Fréttablaðið - 16.12.2007, Blaðsíða 78

42 16. desember 2007 SUNNUDAGUR
menning@frettabladid.is
Kór Flensborgarskólans
í Hafnarfirði heldur sitt
árlega og ómissandi Vina-
kvöld á aðventu í Hamars-
sal skólans annað kvöld kl.
20 og á þriðjudagskvöld kl.
20.30. Á efnisskránni eru
hátíðleg verk og vel þekkt
jólalög.
Helga Margrét Friðriksdóttir er
meðlimur í kórnum. Hún segir að
flestir ættu að geta fundið eitt-
hvað við sitt hæfi á tónleikunum.
„Við flytjum bæði sígild verk og
jólalög sem allir kannast við.
Stemningin verður því hæfilega
hátíðleg og hugguleg. Þessir tón-
leikar eru orðnir fastur liður í
jólaundirbúningi Hafnfirðinga
enda tilvalið tækifæri til að slaka
aðeins á í jólastressinu. Sumir
komast hreinlega ekki í jólaskapið
fyrr en þeir eru búnir að fara á
þessa árlegu tónleika.“
Góðir gestir koma fram með
kórnum sem endranær. Einsöngv-
arar eru þau Margrét Árnadóttir
og Ívar Helgason, en gaman er að
geta þess að Ívar er fyrrverandi
meðlimur í kórnum. Píanóleikari
er Jónas Þórir, en aðrir hljóðfæra-
leikarar koma úr röðum kórfé-
laga. Stjórnandi tónleikanna og
kórstjóri er Hrafnhildur Blomster-
berg.
Kór Flensborgarskólans er einn
af stærri menntaskólakórum
landsins og hefur verið afar öflug-
ur í tónleikahaldi og annarri starf-
semi. Kórinn hefur meðal annars
farið árlega til útlanda undanfarin
ár til að taka þátt í kóramótum og
-keppnum og hyggur á frekari
landvinninga í framtíðinni. „Kór-
starfið nýtur mikilla vinsælda
meðal nemenda skólans og kórinn
er sífellt að stækka. Þátttaka í
starfi kórsins er frábært tónlistar-
uppeldi, sem sést kannski best á
því að margir af helstu tónlistar-
mönnum Hafnarfjarðar hófu feril
sinn með kórnum,“ segir Helga
Margrét.
Miðaverð er kr. 2.000 og er for-
sala miða á kaffihúsum Súfistans í
Hafnarfirði og í Reykjavík, í
Flensborgarskólanum og hjá kór-
félögum. Uppselt er á seinni tón-
leikana en enn eru fáanlegir miðar
á þá fyrri. vigdis@frettabladid.is
Vinakvöld Flensborgar
Í kvöld fer fram fjölþjóð-
legur tónlistarviðburður í
Langholtskirkju. Rás 1 og
kvennakórinn Graduale
Nobili, sem skipaður er
24 stúlkum sem valdar
voru úr hópi þeirra sem
sungið hafa með Grad-
ualekór Langholtskirkju,
bjóða til tónleika sem
verða sendir beint út í
útvarpi um alla Evrópu.
Á tónleikunum flytur
kórinn, sem er undir stjórn Jóns Stefánssonar,
íslensk jólalög, bæði forn og ný, og þar á meðal
jólalög sem hafa í gegnum árin verið samin
sérstaklega fyrir Ríkisútvarpið. Á meðal þeirra
tónskálda sem eiga lög á efnisskránni eru Bára
Grímsdóttir, Jón Ásgeirsson, Jórunn Viðar, Árni
Harðarson, Hugi Guðmundsson og Hildigunnur
Rúnarsdóttir. Hljóðfæraleikarar sem koma fram
með kórnum eru
þær Elísabet Waage
hörpuleikari og
Hallfríður Ólafsdóttir
flautuleikari.
Sem fyrr segir verða
tónleikarnir sendir út
beint í útvarpi um alla
Evrópu, þar á meðal á
Rás 1. Tónleikarnir eru
tilkomnir þar sem 16.
desember er jólatón-
leikadagur evrópskra
útvarpsstöðva. Af því tilefni verður dagurinn á
Rás 1 tileinkaður jólatónleikum héðan og þaðan
úr Evrópu. Útvarpað verður tónleikum frá Lissa-
bon, Helsinki, Tallinn, Ghent, Sófíu, Kaupmanna-
höfn, Stokkhólmi og Annaberg.
