Fréttablaðið - 24.01.2008, Blaðsíða 38

24. JANÚAR 2008 FIMMTUDAGUR6 ● fréttablaðið ● vetrarlíf
Í Team Lexi sleðaskólanum gefst færi
á að læra undirstöðuatriðin í vélsleða-
mennsku áður en þeyst er af stað upp
um fjöll og firnindi.
„Við kennum undirstöðuatriði í vélsleða-
mennsku. Hvernig best er að stjórna sleð-
anum, stýra honum í lofti, stökkva rétt,
beygja, fara upp og niður hengjur í ferðum
og svo framvegis,“ segir Alexander Kára-
son um starfsemi Team Lexi Sleðaskólans,
sem hefur nú verið starfræktur í fimm ár
með aðalbækistöðvar á Ólafsfirði.
Alexander, gjarnan kallaður Lexi, fór
upphaflega af stað með námskeið til að
fjölga nýliðum í sportinu, sem honum þótti
bera of mikinn keim af einkaklúbbi. Fyrst
um sinn var aðeins eitt námskeið í boði,
sniðið að drengjum frá fjórtán ára aldri, og
vegna þess hversu vel gekk var grunnur-
inn lagður að skólanum.
„Þetta stækkaði síðan, sérstaklega í fyrra
en þá urðu nemendurnir um fimmtíu tals-
ins. Í framhaldi fórum við að kenna snjó-
krossnámskeið fyrir stráka og stelpur, þar
sem kennd eru undirstöðuatriðin í keppnis-
mennsku,“ segir Alexander og bætir við að
nú sé kennt sérstakt kvennanámskeið fyrir
konur og er aldurstakmarkið fimm tán ára
aldur.
„Ég ætla að halda námskeið að beiðni
kvenna sem eru að keppa og vilja fjölga
konum í greininni,“ segir hann. „Upphaf-
lega átti þetta að verða dagsnámskeið en
svo skráðu sig svo margir að ég breytti því
í helgarnámskeið sem fer fram um næstu
helgi, en enn er hægt að skrá sig. Líkt og
á öðrum námskeiðum er innifalin gisting,
kvöldmatur, sleði og hlífðarbúnaður og í
þessu tilviki einnig tveggja daga kennsla.“
Skólinn heldur líka námskeið fyrir björg-
unarsveitarmenn og ferðahópa að sögn
Alexanders. „Í síðara tilvikinu er helming-
ur dagsins tekinn í braut, hinn í ferð þar
sem farið er yfir helstu öryggisatriði til að
auka kunnáttu og öryggi á fjöllum. Þetta
er svipað því þegar menn eru látnir rífa í
handbremsu á möl, þeir verða að upplifa
það til að skilja hvað átt er við. Svo eru þeir
látnir endurtaka leikinn, til að koma þessu
upp í vana.“
Alexander er því önnum kafinn við
rekstur skólans, auk þess sem hann hefur
í nógu að snúast við gerð sjónvarpsþáttar-
aðar um vélsleðamennsku og vetrarsport
sem frumsýna á næsta vetur. „Já, þetta
verða vonandi fjórtán þættir,“ segir Alex-
ander hress í bragði. „Helmingurinn snýst
um keppni, hinn um allt sem því við kemur;
almenna vélsleðamennsku og ferða-
mennsku, þar sem farið er í fjallaferðir
og lit ríkir karakterar heimsóttir. Þættirnir
munu heita Snow X og margt bendir til að
þeir verði sýndir á Skjánum.“
Nánari upplýsingar um starfsemi Team
Lexi sleðaskólans á www.lexi.is. - rve
Þátttakendum er kennt að stjórna sleðanum, stýra
honum í lofti, stökkva rétt, beygja, fara upp og
niður hengjur í ferðum og svo framvegis.
Þátttakendur á vélsleðanámskeiðum skólans urðu um fimmtíu talsins á síðasta ári, sem varð til þess að
námskeiðum var fjölgað.
Á námskeiðum Team Lexi sleðaskólans eru kennd
undirstöðuatriði í vélsleðamennsku og svo keppnis-
mennsku fyrir þá sem eru lengra komnir.
Vill fjölga konum á vélsleðum
Ólíkt því sem ætla mætti við fyrstu sýn er gaupan á
myndinni ekki að ráðast til atlögu, heldur er þetta
húfa sem Alexander ber jafnan með stolti. Þess má
jafnframt geta að hann er fjórfaldur Íslandsmeistari
í snjókrossi.
FULL BÚÐ
AF GÓÐUM
TILBOÐUM
www.markid.is sími 553 5320 Ármúla 40
P
IP
A
R
• S
ÍA