Fréttablaðið - 24.01.2008, Blaðsíða 14

14 24. janúar 2008 FIMMTUDAGUR
nær og fjær
„ORÐRÉTT“
Aðstandendafélag aldraðra
hlaut Samfélagsverðlaun
Fréttablaðsins í fyrra.
Reynir Ingibjartsson er for-
maður félagsins. Hann var
tekinn tali í daglegri heim-
sókn hjá móður sinni, Önnu
Vilborgu Magnúsdóttur,
88 ára, sem býr ein í þjón-
ustuíbúð í Hraunbænum í
Reykjavík.
„Ég áttaði mig kannski ekki á því
fyrr en við vorum mætt til að taka
við verðlaununum hvaða gildi
svona viðurkenningar hafa. Þarna
var fjöldi fólks saman kominn
sem tengdist góðverkum á ýmsan
máta og verðlaunin eru mikil
hvatning og viðurkenning á því
sem það er að gera. Því er veiting
samfélagsverðlauna mjög þarft
og gott framtak hjá Fréttablað-
inu.“ Þannig farast Reyni Ingi-
bjartssyni orð þegar hann er inn-
tur eftir viðbrögðum sínum við
Samfélagsverðlaununum fyrir
ári.
Aðstandendafélag aldraðra eru
ung samtök, stofnuð 26. mars 2006.
Þau hafa það að markmiði að vekja
athygli alþjóðar á slæmri stöðu
margra aldraðra í okkar landi og
hafa áhrif á ráðamenn. Það hefur
meðal annars haldið tvo fjölmenna
fundi í Háskólabíói.
Reynir kveðst ekki hafa orðið
meira hissa á ævi sinni en þegar
hann fékk símtalið í fyrra um að
félagið hlyti Samfélagsverðlaunin.
Þegar í ljós hafi komið að ekki var
einungis um viðurkenningu að
ræða heldur fylgdi henni fjárfúlga
hafi hann orðið enn meira undr-
andi. „Við vorum satt að segja alveg
gersamlega á kúpunni og framlag
Fréttablaðsins upp á eina milljón
kom sér einstaklega vel,“ segir
hann. En hvernig var verðlauna-
fénu varið? Fór það upp í skuldir?
„Bæði og. Það fyrsta sem við gerð-
um var að opna heimasíðu. Það
hafði staðið til frá því félagið var
stofnað. Slóðin er www.hjaafa.is en
það verður að viðurkennast að við
höfum varla haft burði til að halda
henni almennilega gangandi. En ef
eitthvað á að gera nú til dags og ná
til fólks þá auglýsir það ekki í fjöl-
miðli öðruvísi en það kosti tugi þús-
unda. Því þurfa öll samtök að hafa
eitthvert fé handa á milli.“
Reynir heimsækir aldraða móður
sína, Önnu Vilborgu, daglega. Hún
er 88 ára ekkja og býr ein í íbúð en
er afskaplega dugleg og ekki stend-
ur á kaffiveitingunum. „Þér er kalt
og veitir ekki af kaffi,“ segir hún
brosandi. Heimilið ber líka hagleik
hennar og verkkunnáttu vitni.
Prjónadúkar, púðar, málverk, vefn-
aður og útsaumsmyndir prýða það.
Einnig flosaður hundur sem hlaut
fyrstu verðlaun á sýningu. Nú hafa
handavinnuvopnin verið slegin úr
höndum hennar því sjónin er að
daprast. „Það er erfitt að vera
latur,“ segir hún. Þrátt fyrir að vera
algerlega heyrnarlaus er hún hress
í tali og eldfljót að ná því sem skrif-
að er á krítartöflu. Þannig er tjá-
skiptum hennar háttað.
Reynir segir umhyggjusama
nágranna líta til móður hans reglu-
lega. „Hún er búin að lenda í ýmsum
áföllum, detta, brotna og eiga í erf-
iðum bakmeiðslum eftir bílslys. Því
hefði hún ekki getað verið hér ef
nágrannarnir væru ekki svona
góðir,“ lýsir hann. Hann kveðst
hafa reynt í nokkur ár að finna
öruggan stað fyrir hana í kerfinu
en ekkert gangi. Heimaþjónustan
standi varla undir nafni því sólar-
hringsþjónusta þyrfti að vera í
boði. Víða sé líka þröngt inni á
stofnunum, bara nokkrir sentimetr-
ar milli rúma. Þessu þurfi að breyta
því svona ástand sé okkur ekki
sæmandi.
Hann hefur fulla trú á Jóhönnu
félagsmálaráðherra og vonar að
hún fái nægan stuðning til að breyta
hlutunum til betri vegar. „Það er
ekki nóg að byggja hús og fjölga
rýmum,“ segir hann. „Það þarf líka
að halda þar uppi þjónustu og greiða
mannsæmandi laun fyrir þau störf
sem þar eru unnin.“ gun@frettabladid.is
Hef aldrei orðið eins hissa
KRÍTARTAFLAN KEMUR Í GÓÐAR ÞARFIR Reynir skrifar móður sinni um hvaðeina sem við ber. Hér um hitastigið úti.
FRÉTTABLAÐIÐ/ARNÞÓR
Einmitt
„Ég hef vissulega fengið
vinsamlegar ábendingar frá
góðum félögum mínum í
Sjálfstæðisflokknum um að
það væri hægt að koma á
meirihlutasamstarfi á ný.“
BJÖRN INGI HRAFNSSON, BORG-
ARFULLTRÚI FRAMSÓKNARMANNA,
SEGIR SJÁLFSTÆÐISMENN HAFA
BOÐIÐ SÉR AÐ TAKA ÞÁTT Í MYND-
UN NÝS MEIRIHLUTA Í BORGINNI.
