Fréttablaðið - 24.01.2008, Blaðsíða 60

40 24. janúar 2008 FIMMTUDAGUR
bio@frettabla-
Óskarsverðlaunahafinn
Adrien Brody leikur í
The Darjeeling Limited í
leikstjórn Wes Anderson.
Myndin er frumsýnd hér
á landi á morgun. Þóra
Karitas Árnadóttir ræddi
við leikarann í London.
„Þegar ég fór til Indlands í fyrsta
skipti var ég á eigin vegum og ferð-
aðist með vinum mínum,“ segir
leikarinn Adrien Brody. „Þá hafði
ég ekki hugmynd um að ég yrði svo
heppinn að fá að fara aftur til Ind-
lands að taka upp kvikmynd. Ferðin
með félögunum var ævintýraleg en
ég held að seinna skiptið hafi jafn-
vel verið dýrmætara. Þá tengdist
ég fegurð landsins betur og kynnt-
ist því hvað Indverjar eru vinalegir
og opnir.“
Kvikmyndin The Darjeeling Lim-
ited fjallar um þrjá bræður sem
hafa ekki talast við um árabil en
halda saman til Indlands í andlegt
ferðalag í leit að sjálfum sér og til
að ná sáttum. Auk Adriens Brody
leika þeir Jason Schwartsman og
Owen Wilson aðalhlutverkin.
„Við náðum mjög vel saman án
nokkurrar fyrirhafnar. Jason og
Owen eru frábærir strákar og
ferðalagið hafði auðvitað mikil
áhrif á okkur. Ævintýrið sem á sér
stað í kvikmyndinni The Darjeeling
Limited er líka raunverulegt ólíkt
sumum kvikmyndum þegar leikar-
inn fær í rauninni ekki að takast á
við það ferðalag sem persónan er að
ganga í gegnum. Þá lítur út fyrir að
karakterinn sé að ganga í gegnum
svakalegt ferðalag en hann er
kannski bara fastur inni í upptöku-
veri,“ segir Brody.
The Darjeeling Limited var tekin
upp í farþegalest sem ferðast á
áætlun um Indland. „Við urðum að
gjöra svo vel að mæta á réttum tíma
á hverjum morgni svo við misstum
ekki af lestinni. Við bjuggum saman
í stóru húsi og elduðum saman á
kvöldin. Það hjálpaði okkur leikur-
unum að tengjast hvort öðrum og
var frábær skemmtun.“
Anderson eins og Polanski
Leikstjórinn sagðist hafa haft þig í
huga þegar hann skrifaði handritið
en karakterinn sem þú leikur er á
flótta undan kærustunni sinni,
hræddur við að axla ábyrgð á
ófæddum syni og á það til að stela
fötum og hlutum frá vinum og fjöl-
skyldu í tíma og ótíma.
„Já, ég veit einmitt ekki hvort ég
á að taka því vel eða illa að Wes hafi
haft mig í huga þegar hann skrifaði
handritið. Ég sá ekkert líkt með
mér og persónunni og hef ekki
gengið í gegnum það sem Peter fer
í gegnum. Ég er samt búinn að
krefjast þess að ég fái að halda belt-
inu sem Peter stelur í tíma og ótíma
og Wes er búinn að lofa mér að
verða við því. Það sem var sér-
kennilegt er að þegar við horfðum
á lokaútgáfu kvikmyndarinnar sá
ég meira af sjálfum mér á hvíta
tjaldinu en ég hef séð áður í nokk-
urri bíómynd. Það var ekki planað
en kannski var það vegna þess að
ég hafði meira andrými og tíma til
að vera ég sjálfur í Indlandi og í
þessum undarlegu aðstæðum sem
við bjuggum við. Ég lánaði því
Peter margt úr mér við túlkunina.
“
Wes Anderson virðist vera mjög
nákvæmur leikstjóri með næmt
auga fyrir smáatriðum. Hvernig var
upplifun þín af honum?
