Fréttablaðið - 24.01.2008, Blaðsíða 2

2 24. janúar 2008 FIMMTUDAGUR
Jóhannes, er þetta vinsæl
merkjavara?
„Ja, það gengur varla að borgarstjór-
inn sé merkingarlaus.“
Fyrirtækið Merking hefur varla undan
við að búa til nýjar merkingar og skilti í
Ráðhús Reykjavíkur vegna tíðra manna-
breytinga. Jóhannes Jóhannesson er
framkvæmdastjóri Merkingar.
Naut í stroganoffsósu 0,5 ltr. Egils gos fylgir með
749 kr.
Réttur dagsins
VERSLUN „Reykjavíkurborg og
fjármálaráðuneytið lýsa yfir vilja
sínum til að tryggja framtíðar-
staðsetningu Kolaportsins í
Tollhúsinu næstu tíu árin,“ segir í
tilkynningu frá Reykjavíkurborg
vegna viljayfirlýsingar borgar-
stjóra og fjármálaráðuneytisins
um að bjarga Kolaportinu.
Þar segir enn frekar að aðstaða
Kolaportsins verði bætt með
nýjum inngöngum á austur- og
norðurhlið og starfsemi sem fram
fer í húsinu efld. Þá verði gerður
10 ára leigusamningur við Reykja-
víkurborg til framleigu vegna
starfsemi Kolaportsins í Tollhús-
inu í Reykjavík. - ovd
Kolaportið áfram á sama stað:
Tryggja framtíð
Kolaportsins
KOLAPORTINU BJARGAÐ Dagur B.
Eggertsson og Gunnar Hákonarson,
framkvæmdastjóri Kolaportsins.
SKIPULAGSMÁL „Miðað við það sem
ég hef heyrt af þessum meiri-
hlutaskiptum þá sé ég ekki alveg
að þetta hafi nokkur áhrif,“ segir
Benedikt Sigurðsson, stjórnarfor-
maður Festar ehf., um þann þátt í
málefnaskrá nýs meirihluta
Sjálfstæðisflokks og Ólafs F.
Magnússonar um að það eigi að
varðveita 19. aldar götumynd við
Laugaveginn.
Festar efh. er eigandi húsanna
á Sirkusreit og hefur áætlanir um
uppbyggingu á reitnum. „Það eru
allir á því að það þarf að gera
einhverja hluti til að bæta
Laugaveginn og nánasta umhverfi
en menn eru kannski svolítið
misvísandi um hvað best sé að
gera,“ segir Benedikt. - ovd
Framkvæmdir á Sirkusreit:
Nýr meirihluti
hefur ekki áhrif
FRÁ SIRKUSREITNUM Hús þar eru hluti
af 19. aldar götumynd.
ÍTALÍA, AP Mikið var þrýst á Roma-
no Prodi, forsætisráðherra Ítalíu,
að segja af sér í gær vegna óvissu
um hvort ríkisstjórn hans héldi
velli. Prodi gekk í gær á fund Giorg-
io Napolitano forseta.
Neðri deild þingsins samþykkti í
gær traustsyfirlýsingu við stjórn-
ina, en í öldungadeildinni verður
hún borin undir atkvæði á morgun.
Stjórnin hefur meirihluta í neðri
deild, en í efri deild missti hún eins
manns meirihluta á mánudag þegar
einn smáflokka, sem staðið hafa að
stjórninni sagði skilið við félaga
sína. - gb
Ríkisstjórn Ítalíu að falli komin:
Þrýst á Prodi
að segja af sér
ALÞINGI Stjórnvöld hyggjast ekki
draga Landsvirkjun og RARIK út
úr útrásarverkefnum með einka-
aðilum, sagði Árni M. Mathiesen
fjármálaráðherra á Alþingi í gær.
Sýnir að Sjálfstæðisflokkurinn er
orðinn valdagírugur hentistefnu-
flokkur, segir þingmaður Vinstri
grænna.
Valgerður Sverrisdóttir, varafor-
maður Framsóknarflokksins,
spurði ráðherra um áform í útrás-
armálum orkufyrirtækja í fyrir-
spurnartíma á Alþingi í gær.
