Fréttablaðið - 24.01.2008, Blaðsíða 16
16 24. janúar 2008 FIMMTUDAGUR
Svona erum við
fréttir og fróðleikur
M
ill
jó
ni
r k
ró
na
22
5,
4
10
7,
7
87
,4
10
2,
5
36
7,
2
2002 2003 2004 2005 2006
Romano Prodi, forsætisráðherra Ítalíu, berst nú fyrir lífi ríkisstjórnar
sinnar. Hún missti meirihlutann á mánudaginn þegar einn
smáflokkanna, sem standa að henni, tók pokann sinn og fór.
Prodi fór fram á það að báðar deildir þingsins samþykktu
traustsyfirlýsingu við ríkisstjórnina. Í öldungadeildinni ræður
úrslitum hvort nógu margir þeirra sjö þingmanna, sem sitja
þar ókjörnir til æviloka, ákveða að styðja stjórnina.
Hve naumur er meiri-
hlutinn? Í neðri deild
ítalska þingsins eiga 630
þingmenn sæti. Af þeim
hefur átján flokka sam-
steypustjórn Prodis haft
348 þingmenn og er
traust í sessi þótt fjór-
tán þingmenn UDEUR
hafi sagt skilið við hana.
Í öldungadeildinni sitja
aftur á móti 315 þingmenn og þar naut stjórnin aðeins stuðnings
158 þingmanna, og var því strax komin í minnihluta þegar þrír
þingmenn UDEUR sögðu skilið við stjórnina.
Hverju breyta æviþingmennirnir? Auk hinna 315 þing-
manna öldungadeildar eiga sjö menn rétt á setu þar allt
til æviloka. Þetta er nokkuð sérstakt fyrirkomulag, sem
minnir helst á lávarðadeild breska þingsins en er þó frá-
brugðið henni. Fyrrverandi forsetar Ítalíu eiga sjálf-
krafa rétt á þingsetu í öldungadeildinni, en auk
þess hefur forseti landsins hverju sinni heimild til
að veita allt að fimm manns þann heiður að verða
æviþingmenn í öldungadeildinni í virðingarskyni
fyrir „framúrskarandi árangur í þágu föðurlands-
ins á sviði félagsmála, vísinda, lista eða bók-
mennta“, eins og segir í reglum þar um. Þessir
menn hafa sömu réttindi og aðrir öldunga-
deildarþingmenn og geta því ráðið úrslitum
við afgreiðslu mála.
FBL-GREINING: ÍTÖLSK STJÓRNMÁL
Naumur meirihluti ríkisstjórnar Prodis
Samfélagsverðlaun
Fréttablaðsins verða
veitt í febrúar í þriðja
sinn. Steinunn Stefáns-
dóttir, aðstoðarritstjóri
Fréttablaðsins, er for-
maður dómnefndar.
Hver er tilgangur Sam-
félagsverðlaunanna?
„Markmið verðlaunanna
er að draga fram það
sem vel er gert í sam-
félaginu en jafnvel fáir
vita af; vekja athygli á
öllu því starfi sem er unnið af fórnfýsi
og umhyggju fyrir náunganum.“
Hverjir koma til greina? „Verðlaunin
skiptast í fimm flokka: Hvunndags-
hetjan, Frá kynslóð til kynslóðar, Til
atlögu gegn fordómum, Heiðursverð-
laun og sjálf Samfélagsverðlaunin.
Allir koma til greina sem lagt hafa
eitthvað af mörkum sem er umfram
það sem við getum ætlast til af sam-
ferðafólki okkar, bæði einstaklingar
og samtök. Tilnefningar má senda
í tölvupósti – samfelagsverdlaun@
frettabladid.is eða á visir.is/samfe-
lagsverdlaun. Þar má finna nánari
upplýsingar um flokkana.“
Hversu margar tilnefningar hafa
borist? „Nú hafa borist vel yfir
hundrað tilnefningar. Fresturinn til
að skila inn tilnefningum rennur út
mánudaginn 28. janúar.“
SPURT OG SVARAÐ
SAMFÉLAGSVERÐLAUN
Vekja athygli
á góðu starfi
STEINUNN
STEFÁNS-
DÓTTIR
FRÉTTASKÝRING
MAGNÚS HALLDÓRSSON
magnush@frettabladid.is
> Útflutningur drykkjarvara
HEIMILD: HAGSTOFA ÍSLANDS
KLIPPIÐ HÉR!
