Fréttablaðið - 24.01.2008, Blaðsíða 10

10
24. janúar 2008 FIMMTUDAGUR
DÓMSMÁL Ásakanir Innheimtu-
lausna um vanefndir hugbúnaðar-
hússins Vigor, dótturfélags TM
software, eru með öllu tilhæfu-
lausar og verður svarað fyrir dóm-
stólum, segir Sigurður Berg-
sveinsson, framkvæmdastjóri hjá
TM og Vigor.
Hann segir ágreininginn snúast
um samning sem hafi verið van-
efndur verulega af hálfu Inn-
heimtulausna.
„Við teljum að þarna sé verið að
reyna að sverta ímynd okkar og
reyna að hafa áhrif á röngum for-
sendum,“ segir Sigurður. Inn-
heimtulausnir hafa höfðað mál
gegn Vigor vegna vanefnda.
Kröfurnar nema um 83 milljónum
króna.
Málskostnaðartrygging Inn-
heimtulausna hefur ekki enn verið
lögð fram og því ekki ljóst hvort
af málaferlunum verður, segir
Sigurður. Hann segir að ásakanir
Innheimtulausna verði hraktar
fyrir dómstólum en vildi ekki tjá
sig frekar um málið. Í yfirlýsingu
sem hann sendi í kjölfar samtals
við blaðamann segir að Vigor ehf.
telji það ómaklegt af Innheimtu-
lausnum að sverta ímynd fyrir-
tækisins opinberlega með „ótíma-
bærum fréttaflutningi“ um málið.
Félagið áskilji sér allan rétt til
bóta í því sambandi. - bj
Framkvæmdastjóri Vigor ehf. segir ásakanir Innheimtulausna um vanefndir með öllu tilhæfulausar:
Reynt að sverta ímynd fyrirtækisins
ÞRIGGJA ÁRA FERLI
Ferill málsins samkvæmt eiganda
Innheimtulausna:
■ Febrúar 2005: Fyrirtækið Inn-
heimtulausnir stofnað.
■ Október 2005: Skrifað undir
samninga um smíði á innheimtu-
kerfi við Vigor. Kerfið á að verða
tilbúið í febrúar.
■ Apríl 2006: Húsnæði og tölvu-
búnaður Innheimtulausna tilbúið,
ekkert bólar á innheimtukerfinu.
■ Júlí 2006: Forsvarsmenn Vigor
segja kerfið tilbúið og Innheimtu-
lausnir taka við innheimtu. Kerfið
virkar ekki og fyrirtækið þarf að
segja sig frá verkefnunum.
■ Janúar 2007: Innheimtulausnir
ráða nýjan mann til að fara yfir
verkið og meta stöðuna.
■ Mars 2007: Niðurstaða matsins
sú að mikið sé eftir við gerð
kerfisins.
■ Júlí 2007: Innheimtulausnir rifta
samningi við Vigor.
■ Ágúst 2007: Samið við Maritech
um smíði nýs innheimtukerfis.
■ Desember 2007: Maritech lýkur
vinnu við nýja kerfið.
■ Janúar 2008: Skaðabótamál
Innheimtulausna á hendur Vigor
þingfest í héraðsdómi. Krafist er
um 83 milljóna króna í bætur.
STOKKIÐ YFIR ELD Hestur og knapi
stökkva þarna yfir eld í spænska
þorpinu San Bartolome de Pinares
eins og löng hefð er fyrir á hátíð
heilags Antoníusar, verndardýrlings
dýranna. NORDICPHOTOS/AFP
ÁLFTANES Íbúar á Álftanesi
afhentu Sigurði Bjarnasyni
bæjarstjóra undirskriftalista í
gær til að mótmæla fyrirhugaðri
breytingu á deiliskipulagi.
Um tvenns konar undirskrifta-
lista var að ræða. Gerður Björk
Sveinsdóttir og samstarfsmenn
hennar söfnuðu um 600 undir-
skriftum um allt Álftanes.
Magnús Stephensen, íbúi við
Suðurtún, afhenti undirskriftir
íbúanna við Suðurtún.
Gerður Björk segir að mótmælt
sé lagningu Skólavegar og að
Breiðumýri sé að hluta til lokað.
Einnig er mótmælt að land sé
tekið frá margæsum og bensín-
stöð komið upp. Hún kveðst vona
að hlustað verði á íbúana,
mótmælin tekin til greina og
deiliskipulagi breytt í samræmi
við það. Fjallað verður um málið
á fundi skipulags- og bygginga-
nefndar í dag. - ghs
Íbúar á Álftanesi:
Afhentu undir-
skriftalista
AFHENTU UNDIRSKRIFTIR Álftnesingar
afhentu bæjaryfirvöldum undirskriftir
vegna fyrirhugaðra breytinga á deili-
skipulagi á Álftanesi. FRÉTTABLAÐIÐ/VALGARÐUR
HEILBRIGÐISMÁL Um 400 afturköll-
unarbréf eru nú á leið til skjól-
stæðinga heilsugæslustöðvarinnar
í Árbæ. Með þeim eru dregnar til
baka uppsagnir Gunnars Inga
Gunnarssonar, yfirlæknis stöðvar-
innar, á þjónustu hennar við hundr-
uð skjólstæðinga, sem nýlega voru
sendar út.
Gunnar Ingi tjáði Fréttablaðinu
þá að ástæða uppsagnanna væri sú
að heimilislæknir hefði látið af
störfum á stöðinni og hefðu þeir
skjólstæðingar hans sem bjuggu
utan þjónustusvæðis hennar fengið
uppsagnarbréf.
Afturköllunarbréfið skrifar
Guðmundur Einarsson, forstjóri
Heilsugæslunnar á höfuðborgar-
svæðinu. Hann segir að með bréfi
sínu hafi yfirlæknirinn verið að
framfylgja fyrri ákvörðunum
framkvæmdastjórnar Heilsu-
gæslu höfuðborgarsvæðisins um
að segja upp skjólstæðingum ein-
stakra heilsugæslustöðva utan
þjónustusvæða þeirra til þess að
rýma fyrir íbúum á þjónustusvæð-
um. Þessi ákvörðun standist hins
vegar ekki lög.
„Þú ert því áfram skráð/ur á
heilsugæslustöðina í Árbæ“, segir
í bréfinu, „og átt rétt á þjónustu
þeirra heilsugæslulækna sem þar
starfa í samræmi við ákvæði fram-
angreindrar reglugerðar“. - jss
GUÐMUNDUR EINARSSON Forstjóri Heilsugæslu Reykjavíkur sendi út afturköllunar-
bréf.
Uppsagnir skjólstæðinga heilsugæslunnar í Árbæ:
Afturköllunarbréf
hefur verið sent út
RV Unique örtrefjaræstikerfið
- hagkvæmt, vistvænt og mannvænt
Nána
ri up
plýsi
ngar

