Fréttablaðið - 28.12.2007, Side 34

28. DESEMBER 2007 FÖSTUDAGUR12 ● fréttablaðið ● vinnuvélar
Þegar vinnuvélar eru keyptar
borgar sig að huga strax að
tryggingum. Mörg fjármögn-
unarfyrirtæki gera kröfu um
að vélar séu að fullu tryggðar.
Algengt er að vinnuvélar valdi
tjóni og því getur trygging
sparað verktökum miklar
fjárhæðir.
Á vinnusvæðum og þar sem unnið
er á stórtækum vélum getur
skapast hætta á tjóni og slysum.
Það borgar sig því fyrir verk-
taka og aðra þá sem reka vinnu-
vélar að hafa tryggingamál öll á
hreinu. Tryggingafélögin bjóða
svokallaðar verktakatrygging-
ar auk annarra kosta sem henta
fyrir vélar og tæki.
„Þeir sem eru með vinnuvél-
ar eru oft að tryggja vélarnar
sjálfar með svokallaðri vinnu-
vélatryggingu. Hún er svipuð
og kaskótrygging á bíl en er þó
með hærri sjálfsábyrgð. Þá erum
við með sjálfsábyrgðartrygg-
ingu sem tryggir tjón sem er
valdið af viðkomandi vinnuvél.
Það geta verið tjón af ýmsu tagi.
Til dæmis er algengt að streng-
ir slitni við jarðvinnu. Það eru
strengir frá orkuveitum, síma-
fyrirtækjum og fleiri aðilum sem
leggja strengi í jörð,“ segir Valur
Páll Kárason hjá VÍS. Hann segir
marga verktaka tryggja hjá VÍS
og að almennt sé vel hugað að
tryggingum meðal verktaka.
Samkvæmt íslenskum lögum
bera menn skaðabótaábyrgð
á tjóni sem þeir valda öðrum
með saknæmum og ólögmætum
hætti.
Vinnuvélar eru ekki skyldu-
tryggðar eins og skráningarskyld
ökutæki þessa lands. Þannig
er það lagt í hendur eiganda
vinnuvéla hvort hann kaupir sér
ábyrgðartrygginu vinnuvéla eða
ekki. Það getur því komið upp sú
staða að sá sem verður fyrir tjóni
af völdum vinnuvéla þurfi að
sækja bætur fyrir dómstólum.
„Þetta þykir okkur ekki ganga.
Við hefðum viljað að það væri
skylda að tryggja vinnuvélar
eins og er með önnur tæki sem
eru í umferðinni,“ segir Valur.
„Tjónþoli getur ekki vitað
hvort hann fái tjón sitt bætt ef
það er vinnuvél sem veldur slysi.
Ef trygging er ekki fyrir hendi
er væntanlega gengið að eiganda
vélarinnar og hann krafinn um
bætur og er þá spurning hvort
hann sé borgunarmaður fyrir
skaðabótum.“
Ýmsir kostir eru í boði fyrir
mismunandi gerðir vinnuvéla.
„Sjálfsábyrgðartrygging hentar
vel fyrir þær vélar sem ekið er
á götum úti. Ef vél keyrir á eigur
annarra eða veldur slysum á
fólki þá bæta tryggingar tjón eða
greiða kostnað vegna slysa.“
Valur segir að margar af vinnu-
vélunum á Kárahnjúkum hafi
verið tryggðar meðan á því verk-
efni stóð en lítið hafi verið um tjón
á vélum þar. Hann segir einyrkja
mjög duglega að tryggja vélar
sínar. „Þeir sem kaupa vélar sínar
gegnum fjármögnunarfyrirtæki
þurfa að tryggja vélar bæði með
ábyrgðartryggingu og tryggingu
á tækinu. Þetta er krafa frá þeim
sem fjármögnuðu vélakaupin.
- öhö
Það borgar sig að huga að tryggingamálum
vinnuvéla um leið og þær eru keyptar
Valur Páll segir óeðlilegt að ekki sé skylda að tryggja vinnuvélar í umferðinni á sama hátt og bifreiðar. Það geti komið fólki illa
sem verði fyrir tjóni af völdum vinnuvéla ef eigandi tækisins er algjörlega ótryggður.
8