Fréttablaðið - 10.12.2007, Blaðsíða 66

42 10. desember 2007 MÁNUDAGUR
HANDBOLTI Ein besta handbolta-
kona Eyjamanna frá upphafi, Ingi-
björg Jónsdóttir, hefur tekið fram
skóna á nýjan leik og lék sinn
fyrsta leik með Gróttu í sigri á
Fylki um helgina.
Ingibjörg skoraði 3 mörk í
leiknum en hún lék síðast með
ÍBV-liðinu í fyrra þegar hún tók
fram skóna þar sem ÍBV-liðið
vantaði hreinlega leikmenn. Ingi-
björg hefur þrisvar orðið Íslands-
meistari með ÍBV-liðinu og Alfreð
Örn Finnsson, þjálfari Gróttu, er
ánægður með að fá Ingibjörgu í
liðið en hann vann með henni í
Eyjum þegar hann gerði ÍBV að
meisturum 2006.
„Eva Margrét er á leiðinni í upp-
skurð og Kristín Þórðardóttir er
ófrísk og ég þurfti að bregðast
einhvern veginn við,“ segir Alfreð
sem talaði við Ingibjörgu og fékk
hana til að byrja aftur í annað
skiptið en hún tók einnig fram
skóna þegar hann var með ÍBV
eftir að hafa hætt þá í tvö tímabil.
Ingibjörg er búsett á Bifröst því
maðurinn hennar er í námi þar og
hún er að kenna að Varmá. Hún
mun því þurfa að ferðast mikið til
þess að vera með Gróttuliðinu.
„Við höfum haldið sambandi og
hún var alveg til í að koma. Hún
ætlar að æfa eins og hún getur og
spila langflesta leikina,“ segir
Alfreð en Gróttuliðið er aðeins
tveimur stigum frá toppnum og á
fullu í baráttunni um Íslands-
meistaratitilinn.
„Maður var að horfa til þess að
hún gæti komið með reynslu inn í
þetta. Hún er einstakur karakter
og mun reynast vel fyrir yngri
stelpurnar í liðinu. Hún er alltaf í
toppformi þannig að aldur er bara
afstæður fyrir hana,“ segir Alfreð
en Ingibjörg er 38 ára gömul.
Fyrirliði Gróttuliðsins, Eva
Margrét Kristinsdóttir, verður
ekkert meira með þar sem hún er
að fara í uppskurð á ökkla. Er það
mikill missir fyrir Gróttuliðið en
tilkoma Ingibjargar mun
örugglega reynast liðinu vel.
- óój
Gamla kempan Ingibjörg Jónsdóttir hefur ákveðið að spila með Gróttu í N1-deild kvenna í vetur:
Alfreð fékk Ingibjörgu til þess að spila
ÞRISVAR MEISTARI Ingibjörg Jónsdóttir
varð Íslandsmeistari með ÍBV 2000,
2003 og 2006. FRÉTTABLAÐIÐ/E. ÓL.
Lýsingarbikar karla í körfu
KR-Grindavík 104-103 (62-56)
Stig KR: Joshua Helm 29 (hitti úr 12 af 14
skotum), Jovan Zdravevski 17, Darri Hilmarsson
13, Brynjar Þór Björnsson 11, Fannar Ólafsson
10 (20 mín.), Avi Fogel 10 (10 stoðs., 5 stolnir),
Helgi Már Magnússon 9 (6 stoðs.), Skarphéðinn
Ingason 3, Pálmi Freyr Sigurgeirsson 2.
Stig Grindavíkur: Páll Axel Vilbergsson 29 (hitti
úr 10 af 19 skotum), Jonathan Griffin 28 (hitti úr
10 af 15 skotu), Þorleifur Ólafsson 17 (11 stoðs.),
Igor Beljanski 16 (12 frák.), Adama Darboe 9 (9
frák., 4 stoðs., 24 mín.), Páll Kristinsson 4.
Tindastóll-Keflavík 94-105 (50-54)
Stig Tindastóls: Ísak Einarsson 19, Donald Brown
18, Svavar Birgisson 16, Samir Shaptahovic 12
(10 stoðs. 6 stolnir), Serge Poppe 11, Phillip Perry
10, Helgi Rafn Viggósson 8.
