Fréttablaðið - 16.12.2007, Blaðsíða 60

10 matur
NEGULNAGLAR OG APPELSÍNA Hver er
hinn eini sanni jólailmur? Sumir segja rauðu eplin,
aðrir lyktina frá kertum. Mörgum
finnst þó ekki komin jól fyrr en
búið er að stinga negulnöglum
í appelsínu. Það er sannarlega
heillandi lykt og jafnframt því
skreyting sem endist lengi
vel. Hægt er að leika sér með
slíka negulappelsínu. Hún getur
verið hluti af stærri borðskreyt-
ingu, staðið ein og sér eða hang-
ið í fallegum borða í glugga og kætt
bæði þá sem inni sitja og þá sem úti eru.
Friðriku Hjördísi Geirsdóttur er margt til lista lagt og eitt af því er matargerð. „Ég var í eins konar sælkeraskóla í London. Ég lærði
bæði matreiðslu og kökugerð og var við nám í
tæplega ár en fór samt ekki að vinna á samningi.
Ég ætlaði mér svo sem aldrei að vinna á veitinga-
stað og hef frekar nýtt þessa kunnáttu heima við
og í blaðaútgáfu,“ segir Friðrika en margir muna
eflaust eftir hinu margrómaða Bistro tímariti
sem Friðrika ritstýrði. „Það var æðislegt að vinna
með það blað og var ég afskaplega ánægð með
það.“
Þessa dagana er Friðrika að undirbúa jólin og
reynir að fara vel með sig þar sem hún á von á
öðru barni sínu. Hún segist vera fremur hefð-
bundin þegar kemur að matargerð um jólin. „Ég
vil hafa matinn hefðbundinn en eftirrétturinn má
vera mismunandi. Ég er ekki trú einhverjum
einum eftirrétti heldur leik mér frekar með þá og
breyti til.“
Eftirrétturinn sem hér er boðið upp á er hann-
aður af Friðriku, sem segir þó að hann byggi á
öðrum uppskriftum. „Það er nú þannig með svo
margar uppskriftir sem maður er með í koll-
inum að þær eru byggðar á einhverjum öðrum
uppskriftum og svo færir maður þær í annan
búning. Þá breytir maður kannski um hráefni
og prófar sig áfram með mismunandi sam-
setningar,“ útskýrir Friðrika, sem þykir þessi
réttur afskaplega góður. „Ég hef aldrei gert
þennan rétt áður, en hann heillaði mig
algjörlega. Hann er frekar ferskur og ég
setti hvítt Toblerone sem er dálítið skorpu-
kennt en úr verður sérlega gott súkkulaðibragð
með hindberjunum. Síðan raða ég þessu eins og
lasagne og kemur það fallega út,“ segir Friðrika
ánægð og ljóst er að hún hefur næmt auga fyrir
smáatriðum.
Skreytingin að ofan er fremur jólaleg þar
sem blandast saman rauð hindberjasulta, hind-
ber og græn myntulauf. „Síðan er hægt að
nota grunnuppskriftina að þessu og nota
jarðarber, bláber, ferskjur eða kíví í stað-
inn. Í rauninni hvað sem er til,“ segir Frið-
rika og hvetur hún fólk til að hafa hlut-
ina einfalda og góða í jólaösinni. - hs
FR
ÉT
TA
BL
A
Ð
IÐ
/V
Ö
LU
N
D
U
R
Friðrika setti saman
einfaldan en gómsætan
eftirrétt sem gleður bæði
augu og bragðlauka.
HINDBERJA- OG ANANASRJÓMATVENNA
HINDBERJARJÓMI
225 g frosin hindber
3 msk. sykur
300 ml rjómi
200 g hvítt Toblerone, saxað
Stráið sykrinum yfir hindberin og látið
þau þiðna. Pressið safann úr berjunum
í gegnum sigti. Þeytið rjómann og
blandið berjablöndunni ásamt
Tobleroninu varlega saman við og
kælið.