Fréttablaðið 23. janúar.
Einmitt
„Ég held að þetta séu aðeins
dagdraumar hjá Birni Inga.“
JÚLÍUS VÍFILL INGVARSSON, BORG-
ARFULLTRÚI SJÁLFSTÆÐISFLOKKS-
INS, UM UMMÆLI BJÖRNS INGA
HRAFNSSONAR, BORGARFULLTRÚA
FRAMSÓKNARFLOKKSINS.
Fréttablaðið 23. janúar.
„Það er alveg klikkuð vinna í gangi, ég er eiginlega að
drukkna í að halda utan um veiðileyfasöluna,“ segir
Þröstur Elliðason, veiðileyfasali hjá Strengjum og eigandi
fyrirtækisins.
„Þetta er mikið batterí fyrir einn mann. Ég sé alls
ekki mikla kreppu í veiðileyfamarkaðnum eins og er.
Það er að minnsta kosti alveg á hreinu að niður-
sveiflan á fjármálamörkuðunum endurspeglast ekki
í veiðileyfabókunum hjá mér núna miðað við í
fyrra. Kannski er það þó ekki alveg marktækt
því ég hef ekki verið með mikið af stórfyrir-
tækjum í viðskiptum heldur þjóna fyrst og
fremst einstaklingum. En það er alla
vega nóg að gera í bókununum og
mikið púsluspil að koma öllu heim og
saman,“ segir Þröstur sem hefur staðið
fyrir mikilli uppbyggingu á veiðisvæðum
sem hann annast, bæði hvað varðar fiskinn í ánum sjálfum og
aðbúnað veiðimannanna.
„Það er einmitt mikið verkefni fram undan að fara að
skipuleggja ýmsar fjárfestingar sem þarf að leggja í, til dæmis
í veiðihúsum. Þannig að það er mikill toppur í þessu núna en
ég vonast til að geta fundið tíma til að skreppa eitthvað með
fjölskylduna í frí í vor áður en vertíðin byrjar
á fullu. Svo erum við
reyndar mjög mikið
saman í Breiðdalnum
á sumrin þar sem við
erum með starfsstöð.
Þannig að fjarvistirnar
eru ekki eins miklar og
kannski mætti halda,“ segir
Þröstur Elliðason.
HVAÐ ER AÐ FRÉTTA? ÞRÖSTUR ELLIÐASON VEIÐILEYFASALI
Að drukkna í veiðileyfum
„Þetta er orðin dágóð upphæð sem
hefur komið inn og þetta hefur tölu-
vert mikið að segja fyrir rekstur
svona félags,“ segir Óskar Örn
Guðbrandsson, framkvæmdastjóri
Styrktarfélags krabbameinssjúkra
barna, en rúmar þrjár milljónir
söfnuðust á tónleikum til styrktar
félaginu sem haldnir voru á sunnu-
dagskvöldið.
Er þetta í níunda sinn sem slíkir
tónleikar eru haldnir og er saman-
lögð fjárhæð sem safnast hefur
komin yfir 25 milljónir króna. Náð-
ist sú tala þegar velunnari tónleik-
anna gaf 600 þúsund krónur sem
upp á vantaði til að ná 25 milljón
króna múrnum. Eru þessir tónleik-
ar orðnir árlegur viðburður fyrir
marga tónlistarmenn sem fram
komu á tónleikunum en meðal
þeirra má nefna Stebba og Eyfa,
Jógvan, Friðrik Ómar, Hara-systur,
Birgittu Haukdal, Sniglabandið,
Klaufa, Nylon, Garðar Thor Cortes
og Pál Óskar.
Auk tónlistarmannanna eru
Concert, EBKerfi, Háskólabíó og
Bylgjan sem og tónleikagestir
nefndir sem aðstandendur tónleik-
anna. Garðar Jökulsson myndlist-
armaður gaf svo andvirði verka til
styrktarfélagsins.
„Okkar stærstu verkefni snúa að
því að styðja fjárhagslega við
félagsmennina eins og hægt er og
svo hins vegar að standa að við-
burðum sem allir kosta einhvern
pening,“ segir Óskar að lokum. - ovd
Allir listamennirnir og tónleikahaldararnir gefa vinnu sína til styrktarfélagsins:
Meira en 25 milljónir króna
STEBBI OG EYFI Rjómi listamanna tekur
alltaf þátt og færri komast að en vilja.
Kynntu þér málið á www.kristall.is
Happatappar
„Mér líst ekkert
á þetta en með
tilvísun í starf
mitt get ég ekki
hneykslast yfir
upprisu Vilhjálms
sem leitar eftir
uppreisn pólitískrar
æru eftir að mörgu
leyti ómaklegar
hrakfarir,“ segir
séra Baldur
Kristjánsson,
sóknarprestur í Þorlákshöfn, um
nýmyndaðan meirihluta í borgar-
stjórn Reykjavíkur.
„Þá verð ég sem krónískur
Reykvíkingur að lýsa undrun minni
að meirihluti sé myndaður utan
um það höfuðstefnumál að halda
flugvallarskrímslinu í Vatnsmýrinni.
Annars finnt mér að sexmenn-
ingarnir ættu að afhausa meirihlut-
ann og taka saman við alla aðra í
borgarstjórninni undir forystu fólks
sem er vel til forystu fallið, Dag og
Gísla Martein, Svandísi og Hönnu
Birnu. Mjög fá málefni greina þetta
fólk að. Það hefur aldrei komið fyrir
áður.“
SJÓNARHÓLL
NÝR BORGARSTJÓRNARMEIRIHLUTI
Líst ekkert á
BALDUR
KRISTJÁNSSON
Sóknarprestur í
Þorlákshöfn.