Þar benti Valgerður á að sjálf-
stæðismenn í borgarstjórn séu and-
snúnir því að Orkuveita Reykjavík-
ur taki þátt í útrásarverkefnum
með einkaaðilum. Þveröfug sjónar-
mið virðist uppi hjá sjálfstæðis-
mönnum í ríkisstjórn, sem standi
að útrás Landsvirkjunar og RARIK
með einkaaðilum á borð við Lands-
bankann. „Megi Sjálfstæðisflokk-
urinn uppskera eins og til er sáð,“
sagði Álfheiður Ingadóttir, þing-
maður VG. Hún sagði ljóst af svari
ráðherra að Sjálfstæðisflokkurinn
sé orðinn gírugur hentistefnuflokk-
ur, sem segi eitt í borgarstjórn og
annað á Alþingi.
Árni sagðist ekki taka þessi
ummæli Álfheiðar illa, Vinstri
græn væru skiljanlega í uppnámi
vegna borgarmálanna þessa dag-
ana. Meginmáli skipti að rétt sé
staðið að útrás fyrirtækja í opin-
berri eigu með einkaaðilum. - bj
Stjórnarandstaðan gagnrýnir tvöfeldni í stefnu Sjálfstæðisflokks í útrásarmálum:
Gírugur hentistefnuflokkur
TVENN SJÓNARMIÐ Valgerður Sverris-
dóttir benti á misjafna afstöðu sjálf-
stæðismanna í borgarstjórn og á þingi
til orkuútrásar opinberra fyrirtækja.
FRÉTTABLAÐIÐ/VILHELM
DÓMSMÁL Breskur karlmaður á fertugsaldri hefur
verið dæmdur í Héraðsdómi Reykjaness fyrir að
svíkja út farmiða hjá Icelandair á Reykjavíkurflug-
velli fyrir rétt tæpa eina og hálfa milljón króna. Hann
hlaut sex mánaða fangelsisdóm, auk þess sem honum
var gert að greiða sömu upphæð til flugfélagsins í
skaðabætur og hann hafði svikið út úr því.
Farmiðasvikin áttu sér stað á tímabilinu 16.
september 2005 til 13. janúar 2008. Þau námu
1.447.000 krónum og fóru fram með þeim hætti að
maðurinn lét skuldfæra, heimildarlaust, andvirði
farmiðanna rafrænt á heimasíðu flugfélagsins á
vefnum á greiðslukortareikninga annars fólks.
Maðurinn hafði komist yfir nöfn þess og númer
reikninga af greiðslukvittunum og ferðaðist vítt og
breytt um Evrópu í ein þrettán skipti.
Lögreglan á Suðurnesjum handtók manninn fyrir
fáeinum dögum við komuna til landsins. Rannsókn á
máli hans gekk hratt og vel fyrir sig og er hann nú
vistaður á Litla-Hrauni.
Honum var auk skaðabótagreiðslunnar til flugfé-
lagsins gert að greiða 284.500 krónur í málsvarnar-
laun, svo og 13.600 krónur í ferðakostnað. - jss
HÉRAÐSDÓMUR REYKJANESS Þar var maðurinn dæmdur í sex
mánaða fangelsi og til greiðslu skaðabóta.
Breskur karlmaður á fertugsaldri handtekinn í Leifssstöð:
Sveik út farmiða fyrir 1,5 milljónir
VINNUMARKAÐUR Sigurður
Bessason, formaður Eflingar,
segir að fulltrúar Starfsgreina-
sambandsins, Flóabandalagsins
og Samtaka atvinnulífsins haldi
áfram að „menn vilji reyna að
þoka þessu áfram en það hafi
engin svör borist af hálfu
atvinnurekenda sem auki
bjartsýni.“
Sigurður segir að tveggja til
þriggja ára samningur sé helst til
umræðu. Ljóst sé að atvinnurek-
endur vilji ekki gera mikið fyrir
stuttan samning. Óþolinmæðin sé
orðin töluvert mikil innan
verkalýðshreyfingarinnar. - ghs
Formaður Eflingar:
Óþolinmæðin
töluvert mikil
STJÓRNSÝSLA Dómarafélag Íslands
telur að Árni M. Mathiesen fjár-
málaráðherra hafi ekki fært fram
viðhlítandi rök fyrir því af hverju
hann hafði ekki umsögn dóm-
nefndar um hæfi umsækjenda til
grundvallar við ráðningu í emb-
ætti héraðsdómara. Í áliti sem
félagið sendi frá sér í gær segir að
við skipun í dómaraembætti beri
ráðherra að hafa hliðsjón af
umsögn matsnefndar um hæfi
umsækjenda, þótt hann sé ekki
bundinn af henni.