Stig Keflavíkur: Bobby Walker 28 (7 stoðs.), Jón
Norðdal Hafsteinsson 24 (hitti 11 af 11 skotum),
Tommy Johnson 17, Magnús Þór Gunnarsson 15
(5 stoðs., 4 stolnir), Anthony Susnjara 11, Arnar
Freyr Jónsson 4, Gunnar Einarsson 2, Þröstur Léo
Jóhannsson 2, Sigurður Gunnar Þorsteinsson 2.
Stjarnan-Njarðvík 86-104
Stig Stjörnunar: Dimitar Karadzovski 21, Fannar
Freyr Helgason 18 (12 frák.), Kjartan Atli Kjart
ansson 14, Sigurjón Lárusson 12, Calvin Roland
8, Sævar Ingi Haraldsson 7, Eiríkur Sigurðsson
3, Sveinn Ómar Sveinsson 1.
Stig Njarðvíkur: Damon Bailey 31 (8 frák.),
Jóhann Árni Ólafsson 17, Friðrik Stefánsson 16,
Brenton Birmingham 15, Sverrir Þór Sverrisson
10, Egill Jónsson 6, Hjörtur Einarsson 6, Hörður
Axel Vilhjálmsson 3.
Hamar-ÍR 74-81
Stig Hamars: George Byrd 23 (21 frák.), Bojan
Bojovic 16, Roni Leimu 15, Marvin Valdimars
son 9, Lárus Jónsson 6 (7 stoðs.), Viðar Örn
Hafsteinsson 5.
Stig ÍR: Svenbjörn Claessen 22, Hreggviður
Magnússon 14, Ómar Sævarsson 14 (14 frák.),
Ólafur Jónas Sigurðsson 9, Steinar Arason 8, Nate
Brown 7 (8 frák., 6 stoðs., 5 stolnir), Þorsteinn
Húnfjörð 4, Eiríkur Önundarson 3.
Þór Þorl.-Höttur 106-67
Í átta liða úrslitum karla eru KR, ÍR, Keflavík,
Njarðvík, Fjölnir, Þór Þorlákshöfn, Skallagrímur
og Snæfell.
Í átta liða úrslit kvenna eru komin Haukar,
Keflavík, KR, Grindavík, Fjölnir, Hamar, Valur og
Snæfell.
Ítalski körfuboltinn:
Montepaschi Siena-Lottomatica Roma 92-76
Jón Arnór Stefánsson var með 8 stig, 2 fráköst
og 2 stolna bolta á þeim 17 mínútum sem hann
spilaði.
Spænski fótboltinn:
Barcelona-Deportivo 2-1
0-1 Cristian (3.), 1-1 Ronaldinho, víti (41.), 2-1
Xavi (71.).
Eiður Smári Guðjohnsen sat á bekknum allan
leikinn og þeir Samuel Eto’o og Ronaldinho
komu inn í byrjunarliðið. Bojan og Deco komu
inn á sem varamenn í leiknum.
ÚRSLITIN Í GÆR
KÖRFUBOLTI Jakob Örn Sigurðar-
son átti fínan leik þegar lið hans
Univer-Kecskemét vann 91-80
sigur á Lami-Véd-Körmend í
ungversku úrvalsdeildinni í
körfubolta eftir að hafa verið 55-
58 undir fyrir fjórða fjórðung.
Jakob skoraði 10 stig og gaf 5
stoðsendingar í leiknum, þar af
var hann með 4 stig og 3 stoð-
sendingar þegar Univer tryggði
sér sigurinn í lokaleikhlutanum.
Univer er í 7. sæti deildarinnar
með 4 sigra í 8 leikjum.
Jakob er í 7. sæti í stolnum
boltum (3,0 í leik), í 13. sæti í
stoðsendingum (3,3) og í 22. sæti í
þriggja stiga skotnýtingu (35,1
prósent). - óój
Jakob Örn Sigurðarson:
Lék vel í sigri
GÓÐUR Í SIGRI Jakob Örn Sigurðarson
stjórnaði leik Univer með glæsibrag.
FRÉTTABLAÐIÐ/VALLI
KÖRFUBOLTI Njarðvík komst í 8-
liða úrslit Lýsingarbikarkeppni
karla í körfubolta í gærkvöldi
eftir auðveldan sigur á Stjörn-
unni. Eftir að Stjarnan hafi verið
yfir fyrstu mínúturnar af leikn-
um tóku Njarðvíkingar öll völd á
vellinum og lönduðu á endanum
átján stiga sigri, 84-106.
