Fréttablaðið - 24.01.2008, Blaðsíða 70
50 24. janúar 2008 FIMMTUDAGUR
EM Í NOREGI
HENRY BIRGIR GUNNARSSON
skrifar frá Þrándheimi
henry@frettabladid.is
Evrópumótið í handbolta:
Milliriðill I.
Króatía-Svartfjallaland 34-26
Pólland-Danmörk 26-36
Slóvenía-Noregur 33-29
Stigin: Danmörk 6 stig, Króatía 6, Noregur 5,
Slóvenía 4, Pólland 3, Svartfjallaland 0.
Milliriðill II.
Spánn-Svíþjóð 26-27
Þýskaland-Frakkland 23-26
Ísland-Ungverjaland 36-28
Mörk Íslands (skot): Snorri Steinn Guðjónsson
11/1 (15/2), Guðjón Valur Sigurðsson 6/2 (11/2),
Róbert Gunnarsson 5 (7), Ólafur Stefánsson 5/1
(11/2), Alexander Petersson 4 (7), Hannes Jón
Jónsson 2 (2), Logi Geirsson 2 (3), Ásgeir Örn
Hallgrímsson 1 (1).
Varin skot: Hreiðar Guðmundsson 18/1 (37/6),
49%, 49 mínútur. Birkir Ívar Guðmundsson 1
(10/2) 10%, 11 mínútur.
Skotnýting: 63% skorað úr 36 af 57 skotum.
Vítanýting: 67% skorað úr 4 af 6 skotum.
Fiskuð víti: 6 (Ólafur 3, Sigfús 1, Guðjón Valur 1
og Róbert 1.
Hraðaupphlaup: 8 (Snorri Steinn 3, Guðjón
Valur 2, Róbert 2 og Alexander 1).
Utan vallar: 8 mínútur (Sverre 2, Sigfús 1 og
Vignir 1).
Mörk Ungverjalands (skot): Tamás Mocsai 6
(10), László Nagy 5 (11), Balázs Laluska 4 (6),
Tamás Iváncsik 3 (4), Gergö Ivánsik 2 (3), Gábor
Császár 2 (4), Fernc Ilyés 2 (6), Szabolcs Zubai 1
(1), Szabolcs Törö 1 (2), Nikola Eklemovics 1 (3),
Gyula Gál 1 (4).
Varin skot: Nenad Puljezevic 11 (36/3), 31 %.
Nandor Fazekas 6 (17/3), 35%.
Fiskuð víti: 4.
Hraðaupphlaup: 5.
STAÐAN:
Frakkland 4 4 0 0 +17 8
Svíþjóð 4 2 1 1 +2 5
Þýskaland 4 2 0 2 +1 4
Ungverjaland 4 1 1 2 -5 3
Spánn 4 1 0 3 -1 2
Ísland 4 1 0 3 -14 2
Iceland Express-deild kvk:
Keflavík-Grindavík 95-72 (43-44)
Stig Keflavíkur: Takesha Watson 28 (12
stoðs., 6 stolnir), Susanne Biemer 21, Margrét
Kara Sturludóttir 19 (15 frák., 5 varin), Pálína
Gunnlaugsdóttir 11 (8 frák.), Birna Valgarðsdóttir
10, Rannveig Randversdóttir 6.
Stig Grindavíkur: Tiffany Roberson 28 (16 frák.),
Ingibjörg Jakobsdóttir 12 (7 stoðs.), Jovana
Lilja Stefánsdóttir 11 (6 stoðs.), Petrúnella
Skúladóttir 11, Íris Sverrisdóttir 4, Ólöf Helga
Pálsdóttir 3, Joanna Skiba 3.
Fjölnir-KR 58-68
Enski deildarbikarinn:
Everton-Chelsea 0-1
0-1 Joe Cole (69.). Chelsea vann samanlagt 3-1
og mætir Tottenham í úrslitaleik deildarbikarsins.
ÚRSLITIN Í GÆR
HANDBOLTI Loksins, loksins. Það
var fyrsta hugsunin eftir að
íslenska landsliðið hafði kjöldregið
Ungverja, 36-28, í Trondheim
Spektrum. Loksins sýndu strák-
arnir sitt rétta andlit og þann
handbolta sem þeir geta vel spilað
og hefðu átt að spila frá upphafi á
þessu móti.
Rétt eins og venjulega byrjaði
íslenska liðið mjög illa í leiknum.
Strákarnir voru komnir fjórum
mörkum undir, 4-8, eftir aðeins
ellefu mínútur og allt í volli. Sókn-
in vandræðaleg, vörnin léleg og
markvarslan engin. Alfreð var
nóg boðið og tók leikhlé.
Leikur liðsins var allur betri í
kjölfarið. Vörnin þéttist og Hreið-
ar náði sér vel á strik þar fyrir
aftan. Snorri Steinn fór hreinlega
hamförum í sókninni og fyrr en
varði var Ísland búið að jafna leik-
inn, 12-12.
Það var jafnt þegar flautað var
til leikhlés, 16-16, og vel gert hjá
strákunum að koma sér inn í leik-
inn og lykillinn að því var að fá
loksins markvörslu.
