Fréttablaðið - 24.01.2008, Blaðsíða 22
22 24. janúar 2008 FIMMTUDAGUR
Umsjón: nánar á visir.is
Hlutabréf hríðféllu í Kauphöll
Íslands í gær og lækkaði Úrvals-
vísitalan um 4,48 prósent. Vísital-
an fór lægst í um 4.980 stig en end-
aði daginn í 5.051 stigi. Hún hefur
nú lækkað um 8,7 prósent það sem
af er vikunni og um tuttugu pró-
sent frá áramótum. Árið sem nú er
nýhafið er enn sem komið er það
versta í sögu hlutabréfaviðskipta
hér á landi. Þá hefur evra aldrei
verið sterkari gagnvart krónu, en
nú fást 97,7 krónur fyrir hverja
evru.
Mest lækkun varð á bréfum í
Existu sem rýrnuðu um rúm ell-
efu prósent. Spron lækkaði um
tæplega átta og Eimskip um rúm-
lega sex prósent. Bréf Atlantic
Petroleum hækkuðu um rúmlega
fjögur prósent.
Lækkunin var nokkru meiri en
á alþjóðamörkuðum, þar sem bréf
lækkuðu þrátt fyrir 75 punkta
stýrivaxtalækkun bandaríska
seðlabankans á þriðjudag. Hin
breska FTSE-vísitala féll um 3,9
prósent, bandaríska tæknivísital-
an NASDAQ um tvö prósent og
Dow Jones um rúmlega eitt pró-
sent. C20 vísitalan í Kaupmanna-
höfn lækkaði um 1,41 prósent og
hin sænska S30 um 3,69 prósent.
Sérfræðingar eru sammála um
að lækkanir á alþjóðlegum mörk-
uðum megi rekja til ótta um yfir-
vofandi kreppu í Bandaríkjunum.
Stýrivaxtalækkun Seðlabankans
hafi hreinlega komið of seint fram.
Fram kemur í hálffimmfréttum
Kaupþings að Úrvalsvísitalan hafi
ekki lækkað svo mikið á einum
degi síðan 4. janúar 2006.
- jsk
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 1.086x
5.051 -4,48% Velta: 7.101 milljónir
HLUTABRÉF Í ÚRVALSVÍSITÖLU: Atorka 8,15 -3,21% ... Bakkavör 48,30
-5,29% ... Eimskipafélagið 27,70 -6,42% ... Exista 11,07 -11,03% ... FL
Group 9,78 -3,65% ... Glitnir 18,85 -4,07% ... Icelandair 26,00 -1,52%
... Kaupþing 682,00 -4,88% ... Landsbankinn 30,00 -3,54% ... Marel
95,50 -1,65% ... SPRON 5,62 -7,57% ... Straumur-Burðarás 12,95
-2,41% ... Össur 90,50 -3,11% ... Teymi 5,60 -3,11%
MESTA HÆKKUN
ATL. AIRWAYS +4,15%
ALFESCA +0,15%
MESTA LÆKKUN
EXISTA -11,03%
SPRON -7,57%
EIMSKIPAF. -6,42%
Deila um nafnlausar sendingar
Í Færeyjum er tekist á um grundvallaratriði
vegna nafnlausrar póstkortssendingar inn á
hvert heimili í eyjunum. Í sendingunni eru
færeysku stjórnmálaflokkarnir kortlagðir eftir því
hvort þeir teljist kristilegir eður ei. Miðflokkurinn
telst þar einn flokka 100 prósent Jesúmegin,
Fólkaflokkurinn og Sambandsflokkurinn eru
ofar miðju, í miðið situr Sjálfstýrisflokk-
urinn, en Javnaðarflokkurinn og
Tjóðveldi eru nokkuð undir
miðju, segir í frétt Útvarps
Færeyja. Sendingin
hefur vakið nokkra reiði
og margir sem krefjast
þess að upplýst verði um
sendanda. Sofus Clementsen,
forstjóri Póstsins í Færeyjum,
segir það hins vegar ekki munu
gert og Pósteftirlitið segir málið
ekki heyra undir valdsvið þess.
Enn af póstmálum
Í Danmörku er líka fjallað um póstmál, en nokk-
uð á öðrum nótum þó. Þar hefur stjórnendum
Post Danmark ofboðið ástandið, en að meðal-
tali er hver starfsmaður með 18 veikindadaga á
ári. Útvarp Færeyja greinir frá að til úrbóta hafi
stjórn fyrirtækisins gripið til þess ráðs að búa til
happdrætti meðal þeirra starfsmanna sem ekki
nýta sér veikindarétt á heilu ári. Dregnir verða
út átta vinningar upp á 100
þúsund danskar krónur
hver, eða sem jafn-
gildir um 1,3 millj-
ónum íslenskra króna.
Auk aðalvinninganna
verða svo líka dregnir út
smærri vinningar sem
ganga til heppinna
í hópi starfsmanna
sem að hámarki hafa
nýtt sér tvo veikindadaga.
Peningaskápurinn ...
