Fréttablaðið - 10.12.2007, Síða 64

40 10. desember 2007 MÁNUDAGUR
SUND Allar íslensku sundkonurn-
ar á Dutch Swim Cup í Eindhoven
í Hollandi settu annaðhvort
Íslandsmet eða stúlknamet á mót-
inu og var Sigrún Brá Sverris-
dóttir úr Fjölni síðust til að bæta
met þegar hún setti stúlknamet í
100 metra skriðsundi á loka-
deginum í gær.
Sigrún bætti þá met sem
Kolbrún Ýr Kristjánsdóttir átti
frá árinu 1998 um tæplega hálfa
sekúndu. Þessi tími hjá Sigrúnu
er einnig undir lágmarki á EM-50
sem fram fer í mars á næsta ári.
Ragnheiður Ragnarsdóttir
sundkona úr KR varð í 12. sæti af
78 í undanrásum í 100 metra
skriðsundi í gærmorgun en hún
synti á 57,05 sekúndum og var
tæpri sekúndu frá Íslandsmeti
sínu. Ragnheiður tók ekki þátt í
b-úrslitunum en framundan hjá
henni er ferðlag til Ungverja-
lands og Evrópumeistaramót í
stuttri laug. Hrafnhildur
Lúthersdóttir SH var alveg við
sinn besta tíma í b-úrslitum í 100
metra bringusundi í gær en hún
lenti í 12. sæti þegar hún synti á
tímanum 1:12,65 sem er aðeins
0,12 sekúndum lakari en stúlkna-
metið sem hún á sjálf. Í undan-
rásunum í morgun synti Erla
Dögg Haraldsdóttir úr ÍRB í 100
metra bringusundi og bætti sig
um 3 hundraðshluta úr sekúndu
þegar hún synti á tímanum 1:13,23
og lenti í 17. sæti.
Ragnheiður tvíbætti Íslands-
metið í 50 metra skriðsundi á
mótinu og náði með því Ólympíu-
markinu en hún er nú komin með
keppnisrétt í bæði 50 og 100
metra skriðsundi í Peking. Erla
Dögg sló fimmtán ára Íslandsmet
Ragnheiðar Runólfsdóttur í 50
metra bringusundi á laugardag-
inn og þá setti Hrafnhildur
Lúthersdóttir úr SH einnig
stúlknamet í þeirra grein. Það
féllu því þrjú Íslandsmet og tvö
stúlknamet á mótinu.
Erla Dögg, Hrafnhildur og
Sigrún Brá eru allar á leiðinni
heim en Ragnheiður er hins vegar
á leiðinni til Debrecen til að
keppa á EM-25 sem hefst á
fimmtudagsmorguninn í næstu
viku. Þar syndir hún ásamt Jakobi
Jóhanni Sveinssyni og Erni Arn-
arsyni. - óój
Opna hollenska meistaramótið í sundi í Eindhoven fór fram um helgina:
Allar stelpurnar settu met á mótinu
ÍSLANDSMETHAFAR Ragnheiður Ragnarsdóttir og Erla Dögg Haraldsdóttir settu
báðar Íslandsmet í Hollandi. FRÉTTABLAÐIÐ/VALLI
FÓTBOLTI Það voru óvænt úrslit í
ensku úrvalsdeildinni annan dag-
inn í röð þegar Middlesbrough
vann topplið Arsenal. Þar með
hafa öll lið deildarinnar tapað leik
í vetur þar sem Liverpool tapaði
fyrir Reading í gær.
Tap Arsenal þýðir að Manchest-
er United náði að minnka forskot
Lundúnaliðsins í eitt stig og
Chelsea getur jafnað Arsenal að
stigum vinni liðið innbyrðisleik
liðanna um næstu helgi.
Það hefur lítið gengið hjá Midd-
lesbrough í vetur en það var ekki
sjáanlegt í leiknum gegn Arsenal
þar sem lærisveinarnir hans
Gareths Southgate unnu sannfær-
andi sigur. Liðið hafði leikið tíu
leiki í röð án sigurs og vann síðast
2-0 sigur á Birmingham í byrjun
september. Þetta var enn fremur
fyrsta deildartap Arsenal í 23 leikj-
um eða síðan liðið tapaði fyrir West
Ham 7. apríl síðastliðinn.