veita
sölu
men
n og

ráðg
jafar
RV
RV
U
N
IQ
U
E
10
07
06
Bodil Fur,
sölumaður hjá
RV Unique í Danmörku
UniFlex II H Fiber ræstivagn
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
RANNSÓKNIR Vinnan leikur óvenju-
stórt hlutverk í lífi Íslendinga
miðað við aðrar þjóðir og stærra
hlutverki en í lífi annarra Norður-
landabúa. Íslendingar vinna lengri
vinnuviku en aðrir Norðurlandabú-
ar en afköstin á hverja unna klukku-
stund er minni
en hjá þeim.
Mikil vinna
þrengir að heim-
ilunum í landinu.
Þetta kemur
fram í rannsókn
sem Stefán
Ólafsson próf-
essor hefur gert.
Stefán byggir
meðal annars á
könnun á vinnu
fólks á vinnumarkaði og heimilum
þar sem fjölskyldan sem heild er
skoðuð og tekið tillit til vinnu
beggja foreldranna á vinnumark-
aði og heimilinu til að draga upp
mynd af heildarvinnutímanum og
sjá hvað vinnan tekur stóran hluta
af vökustundum fólks.
Stefán segir að Íslendingar séu
að mörgu leyti skyldastir engilsax-
nesku þjóðunum hvað vinnuna
varðar og meira en frændþjóðum á
Norðurlöndum. „Við erum næst
Bandaríkjamönnum hvað varðar
mikla atvinnuþátttöku og langa
vinnuviku. Frændþjóðir okkar á
hinum Norðurlöndunum hafa mikla
atvinnuþátttöku og jafnvel meiri
atvinnuþátttöku en Bandaríkja-
menn en meðallengd vinnuvikunn-
ar er skemmri, sumarleyfi, orlof og
frídagar eru fleiri en í Bandaríkj-
unum,“ segir hann.
„Við víkjum frá frændþjóðum
okkar í því að lengd vinnuvikunnar
er talsvert meiri hér. Þar munar
miklu. Stórt hlutverk vinnunnar í
lífi Íslendinga hefur líka þýðingu
fyrir annað, til dæmis heimilislíf og
aðstæður fyrir uppeldi barna. Mikil
vinna á vinnumarkaði þrengir að
heimilunum,“ segir hann og bendir
á að Íslendingar hafi náð ágætum
efnislegum lífsgæðum en hafi
mikið fyrir því.
Stefán bendir á að framleiðni sé
ekki nógu mikil. „Við skilum tiltölu-
lega litlum afköstum á hverja
vinnustund miðað við þjóðirnar í
kringum okkur. Þetta er mikill galli
því að við verjum mörgum klukku-
stundum til vinnu á viku hverri en
ættum að geta náð sömu afköstum
á styttri vinnutíma,“ segir hann.
Úr vinnustaðafræðum er þekkt
staðreynd að afköstin á hverja
klukkustund verða minni þegar
vinnutíminn er langur. Stefán
bendir á að á hinum Norðurlöndun-
um sé litið á hóflegan vinnutíma
sem kjaraatriði. „Ég held að ástæða
sé til að draga þetta fram því að það
hefur ansi mikla þýðingu fyrir
okkur Íslendinga og gefur mögu-
leika á að bæta kjör almennings.“
ghs@frettabladid.is
STEFÁN ÓLAFSSON
Íslendingar vinna meira en
aðrir en afkasta minna
Vinnan leikur óvenjustórt hlutverk í lífi Íslendinga. Íslendingar vinna lengri vinnudag en skila minni af-
köstum á unna klukkustund en nágrannaþjóðirnar. Þetta kemur fram í rannsókn prófessors við HÍ.
MINNI AFKÖST Lengd vinnuvikunnar er talsvert lengri hér en hjá frændþjóðum
Íslendinga á hinum Norðurlöndunum. „Við skilum tiltölulega litlum afköstum á
hverja vinnustund miðað við þjóðirnar í kringum okkur,“ segir Stefán Ólafsson
prófessor.