Fréttablaðið - 16.12.2007, Blaðsíða 82

46 16. desember 2007 SUNNUDAGUR
folk@frettabladid.is
Ingvi Hrafn Jónsson sjón-
varpsstjóri segir afskriftir
skulda RÚV andstyggilegan
gerning. Segist sjálfur hafa
þjáðst af RÚV-hrokanum,
sem hann kallar svo meðan
Páll Magnússon sjónvarps-
stjóri segir Ingva Hrafni
skjöplast þegar kemur að
rökhugsuninni.
„Enginn er látinn sæta ábyrgð
fyrir þetta sukk. Reginhneyksli.
Það er mín persónulega skoðun.
RÚV-hrokinn er erfiður sjúkdóm-
ur,“ segir Ingvi Hrafn Jónsson
sjónvarpsstjóri á ÍNN, meistari
ljósvakans, og sparar sig hvergi
venju fremur.
Ingvi er mættur til landsins frá
Flórída og það beinlínis hvín í
tálknum hans í þættinum Á
Hrafnaþingi. Já, og reyndar hvar
sem hann fer. Því nú ofbýður
Ingva Hrafni. Í útsendingu á
mánudag henti hann frá sér í gólf-
ið útprentaðri frétt Vísis þess
efnis að á fjárlögum væri gert
ráð fyrir því að afskrifa 800 millj-
ónir af skuldum RÚV ohf. Með
viðbjóði. Ingvi Hrafn telur þetta
makalausan gerning.
„Ég er að reka hér litla sæta
sjónvarpsstöð og ströggla við að
halda því dæmi gangandi. Svo les
maður það að Sjálfstæðisflokkur-
inn, flokkur einkaframtaksins,
heldur áfram að moka almannafé
í þessa hít. Fyrirtæki sem hefur
undanfarin fimm ár tapað milljón
á dag. Menntamálaráðherra er
búinn að gera ýmsar dellur en svo
eru þær krórónaðar í fjárlögum
með að henda óheyrilegum fjár-
munum í þetta opinbera ríkisfyr-
irtæki,“ segir Ingvi Hrafn. Og
hann getur trútt um talað. Því
hann var fyrir tuttugu árum starf-
andi sem fréttastjóri á Ríkissjón-
varpinu og veit um hvað hann
talar. Sjálfur segist Ingvi Hrafn
hafa verið haldinn RÚV-hroka og
góður með sig í skjóli ríkisins.
„En þetta finnst mér „dis-
gusting“. Að sjá þingmenn Sjálf-
stæðisflokksins og Samfylkingar
henda þessum síðustu óráðsíu-
peningum í RÚV. Blessa sjálftöku
fjár í hlutafélag undir stjórn Páls
Magnússonar. Mér finnst þetta
andstyggilegt. Svo gerir RÚV allt
til að klekkja á keppinautum
sínum með undirboðum á auglýs-
ingamarkaði og hafa í hótunum
við fólk ef það mætir á aðra miðla
í viðtöl.“
Ingvi Hrafn er flokksbundinn
sjálfstæðismaður og það er
honum óljúft að játa að þessi
gerningur lýsi hentistefnu sem
flokkur hans praktiserar.
„Jájá, það má kannski kalla
þetta aumingjaskap. Þetta er
þvert á allt það sem við frjáls-
hyggjumenn viljum. Maður hefði
haldið að Sjálfstæðisflokkurinn
vildi losa um þessi heljartök ríks-
ins en mér býður í grun að ótti
flokksins við aðaleigendur 365
ráði þarna mestu um.“
Páll Magnússon útvarpsstjóri
segir, varðandi afskriftir á skuld-
um RÚV, það alltaf hafa legið við
formbreytingu stofnunarinnar í
vor að eiginfjárhlutfall hins nýja
félags yrði 15 prósent.