„Við héldum okkur bókstaflega
við handritið en margir halda að
við höfum spunnið upp handritið á
staðnum og það segir mikið um
leikstjórnarhæfileika Wes og gæðin
á handritinu. Þegar leikstjórinn er
nákvæmur og veit hvað hann vill
getur það bætt mjög miklu við
vinnu leikarans. Það er dásamleg
gjöf að hafa auga fyrir smáatriðum
og Wes Anderson og Roman
Polanski hafa báðir þann hæfi-
leika.“
Með andlitið í afturenda belju
Er það rétt að þú hafir komist í
lífshættu á Indlandi?
„Oftar en einu sinni,“ svarar
Adrien og hlær. „Á aðfangadag
unnum við hálfan daginn og svo
skipulagði tökuliðið sameiginlega
kvöldmátíð utandyra við stóran
varðeld. Umhverfið var yfirnátt-
úrulega fallegt og við vorum flutt
þangað í uxakerrum og svo þurft-
um við að ganga sjö hundruð skref
upp á fjallstind til að komast að
staðnum þar sem við borðuðum
saman jólamatinn. Kærastan mín
var í heimsókn og þetta var
ógleymanlegt kvöld. Við borðuð-
um æðislegan mat saman og þarna
voru dansarar og menn að spúa
eldi. En þegar við ætluðum að fara
að koma okkur heim á leið voru
uxarnir farnir og í staðinn fannst
okkur það góð hugmynd að stökkva
aftan á pallbíl. Ég held að ákvörð-
unin hafi haft eitthvað með Ind-
land að gera. Mér fannst fólkið
mjög frjálslegt þar og það hafði
frelsandi áhrif á mig. Eins og það
búi við færri reglur og minni höft
og því ríki ákveðið kæruleysi,“
segir Adrien með bros á vör.
„Svo stóð ég aftan á þessum
pallbíl og þetta var mjög rómant-
ísk og falleg stund. Ég stóð þarna
og starði djúpt í augun á kærust-
unni minni þegar við keyrðum allt
í einu á rafmagnslínu sem festist
undir hálsinum á mér. Ég var í
mikilli hættu en bjargaðist sem
betur fer. Seinni reynslan var einn
daginn þegar við vorum að aka á
mótorhjóli á hraðbrautinni mun-
aði minnstu að andlitið á mér hefði
endað í afturendanum á belju. Við
vorum að taka fram úr og sáum
ekki fyrr en það var orðið of seint
að það var belja að ganga yfir veg-
inn. Þegar við snarhemluðum var
andlitið á mér í sentímetra fjar-
lægð frá afturendanum á kúnni.
Þetta var svona „Police Academy“
atriði en svo fékk ég algjört
hláturskast yfir þessu fáránlega
atviki.“
Í lífshættu á Indlandi
STÓRLEIKARAR Aðalleikararnir í The Darjeeling Limited, frá vinstri Adrien Brody, Owen Wilson og Jason Schwartzman. Brody segir
í viðtali við Fréttablaðið að hópurinn sem vann að myndinni hafi náð einstaklega vel saman.
> STOLT AF HÖRMUNGUM SÍNUM
Lindsay Lohan segist vera stolt af
kvikmyndinni I Know Who Killed
Me sem hlaut níu tilnefningar
til gullna rifsbersins. „Ég vona
að samband mitt við leikstjóra
myndarinnar verði svipað og
samband Martin Scorsese og
Leonardo Di Caprio,“ sagði Lohan
við The Sun.
Kvikmyndarinnar Cloverfield
hefur verið með nokkurri eftir-
væntingu. Enda hefur J.J.
