Fréttablaðið - 16.12.2007, Blaðsíða 32

2 matur
Fyrir matgæðinga er gaman að spá og spekúl-era í hátíðarmatinn fyrir jólin. Margir eru þó að stíga sín fyrstu skref í hátíðarundirbún-
ingnum og eru jafnvel enn að prófa sig áfram með
hvað virkar og virkar ekki. Sumir vilja hafa hlutina
alveg eins og hjá mömmu á meðan aðrir eru
nýjungagjarnari og vilja finna sína eigin leið. Auk
þess getur verið mikilvægt samningsatriði meðal
sambýlinga hvað hafa skal í jólamatinn. Hvað sem
því líður er ljóst að sælkeramatargerð jólanna vex
mörgum í augum.
Flott skal það vera og ekkert má fara úrskeiðis á
hátíð ljóss og friðar. Í stað þess að lifa og njóta
getur matargerðin stundum valdið valkvíða og
áhyggjum. Þá er mikilvægt að sníða sér stakk eftir
vexti og velja rétti sem hæfa getu, tilefni og
fjárráðum. Það er algjör óþarfi að spenna bogann
of hátt og í matargerð gildir oft sú regla að minna
er meira. Þegar verið er að útbúa margrétta máltíð
er gott að hafa hlutina einfalda. Það kannski segir
sig sjálft að einna mest er
lagt í aðalréttinn og þá er
kjörið að hafa forrétti
og eftirrétti einfalda.
Þeir þurfa alls ekki að
vera neitt verri
fyrir vikið.
Þvert á móti
nýtur hvert
hráefni sín
jafnvel betur
ef ekki er verið
að hræra of miklu
saman. Góð skipulagning er þó lykilatriði og
margborgar sig að vera aðeins búin að setjast niður
og hugsa hvernig framkvæma skal gjörninginn.
Auk þess er hægt að vinna sér í haginn með því að
vera búin að sneiða niður grænmeti, setja kjöt í
kryddlög og svo framvegis. Þannig áskotnast
manni aukatími, og matreiðslu er best að stunda í
streitulausu umhverfi. Þannig tekst frekar að færa
gleði og nautn í góðgætið og það fullkomnar
jólamáltíðina.
VERSLUN SÆLKERANS
MATREIÐSLUBÓKIN
EINFALDLEGA EINFALT
Hrefna Sigurjónsdóttir skrifar
matur kemur út mánaðarlega með sunnudagsblaði
Fréttablaðsins. Ritstjórn: Sólveig Gísladóttir Hönnun: Silja
Ástþórsdóttir Forsíðumynd: Valgarður Gíslason
Pennar: Gunnþóra Gunnarsdóttir, Hrefna Sigurjónsdóttir,
Sigríður Hjálmarsdóttir, Vera Einarsdóttir, Þórdís Lilja
Gunnarsdóttir, Ragnheiður Tryggvadóttir Ljósmyndir:
Fréttablaðið Auglýsingar: Stefán P. Jones spj@frettabladid.is
SKÝRINGAR Á UPPSKRIFTATÁKNUM:
Allt svo gott er ný matreiðslubók frá Gestgjafan-
um.
Tímaritið Gestgjafinn hefur fylgt þjóðinni í 25 ár
og hefur á þeim tíma skráð sögu matarmenningar
Íslendinga á síðum blaðsins enda fylgir matargerð
líkt og allt annað tísku-
straumum.
Nú hafa valdar upp-
skriftir verið gefnar út í
eigulegri bók ásamt nýjum
og spennandi réttum. Hún
nefnist Allt svo gott og
skiptist í níu kafla. Þar er
að finna súpur og forrétti,
aðalrétti bæði úr kjöti og
fiski, meðlæti og eftirrétti
auk þess sem uppskriftir
eru að brauði, bökum og
kökum. Inn á milli er flétt-
að fróðleiksmolum og
gagnlegum ráðum þar sem við á. Auk þess eru nokkr-
ar síður fyrir eigin uppskriftir.
Hér er semsagt bók sem hæfir öllum sem fást við
matargerð, hvort sem þeir eru byrjendur eða lengra
komnir í listinni.
