Fréttablaðið - 10.12.2007, Qupperneq 2

2 10. desember 2007 MÁNUDAGUR
Þú vilt ekki fá hvaða jólasvein
sem er inn um gluggann hjá þér!
Hringdu núna í 570 2400 og fáðu frekari upplýsingar.
www.oryggi.is
Jólatilboð á Heimaöryggi. Prófaðu endurgjaldslaust í 3 mánuði.
Svanhildur, er þá friðurinn
úti?
„Nei, ég held að friðurinn sé einmitt
mjög inn þessa dagana og vonandi
verður hann það til allrar framtíðar.“
Ljósin á friðarsúlu Yoko Ono í Viðey voru
slökkt um helgina og bíða þess að verða
kveikt aftur á afmælisdegi John Lennon
í október á næsta ári. Svanhildur Kon-
ráðsdóttir er sviðsstjóri menningar- og
ferðamálasviðs Reykjavíkur.
FRÆÐSLUMÁL „Því miður endurtekur biskup að
málflutningur Siðmenntar sé hatrammur,“ segir í
tilkynningu frá Siðmennt, félagi siðrænna húman-
ista á Íslandi.
Í tilkynningu Siðmenntar segir að orðið „hat-
rammur“ þýði samkvæmt orðabókum „sá sem
hatar sterkt“. „Siðmennt fær ekki skilið hvernig
gagnrýni félagsins á afskipti trúfélaga í opinber-
um skólum geti talist hatrömm eða hvernig hún
getur talist niðrandi tal um trú,“ segir í tilkynning-
unni sem er athugasemdir við opið bréf frá Karli
Sigurbjörnssyni biskupi.
Siðmennt segist taka undir með biskupi að
trúarbragðafræðsla fari fram á faglegum forsend-
um skólans. Að mati félagsins sé það hins vegar
trúboð þegar prestar, djáknar og guðfræðingar
koma í reglubundnar heimsóknir í skóla. Kennsla í
trúarbragðafræði, heimspeki og siðfræði eigi að
vera í höndum fagmanna – kennara.
„Kirkjan hefur húsnæði, starfsfólk og fjármagn
til að sinna boðunarstarfi í kirkjum sínum.
Trúarlegt uppeldi barna er á ábyrgð foreldra
þeirra og geta þeir sem það vilja sótt aðstoð kirkju
sinnar án þess að það gerist í opinberum skólum.
Trúarlegi þátturinn á ekki að vera hluti af skóla-
starfi. Skólar eru ekki trúboðsstofnanir,“ segir í
tilkynningu Siðmenntar sem undirrituð er af Hope
Knútsson, formanni félagsins. - gar
Telja miður að biskup fullyrði að málflutningar Siðmenntar sé hatrammur:
Siðmennt vill frið í skólunum
HOPE KNÚTSSON Formaður
Siðmenntar segir kennara en
ekki presta eiga að sjá um
trúbragðafræðslu í skólum.
FJARSKIPTI Fjarskiptasjóður mun ekki taka tilboði sviss-
neska fyrirtækisins Amitelo AG í svonefndan síðari
áfanga GSM-þjónustu á landinu, samkvæmt heimild-
um Fréttablaðsins. Amitelo átti lægsta tilboðið í verkið
en gögn frá fyrirtækinu um fjárhagslegt og tæknilegt
hæfi munu ekki hafa fullnægt settum skilyrðum. Amit-
elo fékk fyrr á árinu úthlutað tíðnisviðum fyrir rekstur
GSM-kerfis á Íslandi.
Þrjú fyrirtæki, Síminn, Og fjarskipti og Amitelo,
buðu í verkið, sem snýst um að koma upp og reka far-
símaþjónustu á völdum svæðum á landinu, einkum á
Vestfjörðum og Norðausturlandi. Öll tilboðin voru
undir kostnaðaráætlun fjarskiptasjóðs, sem hljóðaði
upp á 732 milljónir. Tilboð Amitelo var þeirra lægst,
468 milljónir, en tilboð Og fjarskipta var litlu hærra.
Óskað var eftir upplýsingum um fjárhagslegt og
tæknilegt hæfi Amitelo. Meðal annars var gerð krafa
um bankaábyrgð fyrir tilboðsupphæðina. Fyrirtækið
mun ekki hafa fullnægt öllum skilyrðum og því er nær
útilokað að hægt verði að ganga að tilboði þess. Því
verður gengið að næstbesta tilboðinu í staðinn.