„Ekkert nýtt í því og eitthvað
skjöplast Ingva Hrafni nú þegar
kemur að rökhugsuninni eins og
fyrri daginn. Því til þess er ein-
mitt leikurinn gerður að komast
fyrir þennan taprekstur. Alltaf
hefur legið fyrir að Ríkisútvarpið
hefur verið rekið með tapi undan-
farin tíu ár eða svo. Á bilinu 150
uppundir 400 milljónir á ári. Hvar
á þeim kvarða hefur ráðist mjög
af gengisþróun á hverjum tíma.“
jakob@frettabladid.is
RÚV-hrokinn
erfiður sjúkdómur
INGVI HRAFN SÝNIR PUTTANN Jólakveðja Ingva Hrafns til fjárlaganefndar fyrir að
blessa sjálftöku fjár yfirstjórnar RÚV. FRÉTTABLAÐIÐ/ANTON
Söngkonan Jennifer Lopez hefur
lítið viljað tjá sig um þungun sína
sem hún staðfesti 7. nóvember,
löngu eftir að farið var að sjást á
henni. Nú harðneitar hún að gefa
upp kyn barnsins en nýleg versl-
unarferð hennar gefur til
kynna að hún eigi von á tví-
burum af sitt hvoru kyni
með eiginmanni sínum,
söngvaranum Marc Anth-
ony.
Lopez keypti tvo
samstæða barna-
galla, annan í bláu
og hinn í bleiku,
sem hún lét svo
áletra á orðin prins
og prinsessa. Hjón-
in skráðu sig einn-
ig á gjafalista hjá
versluninni Petit
Tresor í Los Angel-
es og eru flestir
munir á óskalistan-
um í tvöföldu. Þar
má meðal annars
finna tvo bangsa, með
bleika slaufu annars
vegar og bláa hins vegar,
tvær bastkörfur, tvær
skokk-kerrur og tvo tvíburavagna,
hvorn í sínum litnum.
Sama verslun var einnig ráðin
til að hanna barnaherbergi í öll
þrjú hús stjörnuparsins og er þar
ekkert til sparað. Hvert herbergi
mun kosta um 2,5 milljónir
króna, vöggurnar skreytt-
ar gulli og frönsku útsaum-
uðu rúmfötin auðvitað í
bleiku og bláu.
Jennifer Lopez er 38
ára og telja gárung-
arnir hana hafa orðið
barnshafandi í kjöl-
far tæknifrjóvgun-
ar, sem eykur líkur
á tvíburagetnaði.
Söngkonan hefur
ekki viljað gefa upp
settan fæðingardag
en talið er að hún eigi
von á sér í febrúar.
Lopez með tvíbura
JENNIFER LOPEZ OG MARC
ANTHONY
Eiga von á stelpu og strák ef
marka má nýlega verslunar-
ferð þeirra.
Katie Holmes klæðir sig upp til að gleðja eiginmann sinn, leikarann
og vísindakirkjumanninn Tom Cruise. Hún segir að það kveiki
sérstaklega í honum þegar hún fer í jakkaföt eða mínípils. „Ég er
hrifin af því að hann sé hrifinn af því. Þá roðna ég!“ segir leikkonan.
Í viðtali við InStyle sagðist hún hins vegar hrífast af framtaks-
semi eiginmanns síns. „Hann veit hvað hann er að gera. Þegar
hann ákveður að gera eitthvað gerir hann það. Það er frábært. Það
er æsandi,“ segir Katie.
Hún hefur nú einnig tjáð sig um fæðingu dóttur sinnar, Suri, sem
er eins og hálfs árs gömul. Sögusagnir um að fæðingin hafi verið í
anda Vísindakirkjunnar, og því farið fram í algjörri þögn, hafa
gengið fjöllum hærra. Katie stendur hins vegar fast á því að
eiginmaður hennar hafi gert allt sem í hans valdi stóð til að láta
henni líða vel. „Ég hefði ekki getað beðið um meiri stuðning frá
einni manneskju. Hann var búinn að undirbúa herbergið með
kertum úti um allt og myndum í römmum. Það var mjög heimilis-
legt og fallegt,“ segir Katie.
Mínípils Katie æsa Tom Cruise upp
KLÆÐIR SIG FYRIR CRUISE Katie Holmes segist klæðast jakkafötum eða míní-
pilsum til að kveikja í eiginmanni sínum, Tom Cruise. NORDICPHOTOS/GETTY
> Í FÖTUM AL CAPONE
Þegar Robert De Niro lék
glæpaforingjann Al Capone í
kvikmyndinni The Untouch a-
bles leitaði hann uppi klæð-
skerana sem unnu fyrir hinn
raunverulega Capone
snemma á 20. öld og lét
þá sníða nákvæmlega eins
föt á sig fyrir myndina.
w
w
w
.o
as
is-
st
or
es
.co
m
25% afsláttur af
öllum yfirhöfnum
KRINGLUNNI OG SMÁRALIND
Auglýsingasími
– Mest lesið