Stewart Downing skoraði fyrra
markið úr vítaspyrnu eftir að fyrr-
verandi leikmaður Arsenal, Jerem-
ie Aliadiere, hafði verið felldur.
Það var síðan Tyrkinn Sanli
Tuncay sem skoraði seinna mark-
ið 17 mínútum fyrir leikslok áður
en Tomás Rosický minnkaði mun-
inn. Þetta var ekki góð vika fyrir
Arsenal-menn í Norður-Englandi
því liðið gerði 1-1 jafntefli við
Newcastle á miðvikudaginn.
„Við töpuðum þessum leik af því
að við áttum skilið að tapa honum.
Þetta er einfalt, Middlesbrough
var miklu frískara liðið. Við gáfum
þeim of mikið pláss í byrjun sem
gaf þeim víti og síðan dró af okkar
liði þegar leið á enda var þetta
fjórði útileikur okkar í röð,“ sagði
Arsene Wenger, stjóri Arsenal,
eftir leikinn. Það fór ekkert fram-
hjá neinum að liðið má ekki vera
án manna eins og Cesc Fabregas.
„Við söknum margra manna
sem spila á hans svæði og það háir
okkur örugglega í að skapa eitt-
hvað í sóknarleiknum,“ bætti
Wenger við.
Gareth Southgate sagði hins
vegar leikinn vera þann besta sem
liðið hefði spilað undir hans stjórn
en hann tók við fyrir átján
mánuðum.
„Ég sá hvað Newcastle gerði á
móti þeim og vissi að við máttum
ekki gefa þeim neitt pláss til að ná
uppi sínu frábæra spili. Þetta var
gott kvöld til þess að ná góðum
úrslitum gegn þeim því þeir voru
án bæði Fabregas og [Alexanders]
Hleb,“ sagði Southgate eftir leik.
Jermain Defoe skoraði sigur-
mark Tottenham gegn Manchest-
er City á White Hart Lane sjö mín-
útum fyrir leikslok aðeins sex
mínútum eftir að hafa komið inn á
sem varamaður og mínútu eftir að
Stephen Ireland, leikmaður City,
hafði fengið að líta rauða spjaldið.
Markið var afar mikilvægt því
Tottenham hefði setið í fallsæti
hefði leikurinn tapast.
„Við þurfum á þessu að halda
eftir tapið gegn Birmingham í síð-
ustu viku. Markið hans Jermains
skiptir alla miklu máli en sérstak-
lega hann. Við vorum ánægðir
með alla varamennina okkar í
þessum leik,“ sagði Gus Poyet,
aðstoðarstjóri Tottenham.
Bolton vann 4-1 stórsigur á
nágrönnum sínum í Wigan eftir að
hafa fengið gjöf í upphafi leiks
þegar Paul Scharner skoraði
skrautlegt sjálfsmark. Leikurinn
var gríðarlega mikilvægur fyrir
Wigan sem var tveimur stigum á
eftir Bolton fyrir leikinn en liðið
hefur aðeins dregist aftur úr eftir
sigra Middlesbrough og Bolton,
liðanna fyrir ofan það í töflunni.
Úrslitin í gær þýða að Sunderland
er komið í fallsæti ásamt Wigan og
Derby. Nicolas Anelka skoraði eitt
mark og lagði upp annað fyrir
Bolton en hann skaut líka yfir úr
vítaspyrnu í fyrri hálfleik.
ooj@frettabladid.is
Fyrsta tap Arsenal síðan í apríl
Forskot Arsenal á toppi ensku úrvalsdeildarinnar er aðeins eitt stig eftir leiki helgarinnar. Arsenal tapaði
1-2 í gær. Bolton vann stórsigur á Wigan og Jermain Defoe tryggði Tottenham sigur gegn Man. City.
