Fréttablaðið - 23.11.2007, Qupperneq 72

40 23. nóvember 2007 FÖSTUDAGUR
folk@frettabladid.is
Britney Spears er komin með nýjan
kærasta, að því er fréttir að utan
herma. Life & Style Weekly segir
nýja manninn í lífi Britney vera
þjón á veitingastaðnum Mirabella í
Los Angeles, en þangað lagði hún
einmitt leið sína seint á þriðjudags-
kvöld. Sá heppni heitir Michael
Marchand og segir blaðið parið
hafa hist á laun í nokkrar vikur en
að þau séu nú að færa sig út á
opinberan vettvang.
„Michael kom inn rétt eftir
miðnætti og hún skömmu síðar. Þau
voru mjög varfærin. Fjörutíu og
fimm mínútum síðar yfirgáfu þau
staðinn saman. Hann var heillandi.
Hann kom Britney til að hlæja og
leit á hana með leyndardómsfullu
brosi,“ segir heimildarmaður
blaðsins, sem var á
Mirabella á þriðjudaginn.
Blaðið heldur því fram
að Britney hafi kolfallið
fyrir þjóninum þegar hún
snæddi á Mirabella í
byrjun nóvember. „Það
var strax tenging
þeirra á milli. Hún
kveikti alveg í honum,“
segir annar heimildar-
maður. Þau hafa síðan hist á
heimili Britney og eru
stöðugt að skiptast á
skilaboðum.
Þegar Life & Style spurði
Michael út í sambandið
svaraði hann einfaldlega:
„Ég get ekki talað um
það núna.“
Britney komin með kærasta
Ágúst Örn Guðmundsson, 19 ára
Akureyringur, fór með sigur af
hólmi í fegurðarsamkeppninni
Herra Ísland á Broadway í fyrra-
kvöld.
„Mér fannst einn titill alveg
duga, hinn kom skemmtilega á
óvart,“ segir Ágúst en hann var
einnig sigurvegari í símakosningu
áhorfenda á Skjá einum, þar sem
keppnin var sýnd í beinni útsend-
ingu. „Þetta var rosalega skemmti-
legt kvöld og hópurinn góður og
samheldinn,“ segir Ágúst, sem
einnig ber titilinn herra Norður-
land.
Ágúst Örn er nemandi við
Menntaskólann á Akureyri og mun
útskrifast næsta vor. Hann hefur
þó töluvert misst úr skóla síðustu
vikur vegna strangs undirbúnings
fyrir keppnina. „Ég fékk góðfús-
legt leyfi frá skólanum, en þetta
reddast því prófin eru ekki fyrr en
eftir jól,“ segir fegurðarkóngur-
inn. Hugur Ágústs leitar suður í
nám eftir útskriftina og þá einna
helst í flugnám.
Í öðru sæti varð Georg Alexander
Valgeirsson, 27 ára Reykvíkingur,
og í þriðja sæti Matthías Örn Frið-
riksson, 21 árs Akureyringur.
Garðar Jóhann Garðarsson var
kosinn vinsælasti keppandinn og
Ingvi Hrafn Þórsson var kjörinn
Zihr-herrann. - eá
Ágúst Örn kjörinn herra Ísland
FEGURÐARKÓNGAR
ÍSLANDS 2007 Georg
Alexander Valgeirsson
sem hlaut annað sætið,
Ágúst Örn Guðmundsson,
herra Ísland, og Matthías
Örn Friðriksson sem varð
í þriðja sæti.
FRÉTTABLAÐIÐ/ARNÞÓR
HÖRKU KROPPUR Ágúst Örn vakti
athygli á sviðinu á Broadway.
NYLON Nylon-hópurinn
tók lagið á Herra Ísland-
keppninni.
Plötusnúðurinn Timo
Maas þeytir skífum á
Nasa laugardags-
kvöldið 22. desember.
Þetta er í þriðja sinn
sem hann skemmtir
hér á landi. Maas,
sem er eitt stærsta
nafnið í danstónlist-
inni, hefur spilað með
sveitum á borð við Depeche Mode
og Muse og gert tónlist með
Jamiroquai, Placebo og Madonnu.
Hann hefur unnið til margra
verðlauna á sviði danstónlistarinn-
ar og hafa myndbönd kappans
orðið nokkuð vinsæl, þá einkum
myndbönd laganna Help Me með
Kelis og Shifter og First Day með
Brian Molko & Jokate.
Miðaverð í forsölu er 2.000
krónur og fer miðasala fram í
Allsaints.
Maas þeytir
skífum
TIMO MAAS
> VISSIR ÞÚ?
Söngkonan Mariah Carey keypti
einhverju sinni á uppboði
píanó sem Marilyn Monroe
átti í æsku og borgaði fyrir
það meira en 37 milljónir
króna. „Ég varð að berjast
fyrir því, þetta píanó er
táknrænt. Í ævisögu Mari-
lyn er kafli sem heitir „Hvernig
ég bjargaði hvítu píanói“. Þetta
var það eina sem hún átti sem
minnti hana á æskuna,“ sagði
Mariah.
NÝR KÆRASTI Britney
Spears fann sér nýjan
mann á veitingastað í Los
Angeles þar sem hann
vinnur sem þjónn.