Fréttablaðið - 24.01.2008, Blaðsíða 51

FIMMTUDAGUR 24. janúar 2008 31
UMRÆÐAN
Kjör aldraðra
Hvers vegna hækkar ríkis-stjórnin ekki lífeyri aldraðra
frá almannatryggingum eins og
lofað var fyrir kosningar? Hvers
vegna segir ríkisstjórnin að hún
sé að bæta kjör aldraðra, þegar
hún er eingöngu að draga úr
tekjutengingum, sem aðeins
koma hluta eldri borgara til góða?
Ellilífeyrisaldur er 67 ára. Þegar
fólk hefur náð þeim aldri getur
það farið á eftirlaun. Það hefur þá
lokið starfsævi sinni. Þeir eru til-
tölulega fáir, sem vilja halda
áfram að vinna. Aðgerðir ríkis-
stjórnar til þess að bæta kjör
aldraðra eiga að sjálfsögðu að
miðast við þá, sem eru orðnir elli-
lífeyrisþegar og hættir störfum.
Aðgerðirnar eiga ekki eingöngu
eða fyrst og fremst að miðast við
þá sem eru heilsuhraustir og
kjósa að vinna áfram. Það er
mikill minnihluti aldraðra. Og
það á ekki að blekkja eldri borg-
ara og tala eins og það sé verið að
bæta kjör allra eldri borgara,
þegar aðeins er verið að
bæta kjör þeirra, sem eru
á vinnumarkaðnum.
Það eru nú átta mánuðir
frá því að ríkisstjórn Sjálf-
stæðisflokks og Samfylk-
ingar tók við völdum en
samt hefur lífeyrir aldr-
aðra, sem hættir eru að
vinna, enn ekki hækkað
um eina krónu fyrir til-
stuðlan ríkisstjórnarinnar.
Félag eldri borgara í
Reykjavík hefur sam-
þykkt að lífeyrir eldri borgara
verði miðaður við neysluútgjöld
samkvæmt könnun Hagstofu
Íslands.
Hagstofan birti slíka könnun
18. desember 2007. Þá voru
neysluútgjöld einhleypinga komin
í 226 þúsund krónur á
mánuði, að viðbættri
vísitöluhækkun frá því
könnunin var gerð.
Skattar eru ekki með-
taldir í könnun Hag-
stofunnar. 60+ hjá Sam-
fylkingunni hefur gert
svipaða ályktun og
Félag eldri borgara í
Reykjavík, þ.e. að miða
eigi lífeyri aldraðra við
neyslukönnun Hagstof-
unnar.
Lífeyrir aldraðra frá almanna-
tryggingum er í dag 130 þúsund
krónur á mánuði hjá einhleyping-
um, sem ekki eru í lífeyrissjóði,
þ.e. fyrir skatta eða 118 þúsund
eftir skatta. Það vantar því 108
þúsund á mánuði upp á að lífeyrir-
inn dugi fyrir neysluútgjöldum.
Tilkynning ríkisstjórnarinnar um
að hún ætli að láta þá, sem ekki
eru í lífeyrissjóði, fá 25 þúsund á
mánuði úr lífeyrissjóði frá 1. júlí
nk. hrekkur skammt til þess að
brúa þetta bil. Mjög lítill hópur
fær þessa upphæð og hún verður
skattlögð og veldur skerðingu
tryggingabóta eins og allar tekjur
úr lífeyrissjóði. Hjá einhleypingi
verða ekki nema rúmlega 8 þús-
und krónur eftir á mánuði þegar
búið er að skerða þessa upphæð
með sköttum og skerðingu bóta.
Þetta útspil ríkisstjórnarinnar er
því aðeins til málamynda.
