti auðvitað ekki gerst fyrr en
fyrir næstu kosningar,“ sagði hún.
Ráðherrann flutti erindi í fyrir-
lestraröð Sagnfræðingafélags
Íslands sem hét Minn staður er hér
þar sem Evrópa endar. Í erindinu
sínu benti hún á að Íslendingar
hefðu alltaf verið á áhrifasvæði
annarra ríkja og deilt fullveldi sínu
með þeim.
Í umræðum um Evrópumál
hefðu Íslendingar verið fastir í
goðsögninni um að útlendingar
væru að ásælast landið og myndu
„skilja okkur eftir á berum bekk“.
Þetta hefði sett mark sitt á þjóðina
og hægrimenn hefðu í andstöðu
sinni við ESB verið uppteknir af
því að sanna að þeir væru ekki
„landsölumenn“ í stað þess að ræða
kalt um málið.
Utanríkisráðherrann gagnrýndi
hugmyndina um að Ísland væri
áhrifalaust smáríki og kvaðst upp-
lifa að litið væri á það sem öflugt
smærra ríki sem horft væri til. - ghs
Utanríkisráðherra á fundi Sagnfræðingafélagsins:
Vill breyta stjórnarskrá vegna EES
EKKI „LAND-
SÖLUMENN“
Hægrimenn
hafa verið upp-
teknir af því að
sanna að þeir
séu ekki „land-
sölumenn“, að
mati Ingibjargar
Sólrúnar Gísla-
dóttur utanríkis-
ráðherra.
RV
U
N
IQ
U
E
11
07
03
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Nr. 11
R
Góðar
hugmyndir
Hagkvæmar
vistvænar
mannvænar
heildarlausnir
1982–2007
Rekstrarvörur25ára
Rekstrarvörulistinn
... er kominn út
H
V
ÍT
A
H
Ú
S
IÐ
/
S
ÍA
-
0
7
-1
8
0
9
HEKLA Laugavegi 172-174 · sími 590 5000 · www.hekla.is · hekla@hekla.is
Umboðsmenn HEKLU um land allt: Akureyri · Akranesi · Ísafirði · Reyðarfirði · Reykjanesbæ · Selfossi
SkodaOctavia
SkodaOctavia TDI
Ímyndaðu þér
Afl og hagkvæmni
Það ríkir mikill friður og sátt á þeim heimilum sem
eiga Skoda Octavia TDI. Dísilvélin er í senn aflmikil
og eyðslugrönn, með aðeins 4,9 lítra eyðslu á
hverja hundrað kílómetra. Octavia TDI er fáanlegur
beinskiptur, sjálfskiptur og með sítengdu aldrifi.
• ESP stöðugleikakerfi og spólvörn
• aksturstölva
• tengi fyrir iPod
• sex hátalarar
• hanskahólf með kælibúnaði
• sex loftpúðar
• hraðastillir (cruise control)
• þokuljós í framstuðara
• armpúði milli framsæta
• hiti í sætum og speglum
• ISOFIX barnabílstólafestingar
• hæðarstillanleg framsæti
Álfelgur og heilsársdekk fylgja, takmarkað magn!
Það sem oftast er aukabúnaður er
staðalbúnaður í þessum glæsilega bíl.
LÖGREGLUMÁL Miðborg Reykjavíkur kemur ekki vel
út í nýrri skýrslu sem unnin var fyrir lögregluna á
höfuðborgarsvæðinu. Stærst hlutfall íbúa
miðborgar innar þiggur fjárhagsaðstoð af fjórtán
svæðum höfuðborgarsvæðisins, eða um 4,2 pró-
sentum íbúa. Meðaltalið yfir allt höfuðborgar-
svæðið er hins vegar innan við tvö prósent.
Um 38 prósent þeirra miðborgarbúa sem þiggja
fjárhagsaðstoð frá borgaryfirvöldum eru atvinnu-
lausir en fjórðungur þessa hóps er sjúklingar.
Meðalatvinnutekjur þar voru einnig þær þriðju
lægstu árið 2005, eða 3.018.000 krónur á mann yfir
árið. Það er rúmri milljón minna en sama ár á
Seltjarnarnesi, þar sem meðalatvinnutekjur voru
hæstar.
Í miðborginni voru einnig framin meira en
fjörutíu prósent ofbeldisbrota sem tilkynnt var um
til lögreglu tvö síðastliðin ár, sem og nær fjórða
hvert fíkniefnabrot sem tilkynnt var á síðasta ári.
Þar var einnig tilkynnt um flest innbrot og eigna-
spjöll á síðasta ári.
„Það er náttúrlega misjafnt hvað menn telja
lífsgæði,“ segir Stefán Eiríksson lögreglustjóri, „en
ég tel hugsanlegt að þau brot sem fylgja skemmt-
analífinu séu farin að hafa þau áhrif að íbúar séu
farnir að hopa úr miðbænum. En við verðum líka að
hafa það hugfast að þó að um 40 til 45 prósent
ofbeldisbrota séu framin í miðbænum eiga um 80
prósent þeirra sér stað um helgar milli klukkan
þrjú og sjö að nóttu til.“
Hann lagði þó áherslu á það líkt og skýrsluhöf-
undarnir, Rannveig Þórisdóttir og Benjamín
Gíslason, að eftir því sem fólk þekkti miðbæinn
betur, þeim mun síður stæði því stuggur af honum.
„Hugsanlega hefur neikvæð umfjöllun fjölmiðla
meðal annars þau áhrif að fólk telur sig síður
öruggt í miðbænum því óttinn virtist aukast á sama
tíma og brotum fækkaði.“
Álftanes kemur hins vegar afar vel út í skýrsl-
unni en hlutfall tilkynntra brota á síðasta ári er
innan við hálft prósent í öllum þeim sjö flokkum
sem brotin eru skilgreind eftir.
Stefán sagði að lögreglan á höfuðborgarsvæðinu
hefði sett sér það markmið að auka öryggistilfinn-
ingu fólks á svæðinu og til þess að ná þeim mark-
miðum yrði sýnileiki hennar aukinn til muna,
hverfa- og grenndarlöggæsla efld og enn frekari
áhersla lögð á gæði og skilvirkni rannsókna. - jse
Miðbærinn kemur illa út í skýrslu um afbrot á höfuðborgarsvæðinu:
Lífsgæði á höfuðborgarsvæð-
inu einna lökust í miðbænum
SKÝRSLAN KYNNT Á LÖGREGLUSTÖÐINNI VIÐ HLEMM Stefán
Eiríksson lögreglustjóri segir frá markmiðum lögreglunnar á
höfuðborgarsvæðinu en skýrsluhöfundarnir Rannveig Þóris-
dóttir og Benjamín Gíslason hlýða á. FRÉTTABLAÐIÐ/GVA