Í álitinu segir jafnframt að sam-
kvæmt lögum félagsins beri því
að standa vörð um sjálfstæði dóm-
stóla. Í ljósi þess markmiðs hafi
félaginu fundist rétt að álykta um
skipun Þorsteins Davíðssonar í
embætti héraðsdómara, ekki síst
vegna þeirrar umræðu sem spratt
af ráðningunni. Eins og kunnugt
er hefur ráðningin verið afar
umdeild.
Eggert Óskarsson, formaður
Dómarafélags Íslands, segir að
með ályktuninni sé verið að leggja
áherslu á sjálfstæði dómstóla.
„Við teljum að val í dómaraemb-
ætti skipti máli varðandi sjálf-
stæði dómstóla og þess vegna var
þessi nefnd sett á laggirnar.
Nefndin hefur þýðingu og við telj-
um að það eigi að taka tillit til
hennar. Það er þó vissulega rétt að
ráðherra er ekki bundinn en hann
þarf þá að rökstyðja það viðhlít-
andi rökum ef hann gengur þvert
á umsögn hennar.“
Spurður um álit dómarafélags-
ins segist Árni M. Mathiesen vera
sammála áliti dómarafélagsins um
að ráðherra skuli hafa álit nefndar-
innar til hliðsjónar og ef hann fer
ekki eftir því að einhverju eða öllu
leyti, þá beri honum að rökstyðja
það. Einnig að ráðherra sé ekki
bundinn af áliti hennar. „Ég er
hins vegar ósammála þeim um það
að ég hafi ekki fært nægilega gild
rök fyrir minni niðurstöðu. Ég á
alltaf að geta fært rök fyrir skip-
un dómara hvort sem um er að
ræða nefndir sem gefa álit eða
ekki.“ Árni gerir ekki ráð fyrir að
bregðast við áliti félagsins sér-
staklega.
Þórarinn Kristjánsson hæsta-
réttarlögmaður var einn þriggja
sem nefndin, sem fjallaði um
hæfni umsækjenda, taldi hæfari
en Þorstein Davíðsson til að gegna
embættinu.
Hann hefur nú sent inn kvörtun
til umboðsmanns Alþingis vegna
ráðningarinnar. „Niðurstaða
félagsins er eins og orð töluð út úr
mínum munni. Ég held að almennt
séu lögmenn og lögfræðingar
einnig þessarar skoðunar, segir
Þórarinn.“ svavar@frettabladid.is
Dómarafélagið gagn-
rýnir ráðningu hart
Árni M. Mathiesen færði ekki viðhlítandi rök fyrir að hafa ekki umsögn dóm-
nefndar til hliðsjónar við ráðningu héraðsdómara, segir í ályktun Dómara-
félags Íslands. Árni segir rök sín fyrir niðurstöðunni í málinu góð og gild.
ÁRNI M. MATHIESEN Sem settur dómsmálaráðherra réði Árni Þorstein Davíðsson
sem héraðsdómara, þrátt fyrir að hann hafi ekki verið hæfastur að mati matsnefndar.
Niðurstaðan hefur verið gagnrýnd harðlega. FRÉTTABLAÐIÐ/E.ÓL
INDLAND, AP Gordon Brown,
forsætisráðherra Bretlands,
segir að Indverjar eigi að fá mun
stærra hlutverk í alþjóðamálum,
sem endurspegli sterkari
efnahagsstöðu Indlands.
Meðal annars telur Brown rétt
að Indland fái fast sæti í öryggis-
ráði Sameinuðu þjóðanna.
Brown hitti indverska ráða-
menn í Nýju-Delí á mánudag, en
þangað kom hann í beinu
framhaldi af tveggja daga
heimsókn til Kína. Þetta er fyrsta
ferð Browns til Asíulanda síðan
hann tók við forsætisráðherra-
embætti í Bretlandi síðastliðið
sumar. - gb
Asíuferð Gordons Brown:
Vill styrkja
stöðu Indlands
SPURNING DAGSINS