Tónleikarnir hefjast kl. 20 og eru klukkutíma
langir. Allir eru velkomnir og aðgangseyrir er
enginn. - vþ
Sendar beint um alla Evrópu
Breski listamaðurinn Damien Hirst, sem þekktastur
er fyrir verk sín þar sem dýr svífa um í formalíni,
afhenti Tate-listasafninu í Bretlandi nýverið fjögur
verk úr eigin safni til eigu.
Fyrir þremur árum fór safnið af stað með átak til
þess að byggja upp safneignina. Í þeim tilgangi var
leitað til margra helstu listamanna Bretlands og
annarra landa og þeir beðnir um að gefa safninu
verk. Flestir sem leitað var til, þar á meðal Hirst,
samþykktu að gefa verk, en fram að þessu hafði
Hirst verið í fámennum hópi listamanna sem enn
höfðu ekki staðið við stóru orðin. Listamenn á borð
við Antony Gormley, Anthony Caro og Louise
Bourgeois eru á meðal þeirra listamanna sem gáfu
verk.
Hirst hefur lengi verið einn af umdeildustu
listamönnum Bretlands, ef ekki Evrópu, og þarf því
ekki að koma á óvart að verkin fjögur sem hann gaf
Tate-safninu eru sannarlega ekki allra. Eitt þeirra
sýnir kú og kálf hennar, en þau hafa verið sneidd í
sundur langsum og fljóta þannig um í fjórum
formalínfylltum kerjum. Þetta verk var hluti af
sýningunni sem Hirst vann Turner-verðlaunin fyrir
árið 1995. Annað verkanna sem Hirst gaf safninu
samanstendur af sígarettum, stubbum, öskubakka
og kveikjara sem komið hefur verið fyrir í gler-
kassa.
Þriðja verkið sem safnið fær að gjöf er heldur
óvenjulegt málverk frá árinu 2002, en efniviðurinn
er dauðar flugur á striga. Fjórða verkið er að sönnu
það meinlausasta af gjöfinni, en í því hefur listamað-
urinn raðað skeljum á skrifborð.
Vart þarf að taka fram að safnið tók gjöfunum
fagnandi, enda hefur verð á list sjaldan verið hærra
og safnið því átt í vandræðum með að bæta mark-
verðum verkum í safn sitt. Nicholas Serota, stjórn-
andi safnsins, sagði að gjafirnar gerðu Tate kleift að
gera verkum þessa helsta samtímalistamanns Breta
góð skil, en það var varla mögulegt áður. - vþ
Hirst gefur Tate fjögur verk
> Ekki missa af …
sýningunni Kvikar myndir í
Listasafni ASÍ, en sýningunni
lýkur í dag. Sýningin var sett
upp í tilefni af níutíu ára
afmæli Reykjavíkurhafnar og
hefur að geyma verk sem
innblásin eru af hafinu og
höfninni. Listasafn ASÍ er á
Freyjugötu 41.
FLENSBORGARKÓRINN Kórinn hefur æft af kappi fyrir tónleikana á morgun.
Kl. 14
Þórdís Claessen opnar sýningu
sína „Guð býr í sveitinni“ á
kaffihúsinu B5, í Bankastræti
5, í dag kl. 14.
DAMIEN HIRST Umdeildur en gjafmildur breskur listamaður.
7. og 8. des uppselt
30. des
GJAFABRÉF – TILVALIN JÓLAGJÖF
MÁLMUR STEINN TRÉ ÍHLUTIR
SILFUR
KVEIKING
NÁMSKEIÐ
SÖGUN
BORUN
SLÍPUN
ÚTSKURÐUR
VÉLAR
RENNIBEKKIR
SKRÚFUR
KLUKKUR
FESTINGAR
Opið lau - sun 10 –16 • opið 17. – 23 desember 10 – 21
Handverkshúsið Bolholt 4, 105 Rvk. Sími: 555 1212 Vefverslun: handverkshusid.is
Námskeið - vélar - verkfæri - bækur
Jó
la
ti
lb
oð
á

ha
nd
ve
rk
sh
ús
ið
.is
(áður Hjá Gylfa, Hafnarfirði)
Hringdu og við sendum
Silfurleirssett
4.950 kr.
20% afsl
Steinatromla
8.500 kr.
15% afsl
Útskurðarsett
11.750 kr.
15% afsl
Smáfræsari
6.950 kr.
20% afsl