Fréttablaðið - 24.01.2008, Blaðsíða 64

44 24. janúar 2008 FIMMTUDAGUR
folk@frettabladid.is
Íslenska ríkissjónvarpið teygir
lopann mest allra sjónvarpsstöðva
í Evrópu við val Eurovision-lags-
ins í ár.
Frá því að keppnin hófst 6. okt-
óber og þar til henni lýkur 23.
febrúar hafa sautján þættir farið í
að velja eitt lag úr 33 laga potti –
nítján þættir séu tveir
upprifjunarþættir taldir með.
Nú stendur yfir undanúrslita-
keppni þar sem tólf laga pottur
verður skorinn niður í átta laga
pott. Þessi átta keppa svo í loka-
þættinum 23. febrúar. Þá kemur
loksins í ljós tæpum fimm mánuð-
um eftir að keppnin hófst hvaða
lag er íslenska Eurovision-lagið í
ár.
Í ár senda 43 þjóðir lög í keppn-
ina sem fer fram í Serbíu í maí.
Aðeins Búlgaría kemst með tærn-
ar að hælum RÚV í langlokugerð.
Búlgarar taka fjórtán þætti í að
velja sitt lag. Flestar þjóðir teygja
lopann mun minna en RÚV. Danska
ríkissjónvarpið er til dæmis bara
með fjórar sjónvarpsútsendingar
til að velja sitt lag úr sextán laga
potti. Þar greiða áhorfendur
atkvæði með því að senda sms-
skilaboð og kostar atkvæðagreiðsl-
an eina krónu danska. Á Íslandi
kostar hvert atkvæði 99,90 kr.
Íslendingar teygja
lopann mest allra
Borgarfulltrúinn Gísli
Marteinn verður gestadóm-
ari í Laugardagslögunum.
Gísli Einarsson segir nafna
sinn vera sérfræðing á
þessu sviði.
„Ég á von á Gísla Marteini fun-
heitum og grimmum, að hann
komi skeleggur til leiks eftir að
hafa verið að róta í skítnum í
borgarmálunum. Án þess að við
ætlum að blanda borgarmálum í
Laugardagslögin – þar ræður gras-
rótin. Þar vélar þjóðin um,“ segir
Gísli Einarsson, annar stjórnenda
Laugardagslaganna í Sjónvarp-
inu.
Áfram halda menn ótrauðir við
að finna framlag Íslendinga í Eur-
ovision í Laugardagslögunum. Og
næsti gestadómari er Gísli Mart-
einn Baldursson sem Gísli segir:
„Júrónörd par excellence – hefur
fylgst með keppninni frá örófi
alda. Hann telst sérfræðingur þó
ekki sé hann tónlistarmaður. Svo
er bara aldrei of mikið af Gísla.“
Gísli Marteinn fylgir í fótspor
Eyfa og Halla í Botnleðju sem sér-
legur gestadómari.
Þegar Fréttablaðið náði tali af
Gísla Einarssyni var hann stadd-
ur í Noregi, nýkominn úr norsku
fjósi. Aðspurður segir hann
fjósalyktina alltaf jafn góða en
íslensk fjósalykt sé þó ferskari
en sú norska.
Af þeim 47 þjóð-
um sem
leita nú
eftir sínu
framlagi
til keppn-
innar teygir
enginn lopann
líkt og sú
íslenska. Eins
og fram kemur
hér að neðan. Gísli kvartar ekki.
Segist njóta þeirra einstöku for-
réttinda að verja 19 kvöldum með
Ragnhildi Steinunni. „Svo hefur
reynslan kennt okkur að við þurf-
um öðrum fremur að vanda til
valsins. Þetta verður vonandi til
að gulltryggja að við veljum hár-
rétta lagið.“
Svo er skemmtanagild-
ið ótvírætt að mati
Gísla. Hann segir alla
fylgjast með hvort
sem þeir viðurkenni
það eður ei.
jakob@frettabladid.is
Gísli Marteinn
gestadómari í
Eurovision
GÍSLI MARTEINN „Júrónörd par excel-
lence“ að sögn nafna síns.
GÍSLI EINARS-
SON Það
að lop-
inn sé
teygður
verður von-
andi til þess
að hárrétt
framlag
finnst.
„Deginum áður en ég gaf Davíð
kristalskúluna sá ég þetta enn betur.
Já, Davíð sá fyrir að borgarstjórnin
myndi fara frá,“ segir Sirrý Sigfús
spákona. Það kom henni ekki á óvart að
borgarstjórnarmeirihlutinn undir
forystu Dags B. Eggertssonar skyldi
falla.