Amitelo AG er annað tveggja fyrirtækja sem
fengu fyrr á árinu úthlutað tíðniheimild frá Póst- og
fjarskiptastofnun fyrir rekstur GSM-kerfis á
Íslandi. Hitt, IceCell, er einnig frá Sviss.
Í kjölfarið bárust fregnir af því að Amitelo sætti
rannsókn þýska fjármálaeftirlitsins grunað um að hafa
keyrt upp hlutabréfaverð með villandi upplýsingum,
og hefði verið kært fyrir að blekkja hluthafa sína. Í
þýska fréttaskýringaþættinum Frontal 21 kom fram að
höfuðstöðvar fyrirtækisins hefðu staðið tómar svo
mánuðum skipti.
Efasemdir kviknuðu þá um það hvort fyrirtækjun-
um væri alvara með fyrirætlunum sínum eða hvort
þau vildu einungis fá úthlutað leyfum til að efla ímynd
sína. Forsvarsmenn Amitelo og IceCell hafa þó fullyrt
að til standi að taka kerfin í notkun á næsta ári.
stigur@frettabladid.is
Lægstbjóðandi ekki
traustsins verður
Svissneska símafyrirtækið Amitelo AB fær ekki að taka að sér uppsetningu og
rekstur síðari áfanga GSM-þjónustu á landinu þrátt fyrir að hafa boðið best í
verkið. Það uppfyllir ekki kröfur um fjárhagslegt hæfi og fær ekki bankaábyrgð.
TILBOÐIN ÞRJÚ
Fyrirtæki Upphæð Verktími
Síminn 655 milljónir 12 mánuðir
Og fjarskipti 487 milljónir 22 mánuðir
Amitelo AG 468 milljónir 12 mánuðir
Kostnaðaráætlun fjarskiptasjóðs hljóðaði upp á 732 milljón-
ir. Gert var ráð fyrir 22 mánuðum til verksins.
Bílvelta í Óshlíð
Tvær ungar stúlkur voru fluttar til
aðhlynningar á sjúkrahúsið á Ísafirði
eftir að fólksbíll valt út af Óshlíðarvegi
síðdegis í gær. Meiðsli þeirra voru
minniháttar.
Veittist að lögreglumanni
Maður var handtekinn fyrir utan
skemmtistaðinn Lukku-Láka í Grinda-
vík í fyrrinótt. Lögregla reyndi að skilja
tvo menn að sem slógust en annar
þeirra brást við með því að veitast
að lögreglumanni. Lögregluþjónninn
hlaut áverka á hendi.
SVEITARSTJÓRNIR Ekki verður boðið
upp á ókeypis strætisvagnaferðir
fyrir Kópavogsbúa frá næsta
hausti eins og til stóð. Bæjarráð
Kópavogs ákvað
að fresta
innleiðingu þessa
fyrirkomulags
eftir að áskorun
um það barst frá
stjórn Strætó bs.
Fulltrúar
minnihluta
Samfylkingar og
Vinstri grænna í
bæjarráði lýstu
sig andsnúna
frestuninni.
Bentu fulltrúar Samfylkingar á að
formaður stjórnar Strætó væri
bæjarfulltrúi í Kópavogi. Bentu
meirihlutamenn þá á að fulltrúi
Kópavogs væri ekki einn í stjórn
Strætó, þar væru einnig fulltrúar
annarra sveitarfélaga, meðal
annars frá Samfylkingu og VG. - gar
Fara að áskorun Strætó:
Fresta ókeypis
strætóferðum
ÁRMANN KR.
ÓLAFSSON
Sautján ára á ofsahraða
Lögreglan á Selfossi stöðvaði ökumann
á 130 kílómetra hraða á Eyrarbakka-
vegi í fyrrinótt. Ökumaðurinn var 17
ára og hafði haft ökuréttindi í tvo daga.
Hann fær tvo refsipunkta og háa sekt.
LÖGREGLUFRÉTTIR
KARL SIGURBJÖRNSSON
Biskup dregur ekki til baka
ummæli um að hann teldi
samtökin vera hatrömm.
FARSÍMI Verkefnið snýst um
að setja upp og reka farsíma-
þjónustu á völdum svæðum á
landinu, einkum á Vestfjörðum
og Norðausturlandi.
UMHVERFISMÁL Fyrirhuguð virkjun
í Hverfisfljóti fer í lögformlegt
umhverfismat hefur Þórunn Svein-
bjarnardóttir umhverfisráðherra
úrskurðað.
Skipulagstofnun hafði ákveðið að
rask vegna Hverfisfljótsvirkjunar
yrði svo lítið að ekki væri þörf á
umhverfismati. Afl virkjunarinnar,
sem ábúandi á Dalshöfa hyggst
byggja, á að vera allt að 2,5 mega-
vött.