Íslenska liðið kom geysilega
grimmt inn í síðari hálfleikinn, og
vörnin var á tánum, Hreiðar í
fantaformi og sóknarleikurinn
spilaðist loksins af eðlilegri getu
þar sem menn höfðu sjálfstraust í
skotunum og öll skot lágu í ung-
verska markinu.
Ungverjarnir vissu ekki hvaðan
á sig stóð veðrið og í stöðunni 24-
19 tóku þeir leikhlé. Það breytti
engu fyrir Ungverjana því
íslensku strákarnir héldu áfram
að keyra yfir þá af fullum krafti
og buðu upp á leiftrandi hand-
bolta.
Leikur liðsins náði hámarki
þegar Guðjón Valur skoraði glæsi-
legt sirkusmark þegar tíu mínútur
lifðu leiks og kom Íslandi um leið í
28-22 og ballið í raun búið.
Frábær sigur var staðreynd hjá
strákunum okkar og var virkilega
gaman að fylgjast með liðinu í
gær. Hreiðar og Snorri voru menn
dagsins en þeir áttu báðir frábær-
an leik. Ólafur óx er leið á leikinn,
Alex var traustur og Róbert drjúg-
ur. Vonandi verður framhald á
þessu í leiknum gegn Spánverjum
í dag.
Velkomnir til Noregs
Íslenska landsliðið sýndi loksins sitt rétta andlit þegar það pakkaði Ungverjum
saman í Þrándheimi í gærkvöldi með átta marka mun, 36-28, í milliriðli II.
FRÁBÆR Í GÆR Snorri
Steinn Guðjónsson átti frá-
bæran leik gegn Ungverj-
um í gær eftir að hafa átt
erfitt uppdráttar í hinum
leikjum Íslands á EM.
FRÉTTABLADID/PJETUR
HANDBOLTI Alfreð Gíslason
var sáttur við sína menn í
gærkvöldi og kvað liðið
loksins hafa verið að spila
á eðlilegri getu.
„Loksins náðum við
virkilega góðum leik á
okkar hraða. Þetta er svip-
aður bolti og á HM í fyrra
þar sem við spiluðum mjög
vel,“ sagði landsliðsþjálf-
arinn Alfreð Gíslason eftir
sigurinn á Ungverjum í
gær.
„Vörnin virkaði vel, mjög
góð markvarsla hjá
Hreiðari og fyrir vikið var
mun hraðari bolti í okkar
leik. Það voru flestallir að
spila vel og þann bolta sem
við höfum ætlað okkur að
spila. Ég var ekkert stress-
aður þó svo að við lentum
fjórum mörkum undir því
við vorum að gera hlutina
rétt en skjóta illa og taka
óþarfa áhættu. Ég bað Óla
um að hætta að hanga of
mikið á boltanum því þá
slokknar á Snorra því hann
er góður að nýta sér hrað-
ann í sókninni,“ sagði
Alfreð en hann er samt
eðlilega svekktur að liðið
skuli ekki hafa sýnt slíkan
leik fyrr í mótinu.
„Það er mjög svekkjandi
og líka að við skulum hafa
spilað svona
illa í upphafi
gegn Þjóðverjum
því við hefðum
getað unnið þann
leik. Við áttum ekki
möguleika gegn
Frökkum og við hefð-
um líka getað gert
betur gegn Svíum. Von-
andi náum við öðrum
álíka leik gegn Spánverj-
um því sigur þar gæti lyft
okkur í fjórða sæti riðils-
ins og það væri ásættan-
leg niðurstaða eftir það
sem á undan er gengið,“
sagði Alfreð að lokum.
- hbg
Alfreð Gíslason var afar sáttur við leik sinna manna gegn Ungverjum í gær:
Svona er okkar bolti
SÁTTUR Alfreð Gíslason
var afar ánægður.
FRÉTTABLADID/PJETUR
HANDBOLTI „Við megum ekki tapa
okkur í gleðinni þótt við höfum
unnið einn leik en í dag náðum við
loksins að gera það sem við
höfum ætlað að gera í undanförn-
um leikjum,“ sagði línumaðurinn
Róbert Gunnarsson sem átti fínan
leik.
„Ég held að fólk geri sér ekki
grein fyrir því hversu erfitt það
er að rífa sig upp eftir hverja
skituna á fætur annarri. Það eru
allir pirraðir á okkur og við erum
pirraðir út í sjálfa okkur. Þess
vegna er ljúft að hafa unnið og
vonandi klárum við mótið með
sigri.“ - hbg
Róbert Gunnarsson:
Það var erfitt
að rífa sig upp
SIGRI FAGNAÐ Róbert Gunnarsson,
Vignir Svavarsson, Snorri Steinn Guð-
jónsson og Guðjón Valur Sigurðsson
fagna sigri í gær. FRETTABLADID/PJETUR
Allt annað var að sjá leik
íslenska liðsins gegn Ungverjum
í gær en í undanförnum leikjum
þó að gæði handknattleiksins
hefðu ekki endilega verið
einhverjum klössum betri.