Damon Bailey fór mikinn fyrir
Njarðvík í fyrsta leikhluta sem
einkenndist af miklu stigaskori.
Hann var búinn að skora 19 stig í
1. leikhluta sem Njarðvík leiddi,
27-32, og alls 25 stig í fyrri hálf-
leik sem Njarðvík vann 44-56.
Þessa forystu lét Njarðvík
aldrei af hendi og hélt Stjörnunni
nokkuð auðveldlega fyrir aftan
sig. Þriggja stiga hittni Stjörn-
unnar og ágætis sóknarleikur
gerði þeim kleift að hanga inni í
leiknum en þeir komust aldrei
nær Njarðvík en tíu stigum. Mun-
urinn í þriðja leikhluta var orðinn
fjórtán stig, 62-76, og svo fór að
Njarðvík lagði Stjörnuna með
átján stiga mun, 86-104.
Sóknarleikur Njarðvíkur í
leiknum var mjög hraður en Teit-
ur Örlygsson, þjálfari Njarðvík-
ur, hefur smátt og smátt verið að
breyta leikstíl Njarðvíkurliðsins.
,,Önnur lið eru búin að skoða
okkur mikið og kortleggja Njarð-
vík í gegnum árin. Þess vegna
erum við búnir að breyta í þenn-
an hraða spilastíl og ég er himin-
lifandi hvernig þetta gekk í dag,“
sagði Teitur við Fréttablaðið.
„Það er mun meiri hraði í okkar
leik núna og við byggjum mikið
upp á að koma boltanum undir
körfuna á Friðrik [Stefánsson] og
Bailey. Þeir stóðu fullkomlega
undir því í dag,“ sagði Teitur sem
sagði bikarinn ekki bara bónus
fyrir Njarðvík.
,,Að sjálfsögðu reynum við að
vinna alla titla sem í boði eru.
Núna getum við þó lagt bikarinn
aðeins til hliðar og einbeitt okkur
að deildinni en þar eigum við tvo
erfiða leiki fyrir jól.“ - tom
Njarðvíkingar eru komnir í átta liða úrslit Lýsingarbikars karla eftir 18 stiga sigur á Garðbæingum í gær.
Damon gaf tóninn í auðveldum sigri
LÉTT Sverrir Þór Sverrisson og félagar fóru létt með Stjörnuna í gær.
FRÉTTABLAÐIÐ/VILHELM
KÖRFUBOLTI KR lagði Grindavík,
104-103, í frábærum körfubolta-
leik í sextán liða úrslitum Lýsing-
arbikarsins. Mikill hraði var í
leiknum sem var frábær skemmt-
un fyrir þá fjölmörgu háværu
áhorfendur sem lögðu leið sína í
DHL-höllina í vesturbænum.
Mikill hraði var í leiknum í fyrri
hálfleik og lítið um varnir. Bæði
lið spiluðu stuttar sóknir sem
enduðu oftar en ekki með auðveld-
um körfum. Liðin skiptust á að
skora og þegar fyrsti fjórðungur
var liðinn höfðu liðin skipt 64 stig-
um bróðurlega á milli sín.
KR-ingar voru fyrri til að huga
að því að spila varnarleik. Með
góðum varnarleik og fjórum
þriggja stiga körfum í röð breytti
KR stöðunni úr 45-45 í 57-47 og
Grindvíkingar tóku leikhlé.
Grindavík náði að minnka mun-
inn í þrjú stig, 57-54, en því svöruðu
KR-ingar með fimm stigum gegn
tveim og fóru fyrir vikið með sex
stiga forystu inn í hálfleik, 62-56.
Heldur meiri ró var yfir leik-
mönnum í upphafi seinni hálfleiks
og leikmenn áttu erfiðara með
finna opin skot framan af þriðja
leikhluta og varnirnar þvinguðu
tapaða bolta sem sáust varla í fyrri
hálfleik. Leikar hresstust á ný
undir lok þriðja leikhluta þegar
Páll Axel Vilbergsson efndi til stór-
sýningar. Páll Axel skoraði 9 stig á
56 sekúndum og sá til þess að KR
fór aðeins með tveggja stiga for-
ystu inn í fjórða og síðasta leikhlut-
ann, 86-84.
