Fréttablaðið - 16.12.2007, Blaðsíða 4

4 16. desember 2007 SUNNUDAGUR
LETTLAND, AP Valdis Zatlers, forseti
Lettlands, tilkynnti á föstudag að
hann hefði útnefnt Ivars Godman-
is, fráfarandi dómsmálaráðherra,
næsta forsætisráðherra landsins.
Godmanis var reyndar fyrsti
maðurinn til að gegna forsætisráð-
herraembættinu eftir endurreisn
sjálfstæðis Lettlands árið 1991.
Hann tjáði blaðamönnum í gær að
hann myndi freista þess að mynda
samsteypustjórn fimm flokka, sem
yrði fær um að leiða landið út úr
þeim pólitísku og efnahagslegu
kröggum sem það á nú í. - aa
Stjórnarmyndun í Lettlandi:
Godmanis for-
sætisráðherra
PAKISTAN, AP Forseti Pakistans,
Pervez Musharraf, aflétti í gær
sex vikna
neyðarástandi í
landinu. Forset-
inn lýsti yfir
neyðarástandi í
nóvember og var
almennt talið að
ástæðan hafi
verið sú að
hæstiréttur
landsins væri í
þann mund að
lýsa því yfir, að Musharraf hafi
ekki verið kjörgengur í forseta-
kosningum í október.
Á meðan neyðarástandið varði
lét Musharraf handtaka hundruð
manna og skipti út hæstaréttar-
dómurum. Nýju dómararnir
staðfestu að Musharraf væri
réttkjörinn forseti landsins og
sagði hann af sér sem yfirmaður
herafla Pakistans í kjölfarið. - eb
Forseti Pakistans:
Sex vikna neyð-
arástandi aflétt
PERVEZ
MUSHARRAF
ORKUMÁL Landsvirkjun telur
athugasemdir Ríkisendurskoðun-
ar vegna samkomulags fyrirtæk-
isins við stjórnvöld um vatnsrétt-
indi í neðri hluta Þjórsár frá því í
maí ekki breyta því að félagið
hafi heimild til þess að ræða og
semja við landeigendur á grund-
velli Títan-samninganna svoköll-
uðu.
Samkvæmt þeim samningum
er íslenska ríkið eigandi meira en
níutíu prósent hlutar af vatns- og
landréttindum á svæðinu.
„Það er nauðsynlegt að samn-
ingaviðræður verði leiddar til
lykta því sveitarstjórnir vestan
Þjórsár hafa óskað eftir því að
áður en komi til staðfestingar á
aðalskipulagi liggi fyrir sam-
komulag við þá jarðeigendur sem
hagsmuna hafa að gæta vegna
fyrirhugaðra framkvæmda. Nýt-
ing Landsvirkjunar á vatnsaflinu
í neðri hluta Þjórsár þegar þar að
kemur er hins vegar háð því að
ríkið hafi heimildir til að ráðstafa
vatnsréttindum,“ segir Friðrik
Sophusson, forstjóri Landsvirkj-
unar.
Ríkisendurskoðun skilaði
nýlega frá sér greinargerð um
samkomulag stjórnvalda við
Landsvirkjun. Niðurstaða Ríkis-
endurskoðunar var sú að ekki
hefði verið um varanlegt framsal
vatnsréttinda að ræða.
Friðrik segir þetta ekki hafa
komið honum á óvart. „Lands-
virkjun hefur alltaf gert sér grein
fyrir því að ekki er um varanlegt
framsal vatnsréttinda að ræða í
samkomulagi fyrirtækisins við
íslenska ríkið. Niðurstaða Ríkis-
endurskoðunar er sú að afla þurfi
sérstakrar lagaheimildar til þess
að ráðstafa vatnsréttindum ríkis-
ins í neðri hluta Þjórsár og að á
meðan slíka heimild skortir er
samkomulagið ekki bindandi
fyrir ríkissjóð.“
Litið er svo á að fyrrnefnt sam-
komulag frá því í maí veiti Lands-
virkjun heimild til að koma fram
sem viðsemjandi um nýtingu
landsréttinda vegna virkjunar á
grundvelli Títan-samninganna.
„Á þeim grunni héldum við áfram
virkjanaundirbúningi,“ segir
Friðrik.
Eins og greint var frá í Frétta-
blaðinu í gær hefur Landsvirkjun
átt í viðræðum við fulltrúa ítalska
iðnfyrirtækisins Becromal um
sölu á raforku til kísilhreinsunar
sem staðsett yrði í Þorlákshöfn.
Hreinsunin þarf um 150 mega-
vött af rafmagni en ráðgert er að
virkjanir í neðri hluta Þjórsár
geti framleitt á þriðja hundrað
megavött.
„Það er næg eftirspurn eftir
orkunni og standa viðræður yfir
meðal annars við Becromal sem
hreinsar kísil í sólarrafala og
Verne Holding sem hyggst byggja
upp netþjónabú hér á landi,“ segir
Friðrik. magnush@frettabladid.is
Haldið áfram með
samningaviðræður
Landsvirkjun stefnir að því að sækja um leyfi fyrir virkjanir í neðri hluta Þjórs-
ár á næsta ári. Krafa sveitarfélaga vestan Þjórsár er að samkomulag liggi fyrir
við jarðeigendur áður en aðalskipulag er staðfest, segir forstjóri Landsvirkjunar.