- Ekkert hlé á góðum myndum
Ekkert hlé Minna af auglýsingum Engin truflun321
2 fyrir 1 allar frumsýningarhelgar gegn framvísun þessarar úrklippu.
www.graenaljosid.is - Skráning í Bíóklúbb Græna ljóssins margborgar sig
BANDARÍSK REYNSLUSAGA EFTIR
WES ANDERSON
LEIKSTJÓRA RUSHMORE OG ROYAL TENENBAUMS
FERÐIN TIL DARJEELING FRUMSÝND 25. JANÚAR Í HÁSKÓLABÍÓI OG REGNBOGANUM
,,Fimmta kvikmynd Anderson´s
er töfrandi, marglaga og stór-
skemmtileg. Þessi taumlausa
og litríka lestarferð yfir Indland
hreyfir meira við mér og verður
stöðugt fyndnari því meira sem
ég hugsa um hana.”
- Glenn Kelly, Premiere
Stuttur tíma félagshyggju-
meirihlutans í borgarstjórn
er senn á enda. Síðasta verk
borgarstjóra var að tryggja
framtíð Kolaportsins. Ýmis
verkefni voru í undirbún-
ingi. Enginn málefnasamn-
ingur var lagður fram sem
var ein ástæða þess að
Ólafur F. Magnússon sleit
samstarfinu, að hans sögn.
„Það kom okkur öllum sem hér
stöndum, Tjarnarkvartettinum,
verulega á óvart að þetta skyldi
hafa farið svona,“ sagði Dagur B.
Eggertsson, fráfarandi borgar-
stjóri um klukkutíma eftir að
Ólafur F. Magnússon og Vilhjálmur
Þ. Vilhjálmsson tilkynntu um það
á blaðamannafundi á Kjarvals-
stöðum að Sjálfstæðismenn og
Frjálslyndir og óháðir hefðu náð
saman um meirihlutasamstarf.
Eftir mikið pólitískt fárviðri
vegna málefna Orkuveitu Reykja-
víkur og Reykjavík Energy Invest
tók meirihluti Framsóknarflokks,
Samfylkingarinnar, Vinstri
grænna og F-lista við stjórn
borgarinnar. Dagur B. Eggerts-
son varð borgarstjóri. „Forseti,
góðir borgarfulltrúar. Sá meiri-
hluti sem nú er tekinn við stjórn
borgarinnar er félagshyggju-
meirihluti. Þetta þýðir, að hinn
nýi meirihluti telur það eitt af
brýnustu úrlausnarefnum samfé-
lagsins að vinna gegn ójöfnuði, að
heilu þjóðfélagshóparnir dragist
ekki aftur úr og standi frammi
fyrir mun færri og fábrotnari tæki-
færum til þess að njóta lífsins en
aðrir,“ sagði Dagur eins og hálfs
tíma langri stefnuræðu sinni 20.
nóvember, við framlagningu fjár-
hagsáætlunar.
Við tók tími upplýsingaöflunar
og skipulags af hálfu meirihlutans.
Kjarnamarkmið hans varðandi
þjónustu við íbúa var að „færa
hana út í hverfin“.
Aðgerðir og undirbúningur
Eitt fyrsta verk nýs meirihluta var
að gera tilraun til þess að taka á
starfsmannavanda í skólum og
umönnurstörfum, með beinum
aðgerðum. Um 800 milljónir króna
voru lagðar til þess taka á vandan-
um, samkvæmt upplýsingum frá
Guðmundi Steingrímssyni aðstoðar-
manni borgarstjóra. „Það er kom-
inn tími til þess setja mannauðinn í
forgang hjá borginni,“ sagði Dagur.