Fyrir byrjendur og
lengra komna
Í Ostabúðinni að Skólavörðustíg 8 er
mikið úrval af ostum og annarri sæl-
keravöru. Þar er forréttaborð með hátt í
tíu tegundum, þar á meðal heitreyktri
gæsabringu og villibráðarpaté. Þá er þar
áleggsborð með íslenskum og spænsk-
um pylsum sem er hægt að fá niður-
sneiddar og eru þær vinsælar á hvers
kyns veisluborð. Einnig er boðið upp á
ítalska og spænska hráskinku sem er
sneidd á staðnum. Að auki er í búðinni
mikið úrval af olíum og ediki frá Olivi-
ers & Co í Suður-Frakklandi.
Jóhann Jónsson, eigandi verslunarinn-
ar, segir desember dásamlegan tíma og
mikla jólastemningu ríkja á Skólavörðu-
stígnum. Verslunin var opnuð fyrir átta
árum og er í hugum margra orðin ómiss-
andi hluti af miðborginni.
Jóhann segir mikla eftirspurn eftir
gjafakörfum á þessum árstíma. „Þær
eru af ýmsum stærðum og gerðum og
getur fólk ýmist sérvalið í þær eða keypt með stöðluðu innihaldi. Boðið er upp á osta-, sælkera- og vinnustaðakörfur
og eru þær tilvalin jóla- eða tækifærisgjöf,“ segir Jóhann. „Meðalverð körfu er í kringum sjö til tíu þúsund krónur,“
bætir hann við.
Á staðnum er einnig veisluþjónusta auk þess sem boðið er upp á létta hádegisrétti sem hægt er að borða á staðnum
eða taka með sér.
Ostabúðin Skólavörðustíg
Hangikjöt með uppstúf og kartöflum er vissulega gott og stendur alltaf
fyrir sínu, enda hefur það
unnið sér fastan sess á jóla-
matarborði langflestra Íslend-
inga. Stundum er þó gaman að
breyta til og prófa að nota hráefnið á nýjan
máta. Einar Gústavsson yfirkokkur á Einari
Ben veitir hér uppskrift að hangikjöti, sem er
allt öðruvísi en við eigum að venjast.
„Á Einari Ben vinnum við mikið með íslenskt
hráefni þó nauðsynlegt sé að krydda það til með
utanaðkomandi áhrifum til þess að gera matinn
frábrugðinn og sérstakan á allan hátt. Hérna er
ég með gamla góða hangikjötið en elda það ekki
á hefðbundinn máta. Í staðinn sker ég það í
þunnar sneiðar, svo nefnt „carpacció“ og er það
svo borið fram með fersku grænu salati, feta-
osti, beikoni og hnetum,“ segir Einar en af
myndinni að dæma er hér kominn réttur sem
myndi sóma sér vel á hvaða hlaðborði sem er
yfir hátíðarnar.
HANGIKJÖT NÚTÍMANS
Stökkt beikon fer vel
með hangikjötinu skornu
í þunnar sneiðar.
Hefðin hefur ráðið því hvernig fólk eldar og framreiðir hangikjötið á jólunum.
Margir vilja halda í þá hefð en aðrir eru nýjungagjarnir. Einar Gústavsson
yfirkokkur á Einari Ben tók áskorun okkar og færði hangikjötið til nútímans.
HANGIKJÖTSSALAT
MEÐ BRÚNUÐUM GEITAOSTI, SYKRUÐUM
PISTASÍUM, VALHNETUM OG STÖKKU BEIKONI
Fyrir fjóra
400 g hangikjöt (hrátt)
80 g geitaostur
20 g brúnn sykur
50 g pistasíur
50 g walhnetur
100 g beikon
400 g blandað salat
40 ml balsamikedik
20 ml olífurolía
1 msk. hunang
20 g sykur
blandaðar shiso jurtir
maldon-salt
svartur pipar
Frystið og skerið hangikjötið í þunnar sneiðar og
leggið í hring á diskinn með gati í miðjunni.
Steikið hneturnar á pönnu með sykrinum, þar til
sykurinn létt brúnast. Passið að brenna ekki.
Bakið beikonið á bökunarplötu við 170°c þar til
stökkt og leggið á tusku svo fitan leki af.
Skerið geitaostinn í bita og stráið brúnum sykri
yfir, bakið í ofni við 190°C í 3mínútur
Veltið salatinu upp úr balsamik ediki, olíu og
hunangi.
Kryddið með salt og pipar.
Gott á
jólunum!
F For-réttur
A Aðal-réttur
E Eftir-réttur
M Meðlæti
Til hátíða-
brigða
Hvunndags og
til hátíðabrigða
Annað kjöt
en fuglakjöt
Fuglakjöt
Grænmeti