Þessi vaska framganga Páls
Axels kveikti í félögum hans og
Grindavík hóf fjórða leikhluta með
11-3 kafla og náði sex stiga forystu,
95-89. Í stöðunni 92-97 og tæpar
fjórar mínútur eftir af leiknum
fékk Grindvíkingurinn Jonathan
Griffin sína fimmtu villu fyrir að
kljást við Skarphéðin Ingason.
Ódýr og afdrifarík villa því KR-
ingar gengu á lagið og staðan varð
98-99.
Síðustu mínúturnar skiptust
liðin á að skora og ná eins stigs
forystu. Þegar 22 sekúndur voru
eftir kom Þorleifur Ólafsson
Grindavík í 103-102. Í næstu sókn
skoraði Fannar Ólafsson síðustu
körfu leiksins og tryggði KR sæti
í átta liða úrslitum Lýsingar-
bikarsins.
Fannar, hetja KR-inga, var að
vonum ánægður með sigurinn í
leikslok. „Þetta var hörkuleikur
eins og við áttum von á en því
miður náðum við ekki að halda
hraðanum niðri eins og við ætluð-
um okkur. Þeirra leikur er hraður
og við ætluðum að spila langar
sóknir og nýta skotklukkuna því
þeir eru slakt varnarlið þegar
þannig er spilað en sterkt varnar-
lið í hröðum leik. Við náðum 10
stiga forystu og spiluðum þá inn í
hendurnar á þeim. Við erum miklu
betri en þetta. Það er enn haust-
bragur á okkar leik en það er í lagi
því við ætluðum okkur ekki að
vera bestir í desember. Við ætlum
að vera bestir í febrúar og svo
aftur í apríl.”
„Það er synd að þessi lið mætast
svona snemma í keppninni. Það
hefði verið gaman að mæta þeim í
höllinni en það er svo sem fínt að
klára þá hérna svo við þurfum
ekki að mæta þeim seinna. Ég fíla
að spila þessar stóru körfur og
setja þær niður,“ sagði Fannar að
lokum um sigurkörfuna.
Friðrik Ragnarsson þjálfari
Grindavíkur, var mjög ósáttur við
fimmtu villuna sem Griffin fékk.
„Þetta er leikur sem við áttum
að klára. Við vorum fjórum stig-
um yfir þegar mínúta var eftir og
missum þá boltann klaufalega.
Þeir skora í kjölfarið úr þriggja
stiga körfu og fá þrjár tilraunir til
þess í sömu sókninni. Þetta er
augnabliks einbeitingarleysi. Svo
skiptir gríðarlega miklu máli
fyrir okkur að Griffin fær sína
fimmtu villu eins og hann fékk
hana. Ég er gríðarlega svekktur.
Ég get skilið að menn fái villur
þegar það er villa en að lenda í
leikmanni eins og Skarphéðni sem
var búinn að hrinda mínum mönn-
um og reyna að fella þá allan leik-
inn. Það á ekki að verðlauna mann
eins og Skarphéðin með fullri
virðingu fyrir honum með því að
flauta á báða leikmenn. Þetta var
einfaldlega rangt. Í spennandi,
frábærum og skemmtilegum leik
þá réð þetta litla atriði úrslitum.
Leikurinn var vel dæmdur fyrir
utan þetta en ég hefði viljað leyfa
leikmönnunum að klára leikinn.
Við missum Kanann okkar út af
fyrir ekki neitt. Ég óska KR til
hamingju, þeir eru vel að þessu
komnir.“
Friðrik var óánægður með varn-
arleik sinna manna. „Ef við ætlum
að taka titla þurfum við að fara að
spila vörn. Við erum með frábært
sóknarlið og ef við hefðum spilað
snefil af vörn hefðum við unnið
þetta með 10-15 stigum,“ sagði
Friðrik í leikslok. - gmi
Fyrirliðinn kom KR í átta liða úrslit
Fannar Ólafsson tryggði KR 104-103 sigur á Grindavík og þar með sæti í átta liða úrslitum Lýsingarbikars
karla með því að skora sigurkörfuna 8 sekúndum fyrir leikslok. Leikurinn var frábær skemmtun.
STIGHÆSTU MENN VALLARSINS Grind-
víkingurinn Páll Axel Vilbergsson reynir
hér að verjast KR-ingnum Joshua Helm.
FRÉTTABLAÐIÐ/VILHELM
FLOTTUR Í LOKIN KR-ingurinn Fannar Ólafsson skoraði mikilvægustu körfu leiksins í
DHL-höllinni í gær. FRÉTTABLAÐIÐ/VILHELM