Abrams, framleiðandi myndar-
innar, sýnt fádæma herkænsku
við kynningu á henni. Myndbrot
úr henni láku á netið, svo var
þeim kippt úr umferð, sem sagt
allt gert til að magna upp spenn-
una. Abrams hefur á örfáum
árum breyst í hálfgerðan gullkálf
í bandaríska afþreyingariðnaðin-
um, bæði með sjónvarpsþáttaröð-
inni Lost og leikstjórn sinni á
þriðju Mission: Impossible-mynd-
inni. Jafnframt hyggst Abrams
dusta rykið af Star Trek-kvik-
myndaseríunni sem væntanlega
verður tekin upp hér á Íslandi.
Cloverfield segir frá Rob sem er
á leiðinni til Japans og hyggst
kveðja vini sína og vandamenn
með glæsilegu teiti í miðborg
New York. Jafnframt hyggst Rob
segja frá nokkrum af sínum
innstu leyndarmálum. En margt
fer á annan veg og kveðjuhófið
snýst upp í að fylgjast með bein-
um útsendingum af jarðskjálft-
um í næsta nágrenni og viðstadd-
ir fylgjast með eyðileggingunni
ofan af húsþaki. Og þar verður
þeim ljóst að ekki er um náttúru-
hamfarir að ræða heldur hafa
einhverjar verur hertekið mið-
borgina.
Skrímsli Abrams
líta dagsins ljós
HERKÆNSKA Herbragðið að leka út
myndbrotum úr myndinni virðist hafa
virkað vel því mikil eftirvænting ríkir fyrir
myndinni.
ÁRÁS Íbúar New York vakna upp við
vondan draum þegar skrímsli ráðast á
borgina.
Greint var frá tilnefningunum til
Óskarverðlaunanna á mánudaginn og
voru þær flestar eftir bókinni.
Reyndar kom á óvart hversu
margar tilnefningar kvikmynd
George Clooney, Michael Clayton,
fékk en það sýnir kannski glöggt
hversu valdamikill þessi fyrrver-
andi læknir á Bráðavaktinni er orð-
inn í draumaverksmiðjunni. Þá eru
Bretar kampakátir með niðurstöð-
una en kvarta þó sáran yfir því að
Keira Knightley skuli ekki vera til-
nefnd fyrir leik sinn í Atonement
sem fékk sjö tilnefningar. Þá kom
nokkuð á óvart að Cate Blanchett
skyldi hljóta tvær tilnefningar;
eina fyrir I‘m Not There. og
hina fyrir Elizabeth: The
Golden Age. Hins vegar spá flestir því
að það verði kvikmyndirnar There
Will Be Blood og No Country For
Old Men sem berjast munu um
stytturnar 24. febrúar. Þeir
Paul Thomas Anderson og svo
Coen-bræðurnir hafa sankað
að sér helstu fagverðlaunun-
um í hinni stóru Ameríku en
báðar myndirnar hlutu átta til-
nefningar. Á það hefur þó verið
bent að mikið sé snobbað fyrir Tjall-
anum í Hollywood og því gæti
Atonement komið skemmtilega á
óvart.
Spennandi kapphlaup fram undan
EKKERT Í SINN HLUT Keira Knightley er
ekki tilnefnd en kvikmyndin hennar
Atonement fékk hins vegar sjö
tilnefningar.
TILNEFNDUR Javier Bardem er tilnefndur sem
besti leikari í aukahlutverki í No Country for
Old Men og er talinn sigurstranglegur.
SMS
LEIKUR
Vin
ni
ng
ar
ve
rð
a a
fh
en
di
r h
já
BT
Sm
ár
ali
nd
. K
óp
av
og
i. M
eð
þ
ví
að
ta
ka
þ
át
t e
rtu
ko
m
in
n í
SM
S k
lú
bb
. 9
9 k
r/s
ke
yt
ið.

E I T T H V A Ð S K E F I L E G T E R Á S V E I M I
FRUMSÝND 25 · 01 · 08
SENDU JA COF Á NÚMERIÐ
1900 OG ÞÚ GÆTIR UNNIÐ!
Vinningar eru Bíómiðar f yrir t vo, tölvueikir, DVD myndir,
varningur tengdur myndinni og margt fleira!