ÁTTA MÖRK Nicolas Anelka hefur skorað
grimmt fyrir Bolton og hér skorar hann
gegn Wigan í gær. NORDICPHOTOS/GETTY
ÞAÐ VAR LAGIÐ Gareth Southgate fagnar Tucay Sanli eftir að hann hafði komið Midd-
lesbrough í 2-0. NORDICPHOTOS/GETTY
Ó, NEI Emmanuel Eboue getur ekki leynt vonbrigðum sínum frekar en félagi hans í Arsenal-liðinu. NORDICPHOTOS/GETTY
Enska úrvalsdeildin
BLACKBURN-WEST HAM 0-1
0-1 Dean Ashton (53.).
BOLTON - WIGAN 4-1
1-1 Denny Landzaat (14.), 1-1 Denny Landzaat
(15.), 2-1 Kevin Nolan (37.), 3-1 Kevin Davies
(70.), 4-1 Nicolas Anelka (89.).
TOTTENHAM-MAN. CITY 2-1
1-0 Pascal Chimbonda (45.), 1-1 Rolando Bianchi
(61.), 2-1 Jermain Defoe (83.)
Middlesbrough-Arsenal 2-1
1-0 Stewart Downing, víti (4.), 2-0 Sanli Tuncay
(73.) 2-1 Tomás Rosický (90.)
STAÐAN:
Arsenal 16 11 4 1 33-14 37
Man. United 16 11 3 2 29-8 36
Chelsea 16 10 4 2 24-9 34
Liverpool 15 8 6 1 27-9 30
Portsmouth 16 8 6 2 28-14 30
Man. City 16 9 3 4 20-17 30
Everton 16 8 3 5 29-16 27
Aston Villa 16 8 3 5 27-19 27
Blackburn 16 7 5 4 20-19 26
West Ham 15 6 4 5 20-12 22
Newcastle 16 6 4 6 23-26 22
Reading 16 5 2 9 21-33 17
Tottenham 16 3 6 7 28-29 15
Bolton 16 3 5 8 16-23 14
Birmingham 16 4 2 10 17-26 14
Middlesbrough 16 3 5 8 15-28 14
Fulham 16 2 7 7 18-27 13
Sunderland 16 3 4 9 15-31 13
Wigan 16 2 3 11 12-30 9
Derby 16 1 3 12 6-38 6
ÚRSLITIN Í GÆR
HETJAN Dean Ashton skoraði dýrmætt
mark fyrir West Ham í gær.
NORDICPHOTOS/GETTY
FÓTBOLTI Hollenski framherjinn
Ruud van Nistelrooy hefur gefið
það út að hann sé búinn að ná
samkomulagi um að framlengja
samning sinn við Real Madrid.
„Jólasveinninn kemur með
nýjan samning til mín um þessi
jól,“ sagði hinn 31 árs markaskor-
ari í viðtali við Marca og bætti
við:
„Það vantar aðeins að leggja
lokahöndina á samninginn en ég
er mjög ánægður með hann,“
sagði Van Nistelrooy en gamli
samningurinn hans er til 2009.
Van Nistelrooy skoraði
sigurmark Real Madrid í Bilbao á
laugardagskvöldið og hefur
skorað 7 mörk í 12 leikjum á
tímabilinu. - óój
Ruud van Nistelrooy:
Fær jólasvein-
inn í heimsókn
SIGURMARK Ruud Van Nistelrooy
tryggði toppliði Real Madrid 3 stig.
NORDICPHOTOS/AFP
Varamaðurinn Dean Ashton:
Tryggði West
Ham sigurinn
FÓTBOLTI Dean Ashton kom inn á
sem varamaður í hálfleik og
tryggði West Ham 1-0 útisigur á
Blackburn en þetta var fjórði
sigurleikur liðsins utan Upton
Park á tímabilinu.
Ashton potaði boltanum inn
eftir fyrirgjöf frá George
McCartney þegar hann var búinn
að vera inn á í sjö mínútur.
Blackburn pressaði í lokin en
tókst ekki að jafna þrátt fyrir
góðar tilraunir Santa Cruz og
Tugay Kerimoglu en Robert
Green varði meistaralega skot
Tugay. West Ham komst í efri
hluta deildarinnar með þessum
sigri. - óój