Fréttablaðið - 28.12.2007, Qupperneq 36

28. DESEMBER 2007 FÖSTUDAGUR14 ● fréttablaðið ● vinnuvélar
Þegar verið er að grafa í jörð
kemur stundum fyrir að
strengir eða vatnslagnir rofna.
Verktaki ber í flestum tilfellum
ábyrgðina og getur þar verið
um háar upphæðir að ræða.
Eva Magnúsdóttir hjá Mílu
segir mestu máli skipta að
kynna sér svæðið áður en haf-
ist er handa en þannig sé hægt
að koma í veg fyrir óþarfa tjón
og ónæði fyrir notendur.
Þegar verktakar þurfa að grafa
í jörð er mjög mikilvægt að
kynna sér legu jarðlagna áður en
hafist er handa. Ef tjón verður
á strengjum eða lögnum lendir
kostnaðurinn í flestum tilfellum
á verktakanum.
Það er hlutverk verkkaupa
að tryggja að allar teikningar
af svæðinu séu til staðar og því
mikilvægt að verktaki sjái til
þess að hann fái þær í hendur
frá verkkaupa áður en hafist er
handa.
Fyrirtækið Míla sér um stóran
hluta þeirra strengja sem liggja í
jörðu hér á landi en það fyrirtæki
tók við umsjón þess kerfis sem
áður var rekið af Símanum.
Eva Magnúsdóttir fram-
kvæmdastjóri segir mikilvæg-
ast að hafa aflað sér þekkingar á
svæðinu áður en grafið er.
„Mikilvægt er áður en fram-
kvæmdir hefjast er að hafa
yfirlit eða teikningar af verk-
stað frá veitufyrirtækjum sem
sýna hugsanlegar lagnir á svæð-
inu. Þá verður að fylgjast vel með
við uppgröft því oft má koma í
veg fyrir tjón ef vart verður við
aðvörunarborða. Í dag er lagður
aðvörunarborði yfir allar lagnir
sem gefur til kynna að þar séu til
dæmis fjarskiptalagnir. Það ber
þó að hafa það í huga að oft fara
þessar merkingar forgörðum við
hvers konar rask sem á sér stað í
framkvæmdum sem ekki tengjast
veitustofnunum.“
Eva segir auðvelt að nálg-
ast teikningar ef þess er óskað.
„Sumar teikningar má fá rafrænt,
en aðrar hjá teiknistofum og á vef-
síðu okkar, míla.is. Auk þess er
hægt að fá strengi og jarð lagnir
staðsetta með sónar-tæki.“
Að sögn Evu er tjón á strengj-
um nokkuð algengt. „Því miður er
nokkuð um það bæði innanbæjar
og utan. Skemmdirnar verða
yfirleitt vegna ónógs undirbún-
ings og geta valdið gríðarlegum
vandræðum hjá einstaklingum
og fyrirtækjum. Ábyrgðin er hjá
þeim sem tjóninu veldur og því
vert að gera allar viðeigandi ráð-
stafanir til að forðast tjón.“
Þegar verða á strengjum veldur
það oft vandræðum því net- eða
símasamband getur legið niðri
þar til gert hefur verið við. Með
réttum undirbúningi má forðast
mörg þessara tjóna og spara
bæði tíma, peninga og vinnu. - öhö
Best að vita
legu lagna
Eva Magnúsdóttir hjá Mílu segir auðvelt að nálgast teikningar af vinnusvæðum og þannig sé hægt að komast hjá tjóni. FRÉTTABLAÐIÐ/GVA
Lagnir í jörðu eru yfirleitt merktar með gulum borða sem er nokkrum sentimetrum
ofan við þær. Í sumum tilfellum getur þó verið að borðar hafi færst úr stað vegna
annarra framkvæmda. Það getur því verið gott að hafa aðstoðarmann sem fylgist vel
með hvort eitthvað birtist óvænt í skurðinum. FRÉTTABLAÐIÐ/ANTON
0