Náttúruverndarsamtök Íslands,
Náttúruverndarsamtök Suður-
lands, Landvernd og Fuglavernd
auk einstaklinga kærðu ákvörðun
Skipulagsstofnunar.
Í úrskurði umhverfisráðherra
kemur fram að ætlunin sé að gera
sjö kílómetra veg að virkjuninni
yfir Skaftáreldahraun, þar af verði
tveir kílómetrar yfir úfið hraun
sem njóti verndar samkvæmt
lögum um náttúruvernd. Ótvírætt
sé að Skipulagsstofnun telji að veg-
urinn muni marka varanlegt og
óafturkræft sár í Skaftáreldahraun.
Framkvæmd muni þó ekki hafa í
för með sér umtalsverð umhverfis-
áhrif og er vísað til áætlana um
eins góðan frágang og unnt er.
„Af ráðuneytisins hálfu er ekki
efast um góðan vilja framkvæmd-
araðila til vandaðs frágangs á fyr-
irhuguðu framkvæmdasvæði. Þrátt
fyrir slíkar mótvægisaðgerðir
þykir þó með vísan til alls þess sem
að framan hefur verið rakið ljóst að
umhverfisáhrif framkvæmdanna
geti orðið umtalsverð í skilningi
laga,“ segir í úrskurði umhverfis-
ráðherra. - gar
Ákvörðun Skipulagsstofnunar ógilt og Hverfisfljótsvirkjun send í umhverfismat:
Varanlegt sár í Skaftárhraun
ÞÓRUNN SVEINBJARNARDÓTTIR
Umhverfisráðherra telur að Hverfisfljóts-
virkjun eigi að fara í umhverfismat.
BRUSSEL, AP Viðleitni til að draga
úr spennu í Kosovo, er kosovo-
albanski meirihlutinn virðist
staðráðinn í að lýsa yfir sjálf-
stæði frá Serbíu, verður efst á
dagskrá á fundi utanríkisráð-
herra Evrópusambandsins í dag.
Hugsanlegar nýjar refsiaðgerð-
ir Sameinuðu þjóðanna gegn Íran
og friðarumleitanir við botn
Miðjarðarhafs verða einnig
ofarlega á baugi, en ráðherra-
fundurinn er liður í undirbúningi
fyrir leiðtogafundinn í lok
vikunnar. Ráðamenn ESB vilja
hindra að ofbeldi brjótist út í
Kosovo eftir að málamiðlunartil-
raunir fóru út um þúfur. - aa
Utanríkisráðherrafundur ESB:
Vilja tryggja
frið í Kosovo
VENESÚELA, AP Hugo Chavez,
forseti Venesúela, hefur fært
klukkuna aftur um hálftíma til að
nýta daginn betur og forða
börnum frá því að vakna fyrir
dögun. Chavez segir vísindalega
sannað að það hafi áhrif á virkni
líkamans. Yfirvöld hafa unnið að
tímabreytingunni síðan árið 1999 í
leit að málamiðlun fyrir land sem
nær yfir tvö tímabelti.
Þó að sumir séu ánægðir með
framtakið telja aðrir það aðeins
nýjasta uppátæki forseta sem hafi
gaman af breytingum. Chavez
hefur þegar breytt nafni, þjóðfána
og innsigli landsins. Á næsta ári
mun Venesúela einnig taka upp
nýjan gjaldmiðil. - eá
Forseti Venesúela:
Færir klukkuna
um hálftíma
FÓLK Uppátæki Vífils Atlasonar,
sem hringdi í Hvíta húsið í
Washington og þóttist vera forseti
Íslands, hefur vakið athygli stórra
fjölmiðla í
Bandaríkjunum
á borð við NBC
og ABC.
Síðarnefnda
fréttastofan
ræddi meðal
annars við Vífil
og móður hans.
Í fréttinni er
haft eftir
fulltrúa Hvíta
hússins að númerið sem Vífill
hringdi í hafi alls ekki verið
leynilegt símanúmer, heldur
einungis opinbert númer á
skiptiborð í húsinu. Harpa
Hreinsdóttir, móðir Vífils,
þvertekur hins vegar fyrir það.
Þá er því gert skóna að að Vífill
hafi séð númerið í þætti Ellen
DeGeneres, þar sem Jenna Bush
hringdi í George föður sinn. - sh
Segja númerið ekki leynilegt:
Fjölmiðlar ytra
fjalla um Vífil
VÍFILL ATLASON
SPURNING DAGSINS