Fréttablaðið greindi nýverið frá því
þegar Sirrý spá, eins og hún er jafnan
kölluð, gekk á fund Davíðs Oddssonar
seðlabankastjóra. Þetta var þegar
Davíð hélt upp á sextugsafmæli sitt,
einmitt í ráðhúsinu, en við það tæki-
færi gaf Sirrý Davíð forláta spákrist-
alskúlu í afmælisgjöf. Í þessari
kristalskúlu hefur Sirrý séð fyrir
atburði en hún er jafnframt einlægur
aðdáandi Davíðs Oddssonar. Svo mikill
að hún skírði kúlu sína, sem fylgt
hefur spákonunni í á annan tug ára,
Davíð. Þannig má segja að Davíð hafi
séð fyrir brotthvarf Dags. „Sko, ég
vissi þetta alltaf, eða upp úr áramótum,
en kíkti betur í kúluna rétt áður en ég
kyssti hana að skilnaði. Og þá var þetta
alveg greinilegt.“
Aðspurð segir Sirrý reyndar að það
megi vera að kristalskúlan sé hlut-
dræg. Það kæmi henni ekki á óvart.
„Kristalskúlur eru jákvætt vopn.”
Verandi sammála Davíð Oddssyni í
einu og öllu var Dagur ekki Sirrý að
skapi. Hún segir borgarstjórnina sem
nú er að hverfa frá ekki hafa gert neitt.
Varðandi hinn splunkunýja borgar-
stjórnarmeirihluta segist Sirrý ekki
vera búin að tékka á honum né Ólafi F.
Magnússyni neitt sérstaklega. Ennþá.
- jbg
Davíð sá fyrir brotthvarf Dags
Þórhallur Sigurðsson stefnir á að
ná yfir eitt hundrað sýningum af
Ladda 6-Tugum í Borgarleikhús-
inu. „Það væri gaman ef þetta
myndi teygjast fram að páskum.
Fyrst maður er kominn þetta
langt væri gaman að ná hundrað
sýningum. Maður reynir að halda
áfram á meðan fólk vill koma og
ef ég fæ einhverja daga í Borgar-
leikhúsinu. Það er dálítill vandi
að hliðra þar til því það bjóst
enginn við þessu,“ segir Laddi.
Hann hélt upp á 61 árs afmæli
sitt á 83. sýningunni á sunnudag
og er því ekki lengur sextugur
eins og nafn sýningarinnar gefur
til kynna. „Núna er það bara sex-
tíu plús,“ segir hann í léttum dúr.
Þrír leynigestir voru á sýning-
unni, þau Edda Björgvinsdóttir
og Júlíus Brjánsson, sem rifjuðu
upp gamla takta úr þáttunum
Heilsubælið í Gerfahverfi, og
Karl Ágúst Úlfsson, sem lék bónd-
ann Eyjólf. „Það var mjög
skemmtilegt að fá þau í heimsókn
og það gerði góða lukku,“ segir
Laddi, sem fékk einnig afhent
gjafabréf á Hilton-hótelið frá
Borgarleikhúsinu, Senu og með-
leikendum sínum.
Var haft á orði meðal viðstaddra
að Laddi gæti boðið konu sinni á
„Dirty-weekend“ á Hilton-hótel-
inu.
Hann segist snortinn yfir vin-
sældum sýningarinnar. „Þetta er
eiginlega sjötíu og níu sýningum
meira en ég bjóst við,“ segir hann
og er einnig í skýjunum yfir góðu
gengi tveggja safnplatna sinna.
„Maður má varla verða sextugur,
þá verður allt vitlaust.“
Spurður hvort hann sé ekki orð-
inn forríkur á Ladda 6-Tugum
segir hann: „Ég er ríkur af ánægju
og að sjá hvað ég á marga vini og
velgjörðarmenn. Það eru allir
búnir að fá sæmilegt fyrir þessa
vertíð enda eru þeir búnir að
leggja rosalega mikið á sig.“ - fb
Laddi fékk „Dirty-weekend“
MEÐ LEYNIGESTUM Laddi ásamt leynigestunum Karli Ágústi Úlfssyni, Júlíusi Brjáns-
syni og Eddu Björgvinsdóttur. FRÉTTABLAÐIÐ/EYÞÓR
SIRRÝ SPÁ Með „Davíð“ áður en Davíð fékk
kúluna en þar mátti sjá fyrir vendingar í borg-
arstjórn.
> VISSIR ÞÚ?
Faðir leikstjórans Quentins Tar-
antino, leikarinn og tónlistar-
maðurinn Anthony Taran-
tino, er af ítölsku bergi
brotinn. Móðir Quentins
er aftur á móti hálfur
Íri og hálfur Cherokee-
indíáni.
ALGER
70-90%
BOMBA
SMÁRALIND OG KRINGLUNNI
VERÐDÆMI:
BOLIR 300 - 1.500
ÚLPUR 1.500 - 2.000
GALLABUXUR 1.500 - 2.000
AFSLÁTTUR AF
ÖLLUM ÚTSÖLUVÖRUM