Greiningardeild sænska
bankans SEB Enskilda seg-
ir Existu berjast við lausa-
fjárskort. Stjórnarformaður
félagsins og greinendur
segja umfjöllunina illa
unna og forsendur rangar.
„Þessar hugleiðingar greiningar-
manns Enskilda eru illa unnar og
fjarri öllum veruleika. Greiningar-
maðurinn þekkir greinilega ekki
vel til Existu og gerir sig þar að
auki sekan um rangfærslur í
útreikningum,“ sagði Lýður Guð-
mundsson, stjórnarformaður
Existu, í tilkynningu sem félagið
sendi frá sér í gær.
Greiningardeild sænska bankans
SEB Enskilda birti umfjöllun um
Existu og lausafjárstöðu félagsins í
vikubyrjun. Umfjöllunin, sem ekki
er formleg greining, er ætluð við-
skiptavinum og ráðgjöfum. Þar
kemur fram að gengi stærstu eigna
Existu, þar á meðal kjölfestan í
Kaupþingi og finnska trygginga-
félaginu Sampo, auk norska fjár-
málafyrirtækisins Storebrand,
hafa fallið mikið í óróleikanum á
alþjóðlegum fjármálamörkuðum
frá síðasta hausti og megi Exista
ekki við nema allt að tíu prósenta
lækkun til viðbótar áður en félagið
neyðist til að selja eignir upp í
skuldbindingar. Líklegt þyki að
bæði skandinavísku félögin séu
viljug til að kaupa eigin bréf að því
gefnu að afsláttur verði gefinn á
markaðsgengi þeirra.
Exista er stærsti hluthafi Sampo
með tæpan tuttugu prósenta hlut.
Athygli vekur að greinendur SEB
Enskilda mæla með kaupum á
tryggingafélaginu á meðan staða
stærsta hluthafans er dregin í efa.
SEB Enskilda reiknar gengis-
þróun á eignasafni Existu frá hæsta
gildi þess á öðrum ársfjórðungi í
fyrra en þá stóð gengi hlutabréfa
almennt hátt. Við þessa forsendu er
miðuð eiginfjárstaða Existu á
þriðja ársfjórðungi. Slíkur útreikn-
ingur veldur því að áætlað tap er
meira en raunin er, líkt og grein-
ingardeild Glitnis benti á í gær.
Fleiri taka í sama streng enda eðli-
legra að miða út frá gengislækkun
eignasafns Existu um svipað leyti.
Þá er hlutdeild Existu í þriggja
milljarða evra hagnaði Sampo af
sölu á bankastarfsemi til Danske
Bank í fyrra dregin frá eiginfjár-
stöðu félagsins. Slíkur viðbótar-
frádráttur er sagður rangur.
Niðurstaða SEB Enskilda er að
lausafjárstaða Existu nemi nú 365
milljónum evra, jafnvirði 35,4
milljörðum íslenskra króna, sam-
anborið við 260 milljarða króna á
þriðja ársfjórðungi síðasta árs.
Stjórnendur Existu hafa ákveðið
að tjá sig ekki frekar um málið þar
sem þagnarskylda hvíli á þeim
fyrir birtingu uppgjörs á fimmtu-
dag í næstu viku. „Við munum þá
gera nákvæma grein fyrir stöðu
félagsins,“ heldur Lýður áfram.
Exista hefur þegar haft samband
við SEB Enskilda og óskað eftir
útskýringum á rangfærslunum.
Erlendur Hjaltason, forstjóri
Existu, sagði í samtali við Frétta-
blaðið fyrir hálfum mánuði aðgang
fyrirtækisins að lausafé nægja til
að mæta endurfjármögnunarþörf
félagsins nær allt árið. „Eru þá ekki
taldar með auðseljanlegar eignir,“
sagði hann. jonab@frettabladid.is
FRÁ AÐALFUNDI EXISTU Stjórnendur Existu á aðalfundi félagsins í fyrra. Lýður Guðmundsson, stjórnarformaður Existu, segir
umfjöllun sænska bankans SEB Enskilda illa unna. FRÉTTABLAÐIÐ/VALLI
Hugleiðingar um Existu
víðs fjarri veruleikanum
STÆRSTU EIGNIR EXISTU*
Eign Hlutfall
Skipti (móðurfélag Símans) 43,6%
Bakkavör 39,60%
Kaupþing 23,00%
Sampo 19,98%
Storebrand 8,70%
* Í lok þriðja ársfjórðungs 2007
„Þótt það verði sveiflur eins og í
Existu, þá hefur það lítil áhrif á
áhættugrunn okkar,“ segir Guð-
mundur Hauksson, sparisjóðs-
stjóri SPRON.
SPRON á beint og óbeint um 7,4
prósenta hlut í Existu. Gengi hluta-
bréfa í Exista hefur lækkað mikið
undanfarnar vikur.
„Þegar áhættugrunnurinn er
reiknaður út eru fjárfestingar í
fjármálafyrirtækjum dregnar frá
eigin fé. Þannig hafa verðsveiflur
ekki áhrif á áhættugrunninn,“ segir
Guðmundur. Áhættugrunnurinn,
eða eiginfjárhlutfall (CAD-hlut-
fall), sé mjög rúmur.