RÆÐA KÍSILHREINSUN FYRIR SÓLARORKUSELLUR Friðrik Sophusson, forstjóri Lands-
virkjunar, og Aldo Si Fasano, aðstoðarframkvæmdastjóri ítalska fyrirtækisins Becrom-
al, hittust á föstudag til að ræða sölu raforku til kísilhreinsunar sem yrði staðsett í
Þorlákshöfn og veitti 400 manns vinnu. FRÉTTABLAÐIÐ/GVA
ORKA Búast má við niðurstöðu frá
REI-stýrihópnum í byrjun næsta
árs, að sögn Sigrúnar Elsu Smára-
dóttur, sem situr í honum fyrir
Samfylkingu.
Hópurinn hefur nú starfað síðan
í seinni hluta október. Í honum
sitja stjórnmálamenn úr flestum
flokkum.
„Þetta er töluverður texti og
hefur verið rætt um hversu mikla
áherslu á að leggja á mismunandi
þætti í atburðarásinni,“ segir hún.
Búið sé að fara í nokkra hringi
yfir framsetningu textans.
Í vændum sé skýr niðurstaða
um fortíðina og hvaða lærdóm
megi draga af henni.
„Það er mín skoðun að við eigum
að reyna að fyrirbyggja að hlut-
irnir geti siglt undir radar svona
lengi, eins og gerðist í REI-mál-
inu,“ segir Sigrún Elsa.
Hafliði Helgason, starfsmaður
REI, segir að sitt fólk sé fremur
rólegt og hafi næsta lítið heyrt af
verkum stýrihópsins, þótt ákveðn-
um hugmyndum hafi verið velt
upp. „Og við hljótum að hugsa
okkur til hreyfings. Fyrir mér var
þetta verkefni mjög tengt aðkomu
Bjarna Ármannssonar.“
Grunnhugmynd stýrihópsins
mun vera sú að skýra boðleiðir,
valdsmörk og ábyrgð innan Orku-
veitunnar. Eins og fram hefur
komið í Fréttablaðinu er vilji til að
endurskilgreina fyrirtækið svo
það verði opinbers eðlis. - kóþ
REI-stýrihópur vinnur að endanlegri framsetningu skýrslu og stefnumótunar:
Niðurstaða í byrjun næsta árs
HAFLIÐI
HELGASON
SIGRÚN ELSA
SMÁRADÓTTIR
BAGHDAD, AP Bretar afhenda
Írökum Basra-hérað með
formlegum hætti í dag. Gagnrýn-
endur vilja þó meina að afhend-
ingin sé aðeins táknræn þar sem
Bretar hafi í raun aldrei stjórnað
svæðinu. Eftir kosningarnar árið
2005 hefur suðurhluti Íraks verið
undir stjórn sjíta og uppreisnar-
herja sem eru þeim hliðhollir.
Flestar olíulindir Íraks eru í
suðurhluta landsins og því er
öryggi og stöðugleiki í þeim hluta
landsins sérstaklega mikilvægt.
Breskir embættismenn hafa
sagst ætla að hjálpa íraska
hernum ef upp úr sýður en munu
jafnframt minnka herafla sinn úr
4.500 í 2.000 hermenn. - eb
Írakar taka við eftirliti í Basra:
Bretar hverfa
frá Basra-héraði
FÉLAGSMÁL Frístundamiðstöð
miðborgar og Hlíða hlaut á
föstudag nafnið Kampur. Dagur B.
Eggertsson borgarstjóri kynnti
nýja nafnið við hátíðlega athöfn í
Hinu húsinu.
Nafngiftin vísar til fyrirhugaðr-
ar staðsetningar frístundamið-
stöðvar í Vörðuskóla við Skóla-
vörðustíg en þar reistu hermenn
skála sína í seinni heimsstyrjöld-
inni. Að mati dómnefndar á nafnið
ekki síður að tákna gleði, líf og fjör
þar sem menn geta brosað í
kampinn.
Dómnefnd hafði úr 103 tillögum
að velja og varð niðurstaðan sem
fyrr segir nafnið Kampur.
Vinningstillöguna átti Gísli
Guðmundsson, íslenskumaður og
starfsmaður ÍTR. - ovd
Nýtt nafn frístundamiðstöðvar:
Kampur táknar
gleði, líf og fjör
BASRA Í GÆR Bretar afhenda Írökum
Basra-hérað í dag. NORDICPHOTOS/AFP
DÓMSMÁL Héraðsdómur Reykja-
ness dæmdi á föstudag Karl
Bjarna Guðmundsson Idol-
söngvara í tveggja ára fangelsi.
Karl Bjarni er sakfelldur fyrir að
hafa reynt að smygla tveimur
kílóum af kókaíni til landsins
fyrir síðasta sumar.
Á fréttavef Vísis segir að Karl
Bjarni hafi játað fyrir dómi að
hafa reynt að smygla fíkniefnun-
um. Hann hafi hins vegar verið
svokallað burðardýr. Þá greinir
Vísir frá því að Karl Bjarni hafi
ekki viljað gefa upp nöfn þeirra
sem stóðu að kókaíninnflutningn-
um af ótta við afleiðingar sem af
því kynnu að hljótast. - þo
Tvö ár fyrir kókaínsmygl:
Bar við að hafa
verið burðardýr
GENGIÐ 14.12.2007
GJALDMIÐLAR KAUP SALA
HEIMILD: Seðlabanki Íslands
119,5766
GENGISVÍSITALA KRÓNUNNAR
62,00 62,30
125,85 126,47
90,16 90,66
12,081 12,151
11,333 11,399
9,552 9,608
0,5499 0,5531
97,60 98,18
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Þú getur alltaf treyst á
prinsinn
Hlíðasmára 8 • 201 Kópavogi
s: 554 7200 • www.hafid.is
OPIÐ
ALLA HELGINA 10-16
Stór humar
Humarsúpa prinsinns
Þorláksmessu skata
Mikið úrval fi skrétta