Við aðgerðina bötnuðu kjör leik-
skólakennara en mikillar ónægju
hafði gætt um langt skeið innan
stéttarinnar vegna vondra kjara og
mikils álags. Kynntar voru hug-
myndir um að leggja áherslu á að
styrkja starfsumhverfi kennara og
vilji sýndur til þess að beita sér
fyrir hækkun launa við endurskoðun
kjarasamninga.
Skipaður var stýrihópur til þess
að fara yfir málefni Orkuveitu
Reykjavíkur og Reykjavík Engery
Invest. Svandís Svavarsdóttir stýr-
ir því starfi í góðu samstarfi við
Bryndísi Hlöðversdóttur, stjórnar-
formann Orkuveitunnar. „Öllu
verður komið upp á yfirborðið“,
sagði Svandís eftir meirihlutaskipt-
in. Vinnu stýrihópsins er enn ekki
lokið.
Meðal annars var ráðist í að
leyfa kennurum að fara í húsdýra-
garðinn, og á fleiri staði á vegum
borgarinnar, endurgjaldslaust. Það
féll í grýttan jarðveg hjá sumum.
Ýmsum úr kennarastétt fannst
þetta móðgun en mótmæli vegna
þessa voru þau ekki hávær. Öllum
skilaboðum um vilja borgaryfir-
valda til að þess að taka á rótgrón-
um vanda í umönnunarstéttum var
vel tekið.
Þó að mikill tími allra fulltrúa og
borgarstjóra hafi farið í að móta
nánasta starfsumhverfið og afla
upplýsinga, á þeim tíma sem frá-
farandi meirihluti var við völd,
voru stefnumarkandi ákvarðandi
teknar. Vinna var hafin við að gera
Reykjavík að kvikmyndaborg auk
þess sem lögð var áhersla á að
hraða uppbyggingu útvistarsvæða,
hverfatorga, sparkvalla og skóla-
lóða í hverfum borgarinnar. Verk-
efnið sem snýr að uppbyggingu í
hverfum heitir 1,2 og Reykjavík.
Einnig var forvarnasjóður fyrir
hverfatengd verkefni efldur
umtalsvert, ráðgert að 100 milljón-
ir fari til ýmissa forvarnaverkefna
í stað tíu milljóna.
Ýmis önnur verkefni voru í
undirbúningsferli, meðal annars
kynning á stefnuskrá meirihlutans
en hún átti að fara fram í febrúar.
Enginn málefnasamningur
Sjálfstæðismenn í borgarstjórn
gagnrýndu harðlega að enginn
málefnasamningur hefði verið
lagður fram af fráfarandi meiri-
hluta. „Borgarbúar vita ekkert
hvað meirihlutinn ætlar að gera,“
sagði Gísli Marteinn Baldursson í
viðtali við Fréttablaðið í október.
Dagur sagði óvenjulegar aðstæður
í borgarmálunum kalla á að meiri-
hlutinn færi yfir stöðu mála, ein-
setti sér að vinna að stefnu málum
í sameiningu og leggja fram skýr-
ar lausnir. Ólafur F. Magnússon
hefur sagt að það hafi verið hans
vilji að vinna á grundvelli mál-
efnasamnings, og nefndi það meðal
annars sem ástæðu fyrir því að
hann sleit samstarfinu. „Í raun
voru þetta slit án ástæðu,“ voru
viðbrögð Dags eftir að nýr meiri-
hluti F-lista og Sjálfstæðisflokks
hafði verið myndaður.
100 dagar Tjarnarkvartetts liðnir
VIÐ TJÖRNINA Margrét Sverrisdóttir, varamaður Ólafs F. Magnússonar, Dagur B. Eggertsson, Svandís Svavarsdóttir og Björn Ingi
Hrafnsson sjást hér saman við Tjörnina. Þau voru kölluð Tjarnarkvartettinn eftir þetta.
SJÁLFSTÆÐISMENN Borgarfulltrúar
Sjálfstæðis flokksins voru reiðir Birni
Inga Hrafnssyni fyrir að hafa slitið
samstarfinu við sjálfstæðismenn.
Engum duldist að borgarstjórnarflokkur
Sjálfstæðisflokksins var ósamstiga eftir
harðar deilur um málefni Orkuveitu
Reykjavíkur og Reykjavík Energy Invest.