Fréttablaðið - 24.01.2008, Blaðsíða 56

24. janúar 2008 FIMMTUDAGUR
menning@frettabladid.is
Sýning á myndlist úr eigu verslun-
areigandans fyrrverandi, Sævars
Karls Ólasonar, opnaði um síðustu
helgi í Gerðarsafni. Sævar hefur
lengi safnað myndlist og á stórt og
áhugavert safn verka, en á sýning-
unni má sjá úrval þeirra. Segja
mætti að Sævar hafi „valið aðeins
það besta“ úr safni sínu á sýning-
una enda er hann þekktur fyrir
sinn góða og vandaða smekk.
Á meðal þess sem sjá má á sýn-
ingunni eru verk eftir Gunnlaug
Blöndal, Kristján Davíðsson og
marga af þekktustu samtímalista-
mönnum þjóðarinnar. Að auki eru
til sýnis áhugaverð verk eftir
erlenda listamenn og bera þar
hæst fimm sjaldgæfar litógrafíur
eftir Salvador Dalí frá árinu 1971.
Í verkunum myndgerir Dalí hug-
myndir sínar um klæðnað
spjátr unga framtíðarinnar.
Sem alkunna er starfrækti
Sævar Karl lengi gallerí í verslun
sinni í Bankastræti þar sem flestir
af fremstu myndlistarmönnum
þjóðarinnar sýndu verk sín. Á sýn-
ingunni í Gerðarsafni gefst tæki-
færi til að rifja þessar skemmti-
legu sýningar upp þar sem til sýnis
er merkileg röð veggspjalda sem
listamenn gerðu fyrir sýningar
sínar í galleríinu. Veggspjaldaröð-
in gerir sýningargestum kleift að
rekja sögu gallerísins allt til upp-
hafsins og fá yfirlit yfir þau fjöl-
breyttu verk sem þar hafa verið
sýnd.
Vegleg sýningarskrá hefur verið
gefin út í tengslum við sýninguna.
Í henni má meðal annars finna
grein eftir Guðberg Bergsson um
hlutskipti kaupmanna og mál-
verkasafnara og ítarlegt viðtal
Guðbjargar Kristjánsdóttur við
Sævar Karl og konu hans Erlu
Þórarinsdóttur. - vþ
Sævar velur aðeins það besta
SPJÁTRUNGUR FRAMTÍÐARINNAR Ein af
litógrafíum Salvadors Dalí sem sjá má á
sýningunni í Gerðarsafni.
Kl. 20
Heimildarmyndin „Borgarmúrar: Mín eigin
Teheran“ eftir íranska leikstjórann Afsar
Sonia Shafie verður sýnd í Listasafni
Reykjavíkur, Hafnarhúsinu í kvöld kl. 20.
Leikstjórinn verður sjálf viðstödd sýning-
una og svarar spurningum að henni lokinni.
Aðgangur að viðburðinum er ókeypis og
öllum opinn.
> Ekki missa af...
Djasstónleikum á Gauki á Stöng
í kvöld. Fram koma gítarleikarinn
Hilmar Jensson og norski trommu-
leikarinn Oyvind Skarbo og leika
listir sínar fyrir viðstadda. Þeir
félagar hafa komið fram saman
áður á hinni virtu Nattjazz-hátíð
í Bergen í Noregi og fengu þar
mikið lof fyrir leik sinn. Tónleik-
arnir hefjast kl. 21 og miðaverð er
1000 kr.
Þjóðleikhúsið frumsýnir
leikritið Vígaguðinn eftir
franska leikskáldið Yasm-
inu Reza annað kvöld.
Yasmina þessi Reza er
eitt vinsælasta samtíma-
leik skáld heimsins og er
þess skemmst að minnast
þegar uppfærsla Þjóðleik-
hússins á hennar þekktasta
leikriti, Listaverkinu, sló í
gegn árið 1997.
Vígaguðinn er í senn gamansamt
og harmrænt leikrit sem nær að
sameina spennu, grín og áleitnar
vangaveltur um samfélagið. Verk-
ið segir frá tvennum hjónum sem
hittast í kjölfar þess að ellefu ára
gömlum sonum þeirra sinnast á
leikvellinum. Með fundinum ætla
hjónin að ræða málið á siðmennt-
aðan og yfirvegaðan hátt en þegar
líður á kemur í ljós að undir fág-
uðu yfirborði paranna krauma
frumstæðar hvatir. Með hlutverk
hjónanna fara þau Baldur Trausti
Hreinsson, Þórunn Lárusdóttir,
Friðrik Friðriksson og Edda Björg
Eyjólfsdóttir.
Hin óljósu mörk siðmenntunar
og villimennsku sem búa innra
með okkur öllum er því eiginlegt
viðfangsefni verksins. Melkorka
Tekla Ólafsdóttir, leikstjóri sýn-
ingarinnar, segir persónur leik-
ritsins geta komið kunnuglega
fyrir sjónir, enda teflir leikskáldið
saman fjórum einstaklingum sem
eru hálfgerðar erkitýpur í sam-
tímanum. „Reza skoðar nútímann
og siðmenninguna sem honum
fylgir í gegn um þessar fjórar per-
sónur sem mætast til að útkljá erf-
itt mál. Verkið varpar ljósi á
hvernig við þurfum að ná stjórn á
tilfinningum okkar og hvötum til
þess að geta lifað í samfélagi við
aðra. Viðfangsefnið er áleitið og
það má segja að þetta sé óvægið
gamaleikrit.“
Vígaguðinn er nýjasta leikrit
Yasminu Reza og var fyrst frum-
sýnt í Sviss árið 2006 þar sem það
sló umsvifalaust í gegn. Verkið
hefur síðan verið sett upp víða um
heim við miklar vinsældir og góð
viðbrögð gagnrýnenda. „Yasmina
Reza er fyndinn og skemmtilegur
höfundur en kemur um leið fram í
verkum sínum sem glöggur þjóð-
félagsrýnir og hugsuður. Hún beit-
ir einstökum húmor til þess að
vekja okkur til umhugsunar um
ýmsa þætti mannlegrar tilveru.
Henni tekst oft að koma okkur á
óvart með því að varpa nýju ljósi á
ýmsa þætti mannlegrar tilveru.
Hún kann að koma áhorfendum til
að hlæja og fær þá til að hugsa um
leið,“ segir Melkorka.
Leikritið er sýnt á Smíðaverk-
stæðinu, en á þessu leikári helgar
Þjóðleikhúsið sviðið spennandi
erlendri samtímaleikritun. Leik-
myndahönnuðurinn Stígur Stein-
þórsson hefur gert leikmynd sem,
með smávægilegum breytingum,
nær að þjóna þeim þremur sýn-
ingum sem tilheyra þessari leik-
ritasyrpu. Smíðaverkstæðið er
þannig orðið einn helsti vettvang-
ur nútímarýni í Reykjavík í vetur
og ætti því að vekja áhuga allra
þeirra sem láta sig samfélagið
varða. vigdis@frettabladid.is
Villimaðurinn haminn
M
YN
D
Þ
JÓ
Ð
LE
IK
H
Ú
SI
Ð
/E
D
D
I
SIÐAÐAR SAMRÆÐUR Mynd úr
uppfærslu Þjóðleikhússins á
leikritinu Vígaguð.