ANANASRJÓMI
250 g ananaskurl
3 msk. flórsykur
300 ml rjómi
Sigtið safann af ananasinum, þeytið
rjómann og blandið öllu varlega
saman.
4 msk. hindberjasulta
fersk hindber og myntulauf til
skrauts
Sprautið hindberjarjómanum í botninn
á fallegum glösum og því næst
ananasrjómanum. Sprautið hindberja-
rjómanum og ananasrjómanum til
skiptis þar til rjóminn er uppurinn.
Setjið 1 matskeið af hindberjasultu á
toppinn og skreytið með ferskum
hindberjum og myntulaufum.
Lagskipt
OG LEIKANDI
Eftirréttir þurfa ekki að vera flóknir til að gleðja skynfærin og hefur Friðrika
sýnt það og sannað með rjómatvennunni sem hún útbjó fyrir okkur.
margt smátt
BARNAJÓLIN BESTU Jólin eru hátíð barn-
anna og aldrei eins gaman að lifa sem barn og
einmitt þá. Leyfum börnum að vera þátttakend-
ur í undirbúningi jóla-
boða, ákveða eftirrétt-
inn, leggja á borð og
búa til fallegar jólakveðj-
ur á hvern disk. Látum
líka eftir þeim að bjóða
til sinnar eigin jóla-
veislu bestu vinunum þar
sem veisluborðin svigna
undan krakkavænum jóla-
mat og sætindum.
SYKURSÆTUR JÓLASTAFUR
Jólastafinn rauð- og hvítröndótta
þekkja flestir. Stafurinn var
upphaflega beinn, harður og
alhvítur. Hann var búinn til af
frönskum prestum á 15. öld.
Rauðu og hvítu rendur stafsins
komu fyrst til snemma á tuttugustu
öld. Póstkort fyrir aldamótin 1900
sýna aðeins hvíta stafi en eftir það fara hinir
röndóttu að birtast. Á svipuðum tíma var farið að
framleiða stafi með piparmyntubragði.
TAKK FYRIR MATINN, GÓÐI JESÚS Jesú
getum við þakkað jólin og allsnægtirnar; þessa
kærkomnu hátíð ljóss og friðar. Gleymum ekki að
þakka fyrir í orði og verki.
Fullt hús matar, samvera
við ástvini og það að
vera á lífi og fá að upp-
lifa, er alls ekki sjálfsagt
í lífsins bókum. Förum
með borðbæn af ein-
lægni og trú áður en við
setjumst að snæðingi,
og biðjum Jesúbarnið
að blessa afmælismat-
inn, jólagestina og veislu-
höldin öll. Skiptumst á að fara með borðbænir því
hvert og eitt mannanna barn ber fram ólíkar þakkir
og bænir sem unun er á að hlýða.
SPILAÐ MEÐ SÆLLÍFIÐ Víst er stranglega
bannað að taka í spil á aðfangadagskvöld, en jólin
eru heilir þrettán dagar veislu og samverustunda.
Eftir vel útilátin jólatrog er fátt eins viðeigandi og
skemmtilegt og að taka fram spilastokk, eða önnur
borðspil. Spilum saman
upp á spennu og gleði
meðan sjatnar í mallakút
milli mála. Ekki skemmir
að hafa góðgætisverð-
laun í boði fyrir góða
frammistöðu, háa stiga-
töflu, eða hreinlega leyfa
mat, drykk og sætabrauði
að vera þátttakandi og
í aðalhlutverki á spila-
stundum hátíðanna.
JÓLAEPLIN Þótt epli fáist nú
orðið allt árið þá eru glansandi
rauð epli alltaf jólaleg, sérstak-
lega þegar þau ilma, enda var sú
tíð að þau voru ekki á boðstólum
nema fyrir jólin. Eplalykt er því eitt
af því sem skapar jólastemningu
hjá mörgum. Á sumum heimilum er haft fyrir sið
að rifja upp söguna af því þegar jólaeplin komu til
landsins enda er það í hugum margra þeirra eldri
með sterkari jólaminningum.
E