Guðmundur segir að rekstur
sparisjóðsins sé tvíþættur. Annars
vegar viðskiptabankaþjónusta og
síðan fjárfestingar. „Þótt fjárfest-
ingar sveiflist, þá hefur það ekki
áhrif á viðskiptabanka starfsemina.“
- ikh
Ógnar ekki SPRON
GUÐMUNDUR HAUKSSON Eigiðfjárhlut-
fallið er rúmt. Þótt gengi í Existu sveiflist
þá hefur það lítil áhrif.
ÚRVALSVÍSITALAN
— Þróunin frá áramótum:
28.12 09.01 16.01 23.01
6318
5051
5469
5453
AppliCon AB í Svíþjóð, sem er í
eigu Nýherja, hefur keypt öll
hlutabréf í sænska fyrirtækinu
Marquardt &
Partners.
Kaupverð er
ekki gefið upp.
Fram kemur
í tilkynningu
frá Nýherja að
kaupin séu í
samræmi við
þá stefnu App-
liCon að
útvíkka starf-
semi sína á
sviði hugbúnaðarlausna fyrir fjár-
málafyrirtæki í Norður-Evrópu.
Marquardt & Partners er ráð-
gjafarfyrirtæki á sviði upplýs-
ingatækni og sérhæfir sig í inn-
leiðingu hugbúnaðar, ráðgjöf og
þjónustu við fjármálafyrirtæki.
AppliCon rekur skrifstofur í þrem-
ur löndum auk Íslands; í Bretlandi,
Danmörku og Svíþjóð. - jsk
Kaupa ráðgjaf-
arfyrirtæki
ÞÓRÐUR SVERRIS-
SON.
„Áætlanir okkar gera ráð fyrir
fjölgun á árinu,“ segir Atli Atla-
son, framkvæmdastjóri starfs-
mannasviðs Landsbankans.
Vangaveltur hafa verið um stór-
felldan niðurskurð í fjármálageir-
anum á árinu. Allt að 650 störf
kunni að glatast á árinu.
Bankamenn sem Fréttablaðið
hefur rætt við segja að árið 2008
verði þungt undir fæti en fullyrða
að ekkert hafi verið ákveðið um
fækkun.
Ólafur Teitur Guðnasson, fjöl-
miðlafulltrúi Straums, segir að
starfsmönnum Straums hafi
fjölgað umtalsvert á undanförn-
um vikum.
Um tuttugu manns hafa verið
ráðnir þangað undanfarið, þar af
rúmur helmingur hér á landi.
Engar uppsagnir vegna niður-
skurðar munu vera fyrirhugaðar
hjá Kaupþingi, eftir því sem
Fréttablaðið kemst næst. Sömu
sögu er að segja af SPRON.
Vala Pálsdóttir, upplýsingafull-
trúi Glitnis, segir að síðastliðið ár
hafi verið metár í ráðningum hjá
bankanum og það komi ekki á
óvart þótt úr þeim dragi í ár. Hins
vegar hafi ekki komið til uppsagna
og engin ákvörðun verið tekin um
slíkt. „Hér er ráðið í störf sem
losna.“
Friðbert Traustason, fram-
kvæmdastjóri Samtaka starfs-
manna fjármálafyrirtækja, kann-
ast ekki við að bankamenn séu að
missa vinnuna.
Um 6.000 manns starfa hjá fjár-
málafyrirtækjum. Hátt í 40 pró-
sent í útibúum. - ikh
Engin fækkun í bönkum
Í BANKANUM Fullyrt er að þrátt fyrir
niðursveiflu verði ekki fækkað í röðum
bankamanna.
MARKAÐSPUNKTAR
Míla og Geisli hafa gert sín á milli
samstarfssamning þess efnis að Geisli
taki að sér að þjónusta fjarskiptakerfi
Mílu í Vestmannaeyjum.
Straumur hefur ráðið til starfa á skrif-
stofu bankans í Stokkhólmi þá Mats
Ericsson, forstöðumann sölusviðs
markaðsviðskipta í Svíþjóð, Peter
Bengtsson, sölustjóra í markaðsvið-
skiptum, og Peter Näslund, yfirmann
greiningar.
Greiningardeild Landsbankans spáir
að vísitala neysluverðs hækki um 0,1
prósent í janúar. Gangi spáin eftir
verður tólf mánaða verðbólga um sex
prósent.
Petrea I. Guðmundsdóttir hefur verið
ráðin framkvæmdastjóri Markaðssviðs
hjá Símanum.
Versta ársbyrjun í sögu Kauphallarinnar
Úrvalsvísitalan hefur lækkað um fimmtung á árinu. Gríðarlegur órói er á alþjóðamörkuðum.
FRÁ BRASILÍU Ekkert lát virðist á lækkun
hlutabréfa víðs vegar um heim. Sérfræð-
ingar segja stýrivaxtalækkun seðlabanka
Bandaríkjanna of seint fram komna.
FRÉTTABLAÐIÐ/AP