Leikmenn voru einfaldlega mun
frískari að sjá og komu mun
afslappaðri til leiks.
Ekki er ólíklegt að menn hafi
litið svo á að þetta gæti ekki
orðið mikið verra og menn hefðu
úr þessu engu að tapa.
Alfreð gerði ákveðnar
breytingar á vanaföstu byrjun-
arliði jafnt í sókn sem vörn.
Hvort sem það hafi verið
lykillinn að sigri okkar manna
veit ég ekki en allavega hafði
það þau áhrif, að allt flæði varð
einfaldlega betra og leikur
liðsins meira líkur því sem við
eigum að venjast.
Varnarleikur liðsins framan af
var ekki mjög sannfærandi og
Birkir í markinu fann sig ekki.
Ungverjar leiddu því leikinn
framan af og náðu mest fjögurra
marka forystu.
Sem betur fer, samhliða því,
þá gekk sóknarleikurinn vel og
því vorum við aldrei langt
undan.
Með innkomu Hreiðars í
markið fóru hlutirnir að snúast á
betri veg og smátt og smátt
komst liðið að nýju inn í leikinn.
Það var síðan frábær seinni
hálfleikur og þá einkum fyrstu
15 mínútur hálfleiksins þar sem
frábær markvarsla, góð vörn og
fjölbreyttur sóknarleikur leit
dagsins ljós, sem kláruðu
leikinn.
Sóknarleikur liðsins var allur
annar en í undanförnum leikjum
og kom þar einkum til frábær
leikur Snorra Steins sem sýndi
loks sitt rétta andlit og sýndi hve
mikilvægur hlekkur hann er í
leik íslenska liðsins. Ekki
einungis stjórnaði hann sóknar-
leik liðsins mun betur en í
undanförnum leikjum heldur var
hann einnig sjálfur mjög ógnandi
og hreyfanlegur sem skilaði frá
honum ellefu góðum mörkum.
Hreiðar stóð sig frábærlega í
markinu og hreinlega lokaði því
á mjög mikilvægum
augnablikum. Óli og Alex skiluðu
sínu og voru virkilega ógnandi
og Guðjón kom sterkur inn í
seinni hálfleik eftir frekar
mistækan fyrri hálfleik. Sverre
kom sterkur inn í varnarleikinn
og það var ánægjulegt að sjá
hvernig hópnum tókst að vinna
sig út úr þeim mótbyr sem það
lenti í í upphafi leiks og ná að
snúa leiknum sér í hag með jafn
öflugum hætti.
Almennt stóðu allir leikmenn
liðsins sig vel og eiga hrós skilið
fyrir góðan vinnusigur, vinnusig-
ur sem hefur náð að kveikja
vonir manna að liðinu takist,
þrátt fyrir allt, að öðlast þátt-
tökurétt í forkeppni fyrir næstu
Ólympíuleika.
SÉRFRÆÐINGURINN GEIR SVEINSSON FJALLAR UM EM Í HANDBOLTA
Allir leikmenn liðsins eiga hrós skilið
HANDBOLTI Hreiðar Guðmundsson
markvörður átti stjörnuleik gegn
Ungverjum en markvarslan hans
átti stóran þátt í glæstum sigri.
„Þetta var allt annað líf. Ég var
rólegri og það munaði um það. Þá
leið mér betur. Ég er mun sáttari
núna en eftir síðustu leiki. Mér
leið mjög illa eftir síðasta leik en
núna fær maður blóm í hjartað,“
sagði Hreiðar kátur.
„Það var ekki hægt að fara í
gegnum keppnina með þessari
spilamennsku. Vissulega er erfitt
að rífa sig upp en við sýndum að
við getum varið vel og liðið getur
spilað þetta fínan bolta.“ - hbg
Hreiðar Guðmundsson:
Blóm í hjartað
ÖFLUGUR Hreiðar Guðmundsson átti
frábæran leik fyrir Ísland í gærkvöldi og
varði 18 skot. FRETTABLADID/PJETUR
HANDBOLTI Snorri Steinn Guðjóns-
son hafði ekki fundið sig sem
skyldi á mótinu en minnti heldur
betur á sig í gær með frábærum
leik.
„Það var kominn tími til að ég
sýndi eitthvað. Þetta hefur ekki
verið nógu gott hjá okkur og
maður hefur oft sofið betur. Við
vissum hvað bjó í liðinu og
sýndum það loksins,“ sagði Snorri
en hann hefur ekki verið nógu
sáttur við sjálfan sig á mótinu.
„Ég hef verið mjög slakur og
fer ekkert í felur með það. Sama
hvernig fer gegn Spánverjum
verð ég aldrei fyllilega sáttur
með minn leik á þessu móti.
Svona er þetta í handbolta. Maður
finnur sig stundum vel og
stundum ekki.“
- hbg
Snorri Steinn Guðjónsson:
Kominn tími á
þetta
Á FULLRI FERÐ Ólafur Stefánsson er
kominn á fulla ferð eftir meiðslin og hér
sést hann skora eitt af fimm mörkum
sínum gegn Ungverjalandi í gær.
FRETTABLADID/PJETUR