Samfylkingin lofaði því fyrir
síðustu kosningar að hún ætlaði
að leiðrétta lífeyri aldraðra og
miða hann við neysluútgjöld sam-
kvæmt neyslukönnun Hagstof-
unnar. Sú leiðrétting yrði gerð í
áföngum. Fyrsti áfangi þessarar
leiðréttingar hefur ekki tekið
gildi enn. Það er ekki nóg að draga
úr tekjutengingum til þess að
efna þetta loforð. Kjarabætur til
aldraðra verða að ná til allra elli-
lífeyrisþega en ekki eingöngu
þeirra, sem eru á vinnumarkaði.
Það á ekki að mismuna eldri borg-
urum. Sjálfstæðisflokkurinn hét
eldri borgurum einnig kjarabót-
um fyrir síðustu kosningar. Ég tel
því að ríkisstjórnin sé skuldbund-
in til þess að bæta kjör eldri borg-
ara myndarlega með hækkun líf-
eyris allra en ekki hluta eldri
borgara.
Höfundur situr í stjórn 60+.
Hvers vegna hækkar ekki lífeyrir eldri borgara?
UMRÆÐAN
Umferðaröryggi
Ingólfur Sverrisson skrifar grein á þriðjudag um Vegavernd
Sjóvár sem er ný þjónusta við við-
skiptavini félagsins sem lenda í
því að bíll þeirra bilar. Ég vil nota
tækifærið og þakka Ingólfi fyrir
þann áhuga sem hann sýnir Vega-
vernd Sjóvá en
þessi nýja þjón-
usta hefur vakið
mikla athygli og
margir STOFN-
félagar Sjóvár
hafa þegar nýtt
sér hana.
Ingólfur veltir
fyrir sér hvort
réttlætanlegt sé
fyrir Sjóvá að
gefa öllum
STOFN-félögum þessa þjónustu
endurgjaldslaust þar sem það hljóti
að þýða hærri iðgjöld. Miðað við
eftirspurnina eftir þessari þjón-
ustu félagsins fyrstu vikurnar er
ljóst að það er þörf fyrir hana.
Vegaþjónusta fagmanna eins og
FÍB, sem sinna þessari þjónustu,
getur skilað sér í færri tjónum.
Nokkur slys hafa orðið hér og
erlendis þar sem bílar hafa bilað og
ökumenn ekki staðið rétt að
málum.
Sjóvá vill fara nýjar leiðir í for-
vörnum og umferðarmálum. Boð
okkar til ríkisins um að flýta fram-
kvæmdum við stofnbrautir eins og
Suðurlandsveg og Vesturlandsveg
eða gjöf okkar til viðskiptavina um
vegavernd eru leiðir sem geta
stuðlað að fækkun slysa og öryggi í
umferðinni.
Ingólfur bendir einnig á að þjón-
ustan sé einungis veitt á
höfuðborgar svæðinu, Árborg,
Reykjanesbæ og á Akureyri. Við
stefnum á að veita þessa þjónustu
til 80% af íbúum landsins og munum
þegar á næstu vikum tilkynna um
stækkun þjónustusvæðisins í sam-
vinnu við FÍB.
Höfundur er forstjóri Sjóvár.
Vegavernd
eykur
forvarnir
BJÖRGVIN
GUÐMUNDSSON
ÞÓR SIGFÚSSON
Hringdu í síma
ef blaðið berst ekki
ÖRUGG FJÁRFESTING — TRYGGÐUR HÖFUÐSTÓLL
Sölutímab
il
17. -24. ja
n.
Kynntu þér málið á kaupþing.is, í síma 444 7000,
eða komdu við í næsta útibúi.
ICEin 0708
sex mánuði
11% á tímabilinu
sem jafngildir 23% á ársgrundvelli
OMXI15
17. - 24. janúar
EURin 0708
sex mánuði
15% á tímabilinu
sem jafngildir 32% á ársgrundvelli
gengi evrunnar
17. - 24. janúar
Nú getur þú tekið þátt í að fjárfesta á hlutabréfamarkaðnum eða í gengi mynta án þess
að eiga á hættu að tapa höfuðstól og átt möguleika á góðri ávöxtun.
tveimur nýjum reikningum, ICEin 0708 og EURin 0708,
Nýjung
Bundið í

6 mánuð
i